Օգնիր տուժողին

 «Վելես»  իրավապաշտպան  հասարակական  կազմակերպությունը պաշտոնապես գրանցվել է 2014 թվականի փետրվարին: Մինչ այդ կազմակերպության հիմնադիրները զբաղվել են մարդու իրավունքների պաշտպանության որպես չգրանցված իրավաբանական միություն՝ նախաձեռնող  խումբ: Կազմակերպության նախագահն է` Մարինա Պողոսյանը:

 «Վելես»  իրավապաշտպան  հասարակական  կազմակերպության նպատակներն են.

  • պաշտպանել  Հայաստանի Հանրապետությունում մարդու իրավունքները
  • նպաստել  երկրում ժողովրդավարական գործընթացների եւ օրենքի գերակայության կայացմանը
  • ամրապնդել  հասարակության իրավագիտակցությունը
  • աջակցել իրավական կամայականություններից տուժած անձանձ

Կազմակերպությունը մասնավորապես պայքարում է կոռուպցիայի, ստվերային տնտեսության, խարդախության եւ վաշխառության դեմ, աջակցում է դատաիրավական համակարգում առկա իրավախախտումներից տուժած անձանց,նրանց տրամադրում է անվճար իրավաբանական խորհրդատվություն, ներկայացնում է նրանց շահերը դատական եւ այլ ատյաններում: