Ռուս գործարարների դիմումների հիման վրա ՀՀ Քննչական կոմիտեի Կենտրոնի բաժնում օտարերկրյա ներդրողներին խարդախության զոհ դարձնելու դեպքերի առիթով հարուցվել է քրեական գործ՝ առանձնապես խոշոր չափերով խարդախություն կատարելու փաստի առթիվ: Տեր-Հովսեփյանը, գործին ներգրավված լինելով վկայի կարգավիճակով, բողոքարկել էր Քննչական կոմիտեի՝ քրեական գործ հարուցելու որոշումը: Մի քանի ամիս տեւած դատաքննության արդյունքում դատարանը (դատավոր Արմեն Բեկթաշյան), մերժեց Տեր-Հովսեփյանի հայցը:

Հիշեցնենք, որ ռուս գործարարների շահերը ներկայացնում է «Վելես» իրավապաշտպան կազմակերպությունը: Կազմակերպության նախագահ Մարինա Պողոսյանը կարծում է, որ Վիկտոր Տեր-Հովսեփյանը հարցը կանխամտածված կերպով տեղափոխել էր դատարան, որպեսզի ժամանակ շահի: «4 ամիս է՝ դատաքննություն է ընթանում, եւ պատեհ-անպատեհ առիթներով իրենք միջնորդում են, որպեսզի երկարաձգվի այս դատապրոցեսը: Սա այն դեպքում, երբ գործով որպես վկա ներգրավված Վիկտոր Տեր-Հովսեփյանի իրավունքները չեն խախտվել, այդ թվում՝ անմեղության կանխավարկածը: Տեր-Հովսեփյանի փաստաբանների հայտարարություններից ստացվում է, որ եթե Հայաստանում մեկը հաղորդում տա ինչ որ մեկի կողմից խարդախության մասին, պետք է բոլորը հարցնեն այդ անձի փաստաբանների կարծիքը՝ նրանք կո՞ղմ են, որ քրեական գործ հարուցվի, թե՞ ոչ: Վաղը կարող են այլ մարդիկ հայտնվել մեղադրյալի աթոռին: Ու եթե մարդը հանգիստ է, գիտի, որ ինքը քրեորեն պատժելի արարք չի կատարել, ապա չպետք է անհանգստանա»,- մեզ հետ զրույցում ասաց Մարինա Պողոսյանը:

Հարցը դատարան տեղափոխելու Տեր-Հովսեփյանի երկրորդ արդյունքը, ըստ իրավապաշտպանի, այն է, որ փաստաբանները դրանով հնարավորություն ունեցան ծանոթանալ քրեական գործի նյութերին եւ մշակել իրենց հետագա մարտավարությունը: Սա, ըստ Մարինա Պողոսյանի, գործը վարող քննիչի բացթողումն է: «Իհարկե, եթե բողոքարկվել է քրեական գործի հարուցումը, գործի նյութերը պետք է ներկայացվեին դատարան: Սակայն քննիչը պարտավոր էր որոշել այն ծավալը, որին փաստաբանները կարող էին ծանոթանալ: Տուժողների ցուցմունքներին ծանոթանալու հնարավորություն քննիչը պարտավոր էր չտալ»,- նշեց Մարինա Պողսյանը:

Հոդվածն ամբողջությամբ սկզբնաղբյուրում

Նախկին ոստիկան, գյումրեցի Թորգոմ Թորոսյանն անզիջում պայքար է մղում իրեն պարտք տված Մելադա Սարգսյանի դեմ, որը փորձում է տիրանալ ԱՄՆ-ի Կարմիր խաչի կողմից նվեր ստացած նրա բնակարանին: Թորգոմը պարտվել է առաջին ատյանի դատարանում, սակայն շարունակում է պայքարը այլ ատյաններում: Արդարադատության նախարար Արփինե Հովհաննիսյանին նա կոչ է անում ուշադրություն դարձնել դատավոր Մեխակ Գևորգյանի «շահադիտական ապօրինությունների վրա»:

Հիշեցնենք, որ Հայաստանում մեծ գումարներ ներդրած ռուս գործարարներ Ալեքսեյ Կորեպանովը, Դմիտրի Աֆոնինը եւ Դմիտրի Կոտովը փորձում են իրավական պատասխանատվության ենթարկել Վիկտոր Տեր-Հովսեփյանին, ով, գործարարների խոսքով, իրենցից յուրացրել է 5 միլիոն դոլարի չափով գումար: Ռուս գործարարների դիմումների հիման վրա ՀՀ Քննչական կոմիտեի Կենտրոնի բաժնում օտարերկրյա ներդրողներին խարդախության զոհ դարձնելու դեպքերի առիթով հարուցվել է քրեական գործ՝ առանձնապես խոշոր չափերով խարդախություն կատարելու փաստի առթիվ (ՀՀ քրեական օրենսգրքի 178 հոդվածի 3-րդ մասի 1-ին կետ): Իսկ Տեր-Հովսեփյանն, առայժմ գործին ներգրավված լինելով վկայի կարգավիճակով, բողոքարկել է դատախազության՝ ռուս գործարարների ցուցմունքների եւ ներկայացրած փաստերի հիմքով քրեական գործ հարուցելու որոշումը:

Իրադարձությունների զարգացմանը մեծ ուշադրությամբ հետեւում է Հայաստանում Ռուսաստանի Դաշնության դեսպանությունը: Դեսպանությունը հետաքրքրված է իր քաղաքացիների շահերի պաշտպանությամբ եւ անգամ նամակով դիմել է ՀՀ իրավապահ մարմիններին՝ պահանջելով ՌԴ քաղաքացիների շահերի լիարժեք պաշտպանություն: Վիկտոր Տեր-Հովսեփյանի շահերի ներկայացուցիչներին՝ 4 հոգիանոց փաստաբանական խմբին, սա առիթ է տվել հայտարարելու, որ ՌԴ իշխանությունները քաղաքական ճնշում են բանեցնում Հայաստանի իրավապահ մարմինների եւ դատական համակարգի, ԱԳՆ-ի եւ, ընդհանրապես, ՀՀ իշխանությունների վրա:

Հոդվածն ամբողջությամբ կարդացեք սկզբնաղյուրում:

Հարգելի տիկնայք եւ պարոնայք,

Սույն հայտարարությամբ ահազանգում ենք ՀՀ Քննչական Կոմիտեի մի շարք աշխատակիցների պաշտոնական լիազորությունների չարաշահումների մասին:  Օրեր առաջ լրացավ «Վելես» հասարակական կազմակերպության գրանցման 2 ամյակը: Այս երկու տարիների ընթացքում  մեր կողմից մոտ  քսան   բողոք դիմումներ, հեռագրեր և  հաղորդումներ են   ներկայացվել  ՀՀ Քննչական կոմիտեի՝ մի շարք քննիչների գործելակերպի   վերաբերյալ, որոնց ի պատասխան ստացել ենք մշտապես ստացել ենք միևնույն, ոչինչ չարտահայտող գրություններ:

Մեր կողմից  ներկայացված դիմումներում և հաղորդումներում նշված  փաստերի համադրությունը անառարկելիորեն վկայում է, որ ՀՀ Սահմանդրությամբ նախատեսված իրենց պարտականություններն իրականցնելու և քաղաքացիների պաշտպանությունը հանցագործություններից և հանցագործներից ապահովելու փոխարեն ՝

• ՀՀ Քննչական կոմիտեն, հանձինս իր աշխատակիցների, բացառիկ հովանավորչություն է դրսևորում ՀՀ նախկին պետական պաշտոնյաների նկատմամբ՝ նրանց անօրինական գործողություններն օրինականցնելու և վերջիններիս  գործողություններից տուժած,  ունեզրկված քաղաքացիների իրավունքների   և  շահերի  ոտնահարման ուղղությամբ

Մասնավորապես խոսքը  վերաբերվում է  ՀՀ քաղաքացիական ավիացիայի նախկին պետ Հովհաննես Երիցյանին, որն ըստ մեր կազմակերպությանը  դիմած մի քանի  ընտանիքների,  տարիներ ի վեր զբաղվում է վաշխառությամբ և բարձր  տոկոսադրույքներով՝ անհայտ ճանապարհով  ձեռք բերված գումարներ տրամադրելով, ինչպես նաև  փաստաթղթային կեղծիքներով   տիրացել է  մի  շարք   ՀՀ քաղաքացիների սեփականությանը:

• ՀՀ Քննչական կոմիտեն, հանձինս իր աշխատակիցների, ճնշումներ և սպառնալիքներ է գործադրում այն անձնաց նկատմամբ, ովքեր բարձրաձայնում և վերոհիշյալ  նախկին  պաշտոնյաjին պատասխանտվության կանչելու պահանջ են ներկայացնում

Այսպես՝  Հ. Երիցյանի  և նրա  գործընկերներ  Վ. Վարդանյանի  և Ա. Այվազյանի  կողմից վաշխառությամբ և խարդախությամբ Գ. Թումասյանի, Զ. Մելիքյանի,  Զ. Գյոզալյանի, Ռ. Պետրոսյանի  գույքերին  տիրանալու  վերաբերյալ հարուցվել են   քրեական գործեր թիվ  17112714 (ՀՀ քրեական օրենսգրքի 325-րդ հոդվածի 1-ին մասով) , թիվ 13127214 (ՀՀ քրեական օրենսգրքի 213-րդ հոդվածի 1-ին մասի): Այս քրեական գործերին  հարուցվելուն զուգահեռ հարուցվել է մեկ այլ քրեական գործ թիվ  13142214 (ՀՀ քր. oրենսգրքի  182-րդ հոդվածի 3 մասի 2-րդ կետի)  իմ՝  «Վելես» Իրավապաշտպան ՀԿ նախագահի Մ. Պողոսյանի  նկատմամբ:

Հատկանշական է որ իմ նկատմամբ հարուցված  քրեական գործը 8 ամիս քննվել է, որի ընթացքում կատարվել են բազմաթիվ քրեադատավարական խախտումներ, մասնավորապես ինձ հետ առերեսումներ են կատարել զենքի առկայությամբ, բազմիցս առաջարկել են  հրաժարվել  Հ. Երիցյանի և  այլոց  վերաբերյալ  հարուցված քրեական գործերից: Քրեական գործի նյութերից կորել են ցուցմունքներ  և ստորագրություններ, ավելին քրեական գործի  քննության ընթացքում ձեռք են  բերվել տեղեկություններ Հ.Երիցյանի կողմից կատարված խոշոր չափերի տնտեսական հանցագործության վերաբերյալ, որը և կոծկվել է    քննիչի և   նրա վերադասի կողմից: Ինչպես նաև թիվ 13142214 քրեական գործի պատվիրատուները  հասկանալով որ  տեղի չեմ տալիս ճնշումներին ի վերջո կարճում են  իմ  վերաբերյալ ակնհայտ  անհիմն  հարուցված թիվ  13142214 քր. գործը, պատճառաբանելով որ անձը  ում  հաղորդման  վրա   հարուցվել էր  քրեական գործը չի ընկալել  իր տրված հաղորդման  բովանդակությունը:

Մեկ այլ նախկին  պաշտոնյաի՝ ՀՀ գլխավոր  դատախազ Ս. Օսիպովի որդուց՝  Վիկտոր Տեր-Հովսեփյանի գործողություններից տուժած օտարերկրյա ներդրողների  շահերի պաշտպանության  և  օտարերկրյա ներդրողների հաղորդումների  հիման վրա  հարուցված թիվ 13811015 քրեկան գործին  զուգահեռ,  ըստ  ՀՀ քննչական կոմիտեի  որոշ աշխատակիցների  որդեգրած արատավոր  պրակտիկայի,  իմ վերաբերյալ հարուցվեց մեկ այլ՝  թիվ 14149815 քրեական գործը, որի շրջանակներում առանց օրինական հիմքերի խուզարկության փորձեր իրականացվեցին  իմ  մտերիմներին պատկանող բնակարաններում,  թիվ 14149815 քրեական գործով  նույնիսկ  վկայի կարգավիճակ  չունեցող անձանց   գույքի վրա  կալանք կիրառվեց, իսկ ինձ հարցաքննելու միջոցով սպառնալիքներ  հնչեցվեցին իմ և իմ ընտանիքի ու մտերիմների հասցեին:

• Փաստացի ՀՀ քննչական կոմիտեն ակնհայտ, անհիմն քրեական գործեր հարուցելու միջոցով փորձում է  ինձ վրա  ճնշում գործադրել, որպեսզի ոչ ես, ոչ մեր կազմակերպությունը չզբաղվի  բարձրաստիճան պաշտոնյաների հակաօրինական գործողություններից  տուժած  ՀՀ և օտարերկրյա քաղաքացիների  շահերի պաշտպանությամբ, որպեսզի  գիտակցենք  որ  ցանկացած փորձ  բարձրաձայնելու նախկին և ներկա  պաշտոնատար  անձանց կողմից կատարված ապօրինությունները  հանգեցնելու է  հերթական քրեական գործի հարուցմանը իմ նկատմամբ

Հարուցված թիվ 14149815 քրեական գործի միջոցով իմ նկատմամբ սպառնալիքների և ճնշումների առնչությամբ ՀՀ Ազգային ժողովի պատգամավորի, ՀՀ Մարդու իրավունքների պաշտպանի, իրավապաշտպան միջազգային կազմակերպությունների դատապարտումները հանգեցրեցին նրան, որ 2015 թվականի հոկտեմբերի 19-ին թիվ թիվ 14149815 քրեական գործը կարճվեց: Այնուամենյանիվ, ՀՀ Քննչական կոմիտեն առավել խիստ շահագրգռվածություն է դրսևորում այդ ճնշումները շարունակելու համար և 2016 թվականի հունվարին վերացվել է  թիվ 14149815 քրեական գործը կարճելու որոշումը:

Ավելին՝ ՀՀ Քննչական կոմիտեի քննիչների կողմից հաստատվել է, որ այդ քրեական գործի հարուցումը ուղղակիորեն կապված է «Վելես» իրավապաշտպան կազմակերպության գործունեության հետ, որը պայքարում է համակարգային խնդիրների հետ և   նման ճնշումները օրինաչափ են:

Մենք հուսով ենք, որ ՀՀ Քննչական կոմիտեի նախագահը պատասխանատվություն կստանձնի իր ղեկավարած կառույցում քննիչների գործողությունների օրինականությունն ապահովելու և նրանց կողմից չարաշահումները,  հովհանավորչությունը  և   կոռուպցիոն  ռիսկերը կանխելու համար, իսկ միջազգային եւ տեղական իրավապաշտպան կազմակերպություններն իրենց ջանքերը կներդնեն ոլորտում առկա ապօրինություններն ու մարդու իրավունքների խախտումների դեմ պայքարի հարցում:

«Վելես» իրավապաշտպան հասարակական կազմակերպության

նախագահ Մարինա Պողոսյան

Դատարանում ՀՀ ոստիկանության շահերը պաշտպանող Սոնա Մելիքյանը կարծում է, որ եթե լրագրողներն իրեն լուսանկարեն, ապա լուսանկարը կհայտնվի սոցցանցերում, և ՀՀ քաղաքացիները իր մասին անհեթեթ մեկնաբանություններ կգրեն: Թե ինչու է Ոստիկանության ներկայացուցիչը վստահ, որ մեկնաբանությունները անհեթեթ են լինելու, պարզ չէ, սակայն հարկ է նշել, որ Սոնա Մելիքյանն ինքն է իր լուսանկարները հրապարակել «Ֆեյսբուքում», որոնք հասանելի են ոչ միայն իր վիրտուալ ընկերներին, այլև ամբողջ հանրությանը:

Սոնա Մելիքյանը ՀՀ վարչական դատարանում ներկայացնում է ՀՀ ոստիկանության շահերը, որի դեմ բողոք է ներկայացրել «Վելես» հասարակական կազմակերպության նախագահ Մարինա Պողոսյանը: Նա պնդում է, որ ՀՀ ոստիկանության ներկայացուցիչները ականատես են եղել, թե Դատական ակտերի հարկադիր կատարման ծառայության աշխատակիցներն ինչպես են բռնություն գործադրել իր նկատմամբ և անգործություն են ցուցաբերել, որևէ կերպ չեն միջամտել: Արդյունքում իրավապաշտպանին հասցվել է ֆիզիկական վնասվածք:

«Այնքան վիրավորական էր տեսնել, որ ոստիկանները կանգնած հետևում են, թե 4 հաստամարմին տղամարդիկ ինչպես են բռնություն գործադրում իմ նկատմամբ: Միակ բանը, որ ոստիկաններն անում էին, դա հեռախոսով նկարելն ու ծիծաղելն էր»,- հիշում է Մարինա Պողոսյանը:

Ոստիկանության դեմ հայցի քննությունը սկսվեց երկու միջնորդությամբ: Մարինա Պողոսյանի շահերը ներկայացնող փաստաբան Արթուր Սուքիասյանը նախ դատարանին միջնորդեց թույլատրել լրագրողներին տեսանկարահանել դատական նիստը: Ինչպես արդեն նշեցինք, ոստիկանության ներկայացուցիչն առարկեց՝ նշելով, որ իր համար ցանկալի չէ, որ իր լուսանկարները «լայքեն»:

Մարինա Պողոսյանի կարծիքով՝ Մելիքյանի առարկությունն անհիմն է. «Եթե մարդ չի ցանկանում, որ իր լուսանկարները լայքեն կամ մեկնաբանեն, դրանք սոցիալական ցանցերում չի տեղադրում: Մենք տեղյակ ենք, որ Դուք բավականին ակտիվ եք սոցիալական ցանցում»,- ոստիկանության ներկացուցչին ասաց իրավապաշտպանը:

Դատավոր Ռաֆիկ Խանդանյանը, այնուամենայնիվ, համարեց, որ Մելիքյանի՝ «լայքերից» զերծ մնալու իրավունքը առավել կարևոր է, քան լրատվամիջոցների աշխատանքն ու դատական նիստի թափանցիկությունը: Դատավորը մերժեց տեսանկարահանելու միջնորդությունը:

Հոդվածն ամբողջությամբ կարդացեք սկզբնաղբյուրում

[:am]Շնորհավորում ենք  բոլորին և գալիք 2016 թվականին ցանկանում  բազում  հաջողություններ:

Այսօր Կենտրոն եւ Նորք-Մարաշ ընդհանուր իրավասության դատարանում պետք է լսվեր ՀԽՍՀ նախկին գլխավոր դատախազ Սուրեն Օսիպյանի որդի Վիկտոր Տեր-Հովսեփյանի բողոքը՝ ռուս գործարարներին շորթելու փաստերով քրեական գործ հարուցելու դատախազության որոշման վերաբերյալ: Սակայն նիստը, որ նշանակված էր ժամը 10:30-ին, տեղի չունեցավ: Դատավոր Արմեն Բեկթաշյանը մեկ այլ նիստի շրջանակներում վճիռ կայացնելու նպատակով փակվել էր խորհրդակցական սենյակում: Ուշագրավ է, որ դատարան էին ներկայացել միայն ռուս գործարարների շահերի ներկայացուցիչները, այդ թվում՝ «Վելես» ՀԿ-ի իրավաբանները: Տեր-Հովսեփյանի որեւէ ներկայացուցիչ դատարան չէր եկել այն դեպքում, երբ բողոքը ներկայացրել են հենց իրենք:

Կարելի է ենթադրել, որ նրանք նախապես գիտեին դատական նիստի հետաձգման վերաբերյալ:

Հիշեցնենք, որ Տեր-Հովսեփյանի շահերի ներկայացուցիչ, փաստաբան Լուսինե Մարտիրոսյանը նախորդ նիստում առանց հիմքի լրագրողներից պահանջում էր չլուսանկարել եւ չտեսանկարահանել իրեն: Այս անգամ նույնպես, «կինոն» չստացվեց:

Վիկտոր Տեր-Հովսեփյանի բողոքի լսումը տեղափոխվեց հունվարի 14-ին: Հիշեցնենք, որ Հայաստանում մեծ գումարներ ներդրած ռուս գործարարներ Ալեքսեյ Կորեպանովը, Դմիտրի Աֆոնինը եւ Դմիտրի Կոտովը փորձում են իրավական պատասխանատվության ենթարկել Վիկտոր Տեր-Հովսեփյանին, ով, գործարարների խոսքով, իրենցից յուրացրել է 5 միլիոն դոլարի չափով գումար: Իսկ Տեր-Հովսեփյանը, առայժմ գործին ներգրավված լինելով ոչ թե վկայի կարգավիճակով, բողոքարկել է դատախազության՝ ռուս գործարարների ցուցմունքների եւ ներկայացրած փաստերի հիմքով քրեական գործ հարուցելու որոշումը:

Ռուս գործարարների դիմումների հիման վրա ՀՀ Քննչական կոմիտեի Կենտրոնի բաժնում օտարերկրյա ներդրողներին խարդախության զոհ դարձնելու դեպքերի առիթով հարուցվել է քրեական գործ՝ առանձնապես խոշոր չափերով խարդախություն կատարելու փաստի առթիվ (ՀՀ քրեական օրենսգրքի 178 հոդվածի 3-րդ մասի 1-ին կետ): Դատական նիստին մեծ ուշադրությամբ հետեւում է Հայաստանում Ռուսաստանի Դաշնության դեսպանությունը, եւ ինչպես նախորդ, այնպես էլ այս անգամ դատարան էր «գործուղվել» դեսպանության բարձրաստիճան ներկայացուցիչ: ՌԴ դեսպանությունը հետաքրքրված է իր քաղաքացիների շահերի պաշտպանությամբ եւ անգամ նամակով դիմել է ՀՀ իրավապահ մարմիններին՝ պահանջելով ՌԴ քաղաքացիների շահերի լիարժեք պաշտպանություն:

Գագիկ Աղբալյան    

  http://past.am/?p=29490&l=am

ՀՀ նախկին գլխավոր դատախազ Սուրեն Օսիպյանի որդին՝ Վիկտոր Տեր-Օսիպյանը, այսօր Կենտրոն և Նորք Մարաշ վարչական շրջանների ընդհանուր իրավասության դատարանում փորձում էր բողոքարկել իր դեմ քրեական գործ հարուցելու որոշումը։

Հիշեցնենք, որ Վիկտոր Տեր-Օսիպյանի դեմ քրեական գործ է հարուցվել «Վելես» իրավապաշտպան կազմակերպության և ազգությամբ ռուս երեք գործարարի դիմումների հիման վրա։ Գործարարները տարիներ առաջ ընկերական հարաբերությունների մեջ լինելով և վստահելով Վիկտոր Տեր-Օսիպյանին՝ նրա հորդորով համաձայնել էին շուրջ 5 միլիոն դոլարի ներդրում կատարել Հայաստանում շինարարության մեջ։ Սակայն արդյունքում հայտնվել էին խաբվածի կարգավիճակում։ Դատարանն այսօր վարույթ չընդունեց նրա բողոքը, քանի որ լիազորված անձը լիազորագիր չէր կցել գործին։

Իրավապաշտպանը նախկին պաշտոնյայի կողմից քրեական գործի քննությունը ձգձգելու մեջ միտում է տեսնում։

Ի դեպ այսօր դատական նիստին ներկա էր նաև ներկայացուցիչ Ռուսաստանի դեսպանությունից։ Բացի այդ, ռուս ներդրողներին խաբելու այս գործին նամակով շատ կոշտ արտահայտվել է նաև Հայաստանում Ռուսաստանի դեսպանը։ Նա ընդգծել է, որ Հայաստանում ոտնահարվել են ռուս քաղաքացիների շահերը։

http://www.1in.am/1793568.html

ՀԽՍՀ նախկին գլխավոր դատախազ Սուրեն Օսիպյանի որդի Վիկտոր Տեր-Հովսեփյանը բողոքարկում է դատախազության՝ քրեական գործ հարուցելու որոշումը, որ կայացվել է երեք ռուս գործարարների դիմումների հիման վրա: Բայց ամենաուշագրավն այն է, որ Վիկտոր Տեր-Հովսեփյանը Կենտրոն եւ Նորք-Մարաշ ընդհանուր իրավասության դատարան նման բողոք է ներկայացրել՝ գտնվելով ընդամենը վկայի կարգավիճակում: Վկայի կարգավիճակ ունեցող անձը փորձում է բեկանել դատախազության՝ քրեական գործ հարուցելու մասին որոշումը: Սա աննախադեպ է:

Հիշեցնենք դեպքի նախապատմությունը: Հայաստանում մեծ գումարներ ներդրած ռուս գործարարներ Ալեքսեյ Կորեպանովը, Դմիտրի Աֆոնինը եւ Դմիտրի Կոտովը փորձում են իրավական պատասխանատվության ենթարկել Վիկտոր Տեր-Հովսեփյանին, ով, գործարարների խոսքով, իրենցից յուրացրել է 5 միլիոն դոլարի չափով գումար:

Կորեպանովը, Կոտովը եւ Աֆոնինը ցանկացել են բազմաբնակարան շենք կառուցել Երեւանում: Կորեպանովը, ծանոթ լինելով Վիկտոր Տեր-Հովսեփյանի հետ եւ վերջինից ստանալով հավաստիացումներ, թե իբր նա Երեւանի Արամի փողոցի 38 հասցեում գտնվող տան եւ հողամասի սեփականատերն է, ստեղծում է «Անսուր Ինվեստ» ՍՊԸ-ն, որի բաժնեմասերի 50 տոկոսը գրանցվել էր Ալեքսեյ Կորեպանովի, իսկ մյուս կեսը՝ Տեր-Հովսեփյանի մոր՝ Լյուբով Փիլոյանի անունով, հետո էլ գործի մեջ ներգրավում Աֆոնինին եւ Կոտովին: Կորեպանովը, Երեւան գալով պարզում է, որ Լյուբով Փիլոյանին «պատկանող» անշարժ գույքի սեփականության իրավունքը վիճարկվում է դատարանում: Իսկ ավելի ուշ պարզվել էր, որ այդ հողը իրականում չի էլ պատկանել Վիկտորի մորը: Հետագայում Վիկտոր Տեր-Հովսեփյանը ռուս գործընկերոջն առաջարկել է տարածք գնել Կասկադին հարակից վայրում եւ դրա համար նրանից խոշոր գումար է վերցրել, որով 2006 թվականին գնել է Երեւանի Անտառային փողոցի թիվ 116/3 հասցեում առկա հողատարածքները՝ գրանցելով դրանք իր ծանոթի՝ Արթուր Մանուկյանի անունով:

Ռուս գործարարների դիմումից հիման վրա ՀՀ Քննչական կոմիտեի Կենտրոնի բաժնում օտարերկրյա ներդրողներին խարդախության զոհ դարձնելու դեպքերի առիթով հարուցվել է քրեական գործ՝ առանձնապես խոշոր չափերով խարդախություն կատարելու փաստի առթիվ (ՀՀ քրեական օրենսգրքի 178 հոդվածի 3-րդ մասի 1-ին կետ): Վիկտոր Տեր-Հովսեփյանը, սակայն, ինչպես մեզ հետ զրույցում հայտնեց գործարարների շահերի ներկայացուցիչ, «Վելես» իրավապաշտպան կազմակերպության նախագահ Մարինա Պողոսյանը, քրեական գործ հարուցելուց արդեն ավելի քան երեք ամիս անց ոչ թե կասկածյալի, այլ վկայի կարգավիճակում է: Եվ այդ կարգավիճակում էլ Տեր-Հովսեփյանը դատարան ներկայացրել է քրեական գործ հարուցելու որոշումը բեկանելու բողոք:

Երեկ Կենտրոն եւ Նորք-Մարաշ ընդհանուր իրավասության դատարանում, դատավոր Արմեն Բեկթաշյանի նախագահությամբ, տեղի ունեցավ ընդամենը 2 րոպե տեւողությամբ դատական նիստ: Տեր-Հովսեփյանի շահերը դատարանում ներկայացնելու էր եկել փաստաբան Լուսինե Մարտիրոսյանը, որը, ինչպես պարզվեց, լիազորագիր չուներ: Այդ պատճաով նիստը հետաձգվեց: Փաստաբան Մարտիրոյանին դուր չէր գալիս լրագրողների ներկայությունը դահլիճում: Նա 1in.am-ի լրագրող Սոնա Հարությունյանից պահանջում էր իրեն «չնկարել», բայց երբ պահանջեցինք օրենքով հիմնավորել իր պահանջը, փաստաբանը այդպես էլ չհիմնավորեց:

Դատական նիստին ներկա էր Հայատանում Ռուսաստանի դեսպանության բարձրաստիճան ներկայացուցիչ: Ինչպես տեղեկացանք «Վելեսի» նախագահ Մարինա Պետրոյանից, ՀՀ-ում ՌԴ դեսպանությունը հետաքրքրված է իր քաղաքացիների շահերի պաշտպանությամբ եւ անգամ նամակով դիմել է ՀՀ իրավապահ մարմիններին՝ պահանջելով ՌԴ քաղաքացիների շահերի լիարժեք պաշտպանություն:

Մարինա Պողոսյանը նիստից հետո Past.am-ի եւ 1in.am-ի հետ զրույցում նշեց, որ չնայած քրեական գործի առկայությանը, որեւէ քննչական գործողություն լրիվությամբ չի կատարվել: «Կենտրոն եւ Նորք-Մարաշ քննչական բաժնի քննիչ Ռուբեն Նազարյանի վարույթում գնտվող գործում չկա ո՛չ մեղադրյալ, ո՛չ կասկածյալ: Իսկ Տեր-Հովսեփյանը գործում ներգրավված է որպես վկա: ՀՀ Քրեական դատավարության օրենսգրքի համաձայն՝ վկան չի կարող բողոքարկել քրեական գործ հարուցելու որոշումը: Պատկերացրեք՝ քրական գործեր կան, որի շրջանակում 50 վկա է ներգրավված, եւ հանկարծ վկաները բողոք են ներկայացնում դատարան: Ես կարծում եմ, որ դատարանը նման բողոքը չպետք է վարույթ ընդունի: Մենք ասում ենք՝ բա ո՞նց եղավ, որ Վիկտոր Տեր-Հովսեփյանը վկայի կարգավիճակում նման բողոք ներկայացրեց, մեզ պատասխանում են՝ ինքը ենթադրյալ մեղադրյալ է, այսինքն՝ երբ եւ որ կողմից հարմար է, հարցը ներկայացվում է այդպես»,- ասաց Մարինա Պողոսյանը:

Գործը վերահսկող դատախազ Նարեկ Խաչատրյանը մանրակրկիտ, 10 էջից բաղկացած ցուցում է ուղարկել քննիչին, թե ինչ գործողություններ պետք է իրականացվեն: Ըստ Մարինա Պողոյանի՝ եթե այդ ցուցումներից գոնե մեկը քննիչն իրականացներ, ապա գործն այսքան չէր ձգձգվի: «Սա միտումնավոր է արվում: Մարդիկ ուզում են քրեական գործի քննությունը անիմաստ ձգձգել, որովհետեւ դեռ ունեն չլուծված հարցեր»,- ասաց իրավապաշտպան ՀԿ նախագահը:

Նշենք, որ ռուս գործարարները հարուցված քրեական գործի շրջանակներում արդեն ցուցմունք են տվել քննիչներին:

Գագիկ Աղբալյան

http://past.agency/?p=26659&l=am