«2016-ը բավականին ծանր տարի էր»,- «Առաջին լրատվական»– ի հետ զրույցում անցնող տարին գնահատելով մարդու իրավունքների տեսանկյունից, ասաց «Վելես» իրավապաշտպան կազմակերպության նախագահ Մարինա Պողոսյանը:
Իրավապաշտպանի դիտարկմամբ՝ արիլյան պատերազմն ու հուլիսյան դեպքերը երկրում տիրող գլոբալ անարդարության արտացոլումն էին մեր հասարակության մեջ:
«Մեր բանակը, մեր ազգային անվտանգությունը անմխիթար, լացակումած վիճակում են»,- նշեց իրավապաշտպանը: «Սասնա ծռեր»- ը հանցագործներ չէին, պատահական մարդիկ չէին, նրանց կողմից ՊՊԾ գնդի գրավումն ահազանգ էր այն մասին, թե մեր երկիրն ինչ վիճակում է գտնվում, և որ այլևս այսպես շարունակել հնարավոր չէ»:
