Դատավորը ազդվել է իրավապաշտպանի խոսքից և հանցագործության մասին հաղորդում է ներկայացրել Մ․Պողոսյանի վերաբերյալ
ՀՀ Լոռու մարզի ընդհանուր իրավասության դատարանի դատավոր Սուսաննա Գզոգյանը 2020թ սեպտեմբերին ՀՀ գլխավոր դատախազին հաղորդում է հասցեագրել առ այն, որ 2020թ․ օգոստոսին “Նոյան Տապան” զանգվածային լրատվության միջոցով հեռարձակված հաղորդման ժամանակ իրավապաշտպան Մ․Պողոսյանը իրեն զրպարտել է՝ կասկածի տակ առնելով իր գիտելիքները։
Դատավորի տրված հաղորդման հիման վրա 2020թ․ սեպտեմբերի 3-ին ՀՀ ՔԿ Լոռու մարզային քննչական վարչությունում հարուցվել է քրեական գործ ՀՀ քր․օր․344-րդ հոդվածի 3-րդ մասի հատկանիշներով։
Շուրջ երկու տարի տևած լուրջ հետաքննության արդյունքում 28․02․2022թ․ քրեական գործի վարույթը կարճվել է հանցակազմի բացակայության հիմքով։
Ավելորդ չենք համարում նշել , որ դատավոր Սուսաննա Գզոգյանի կողմից ներկայացված հաղորդումը ավելի հիշեցնում էր վրիժառության ակտ , քանի որ վերջինս վաղուց էր հայտնվել «Ժողովրդական Վեթինգ» նախաձեռնության ուշադրության կենտրոնում։ Մենք նախկինում անդրադարձել էինք նրա բարևարքությանը։
Հ․Գ․ Սուսաննա Գզոգյանը դիմել է Հակակոռուպցիոն մասնագիտացման վերաքննիչ դատարանի դատավորի պաշտոն զբաղեցնելու համար։
