ՀՀ նախկին գլխավոր դատախազ Սուրեն Օսիպովի որդի Վիկտոր Տեր-Հովսեփյանը և ռուս գործարարները Հայաստանում փողերի լվացման մի մեծ գործընթաց են իրականացրել, որը, չգիտես ինչու, վրիպել է իրավապահ մարմինների ուշադրությունից: Այսօր Մեդիա Կենտրոնում Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցն ու «Վելես» իրավապաշտպան ՀԿ-ի նախագահ Մարինա Պողոսյանը ներկայացրին գործի մանրամասները:

Արթուր Սաքունցը նշեց, որ հարյուրավոր թղթեր կան, որոնք ապացուցում են, որ նշված գործում ներգրավված է նախկին դատախազ Սուրեն Օսիպովի ընտանիքը:

«ԱԱԾ-ն բոլոր բանկերում ունի ներկայացուցիչներ: Դուք գիտեք, թե որքան դժվար է մեծ գումարներ կանխիկացնելը: Բայց այս մարդիկ հազարավոր դոլարներ են կանխիկացրել եւ, հատկանշական է՝ ռուս-ադրբեջանական՝ VTB բանկի միջոցով, և դա ԱԱԾ աշխատակիցները չե՞ն տեսել:

Մենք ունենք նաև Կենտրոնական բանկ ու դրան կից ֆինանսական դիտարկումների կենտրոն, որը փողերի լվացման և ահաբեկչության դեմ պայքարով պետք է զբաղվի: Որտե՞ղ են եղել դրանք այս գործարքների ժամանակ: Նաև Հարկային մարմինն է թերի գործել, կադաստրը, որովհետև այդ հողերը պատահական հողեր չեն՝ Կասկադի տարածքի հողերն են: Դրանք , փաստորեն, օտարերկրյա քաղաքացիների են օտարվել, ինչը հակասում է մեր Սահմանադրությանը, իսկ կադաստրը լռել է»,- նշեց Մարինա Պողոսյանը:

Մանրամասները՝ տեսանյութում:

http://www.1in.am/2026445.html