Այս Հաղորդմանը իրավապաշտպան Մարինա Պողոսյանը ներկայացնում է, թե ինչ պես է ԴԱՀԿ ծառայությունը մտնում քաղաքացիների գրպանը առևտրային բանկերի հետ մեկտեղ:

[:]

Իրավապաշտպան Մարինա Պողոսյանը ներկայացնում է քննչական մարմինների՝ առանց հիմքերի քրեական գործերի հարուցման և հիմքերով չհարուցման իրավական պրակտիկան: Օրինակը սուտ մատնության հոդվածն է, որտեղ ակնհայտորեն գործում են երկակի ստանդարտներ:

Այս “ազաբ աղջկան” Մելադա Սարգսյանին, գյումրեցիները մեղադրում են վաշխառության մեջ: Ասում են` հազարավոր դոլարներ է տոկոսով տալիս և ընտանիքներին զրկում է բնակարաններից…

«Առաջին լրատվական»-ը բազմիցս անդադարձել է ՀՀ քաղաքացիական ավիացիայի նախկին պետ Հովհաննես Երիցյանի դեմ հարուցված քրեական գործին վկայակոչելով քննիչ Պարույր Աղաբաբյանի խոսքերն այն մասին, որ նա չի հավատացել Երիցյանի դեմ ցուցմունքներ տված թվով 5 անձանց, այլ նախընտրել է հավատալ միլիոնատեր նախկին պաշտոնյային: Օրերս պարզվեց, որ Վերաքննիչ քրեական դատարանի դատավոր Գագիկ Ավետիսյանի հայացքները համընկնում են քննիչի գաղափարախոսությանը. նա ևս Երիցյանին է հավատում:

Դատավոր Ավետիսյանը բեկանել է Երիցյանի դեմ կայացրած որոշումը՝ համարելով, որ նախկին պաշտոնյան չպետք է ենթարկվի քրեական պատասխանատվության իրավապաշտպան Մարինա Պողոսյանի դեմ կատարած սուտ մատնության համար:

Հիշեցնենք, որ 2014 թվականին «Վելես» հասարակական կազմակերպության նախագահ Մարինա Պողոսյանը Երիցյանի դեմ բողոք էր ներկայացրել՝ պնդելով, որ Քաղավիացիայի նախկին պետը սուտ մատնություն է կատարել՝ իր մասին կեղծ տեղեկություններ հայտնելով իրավապահներին: Գործով ապացուցվել էր, որ Երիցյանի հայտնած տեղեկությունները կեղծ են, սակայն Երիցյանը խուսափել էր պատասխանատվությունից, քանի որ քննիչ Պարույր Աղաբաբյանը եկել էր այն եզրակացության, որ նախկին պաշտոնյան չի գիտակցել իր արարքների նշանակությունը:

Սա այն դեպքում, երբ Մարինա Պողոսյանը քննչական մարմիններին հայտնել է, թե Երիցյանն ինչ շահագրգռվածություն է ունեցել իր մասին կեղծ տեղեկություններ հայտնելով: Պողոսյանի ղեկավարած կազմակերպությունը զբաղվում է վաշխառությունից տուժած անձանց իրավունքների պաշտպանությամբ, իսկ Հովհաննես Երիցյանը տարիներ շարունակ մի շարք ընտանիքների կողմից մեղադրվում է վաշխառության մեջ: Համացանցում առկա է ձայնագրություն, որտեղ Երիցյանը սպառնում է Մարինա Պողոսյանին և «Վելես» ՀԿ-ի շահառուին: Սակայն այս փաստերը քննիչին չեն համոզել, որ Երիցյանի արարքում առկա է դիտավորություն: Պարույր Աղաբաբյանը միայն Երիցյանի խոսքերին է հավատացել և կարճել է նրա դեմ հարուցած քրեական գործը:

Իրավապաշտպանը բողոքարկել էր կարճման որոշումը: Բողոքը բավարարվել էր Կենտրոն և Նորք-Մարաշ վարչական շրջանների ընդհանուր իրավասության դատարանի կողմից: Դատավորը հանգել էր այն եզրակացության, որ քննիչը չի կատարել օբյեկտիվ և բազմակողմանի քննություն: Դատախազությունը, սակայն, հակառակ կարծիքի է, այդ պատճառով էլ Ընդհանուր իրավասության դատարանի կայացրած որոշումը բողոքարկել է Վերաքննիչ քրեական դատարանում:

Վերաքննիչ դատարանն էլ իր հերթին բեկանել է Երիցյանի դեմ կայացված դատական ակտը: Թերևս պատահական չէ, որ դատարանի որոշումից օրեր առաջ մեկ այլ դատական նիստում նախկին պաշտոնյայի՝ մեկ միլիոն դոլարանոց պահանջը բավարարվել էր: Իր հսկայական կարողությանը ևս մեկ միլիոն դոլար ավելացրած Երիցյանը, հավանաբար, ավելի շատ է հավատ ներշնչում դատավոր Գագիկ Ավետիսյանը, քան իրենց տները կորցրած անձանց իրավունքների պաշտպանությամբ զբաղվող հասարակական կազմակերպության նախագահը:

Հ.Գ. Հովհաննես Երիցյանի կարողությանը և վերջերս հաղթած մեկ միլիոն դոլարանոց գործին կանդրադառնանք առաջիկայում:

Սկզբնաղբյուրը`
http://www.1in.am/1764412.html

Զարմանալի զուգադիպությամբ երեկ Ավան եւ Նոր Նորք վարչական շրջանների ընդհանուր իրավասության դատարանը, նախորդ օրն էլ վերաքննիչ քրեական դատարանը վաշխառուների կողմից տուժած քաղաքացիների իրավունքների պաշտպանությամբ զբաղվող «Վելես» իրավապաշտպան կազմակերպության նախագահ Մարինա Պողոսյանի ներկայացրած մի դեպքում հայցը, մի դեպքում նրա բողոքը մերժեցին: Ավան եւ Նոր Նորք վարչական շրջանների ընդհանուր իրավասության դատարանի դատավոր Դավիթ Հարությունյանը դատարան չներկայացած քննիչի դեմ իրավապաշտպանի արած արտահայտության համար նախ զգուշացրեց Մ.Պողոսյանին, ապա հեռացրեց նրան նիստերի դահլիճից:

Նոր Նորքի դատարան, ինչպես եւ վերաքննիչ դատարան չներկայացավ Հովհաննես Երիցյանը՝ քաղավիացիայի վարչության նախկին պետը, որի գործողություններից, ըստ հայցվորի, տուժել էր քաղաքացի Գայանե Թումասյանը: Նրա մեկ միլիոն դոլար արժողության առանձնատունը վաճառվել է Երիցյանի փեսային՝ Վահե Վարդանյանին, ով ոչ միայն գործարք չի կնքել քաղաքացու հետ, այլ անգամ վաճառքից հետո գումար չի տրամադրել նրան, ինչի հետեւանքով մարդը օտարվել է իր սեփականությունից, հայտնվել փողոցում: Առաջին ատյանի դատարանում քննիչը պետք է գար ու պատասխաներ, թե ինչու է քրեական գործը կարճվել, ինչու քաղաքացին, որի շահերը ներկայացնում էր իրավապաշտպան կազմակերպությունը, չի ճանաչվել տուժող:

Ըստ Գ, Թումասյանի ներկայացուցիչների, իրենց վստահորդը կամարտահայտություն չի հայտնել, տեղյակ չի եղել կատարված գործարքից, քանի որ չի մասնակցել, գույքի արժեքը չի ստացել: Իսկ քննիչի կողմից էլ չի կատարվել որոշակի գործողություններ այդ հարցի պարզաբանման ուղղությամբ: Չստանալով դատավարական կարգավիճակ՝ Գ. Թումասյանը չի վիճարկել իր իրավունքների խախտման մասով քննիչի որոշումները: Գայանե Թումասյանը, Մարինա Պողոսյանը երեկ «Առավոտին» հայտնեցին, թե կբողոքարկեն այս որոշումը:

Մեկ այլ պարտություն էլ կապված էր Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանի հունիսի 30-ին կայացրած որոշման հետ: Նշեմ, որ դատարանը Մարինա Պողոսյանի բողոքը՝ ՀՀ քննչական կոմիտեի Երեւան քաղաքի քննչական վարչության Կենտրոնի քննչական բաժնի ավագ քննիչ Պարույր Աղաբաբյանի որոշման դեմ, բավարարել էր: Քննիչը կարճել էր ՀՀ քաղաքացիական ավիացիայի նախկին պետ Հովհաննես Երիցյանի դեմ հարուցված քրեական գործի վարույթը, դադարեցրել էր քրեական հետապնդումը: Իսկ դատավոր Բեկթաշյանը պարտավորեցրել էր այս նույն քննիչին վերականգնել Մարինա Պողոսյանի խախտված իրավունքները: Վերաքննիչ քրեական դատարանն էլ իրավունքների խախտում չտեսավ: Մինչ որոշումը կայացնելը ՀՀ քննչական կոմիտեի Երեւան քաղաքի քննչական վարչության Կենտրոնի քննչական բաժնի ավագ քննիչ Պարույր Աղաբաբյանը վերաքննիչ քրեական դատարանում հաստատեց, որ վաշխառուների խնդիրներով զբաղվող «Վելես» իրավապաշտպան կազմակերպության նախագահ Մարինա Պողոսյանի եւ քաղաքացիական ավիացիայի վարչության նախկին պետ Հովհաննես Երիցյանի հետ առերեսումը չի ավարտվել, ըստ էության, գործով նոր ապացույցներ ձեռք չեն բերվել: Ի դեպ, դեռ նախորդ դատական նիստում, Մարինա Պողոսյանի ներկայացուցիչ, ՀՀ փաստաբանների պալատի անդամ Ինեսսա Պետրոսյանն ասել էր. «Հովհաննես Երիցյանն ինչ ուզել արել է ողջ նախաքննության ընթացքում: Առերես հարցաքննությունը չի էլ փակվել, արձանագրությունը մնացել է անավարտ, Մ. Պողոսյանը բազմիցս նշել է, որ Երիցյանը եկել է հարցաքննության զենքով, զենքը դրել է սեղանին, եւ ըստ էության, ինքն է թելադրել հարցաքննության պայմանները: Եվ վարույթն իրականացնող մարմինը փոխանակ զեկուցագիր գրեր այդ կապակցությամբ, ուղղակի անավարտ է թողել այդ քննչական գործողությունը»: Մ. Պողոսյանը գտնվել է անհավասար վիճակում, նրա հասցեին նախկին պաշտոնյան արել էր վիրավորական արտահայտություններ: Ինչ վերաբերում էր Երիցյանի կողմից «միջնորդավորված» ապացույցների ներկայացմանը, այն, որ նա սուտ մատնություն չի արել, այլ հաղորդում է տվել իրավապահներին, քննիչն ասաց, թե Մ. Պողոսյանին Հովհ. Երիցյանի կողմից իքս-բնակարանի հատակագիծ տալը էական նշանակություն չի ունեցել քրեական գործի համար: Մարինա Պողոսյանն այս կապակցությամբ հանդես եկավ հայտարարությամբ, հայտնելով, որ Հովհաննես Երիցյանը հաղորդում էր տվել, թե Մ.Պողոսյանը ներկայացել է որպես բրոքեր, իրենից ստացել է իքս-բնակարանի հատակագծի բնօրինակը, ապա փորձել է մարդուն սեփականությունից զրկել, մեղադրելով իրեն շորթում կատարելու մեջ: Ըստ Մ. Պողոսյանի, հենց այս հատակագծի պատմությունն էական նշանակություն ուներ գործի համար, քանի որ քննիչը չի հասկացել, թե ինքը ներկայացել է որպես վաշխառուներից տուժած քաղաքացիների պաշտպան, եւ որ Հովհաննես Երիցյանն է զբաղվել վաշխառությամբ, մարդկանց հանիրավի զրկել է իրենց սեփականությունից: Նա նախագահող դատավոր Գագիկ Ավետիսյանի ուշադրությունը հրավիրեց այն հանգամանքի վրա, որ իրենք որպես հասարակական կազմակերպության ներկայացուցիչներ են գնացել Հովհաննես Երիցյանի մոտ. «Քննիչ Պարույր Աղաբաբյանը ընտրովի է մոտեցել հարցին: Մենք գնացել ենք մեր մասնագիտական գործունեությունն իրականացնելու»: Քննիչը չուներ բացատրություն, թե ինչի հիման վրա է Հովհաննես Երիցյանը Մարինա Պողոսյանին անվանել «ղազախական մաֆիայի անդամ»: Մարինա Պողոսյանը պնդեց, որ Հովհաննես Երիցյանից ինքը վերցրել է հատակագծի պատճենը, գոնե այս փաստը չի կարող միջնորդավորված լինել. «Որովհետեւ նա նշում է մի գործողություն, որը կատարվել է իբր իմ եւ իր մեջ: Այս դեպքում ո՞վ է միջնորդավորված եղել: Քննիչն ուշադրություն չի դարձրել, որ Երիցյանը սուտ է ասել, իբր ես հատակագիծը վերցրել եմ իրենից: Հետագայում, երբ քննիչը գնահատական է տալիս, իբր Երիցյանը միջնորդավորված է ասել, այդ դեպքում պետք է պարզել, քանի որ այս դրվագն ընդհանրապես չի քննվել»: ՌՈՒԶԱՆ ՄԻՆԱՍՅԱՆ

Ամբողջական հոդվածը կարող եք կարդալ այս հասցեով՝ http://www.aravot.am/2015/11/06/625847/

Իրավապաշտպանի հանդեպ հարուցված քրեական գործում չեն հայտնաբերվել խարդախության տարրեր. գործը կարճվել է.

«Վելես» իրավապաշտպան կազմակերպության նախագահ Մարինա Պողոսյանն հայտնել է, որ իր հանդեպ խարդախության հատկանիշներով ակնհայտ, անհիմն քրեական գործեր են հարուցվում: Իրավապաշտպանը Օմբուդսմենին հասցեագրված դիմումում դժգոհություններ է հայտնել մասնավորապես իր հանդեպ հարուցված վերջին քրգործից:

Իրավապաշտպանի դիմումի հիման վրա Օմբուդսմենը գրություններ է ուղարկել Դատախազություն և Քննչական կոմիտե:

Քննչական կոմիտեից Օմբուդսմենին տեղեկացրել են, որ կատարված նախաքննությամբ հիմնավորվել է, որ Մարինա Պողոսյանի գործողություններում չեն եղել խարդախության տարրեր, և արդյունքում գործի վարույթը կարճվել է:

Օմբուդսմենի տեղակալն այսօր զրուցել է Մարինա Պողոսյանի հետ և տեղեկացրել նրան գործի կարճման մասին:

http://newsline.am/am/news/view/18028.html

Իրավապաշտպանի հանդեպ հարուցված քրեական գործում չեն հայտնաբերվել խարդախության տարրեր. գործը կարճվել է.

«Վելես» իրավապաշտպան կազմակերպության նախագահ Մարինա Պողոսյանն հայտնել է, որ իր հանդեպ խարդախության հատկանիշներով ակնհայտ, անհիմն քրեական գործեր են հարուցվում: Իրավապաշտպանը Օմբուդսմենին հասցեագրված դիմումում դժգոհություններ է հայտնել մասնավորապես իր հանդեպ հարուցված վերջին քրգործից:

Իրավապաշտպանի դիմումի հիման վրա Օմբուդսմենը գրություններ է ուղարկել Դատախազություն և Քննչական կոմիտե:

Այսօր Քննչական կոմիտեից Օմբուդսմենին տեղեկացրել են, որ կատարված նախաքննությամբ հիմնավորվել է, որ Մարինա Պողոսյանի գործողություններում չեն եղել խարդախության տարրեր, և արդյունքում գործի վարույթը կարճվել է:

Օմբուդսմենի տեղակալն այսօր զրուցել է Մարինա Պողոսյանի հետ և տեղեկացրել նրան գործի կարճման մասին:

http://iravaban.net/105340.html

ՀՀ քաղաքացիական ավիացիայի նախկին պետ Հովհաննես Երիցյանի գործը  որքան երկար է քննվում դատարանում, այնքան ավելի հետաքրքիր բացահայտումներ են տեղի ունենում: Նախորդ դատական նիստի ժամանակ քննիչ Պարույր Աղաբաբյանը դատարանում գրեթե խոստովանեց, որ իր համար արժանահավատ են միայն մեծահարուստ նախկին պաշտոնյայի ցուցմունքները, իսկ նրա դեմ վկայություն տվող անձանց քննիչը չի հավատացել:

Հիշեցնենք, որ Երիցյանի դեմ բողոք էր ներկայացրել «Վելես» հասարակական կազմակերպության նախագահ Մարինա Պողոսյանը, ով պնդում է, որ Քաղավիացիայի նախկին պետը սուտ մատնություն է կատարել՝ իր մասին կեղծ տեղեկություններ հայտնելով իրավապահներին: Երիցյանը հաղորդում էր ներկայացրել իրավապաշտպանի դեմ՝ նրան մեղադրելով «ղազախական մաֆիայի» անդամ լինելու և շորթում կատարելու մեջ:

Երիցյանի հայտնած տեղեկությունները հերքել էին իր իսկ վկայակոչած անձինք: Նա 4 անձի անուն էր տվել, որոնք իբրև թե պիտի ապացուցեին, որ Մարինա Պողոսյանը սպառնալով ու վախեցնելով փորձել է շորթում կատարել: Վկաները, որոնցից երեքը Երիցյանի մտերիմներն են, հերքել են Երիցյանի կեղծ ցուցմունքները՝ պնդելով, որ իրենք երբեք Մարինա Պողոսյանի մասին նման տեղեկություններ չեն հայտնել նրան:

Վկաները պնդել են իրենց ցուցմունքները նաև Երիցյանի հետ առերես հարցաքննության ժամանակ: Սակայն այդքանից հետո դարձյալ քննիչ Պարույր Աղաբաբյանը նախընտրել է հավատալ նախկին պաշտոնյային: «Եթե այդ 4-ը հերքում են դա, իսկ ինքը (Երիցյանը) պնդում է, չի նշանակում, որ նման բան չի եղել»,- դատարանում իր դիրքորոշումը պնդեց երիտասարդ քննիչը:

Հիշեցնենք, որ Մարինա Պողոսյանը նախորդ դատական նիստին հայտարարել էր, որ քննիչ Աղաբաբյանը հանցագործ է. «Հանցագործության մոտիվները կոնկրետ չեմ կարող ասել՝ կամ նա կաշառք է վերցրել, կամ ունի գիտելիքների պակաս, դա պետք է պարզվի քննությամբ»,- նշել էր «Վելես» ՀԿ-ի նախագահը:

Մարինա Պողոսյանը շարունակում է պնդել, որ Երիցյանը դիտավորությամբ է իր մասին կեղծ տեղեկություններ հայտնել իրավապահներին՝ ցանկանալով ճնշում գործադրել իր նկատմամբ, քանի որ «Վելեսը» իրավաբանական օգնություն է ցուցաբերում նախկին պաշտոնյայից տուժած անձանց, ովքեր պնդում են, որ Հովհաննես Երիցյանը վաշխառությամբ է զբաղվում:

«Մենք բոլոր հիմքերը ներկայացրել ենք քննության ժամանակ, քննիչին բացատրել ենք, թե ինչն է Երիցյանին դրդում սուտ մատնություն կատարել իմ դեմ, սակայն քննիչն անդրդվելի է, նա միայն Երիցյանին է հավատում: Երևի նրա կարողությունը կուրացրել է բոլորին թե քննչական մարմնում, թե դատախազությունում»,- «Առաջին լրատվական»-ի հետ զրույցում ասաց Մարինա Պողոսյանը:

Հիշեցնենք, որ քննիչ Պարույր Աղաբաբյանը Երիցյանի դեմ հարուցած քրեական գործը կարճել էր՝ եզրակացնելով, որ նա առանց գիտակցելու է կեղծ տեղեկություններ տրամադրել Պողոսյանի դեմ:

Իրավապաշտպանը բողոքարկել էր կարճման որոշումը: Բողոքը բավարարվել էր Կենտրոն և Նորք-Մարաշ վարչական շրջանների ընդհանուր իրավասության դատարանի կողմից: Այժմ դատախազությունը բողոք է ներկայացրել դատարանի կայացրած որոշման դեմ: Բողոքի քննությունը կշարունակվի Վերաքննիչ քրեական դատարանում նոյեմբերի 3-ին՝ ժամը 13:00-ին:

Հ.Գ. Հովհաննես Երիցյանի հսկայական կարողությանը կանդրադառնանք առաջիկայում:

Սկզբնաղբյուրը`
http://www.1in.am/1758517.html

Լուսանկարում՝ քննիչ Պարույր Աղաբաբյանը

«Երևանից հետո, այսպես կոչված, տոկոսով փող տվողները առավել շատ գործում են Գյումրիում և Վանաձորում,- «Առաջին լրատվական»-ի հետ զրույցում նշեց «Վելես» իրավապաշտպան կազմակերպության ներկայացուցիչ Մարինա Պողոսյանը:- Խոսքն այստեղ անշուշտ ոչ թե այն մասին է, որ մեկին դրսից փող է գալիս, ու ինքն էլ պարտքով տալիս է հարևանին, այլ կազմակերպված խմբերի կամ ցանցերի մասին է, որոնց կապիտալը Գյումրիում, օրինակ, գերազանցում է մոտավոր հաշվարկներով՝ քաղաքի բյուջեն, իսկ ընդհանուր առմամբ՝ Հայաստանի: Թեև վիճակագրական հստակ տվյալներ չկան, սակայն մոտավոր հաշվարկներով՝ առանց չափազանցելու պետության բյուջեն գերազանցում են երկու անգամ»:

Տիկին Պողոսյանը նշում է, որ երկու տարվա աշխատանքը, որ ծավալել են վաշխառուներից տուժած քաղաքացիների հետ, ցույց է տվել, որ հարցերը հիմնականում չեն լուծվում, իսկ հարուցված գործերն էլ, որպես կանոն, կա՛մ կարճվում են, կա՛մ անհարկի ձգձգվում անհասկանալի պատճառներով:

«Հատկապես Գյումրիում, որտեղ բոլորս էլ գիտենք՝ սոցիալ-տնտեսական վիճակը հանրապետությունում ամենավատն է, և աղետից հետո մարդիկ նույնիսկ այսօր դեռ լիովին չեն կարողացել իրենց կենցաղը կազմակերպել, մենք գործ ունենք աղետից հետո երկրորդ աղետի հետ, երբ մարդիկ, ուղղակի նույնիսկ չգիտակցելով կամ վստահության չարաշահման արդյունքում, գրչի մի հարվածով շինծու գործարքների արդյունքում զրկվում են իրենց տարիների ու տասնամյակների ընթացքում ստեղծած տուն ու տեղից, նույնիսկ տնակից (դոմիկից)»:

Իրավապաշտպանը նշում է, որ հենց Գյումրիում առկա է դեպք, երբ մարդը տոկոսով վերցրել է 1500 դոլար չորս տարի առաջ և այժմ, երբ հաշվում ենք իր վճարած տոկոսները ու դրա պատճառով պարտքերը, պարզվում է, որ ընդհանուր առմամբ վճարումները այս ուղղությամբ կազմում են արդեն 40 հազար դոլար:

«Սա ստվերային բիզնեսների մեջ երևի ամենից շահութաբերն է, որովհետև եթե, ասենք, զենքի վաճառքի կամ թմրաբիզնեսի դեպքում կան որոշակի ռիսկեր, ասենք՝ սահմաններ հատել, մաքսակետերում բացահայտվելու ռիսկեր և այլն, ապա այս դեպքում ռիսկեր գրեթե չկան, մինչդեռ շահույթը գերազանցում է երկու հարյուր տոկոսը: Այնպիսի մեխանիզմներ են ստեղծվել վաշխառուների կողմից, որոնք հետագայում գուցեև դառնան բացահայտումներ ողջ տնտեսագիտության համար: Ու ցավն այն է, որ այդ ցանցում ներգրավված են նաև պաշտոնատար անձինք ոստիկանությունից, քննչական մարմիններից և դատարաններից»,- ամփոփում է իրավապաշտպան Մարինա Պողոսյանը՝ բնակչությանը կոչ անելով զգույշ լինել՝ նման խարդավանքների չտրվելու համար:

Սկզբնաղբյուրը`
http://www.1in.am/1758004.html

«Վելես» Իրավապաշտպան Կազմակերպություն 2015թ հոկտեմբերի 30-ին Գյումրիի «Ասպարեզ» ակումբում կազմակերպեց մամլո ասուլիս որտեղ ներկայացրեց Գյումրի քաղաքում վաշխառու Մելադա Սարգսյանի գործնեության արդյունքում տուժած անձանց իրավիճակը: Կազմակերպությունը տրամադրում է իրավաբանական օգնություն: Այցը նաև նպատակ ունի բացահայտել մյուս զոհերին, ովքեր վախենում են պայքարել վաշխառուների դեմ և լռությամբ արդեն հանձնել են կամ պատրաստվում են հանձնել իրենց բնակարանները:

Նկարում պատկերված է վաշխառու Մելադա Սարգսյանը

Վաղը, հոկտեմբերի 30-ին, Գյումրիի «Ասպարեզ» ակումբում տեղի կունենա մամլո ասուլիս «Վելես» իրավապաշտպան կազմակերպության նախագահ Մարինա Պողոսյանի մասնակցությամբ, ով կներկայացնի Գյումրի քաղաքում վաշխառու Մելադա Սարգսյանի գործնեության արդյունքում տուժած անձանց, կմանրամասնի նրանց  առկա իրավիճակը: Կազմակերպությունը պատրաստվում է տրամադրել  իրավաբանական օգնություն: Այցը նաև նպատակ ունի բացահայտել մյուս զոհերին, ովքեր վախենում են պայքարել վաշխառուների դեմ և լռությամբ արդեն հանձնել են կամ պատրաստվում են հանձնել իրենց բնակարանները:

Ռեպորտաժում ներկայացնում ենք զոհերից մեկին. Թորգոմ Թորոսյանին, ով «Վելես» իրավապաշտպան կազմակերպության շահառուն է և չի պատրաստվում հանձնվել:

Բոլոր այն քաղաքացիները, ում աշխատավարձը կալանքի տակ է դրված ԴԱՀԿ ծառայության կողմից, կարող են դիմել «Վելես» իրավապաշտպան հասարակական կազմակերպությանը՝ 08000-13-13 անվճար հեռախոսահամարով: Մենք պատրաստվում ենք խմբակային հայց ներկայացնել դատարան՝ բողոքարկելով ԴԱՀԿ ծառայության գործողությունները: Միացեք մեզ: