Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը բավարարել է «Վելես» հասարակական կազմակերպության նախագահ Մարինա Պողոսյանի բողոքն ընդդեմ Կենտրոնի քննչական բաժնի քննիչ Պարույր Աղաբաբյանի որոշման: Քննիչը կարճել էր ՀՀ քաղաքացիական ավիացիայի նախկին պետ Հովհաննես Երիցյանի դեմ հարուցված քրեական գործի վարույթը՝ եզրակացնելով, թե Երիցյանը չի գիտակցում սեփական արարքների նշանակությունը:

Քննիչը այդպիսով պատասխանատվության չէր ենթարկել նախկին պաշտոնյային՝ իրավապաշտպանի դեմ սուտ մատնություն կատարելու փաստով: Դատարանը, սակայն, որոշեց, որ նախաքննության մարմինը խախտել է Մարինա Պողոսյանի իրավունքները եւ գործը ուղարկեց հետ՝ օբյեկտիվ եւ բազմակողմանի քննություն անցկացնելու:

Հիշեցնենք, որ Երիցյանը դիմել էր ոստիկանություն՝ հայտնելով, թե Մարինա Պողոսյանը, հանդիսանալով «ղազախական մաֆիայի անդամ», փորձել է շորթում կատարել իր սանիկից, զարմիկից և ընկերոջ փեսայից՝ սպառնալով, թե վրաերթի կենթարկի նրանց և կառևանգի երեխաներին: Երիցյանի հարազատները, ներկայանալով ոստիկանություն, հերքել են նրա պնդումները: Մարինա Պողոսյանը պահանջել էր պատասխանատվության ենթարկել նախկին պաշտոնյային՝ իր դեմ սուտ մատնություն կատարելու համար: Երիցյանը սակայն, մնացել է անպատիժ:

«Ակնհայտ է, որ եթե Երիցյանը ինձ նման ծանր հանցագործությունների մեջ է մեղադրել, սակայն քննության չի ապացուցվել նման բան, ապա նա կատարել է սուտ մատնություն եւ պետք է պատասխանատվության ենթարկվի»,- «Առաջին լրատվականին» ասաց իրավապաշտպան Մարինա Պողոսյանը:

Իրավապաշտպանը հուսով է, որ երբ վերսկսվի քրեական գործի քննությունը, կբացահայտվի, որ նախկին պաշտոնյան դիտավորությամբ է իր դեմ սուտ մատնություն կատարել, որպեսզի կոծկի իր՝ նախկինում կատարած հանցագործությունները:

«Մենք շուրջ երկու տարի է, պաշտպանում ենք Հովհաննես Երիցյանից տուժած անձանց շահերը, բարձրաձայնել ենք նախկին պաշտոնյայի կատարած հանցագործությունները, և Երիցյանը դիտավորյալ էր իմ դեմ քրեական գործ հարուցել տվել՝ փորձելով ինձ լռեցնել: Բայց ինչպես տեսնում եք, ես ոչ միայն չեմ լռել, այլև այսօր մենք հաղթեցինք դատարանում, և շուտով Երիցյանը կկանգնի արդարադատության առջև»,- վստահ է «Վելես» ՀԿ-ի նախագահը:

Սկզբնաղբյուրը`http://www.1in.am/1683464.html

ՀՀ քաղաքացիական ավիացիայի նախկին պետ Հովհաննես Երիցյանը համառորեն խուսափում է ներկայանալ դատարան եւ պատասխանել դատավորի հարցերին: Կենտրոն եւ Նորք-Մարաշ վարչական շրջանների ընդհանուր իրավասության դատարանում քննվում է «Վելես» հասարակական կազմակերպության նախագահ Մարինա Պողոսյանի բողոքը, որը վերաբերում է Հովհաննես Երիցյանի կողմից իր նկատմամբ սուտ մատնություն կատարելուն:

Դատավոր Արմեն Բեկթաշյանը բավարարել էր Պողոսյանի շահերը ներկայացնող փաստաբան Ինեսա Պետրոսյանը միջնորդությունը և դատակոչել էր Հովհաննես Երիցյանին՝ պարզաբանումներ տալու: Վերջինս, սակայն, չի ցանկանում մասնակցել բողոքի քննությանը եւ իր փոխարեն դատարան էր գործուղել փաստաբան Գարեգին Մարգարյանին:

«Մենք հարցեր ունենք տալու Երիցյանին, օրինակ, պետք է հարցնենք, թե որտեղից է նա վերցրել, որ ես ղազախական մաֆիայի անդամ եմ կամ որ ցանկացել եմ առեւանգել երեխաների, վրաերթի ենթարկել կանանց: Երիցյանի փաստաբանը չի կարող նրա փոխարեն պատասխանել այս հարցերին»,- «Առաջին լրատվականին» ասաց Մարինա Պողոսյանը:

Փաստաբան Գարեգին Մարգարյանը «Առաջին լրատվականի» հետ զրույցում հաստատեց, որ ինքն իրավասու չէ Երիցյանի փոխարեն պատասխանելու, թե նա ինչու է իրականությանը չհամապատասխանող տեղեկություններ տրամադրել քննչական մարմիններին: «Ես լիազորված եմ զուտ Պողոսյանի բերած բողոքի դեմ առարկություններ ներկայացնելու: Այլ հարցերի ես չեմ կարող պատասխանել»,- ասաց փաստաբանը:

Հիշեցնենք, որ Հովհաննես Երիցյանի դիմումի հիման վրա Կենտրոնի քննչական բաժնում քրեական գործ էր հարուցվել Մարինա Պողոսյանի դեմ: Նախկին պաշտոնյան իրավապաշտպանին մեղադրում էր մի շարք հանցագործություններում՝ սպառնալիքների եւ խարդախության միջոցով ուրիշին պատկանող գույքը շորթելու մեջ:

Մասնավորապես, Երիցյանը դիմել է ոստիկանություն՝ հայտնելով, թե Մարինա Պողոսյանը, հանդիսանալով «ղազախական մաֆիայի անդամ», փորձել է շորթում կատարել իր սանիկից, զարմիկից և ընկերոջ փեսայից՝ սպառնալով, թե վրաերթի կենթարկի նրանց և կառևանգի երեխաներին: Երիցյանի հարազատները, ներկայանալով ոստիկանություն, հերքել են նրա պնդումները:

Մարինա Պողոսյանը քրեական գործի ընթացքում հաղորդում է տվել հանցագործության մասին՝ պնդելով, որ Հովհաննես Երիցյանը սուտ մատնություն է արել իր նկատմամբ՝ շահադիտական նպատակներով: Սուտ մատնության փաստի առթիվ եւս հարուցվել է քրեական գործ: Քննության արդյունքում Մարինա Պողոսյանի կողմից շորթում կատարելու հանգամանքը հերքվել է, սակայն Հովհաննես Երիցյանը մնացել է անպատիժ:

Կենտրոնի քննիչ Պարույր Աղաբաբյանը եկել է այն եզրակացության, որ ՀՀ քաղաքացիական ավիացիայի նախկին պետը չի գիտակցել սեփական արարքների նշանակությունը, մասնավորապես՝ Երիցյանը 8 ամիս շարունակ պնդել է, թե «Վելես» հասարակական կազմակերպության նախագահ Մարինա Պողոսյանը հանցագործ է՝ «չգիտակցելով, որ իր արարքները կեղծ են»: Այսպիսի հիմնավորմամբ Երիցյանի դեմ հարուցված քրեական գործը կարճվել է: Այժմ Մարինո Պողոսյանը դատական կարգով բողոքարկում է գործի կարճման որոշումը:

Նշենք, որ Մարինա Պողոսյանի հիմնադրած «Վելես» հասարակական կազմակերպությունը պայքարում է վաշխառության և խարդախության դեմ, այդ թվում՝ Հովհաննես Երիցյանից տուժած անձանց շահերի պաշտպանությամբ:

«Վելես» ՀԿ-ն 2013 թվականից սկսած բարձրաձայնել է Հովհաննես Երիցյանի գլխավորությամբ գործող հանցախմբի արարքները, արդյունքում նախկին պաշտոնյան փորձել է ճնշում գործադրել իրավապաշտպանի նկատմամբ՝ նրա դեմ քրեական գործ հարուցելու ճանապարհով:

«Երիցյանը շատ լավ գիտի, որ դատական նիստերին ներկա են լինում իր վաշխառուական գործունեությունից տուժած անձինք, եւ հասկանում է, որ եթե մութ շքամուտքերում կարողանում է նրանց զենքով վախեցնել, ապա դատարանի դահլիճում, որտեղ մարդիկ պաշտպանված են օրենքով, դժվար թե կարողանա զենքով հարձակվել նրանց վրա եւ ստիպել, որ նրանք լռեն»,- Մարինա Պողոսյանն այսպես է բացատրում Երիցյանի՝ դատարան չներկայանալու փաստը:

Մարինա Պողոսյանի ներկայացրած բողոքի քննության հաջորդ դատական նիստը տեղի կունենա հուլիսի 29-ին՝ ժամը 14:30-ին:

Սկզբնաղբյուրը`http://www.1in.am/1679893.html

Գյումրիում սպանված Ավետիսյանների ընտանիքի իրավահաջորդների ներկայացուցիչ Արթուր Սաքունցը պնդում է՝ ռուսական կողմը թուղթ է հանձնում հայկական կողմին, ոչ թե սպանության մեջ մեղադրվող Վալերի Պերմյակովին: «Հանձնում են ենթադրյալ հանցագործության նյութերը, այսինքն, թուղթ են տալիս, փոխանակ տան իրական մարդուն, որի հետ հայկական կողմը կարող է կատարել քննչական աշխատանքներ»,- այսօր «Նոյան տապան» ակումբում ասաց Արթուր Սաքունցը: Հիշեցնենք, որ նախօրեին պաշտոնական հայտարարություն էր տարածվել, ըստ որի Ավետիսյանների սպանության գործը հանձնվել է հայկական կողմին: Սպանության մասով գործը Հայաստանի քննչական կոմիտեի վարույթ հանձնելու որոշումը և Հայաստանի համապատասխան ատյանի կողմից հետագա դատաքննությունը, ըստ Հանրապետության նախագահի, անկասկած, արտացոլում է գործընկերության և եղբայրության ոգին և լիովին համապատասխանում է Հայաստանում տեղակայված ռուսական ռազմաբազայի կարգավիճակի մասին հայ-ռուսական համաձայնագրի դրույթներին: Արթուր Սաքունցը Պերմյակովի գործը հայկական կողմին հանձնելու մեջ բազմաթիվ անհասկանալի ու մութ հարցեր է տեսնում. «Ենթադրենք այդ քրեական գործի նյութերի ուսումնասիրության արդյունքում քննչական կոմիտեն հարց ձեւակերպեց, որ անհրաժեշտ է հարցաքննել ռուսական ռազմաբազայի նախկին հրամանատարին, որը այլեւս Հայաստանում չէ: Իսկ եթե հարց առաջացավ՝ անհրաժեշտություն կա զինակիցների ու Պերմյակովի հետ առերեսում անցկացնել, հայկական կողմն ունենալո՞ւ է հնարավորություն այդ առերեսումներն անել: Քննչական մարմինը, տուժողի իրավահաջորդները լիարժեք չեն կարող քննչական գործողություններին մասնակցել, եթե հնարավորություն չունեն իրենց օրենսգրքով բոլոր լիազորությունները կատարել»: Ըստ իրավապաշտպանի, շատ հարցեր կան, որոնց պատասխանը չկա, որովհետեւ այս գործում իրավական ընթացակարգը խախտվել է: «Վելես» իրավապաշտպան հասարակական կազմակերպության նախագահ Մարինա Պողոսյանը հարց ունի՝ ինչու հիմա քրեական գործի հանձնման լուրը տարածվեց. «Երբ մեր երիտասարդները ոտքի են դուրս եկել, սա չկայացած շախմատիստի մանյո՞վր էր, թե տեսեք այս գործը մենք ենք քննելու: Շքանշա՞ն է Պերմյակովի գործը, որ հանձնում են, բա թող մի սինի էլ կապեն, պարեցնելով բերեն Բաղրամյան փողոց: Թե գլխավոր դատախազ Կոստանյանն է ուզում ցույց տալ, որ լավ տղա է՝ իր խոսքի տերը: Տղամարդու խոսքը վաղեմության ժամկետ ունի»: Արթուր Սաքունցն էլ այն կարծիքին է, Բաղրամյան 26-ից Գեւորգ Կոստանյանի «գլուխը կթռցնեին», եթե ինքնագլուխ համարձակվեր Պերմյակովին հայկական կողմին փոխանցելու պահանջով դիմել ռուս գործընկերոջը. «Ո՞վ է ՀՀ գլխավոր դատախազը, որ համարձակվի ՌԴ դատախազին գրավոր պահանջ ուղարկել, ոգեւորվել էր այդ հանրահավաքի ժամանակ, լուրջ հավատացել, որ անկախ երկրի դատախազ է: Միաժամանակ՝ դա օրենքով նախատեսված էր, եւ ինքը պետք է աներ, ոչ թե քաղաքացիների առջեւ խոստանար, այլ պետք է ասեր՝ չե՞ք ամաչում, դա ես պետք է անեմ, բայց նման ոճով ներկայացնել, թե տղամարդու խոսք եմ տալիս… Չգրված կանոններով անթույլատրելի է ՀՀ օրենսդրությունը կիրառել, եթե դա ՌԴ հարցերի հետ կապված է»: Մարինա Պողոսյանն էլ անդրադարձավ ոստիկանապետ Վովա Գասպարյանի՝ սթափվելու կոչերին ու ասաց. «Պետք է ոստիկանները սթափվեին ու Գյումրիում կարողանային Պերմյակովին իրենք գտնել, ոչ թե ցույցերի ժամանակ գժուկներին հորդորել սթափվել»: Թե Պերմյակովի քրեական գործի հանձնումը ինչ է ենթադրում, պարոն Սաքունցն ասաց՝ կարող է ենթադրել, որ պետք է ՀՀ դատարանում գործը քննվի: Արփինե ՍԻՄՈՆՅԱՆ

Ամբողջական հոդվածը կարող եք կարդալ այս հասցեով՝ http://www.aravot.am/2015/07/03/589757/

Մարինա Պողոսյանը դատարանում իր ելույթը սկսեց հայտարարությամբ. «Քննիչ Պարույր Աղաբաբյանը կամ կոռումպացված է, կամ անգրագետ քննիչ է, ընդ որում՝ երկուսն էլ հանցագործություն է, և ես հիմա կհիմնավորեմ իմ հայտարարությունը»:

Կենտրոն և Նորք-Մարաշ վարչական շրջանների ընդհանուր իրավասության դատարանում քննվում է «Վելես» հասարակական կազմակերպության նախագահ Մարինա Պողոսյանի բողոքն ընդդեմ Կենտրոնի քննիչ Պարույր Աղաբաբյանի՝ քրեական գործը կարճելու մասին որոշման:

Մարինա Պողոսյանը հաղորդում էր ներկայացրել այն մասին, որ ՀՀ քաղաքացիական ավիացիայի նախկին պետ Հովհաննես Երիցյանը սուտ մատնություն է արել իր նկատմամբ՝ իրեն մեղադրելով շորթման մեջ: Քննիչը կարճել էր քրեական գործի վարույթը, որն այժմ բողոքարկվում է դատարանում:

Մարինա Պողոսյանը նշեց, որ գործի քննությամբ այդպես էլ չի պարզվել, թե ով է այն անձը, ումից ինքը իբր շորթում էր կատարել. «Հովհաննես Երիցյանը հայտարարություն է տվել այն մասին, թե ես փորձել եմ Վարդան Գինոսյանից շորթել իրեն պատկանող անշարժ գույքը՝ այն դեպքում, երբ նախքան հայտարարություն տալը Երիցյանն արդեն վաճառած է եղել այդ տունը, այսինքն՝ գույքը չի պատկանել նրան, որ ես էլ շորթեի»:

Իրավապաշտպանը պնդեց, որ Հովհաննես Երիցյանը ոչ միայն սուտ մատնություն է արել, այլև փորձել է կեղծ ապացույցներ ստեղծել, որպեսզի քննչական մարմինը քրեական հետապնդման ենթարկի իրեն: Մարինա Պողոսյանը դատարանում բացահայտեց, թե Հովհաննես Երիցյանն ինչպիսի վարքագիծ է դրսևորել նախաքննության ընթացքում. «Երիցյանը հայհոյանքներ է տվել ինձ, և ես գրավոր խնդրել եմ, որպեսզի արգելեն նրան ստորացնել ինձ։ Պարույր Աղաբաբյանը առերես հարցաքննության ժամանակ ընդհանրապես ոչ արձանագրել է հայհոյանքները, ոչ էլ անդրադարձել է դրանց»:

«Վելես» ՀԿ նախագահը նշեց, որ նախաքննության մարմինն այնքան շատ է ապօրինություններ թույլ տվել, որ իրեն ժամանակը չի բավականացնի բոլորը թվարկելու համար. «Առերես հարցաքննության ժամանակ գործի հետ կապ չունեցող քննիչները ազատ ելումուտ էին անում սենյակում, երևի անհանգիստ էին, որ իրենց հովանավոր Երիցյանը կարող է հանկարծ վատանալ, իրենք էլ հով անեն, որ ուշքի գա: Սրանք այլասերված են, տասը հոգով հավաքվում են ու գրուպավոյ առերեսում են անցկացնում: Գրուպավոյ ուրիշ բաներ լսել էինք, բայց առերեսում չէինք լսել…»:

Մարինա Պողոսյանը հայտարարեց, որ Երիցյանը պարզապես փախել է առերես հարցաքննությունից. «Ես նրան հարցեր էի տալիս, որոնք կարող էին բացահայտել նրա կատարած հանցագործությունները, իսկ Երիցյանը պարզապես փախավ, ու քննիչը չարձանագրեց դա և առերես հարցաքննությունը չավարտած՝ կարճեց գործի քննությունը»:

«Երիցյանը առերեսմանը զենքով ու Սերժ Սարգսյանի նկարով էր եկել: Նկարը դեռ ոչինչ, ուզում էր՝ թող տատու աներ իր ճակատին, բայց զենքո՞վ: Բա սա քննի՞չ է»,- Պարույր Աղաբաբյանին մատնացույց անելով՝ հռետորական հարց ուղղեց Մարինա Պողոսյանը:

Իրավապաշտպանը կրկին ընդգծեց, որ իր դեմ քրեական գործ հարուցելու միակ նպատակը իրեն լռեցնելն է եղել. «Եթե իմ դեմ սարքված չլիներ այս գործը, այլ մեկ այլ քաղաքացու, ում իրավագիտակցությունը թույլ չէր տա պաշտպանել ինքն իրեն, ապա այժմ նա 6-10 տարով դատապարտված կլիներ, որովհետև ամբողջ քննչական մարմինը ստանձնել է Երիցյանի պաշտպանի դերը»:

Մարինա Պողոսյանն անդրադարձավ նախաքննության ընթացքում վկաների կեղծ ցուցմունքներին. «Գործով անցնող վկա Հակոբ Եղիազարյանը նույն օրը սուտ ցուցմունքներ է տալիս: Եղիազարյանն ունի բարձրագույն կրթություն, և քննիչը նրան զգուշացրել էր սուտ ցուցմունք տալու դեպքում քրեական պատասխանատվության մասին: Եղիազարյանը, սակայն, ժամը 17:50-ին տեղի ունեցած առերեսման ժամանակ ցուցմունք է տվել, թե ինձ չի ճանաչում, այլ միայն իմ մասին լսել է Երիցյանից: Րոպեներ անց նա ցուցմունք է տալիս, որ ինձ շատ լավ ճանաչում է: Քննիչը որևէ իրավական գնահատական չի տվել նրա ցուցմունքներին, այսինքն՝ նա կատարել է լրագրողական աշխատանք, զուտ լրահավաք է արել և չի իրականացրել որևէ քննչական գործառույթ»:

Սույն քրեական գործի շրջանակներում վկաներ Հովհաննես Երիցյանը և Հակոբ Եղիազարյանը քննիչին տեղեկություններ են հայտնել այն մասին, որ Մաշտոցի պողոտայում գտնվող գրավատանը կատարվել է ապօրինի գործարք, քննիչը, սակայն, այդ տեղեկատվությանը ևս չի անդրադարձել և քայլեր չի ձեռնարկել հանցագործության բացահայտման ուղղությամբ:

«Քննիչը շատ երիտասարդ է, ես մտածեցի, որ գուցե իր գիտելիքները չբավականացնեն հանցագործությունը բացահայտելու համար, այդ պատճառով էլ նախաքննության ընթացքում գրավոր միջնորդեցի, որ հարցաքննեն գրավատան տիրոջը, սակայն նա մերժեց: Ես իրեն ասում էի, որ Հակոբ Եղիազարյանը փաստորեն հանցագործության մասին հաղորդում է ներկայացնում, ընդ որում՝ խոսքը ծանր տնտեսական հանցագործության մասին էր, սակայն քննիչին դա չէր հետաքրքրում»,- հայտարարեց «Վելես» ՀԿ նախագահը:

Նախորդ դատական նիստին դատավոր Արմեն Բեկթաշյանը Հովհաննես Երիցյանին հարցաքննելու որոշում էր կայացրել, սակայն վերջինս չէր ստացել իրենց ուղարկված ծանուցագիրը: Դատաքննության ներկա Գայանե Թումասյանը դատարանին հայտնեց այն հասցեն, որտեղ բնակվում է Երիցյանը. «Ինքը իմ տանն է ապրում, մեզանից խլած տանը…»:

Հաջորդ դատական նիստը տեղի կունենա հուլիսի 15-ին՝ ժամը 17:00-ին։

Լուսանկարում՝ Հովհաննես Երիցյան, քննիչ Պարույր Աղաբաբյան

Սկզբնաղբյուրը`http://www.1in.am/1661117.html

«Առաջին լրատվական»-ի զրուցակիցն է «Վելես» իրավապաշտպան հասարակական կազմակերպության նախագահ Մարինա Պողոսյանը:

– Տիկին Պողոսյան, Բաղրամյան պողոտայում տեղի ունեցած բռնության տեսարաններից հետո Դուք հանդես եկաք ծայրահեղ խիստ քննադատությամբ, հատկապես ի՞նչն էր Ձեզ այդչափ բարկացրել:

– Նախ, եթե նկատել եք, ես միշտ եմ հանդես գալիս ծայրահեղ քննադատությամբ, քանի որ այս իշխանության գործելաոճին վաղուց ենք ծանոթ բոլորս: Ինչ վերաբերում է կոնկրետ այդ օրվա դեպքերին, ապա այստեղ ինձ նույնիսկ բառերը չեն հերիքում, որ կարողանամ վիրավորել սրանց: Իշխանությունը ձեռք է բարձրացրել երեխաների վրա, դա սրբապղծություն է:

– Բայց ցուցարար երիտասարդները չափահաս մարդիկ են, որոնք դուրս են եկել փողոց իրենց բողոքն արտահայտելու:

– Ես չեմ ասում, թե նրանք անչափահաս են, բայց այսօրվա իշխանությունների համար, զուտ տարիքային հարաբերակցությամբ, նրանք երեխաներ են: Երեխան նրա համար չէ, որ միայն կենաց խմելիս հիշենք ու մեծարենք, նրանց պետք է պաշտպանել ու հոգ տանել, իսկ սրանք գազանաբար կոտորում էին մեր երեխաներին:

– Ձեր կարծիքով՝ ինչո՞ւ էին ոստիկաններն այդքան ագրեսիվ:

– Ներեցեք, բայց ես համամիտ չեմ, որ դրանք ոստիկաններ էին, ոստիկան հասկացությունը ոչ մի կապ չուներ այն խուժանի հետ, որ մենք տեսանք: Սրանք Սերժի հաստավիզ ու դատարկագլուխ թիկնապահներն են, որոնք ամեն ինչի պատրաստ են, միայն թե իրենց շեֆի հանգիստը չխաթարվի: Մենք այսօր չունենք ոստիկանություն և ոստիկանապետ, Վովա Գասպարյանը ընդամենը Սերժի թիկնազորի պետն է:

– Նման իրավիճակում ի՞նչ քայլերի պետք է դիմեն քաղաքացիները:

– Առաջարկում եմ նախ հայտարարություն տալ ոստիկանապետի թափուր պաշտոնի վերաբերյալ, թող մարդիկ իրենց կենսագրականներն ուղարկեն, Բաղրամյան պողոտայում հավաքված մարդիկ էլ ընտրեն, թե ով կլինի Հայաստանի Հանրապետության ոստիկանապետը:

– Կարծում եք՝ առաջիկա օրերին ևս կլինեն բռնություննե՞ր:

– Եթե Սերժի թիկնապահները ձեռք են բարձրացնում մահացած զինվորի մայրերի վրա, մեր երեխաների վրա, ապա նրանցից ամեն ինչ էլ կարելի է սպասել: Բայց դա, իհարկե, չի նշանակում, որ մենք պետք է վախենանք և դուրս չգանք փողոց: Ինչպես տեսնում եք, ժողովուրդը չկոտրվեց ախրաննիկների այլանդակ գործողություններից, ճիշտ հակառակը՝ համախմբվեց, ավելի շատացավ ու ավելի մեծ ոգևորությամբ է շարունակում պայքարը:
Հեղինակ՝ Արման Ղարիբյան
Սկզբնաղբյուրը`http://www.1in.am/1657257.html

ՀՀ քաղաքացիական վարչության նախկին պետ Հովհաննես Երիցյանը պետք է հունիսի 30-ին ներկայանա Կենտրոն և Նորք-Մարաշ վարչական շրջանների ընդհանուր իրավասության դատարան: Դատարանը պետք է պարզի, թե արդյոք Երիցյանը չի՞ գիտակցել, որ սուտ մատնություն է անում «Վելես» հասարակական կազմակերպության նախագահ Մարինա Պողոսյանի դեմ:

Հիշեցնենք, որ Կենտրոնի քննիչ Պարույր Աղաբաբյանը եկել է այն եզրակացության, որ ՀՀ քաղաքացիական ավիացիայի նախկին պետ Հովհաննես Երիցյանը չի գիտակցում սեփական արարքների նշանակությունը, իսկ Մարինա Պողոսյանը պնդում է, որ նախկին պաշտոնյան գիտակցաբար է սուտ մատնություն կատարել, որպեսզի քրեական գործ հարուցեն իր դեմ:

«Մեր կազմակերպությունը զբաղվում է վաշխառության և խարդախության դեմ պայքարով: Այս դահլիճում կան մարդիկ, ովքեր տուժել են Հովհաննես Երիցյանից, մեր կազմակերպության շնորհիվ նրանք համախմբվել են և սկսել են պայքարել իրենց իրավունքների համար, այդ պատճառով էլ Հովհաննես Երիցյանը դիմել է նման քայլի, որպեսզի լռեցնի մեզ»,- դատարանում հայտարարեց «Վելես» կազմակերպության նախագահը:

Հովհաննես Երիցյանը նախորդ տարի դիմել էր ոստիկանություն՝ Մարինա Պողոսյանին մեղադրելով շորթում կատարելու մեջ: Քննությունը պարզել էր, որ իրականում շորթում տեղի չի ունեցել, սակայն նախկին պաշտոնյան պատասխանատվության չի ենթարկվել սուտ մատնության համար, քրեական գործի վարույթը կարճվել էր: Իրավապաշտպանը բողոքարկում է կարճման որոշումը դատարանում:

Մարինա Պողոսյանի շահերը ներկայացնող փաստաբան Ինեսա Պետրոսյանը երեկ դատարանին միջնորդեց վկայակոչել Հովհաննես Երիցյանին՝ պարզելու համար, թե նա ինչու է ակնհայտ կեղծ տեղեկություններ հայտնել նախաքննական մարմնին:

Դատավոր Արմեն Բեկթաշյանը բավարարեց միջնորդությունը՝ նշելով, որ դատարանը սեփական նախաձեռնությամբ պատրաստվում էր վկայակոչել Երիցյանին:

Դատական նիստին ներկա չէին գործը քննած քննիչն ու վերահսկող դատախազը, ում «Վելես» ՀԿ-ի նախագահը մեղադրում է հանցագործության մեջ: «Նրանք կա՛մ անգրագետ են, կա՛մ հանցագործ: Ես չեմ պատկերացնում, որ քննիչը չի հասկացել, թե Երիցյանը ինչպիսի շահագրգռվածություն է ունեցել: Ակնհայտ է, որ այս գործը ձգվել է 8 ամիս, որպեսզի ինձ վրա ճնշումը երկարի»,- հայտարարեց Մարինա Պողոսյանը:

Հեղինակ՝ Արման Ղարիբյան
Սկզբնաղբյուրը`http://www.1in.am/1640136.html

Կենտրոն եւ Նորք-Մարաշ վարչական շրջանների ընդհանուր իրավասության առաջին ատյանի դատարանում դատավոր Արմեն Բեկթաշյանի նախագահությամբ հունիսի 5-ին շարունակվում էր «Վելես» հասարակական կազմակերպության նախագահ Մարինա Պողոսյանի բողոքի քննությունն ընդդեմ Կենտրոնի քննչական վարչության քննիչ Պարույր Աղաբաբյանի կայացրած որոշման:
Քաղաքական Իրավական լուրեր Հասարակություն Երեվանից դուրս Մշակույթ Կրթություն Սպորտ Տնտեսական լուրեր Մամուլ «Առավոտ» օրաթերթ Այլ ENG | РУС Եղանակը Երևանում Ցերեկ +16 Գիշեր +6 Փոխարժեք USD475.26 EUR518.08 RUB7.63 GBP581.24 Կարդացվել է 792 անգամ0 ՄեկնաբանությունՏարածելՏպել19:30 | Հունիս 5 2015 «Հովհաննես Երիցյանը առերեսումներին ներկայացել է զենքով եւ նախագահի նկարով». Մարինա Պողոսյան Մարինա Պողոսյանի խոսքերով՝ քննիչ Պարույր Աղաբաբյանը ընդհանրապես քննություն չի կատարել Կենտրոն եւ Նորք-Մարաշ վարչական շրջանների ընդհանուր իրավասության առաջին ատյանի դատարանում դատավոր Արմեն Բեկթաշյանի նախագահությամբ հունիսի 5-ին շարունակվում էր «Վելես» հասարակական կազմակերպության նախագահ Մարինա Պողոսյանի բողոքի քննությունն ընդդեմ Կենտրոնի քննչական վարչության քննիչ Պարույր Աղաբաբյանի կայացրած որոշման: Պարույր Աղաբաբյանը չէր ներկայացել դատարան եւ նիստը շարունակվեց առանց նրա: Մարինա Պողոսյանը դատական նիստի ընթացքում ասաց, որ Քաղավիացիայի նախկին պետ Հովհաննես Երիցյանը, հասկանալով, որ իր կատարած հանցագործությունները պետք է պարզվեն, շահադիտական նպատակներով կատարել է սուտ մատնություն. «Նրա շահադիտական նպատակը իրավապաշտպանների վրա ճնշում գործադրելն է, որպեսզի ես հասկանամ, որ իմ ցանկացած քայլ կարող է որոշակի պետական մարմինների կողմից ճնշման ենթարկվել, եւ շորթումով գործ է հարուցվել: Ես իմ ամեն ասած կարող եմ փաստել»: Նա նշեց, որ Հովհաննես Երիցյանը, առնչություն չունենալով Նար-Դոս փողոցում գտնվող տան հետ, հայտարարություն է տվել ոստիկանության Կազմակերպված հանցավորության դեմ պայքարի վարչության թրաֆիքինգի բաժին: Նա հավելեց, որ Հովհաննես Երիցյանը երեւի թե թրաֆիքինգի բաժին է դիմել, քանի որ դրանից մի քանի օր առաջ վերջիններս սեղանակիցներ են եղել եւ որոշել են ճնշում գործադրել իր վրա. «Ցավոք սրտի, թրաֆիքինգի բաժնում ընդհանրապես բացատրություն տալու չեն կանչում ո՛չ ինձ, ո՛չ Տիգրան Լեւոնյանին: Տրված բացատրություններից արդեն երեւում է, որ ընդհանրապես շորթման մասին խոսք չի կարող լինել, որովհետեւ Երիցյանի մատնանշած անձինք գալիս եւ հերքում էին, որ իմ կողմից եղել է սպառնալիք, որ ես ղազախական մաֆիայի ներկայացուցիչ եմ, որ վախեցրել եմ տղաների, որ իրենց մայրերին վրաերթի կենթարկեմ, որ իրենց կգողանամ, եւ այդ սպառնալիքների տակ փորձել եմ տիրանալ Նար-Դոսում գտնվող գույքին, որն ի դեպ Երիցյանին չէր պատկանել»: Մարինա Պողոսյանը ընդգծեց, որ քրեական գործն անհիմն է հարուցվել. «Գործը քննող քննիչ Պարույր Աղաբաբյանը կոնկրետ հանցագործ է, հասկանում եմ, որ հանցագործության մասին հաղորդում եմ տալիս, որովհետեւ վերջինս կա՛մ անգրագետ է, որը նույնպես հանցագործություն է, կա՛մ կաշառված է, որովհետեւ վերջինս ընդհանրապես քննություն չի արել: Գործում եղել են ցուցմունքներ, որոնք չեն գնահատվել քննիչի կողմից, ընդհանրապես շորթման գործը Պարույր Աղաբաբյանը չի քննել, այսինքն՝ վերջինս ոչ թե քննիչի դեր է ստանձնել, այլ՝ քարտուղարուհու. հավաքագրել է ցուցմունքներ»: Նա հավելեց, որ Հովհաննես Երիցյանի հետ առերեսման ընթացքում հետաքրքրվել է, թե ինչո՞ւ է վերջինս դիմել թրաֆիքինգի բաժին, վերջինս հրաժարվել է առերեսվել եւ փախել է. «Ավելին՝ Երիցյանը առերեսումներին ներկայացել է զենքով, որը դնում էր սեղանին, եւ նախագահի նկարով: Եվ առերեսում չի եղել. այն վերածվել է շուկայի, որովհետեւ ով ասես մտնում էր, եւ առերես հարցաքննության ժամանակ որեւէ ասած բառ չի գրանցվել»: Դատական նիստը հետաձգվեց, հաջորդ դատական նիստը տեղի կունենա հունիսի 30-ին: «Վելես» հասարակական կազմակերպությունը զբաղվում է վաշխառուներից տուժած քաղաքացիների շահերի պաշտպանությամբ: Մարինա Պողոսյանը բազմիցս հայտարարել է, որ Քաղավիացիայի նախկին պետ Հովհաննես Երիցյանը վաշխառու է, եւ նրա գործունեությունից շատերն են տուժել: Ամի ՉԻՉԱԿՅԱՆ

Ամբողջական հոդվածը կարող եք կարդալ այս հասցեով՝ http://www.aravot.am/2015/06/05/579044/

Կենտրոնի քննիչ Պարույր Աղաբաբյանը եկել է այն եզրակացության, որ ՀՀ քաղաքացիական ավիացիայի նախկին պետ Հովհաննես Երիցյանը չի գիտակցում սեփական արարքների նշանակությունը, մասնավորապես՝ Երիցյանը 8 ամիս շարունակ պնդել է, թե «Վելես» հասարակական կազմակերպության նախագահ Մարինա Պողոսյանը հանցագործ է՝ «չգիտակցելով, որ իր արարքները կեղծ են»:

Մասնավորապես, Երիցյանը դիմել է ոստիկանություն՝ հայտնելով, թե Մարինա Պողոսյանը, հանդիսանալով «ղազախական մաֆիայի անդամ», փորձել է շորթում կատարել իր սանիկից, զարմիկից և ընկերոջ փեսայից՝ սպառնալով, թե վրաերթի կենթարկի նրանց և կառևանգի երեխաներին: Երիցյանի հարազատները ներկայանալով ոստիկանություն՝ հերքել են Երիցյանի պնդումները՝ հայտնելով, որ Մարինա Պողոսյանը չի սպառնացել իրենց և շորթման փորձ չի կատարել: Այսքանից հետո Կենտրոնի բաժնում քրեական գործ է հարուցվել Երիցյանի հաղորդման հիման վրա, որի շրջանակներում «շորթվածները» կրկին հերքել են Երիցյանի տված ցուցմունքները, սակայն նախկին պաշտոնյան չի դադարել քննիչներին համոզել, թե իբր իրավապաշտպանն իսկապես հանցագործություններ է կատարել:

Մարինա Պողոսյանը քրեական գործի ընթացքում հաղորդում է տվել հանցագործության մասին՝ պնդելով, որ Հովհաննես Երիցյանը սուտ մատնություն է արել իր նկատմամբ՝ շահադիտական նպատակներով: Նշենք, որ Մարինա Պողոսյանի հիմնադրած «Վելես» հասարակական կազմակերպությունը պայքարում է վաշխառուության և խարդախության դեմ, այդ թվում՝ Հովհաննես Երիցյանից տուժած անձանց շահերի պաշտպանությամբ:

«Վելես» ՀԿ-ն 2013 թվականից սկսած բարձրաձայնել է Հովհաննես Երիցյանի գլխավորությամբ գործող հանցախմբի արարքները, արդյունքում նախկին պաշտոնյան փորձել է ճնշում գործադրել իրավապաշտպանի նկատմամբ՝ նրա դեմ քրեական գործ հարուցելու ճանապարհով:

«Հովհաննես Երիցյանը օգտագործել է իր կապերը ոստիկանությունում և դատախազությունում և կարողացել է հասնել նրան, որ քրեական գործ հարուցվի: Այդ գործն այնքան աբսուրդ է, որ նույնիսկ Երիցյանի հանցակիցներն են ցուցմունքներ տվել իր դեմ»,- «Առաջին լրատվական»-ի հետ զրույցում ասաց Մարինա Պողոսյանը:

Ներկայացնենք քրեական գործից մի դրվագ. Հովհաննես Երիցյանը պնդում է, որ Մարինա Պողոսյանը սպառնալիքների միջոցով փորձել է շորթել իր ընկերոջ փեսայի՝ Վարդան Գինոսյանի անունով ձևակերպված անշարժ գույքը: Գինոսյանը, սակայն, իր ցուցմունքներում հայտնում է, որ նման բան չի եղել, ավելին՝ նա պնդում է իր ցուցմունքը Երիցյանի հետ առերես հարցաքննության ժամանակ.

Վարդան Գինոսյան. «Մարինան ինձանից չի պահանջել, որ գույքն իր անունով անեմ: Իմ կամ իմ մերձավորների հասցեին սպառնալիքներ չեն եղել»:

Այսքանից հետո ևս Երիցյանը չի դադարում պնդել, որ Մարինա Պողոսյանը հանցագործ է, և որ նա «պետք է դատվի շանտաժի, շորթման, խաբեության, ինձ վաշխառուի դերում հանդես բերելու, սև մամուլի միջոցներով իմ անունը արատավորելու համար…»: Երիցյանի շարադրած ցանկը բավականին երկար է:

«Եվ այսքանից հետո քննիչն ու դատախազը այնքան ցինիկ են գտնվել, որ նշում են, թե Երիցյանը չի գիտակցել, թե ինչ է անում: Ենթադրենք, թե հաղորդում տալու պահին չի գիտակցել, որ կեղծ տեղեկություններ է տալիս իմ մասին, բայց երբ իր իսկ վկայակոչած մարդիկ ցուցմունք են տալիս և ասում, որ նման բան չի եղել, նա չի հանգստանում, շարունակում է պնդել, թե ես հանցագործ եմ: Մի՞թե Հովհաննես Երիցյանը անմեղսունակ է: Եթե նա ընկալման խնդիրներ ունի, ինչպե՞ս է տարիներ շարունակ այդքան պատասխանատու պաշտոն զբաղեցրել և ինչպես է դիզել իր միլիոնները: Անմեղսունակ մարդը չէր կարող հարյուրավոր գործարքներ կնքել և ունեզրկել տասնյակ քաղաքացիների»,- ասում է Մարինա Պողոսյանը:

«Վելես» ՀԿ-ի նախագահը շարունակում է պնդել, որ ոստիկանությունը և դատախազությունը հովանավորում են Երիցյանին. «Եթե ընդունենք, որ Երիցյանը իսկապես անմեղսունակ է, ապա իրավապահ մարմիններն ինչի՞ համար են: Թե՞ նրանք էլ են անմեղսունակ, որ չեն հասկանում՝ ինչ է կատարվում: Ինձ մոտ տպավորություն է ստեղծվել, որ ընկալման հետ խնդիրներ ունի ոչ թե Հովհաննես Երիցյանը, այլ նրա ցնդաբանությունների հիման վրա գործ հարուցած ու քննած պաշտոնյաները»:

Կենտրոնի քննչական բաժնում կարճել են Հովհաննես Երիցյանի դեմ հարուցված «սուտ մատնության» գործը: Մարինա Պողոսյանը կարճման որոշումը բողոքարկել է Կենտրոն և Նորք-Մարաշ վարչական շրջանների ընդհանուր իրավասության դատարանում: Բողոքը քննվելու է հունիսի 8-ին:
Հեղինակ՝ Արման Ղարիբյան

Սկզբնաղբյուրը`http://www.1in.am/1633450.html

Օրերս Վճռաբեկ դատարանը վճիռ է կայացրել հօգուտ ՀՀ քաղաքացիական ավիացիայի նախկին պետ Հովհաննես Երիցյանի: Այս վճռի արդյունքում Երիցյանը տիրացել է հսկայական առանձնատանը, որի մեկ երկրորդի սեփականատերը Գայանե Թումասյանն էր:

Գայանեն Փարաքար գյուղում մեծ առանձնատուն էր կառուցել ամուսնու հետ: Տարիներ շարունակ ընտանիքը մշտապես բնակվել է այս հասցեում: «Ամուսինս գործարար է, տներ էր կառուցում, սակայն մեծ գումարներ չունեինք, և նա շենքի շինարարության համար պարտքով գումարներ է վերցրել: Ամուսնուս տոկոսով գումար է տվել Հովհաննես Երիցյանը, որը գրավի պայմանագրի փոխարեն պնդել է, որ կնքեն շինծու առուվաճառքի պայմանագիր, համաձայն որի՝ իբր, մեր առանձնատունը մենք վաճառել ենք իրեն, սակայն պայմանը եղել է, որ երբ ամուսինս վերադարձնի գումարը, Երիցյանը տունը հետ կվաճառի մեզ»,- «Առաջին լրատվական»-ի հետ զրույցում պատմեց Գայանե Թումասյանը:

Թումասյանի խոսքով՝ ինքն իրականում տեղյակ չի եղել այս ամբողջ գործարքից, քանի որ դրանից ամիսներ առաջ մահացած է եղել իր 19-ամյա որդին, և սգի մեջ գտնվող կինն ընդհանրապես չի միջամտել ամուսնու գործերին:

«Ամուսինս շատ լավ գիտեր, որ ես ոչ մի դեպքում չէի համաձայնի, որ մեր տունը թեկուզ շինծու վաճառեր Երիցյանին, դրա համար ինձնից գաղտնի են պահել ամբողջ գործընթացը: Երիցյանի սանիկը նոտարում կեղծ հայտարարություն է տվել, թե ամուսինս, իբր, ամուսնացած չէ՝ տեղյակ լինելով, որ ես նրա օրինական կինն եմ, քանի որ թե՛ Երիցյանը, թե՛ նրա սանիկը բազմիցս հյուրընկալվել են մեր տանը»,- վստահեցնում է Գայանե Թումասյանը:

Շինծու գործարքից երկու տարի անց Հովհաննես Երիցյանը Թումասյանին նորածին թոռնիկի և հարսի հետ միասին վտարում է տնից, քանի որ, ըստ փաստաթղթերի, առանձնատունը վաճառված էր Երիցյանին:

Քաղավիացիայի նախկին պետը, սակայն, պնդում է, որ ինքը տոկոսով գումար չի տվել, և առուվաճառքի պայմանագիրը իրական է եղել: Գայանե Թումասյանը դիմել էր դատարան՝ պահանջելով շինծու առուվաճառքի պայմանագիրը մեկ երկրորդ մասով չեղյալ համարել և ճանաչել իր սեփականության իրավունքը: Ընդհանուր իրավասության դատարանը մերժել էր Գայանեի հայցը, սակայն Վերաքննիչ դատարանը 2 անգամ բեկանել էր դատարանի վճիռը` հաստատելով, որ Ընդհանուր իրավասության դատարանը «չի բացահայտել գործով ձեռք բերված ապացույցներով հաստատված փաստերը»:

Երիցյանը, սակայն, չի հաշտվել կրած պարտության հետ և անցած տարի բողոք է ներկայացրել Վերաքննիչ դատարանի կայացրած որոշման դեմ: Վճռաբեկ դատարանը նախ վերադարձրել է Երիցյանի բողոքը, սակայն ամիսներ անց ոչ միայն վարույթ է ընդունել, այլև վճիռ է կայացրել հօգուտ նախկին պաշտոնյայի:

«Պարզ է, որ Երիցյանը կաշառել է դատավորներին, ինքը փողով ամեն հարց լուծում է էս երկրում, ինքն է ամեն տեղ ասում, թե ինչ ուզեմ՝ էդ էլ կանեմ: Ես շատ էի զարմացել, որ Վերաքննիչ դատարանը երկու անգամ արդար որոշում էր կայացրել, արդեն սկսել էի հավատալ, որ արդարություն գոյություն ունի, բայց Վճռաբեկ դատարանի վճռից հետո հասկացա, որ էս երկրում արդարությունը նրանն է, ով շատ փող ունի»,- արցունքները սրբելով ասում է Գայանե Թումասյանը:

Վաշխառության և խարդախության դեմ պայքարող «Վելես» հասարակական կազմակերպության նախագահ Մարինա Պողոսյանը «Առաջին լրատվական»-ի հետ զրույցում նշեց, որ Հովհաննես Երիցյանի դեմ նմանատիպ բողոքներով իրենց են դիմել մի քանի ընտանիքներ: «Եթե Երիցյանը պարզապես գնում է այդ տները, նախ անհասկանալի է, թե որտեղից ներկայումս թոշակառու նախկին պաշտոնյային այդպիսի մեծ գումարներ, երկրորդն էլ՝ այդ ինչպե՞ս է ստացվում, որ իրար չճանաչող մարդիկ ներկայացնում են նույնատիպ բողոքներ Երիցյանի և նրա գլխավորած խմբի մասին»:

Մարինա Պողոսյանը հիշեցնում է, որ ներկայումս ոստիկանությունում երկու քրեական գործ է քննվում Հովհաննես Երիցյանի դեմ, երկուսն էլ վաշխառության և խարդախության փաստով: «Երիցյանին թվում է, թե ինքն իրոք անպատժելի է: Նա ամենուր հայտարարում է, թե բոլոր պաշտոնյաներն իր տանը հաց են ուտում, նրանց միջոցով էլ երևի լուծում է իր հարցերը,- ասում է Մարինա Պողոսյանը և ավելացնում,- մեզ համար ակնհայտ է, որ Վճռաբեկ դատարանը շահագրգռված էր, որ Երիցյանի օգտին վճիռ կայացնի, քանի որ դատարանն անտեսեց այն հանգամանքը, որ այս առանձնատան առուվաճառքի վերաբերյալ ներկայումս քրեական գործ է քննվում»:

Հեղինակ՝ Արման Ղարիբյան

Սկզբնաղբյուրը`http://www.1in.am/1619527.html

«Վելես» իրավապաշտպան հասարակական կազմակերպության նախագահ Մարինա Պողոսյանը ԳԱԼԱ-ի էլեկտրոնայաին փոստին է ուղարկել Բաց նամակ՝ հասցեագրված Ս. Սարգսյանին՝ հրապարակման խնդրանքով:

Ներկայացնում ենք իրավապաշտպան կազմակերպության ղեկավարի նամակը՝ առանց կրճատումների.

Պարոն Սերժ Սարգսյան, այս օրերին երբ ազգովի սգում ենք Օսմանյան կայսրությունում տեղի ունեցած ոճրագործության 100-րդ տարելիցը, անձամբ ես սգում եմ ոչ միայն մեկդարյա հնության վայրագությունների առթիվ, այլեւ ներկայիս Հայաստանում հայերի կողմից իրականացվող ջարդի եւ մարդկանց տարհանման կապակցությամբ:

Մեր դատաիրավական համակարգը, ըստ էության, վարում է նույն քաղաքականությունը, ինչ ժամանակին երիտթուրքերը: Տարիներ շարունակ ՀՀ քաղաքացիները ծեծուջարդի միջոցով տարհանվում են իրենց տներից, եւ այդ ծեծուջարդը արվում է դատական ակտերի միջոցով, արվում է անկախ Հայաստանի Հանրապետությունում, արվում է այն պաշտոնյաների միջոցով, որոնք ապրում են մեր վճարած հարկերի հաշվին եւ կոչված են պաշտպանելու մեր երկրի Սահմանադրությունն ու քաղաքացիների իրավունքները:

Այսօր, երբ ես ականատես եմ լինում այս ամենին, ի՞նչը պետք է հիշեմ եւ պահանջեմ: Մոռանալու հարց չի առաջանում, քանի որ ես գրեթե ամեն օր եմ ականատես լինում մեր խղճուկ դատական համակարգի կողմից իրականացվող ոճրագործություններին: Ես չեմ հիշում, այլ հիշեցնում եմ Ձեզ, որ մենք փորձում ենք կառուցել իրավական պետություն՝ ստանձնելով ընչազուրկ եւ անօթեւան քաղաքացիների շահերի պաշտպանությունը, որոնք զրկվել են իրենց ունեցվածքից ներկա եւ նախկին պաշտոնյաների, քննիչների, դատախազների եւ դատավորների հանցավոր համագործակցության արդյունքում:

Ես հիշեցնում եմ եւ պահանջում, որպեսզի Դուք անտարբեր չմնաք հայաթափության այս ծրագրի նկատմամբ եւ Ձեր թողտվությամբ չդառնաք այդ ոճիրի հովանավորը: Այսօր, երբ Հայաստանը գրեթե դատարկվել է, երբ մարդիկ հիասթափված ու զզված իրենց հայրենիքից հեռանում են, Ձեզ պետք է հուզի յուրաքանչյուր քաղաքացու ճակատագիրը:

Ո՞ւմ նախագահն եք Դուք. հանցագործ դատավորների՞, դատախազների՞, ոստիկանների՞: Ո՞ւմ: Ի՞նչ շահեր եք Դուք հետապնդում, ի՞նչն է Ձեր հույսը: Հայոց ցեղասպանությանը միջազգային կարեւորություն տալով՝ մի՞թե չեք ամաչում, որ մեր երկրում ակնհայտ հանցագործություններ են կատարվում ամեն օր:

Ո՞րն է Ձեր նպատակը. մարդկանց այնքան ունեզրկե՞լ, որ 5000 դրամի փոխարեն պատրաստ լինեն 500 դրամով վաճառել իրենց ձայնը: Ուզո՞ւմ եք դառնալ 500 դրամանոցների նախագահ: Մինչեւ ե՞րբ է շարունակվելու այս ցինիզմն ու ամենաթողությունը, ե՞րբ է Ձեր մեջ արթնանալու երկրի ղեկավարի գիտակցությունը, մինչեւ ե՞րբ եք անհաղորդ մնալու ՀՀ քաղաքացիների խնդիրներին, մինչեւ ե՞րբ եք թույլ տալու, որ մանր ու միջին պաշտոնյաները հեղինակազրկեն ու պղծեն այն երկիրը, որի նախագահն եք Դուք:

Մի՞թե Դուք տեղյակ չեք, որ ՀՀ քաղաքացիական ավիացիայի նախկին պետ Հովհաննես Երիցյանը Ձեր անձնական լուսանկարը ձեռքին գնում է ոստիկանություն՝ հայտարարելով, թե դուք «զեմլյակներ եք», եւ որ ինքն ինչ կուզի կանի այս երկրում: Մի՞թե Դուք տեղյակ չեք, որ այս նախկին պաշտոնյան իբրեւ Ձեզնից եւ ՌԴ նախագահ Վլադիմիր Պուտինից ստացած զենքերով վախեցնում եւ սպառնում է ՀՀ քաղաքացիներին՝ ունեզրկելով նրանց:

Եվ եթե նախկինում Երիցյանի հայտարարությունները մենք ընդունում էինք որպես տարեց մարդու զառանցանքներ, ապա վերջին տարիների իրադարձությունները մեզ ստիպեցին համոզվել, որ նրա հայտարարություններն իր բարձր հովանավորների մասին անհիմն չեն, քանի որ վերջինիս պատվերով կայացվում են ապօրինի դատական ակտեր, անհիմն հարուցվում եւ կարճվում են քրեական գործեր, բազմաթիվ ընտանիքներ հայտնվում են փողոցում:

Պարոն Սերժ Սարգսյան, մենք հիշեցնում եւ պահանջում ենք, քանի որ այս խնդրով դիմել ենք Ձեզ դեռ անցած տարի, սակայն Ձեր անտարբեր կեցվածքը հավանաբար ավելի է ոգեշնչել հանցագործներին, որոնք էլ ավելի են համոզվել իրենց անպատժելիության մեջ: Սակայն այս երկիրը ոչ նրանցն է, ոչ էլ Ձերը, սա մեր երկիրն է եւ մենք կառուցելու ենք օրենքի պետություն: Միացեք մեզ, քանի դեռ ունեք այդ հնարավորությունը:

ՀԳ – Մայրիկիս պապիկը, ով մի կերպ է փրկվել թուրքական յաթաղանից, հաստատվել է Հայաստանում եւ եղել է Արաբկիր թաղամասի հիմնադիրներից: Նա, սակայն, չէր կարող պատկերացնել, որ մի օր իր կառուցած երկիրը վերածվելու է սպանդի դաշտի, սպանդ, որն իրականացվում է հայերի կողմից հայերի հանդեպ:

Դուք հիշում եւ պահանջում եք թուրքերից, իսկ մենք հիշեցնում եւ պահանջում ենք Ձեզնից:

«Վելես» իրավապաշտպան հասարակական կազմակերպության նախագահ Մարինա Պողոսյան

Սկզբնաղբյուրը`http://galatv.am/hy/your-voice/108196/

Հիշեցնում ենք եւ պահանջում. Բաց նամակ ՀՀ նախագահին

Վերաքննիչ քրեական դատարանը մերժել է «Վելես» հասարակական կազմակերպության նախագահ Մարինա Պողոսյանի բողոքը: Վերջինս բողոքարկում էր Ընդհանուր իրավասության դատարանի կայացրած որոշումը, որով մերժվել էր իրավապաշտպանի բողոքը: Մարինա Պողոսյանը 2014թ. մարտի 17-ին բռնության էր ենթարկվել Դատական ակտերի հարկադիր կատարման ծառայության աշխատակիցների կողմից, դեպքի առթիվ Հատուկ քննչական ծառայությունում հարուցվել էր քրեական գործ, որը հետագայում կարճվել էր: «Վելես» հասարակական կազմակերպության նախագահը բողոքարկում է կարճման որոշումը, սակայն դատական երկու ատյաններն էլ մերժել են նրա բողոքը:

«Մեզ համար անակնկալ չէր նման որոշումը, հատկապես հաշվի առնելով առաջին ատյանի դատավոր Լևոն Ավետիսյանի դիրքորոշումը այս գործի նկատմամբ և այն հանգամանքը, որ Վերաքննիչ դատարանի դատավոր Ռուզաննա Բարսեղյանն ու դատավոր Լևոն Ավետիսյանը նախկինում միասին աշխատել են նույն մարզում: Հասկանալի է, որ Բարսեղյանը պետք է կոծկեր Ավետիսյանի կողմից ապօրինի կայացված դատական ակտը»,- «Առաջին լրատվական»-ի հետ զրույցում ասաց Մարինա Պողոսյանը:

Նրա խոսքով՝ վերոնշյալ երկյակը բացարձակ անհաղորդ է մնացել այն փաստի նկատմամբ, որ Դատական ակտերի հարկադիր կատարման ծառայակիցները բռնություն են կիրառել ինչպես իր, այնպես էլ 75-ամյա կնոջ նկատմամբ:

«Նրանց համար միևնույն է, թե ինչ է կատարվում Հայաստանում, թե ինչպես են ոտնահարվում մարդու իրավունքները, ինչպես են ստորացվում ՀՀ քաղաքացիները. նրանք միայն իրենց պատվիրատուի շահերն են պաշտպանում: Դատավորները պարզապես թքած ունեն Հայաստանի Սահմանադրության և մյուս օրենքների վրա: Դե յուրե դատավորները անկախ են, սակայն դե ֆակտո նրանք հաճախ ստանձնում են հանցագործների պաշտպանի դերը՝ ելնելով իրենց նեղ անձնական շահերից: Փաստորեն, դատավորներն էլ օրենքով պաշտպանված հանցագործներ են»,- նշում է «Վելես» ՀԿ-ի նախագահը:

Մարինա Պողոսյանին զարմացրել է հատկապես այն, որ դատավոր Ռուզաննա Բարսեղյանը փորձել է պարզել, թե որքան ժամանակով են ԴԱՀԿ ծառայակիցները փակի տակ պահել իրավապաշտպանին: «Քննիչն ու դատախազը միաձայն պնդում էին, թե իբր ինձ ընդամենը մի քանի վայրկյան են փակի տակ պահել, և դա փաստորեն հիմք տվեց դատավորին որոշելու համար, որ իմ նկատմամբ կիրառված ուժն ու ազատության սահմանափակումը իրավաչափ են եղել: Հետաքրքիր է, թե ո՞ր օրենքում է դատավորը կարդացել, որ անձին առանց դատարանի որոշման ազատությունից զրկելը՝ թեկուզ կարճ ժամանակով, իրավաչափ է»,- հռետորական հարց է հնչեցնում Մարինա Պողոսյանը:

Իրավապաշտպանը շեշտում է, որ երկու դատարաններում էլ ինքը հաղորդում է տվել հանցագործության մասին, սակայն դատավորները կրկին անհաղորդ են մնացել: «Ես շատ հստակ հայտարարել եմ, որ սույն քրեական գործից կորել են ցուցմունքներ, սակայն այս տխրահռչակ երկյակին դա բնականաբար չի հետաքրքրել: Ընդհանրապես, ես այն տպավորությունն ունեի, որ թե՛ դատավոր Ավետիսյանը, թե՛ Բարսեղյանը նիստի հենց սկզբում իրենց որոշումներն արդեն գրել-բերել էին, այդ պատճառով էլ գործը պարզապես չքննեցին»,- ասում է «Վելես» ՀԿ-ի նախագահը:

Մարինա Պողոսյանը կարծում է, որ նման դատական ակտերը ապտակ են ՀՀ հեղինակությանը և մեր երկիրը հավասարեցնում են Ադրբեջանի մակարդակին: «Մենք Ադրբեջանին քննադատելու տեղ չունենք, քանի որ մեր երկրում իրավապաշտպանների նկատմամբ նույն վերաբերմունքն են դրսևորում, ինչ հարևան երկրում: Սրանք ադրբեջանցիներից ոչնչով չեն տարբերվում»:

Ներկայումս «Վելես» ՀԿ-ն դիմել է ՀՀ գլխավոր դատախազություն՝ ներկայացնելով հաղորդում ՀՔԾ քննիչի կողմից սույն քրեական գործով կատարված հանցագործության մասին. «Եթե Հայաստանի դատարաններն այս որակի են, դատախազությունից ևս մեծ ակնկալիքներ չունենք, սակայն մենք մեր պարտքն ենք համարում բարձրաձայնել իրավապահ համակարգում տիրող ապօրինությունների մասին»,- ասում է Մարինա Պողոսյանը:
Հեղինակ՝ Արման Ղարիբյան

Սկզբնաղբյուրը`http://www.1in.am/1614811.html

Պարոն Սերժ Սարգսյան, այս օրերին երբ ազգովի սգում ենք Օսմանյան կայսրությունում տեղի ունեցած ոճրագործության 100-րդ տարելիցը, անձամբ ես սգում եմ ոչ միայն մեկդարյա հնության վայրագությունների առթիվ, այլեւ ներկայիս Հայաստանում հայերի կողմից իրականացվող ջարդի եւ մարդկանց տարհանման կապակցությամբ:

Մեր դատաիրավական համակարգը, ըստ էության, վարում է նույն քաղաքականությունը, ինչ ժամանակին երիտթուրքերը: Տարիներ շարունակ ՀՀ քաղաքացիները ծեծուջարդի միջոցով տարհանվում են իրենց տներից, եւ այդ ծեծուջարդը արվում է դատական ակտերի միջոցով, արվում է անկախ Հայաստանի Հանրապետությունում, արվում է այն պաշտոնյաների միջոցով, որոնք ապրում են մեր վճարած հարկերի հաշվին եւ կոչված են պաշտպանելու մեր երկրի Սահմանադրությունն ու քաղաքացիների իրավունքները:

Այսօր, երբ ես ականատես եմ լինում այս ամենին, ի՞նչը պետք է հիշեմ եւ պահանջեմ: Մոռանալու հարց չի առաջանում, քանի որ ես գրեթե ամեն օր եմ ականատես լինում մեր խղճուկ դատական համակարգի կողմից իրականացվող ոճրագործություններին:

Ես չեմ հիշում, այլ հիշեցնում եմ Ձեզ, որ մենք փորձում ենք կառուցել իրավական պետություն՝ ստանձնելով ընչազուրկ եւ անօթեւան քաղաքացիների շահերի պաշտպանությունը, որոնք զրկվել են իրենց ունեցվածքից ներկա եւ նախկին պաշտոնյաների, քննիչների, դատախազների եւ դատավորների հանցավոր համագործակցության արդյունքում: Ես հիշեցնում եմ եւ պահանջում, որպեսզի Դուք անտարբեր չմնաք հայաթափության այս ծրագրի նկատմամբ եւ Ձեր թողտվությամբ չդառնաք այդ ոճիրի հովանավորը: Այսօր, երբ Հայաստանը գրեթե դատարկվել է, երբ մարդիկ հիասթափված ու զզված իրենց հայրենիքից հեռանում են, Ձեզ պետք է հուզի յուրաքանչյուր քաղաքացու ճակատագիրը:

Ո՞ւմ նախագահն եք Դուք. հանցագործ դատավորների՞, դատախազների՞, ոստիկանների՞: Ո՞ւմ: Ի՞նչ շահեր եք Դուք հետապնդում, ի՞նչն է Ձեր հույսը: Հայոց ցեղասպանությանը միջազգային կարեւորություն տալով՝ մի՞թե չեք ամաչում, որ մեր երկրում ակնհայտ հանցագործություններ են կատարվում ամեն օր:

Ո՞րն է Ձեր նպատակը. մարդկանց այնքան ունեզրկե՞լ, որ 5000 դրամի փոխարեն պատրաստ լինեն 500 դրամով վաճառել իրենց ձայնը: Ուզո՞ւմ եք դառնալ 500 դրամանոցների նախագահ: Մինչեւ ե՞րբ է շարունակվելու այս ցինիզմն ու ամենաթողությունը, ե՞րբ է Ձեր մեջ արթնանալու երկրի ղեկավարի գիտակցությունը, մինչեւ ե՞րբ եք անհաղորդ մնալու ՀՀ քաղաքացիների խնդիրներին, մինչեւ ե՞րբ եք թույլ տալու, որ մանր ու միջին պաշտոնյաները հեղինակազրկեն ու պղծեն այն երկիրը, որի նախագահն եք Դուք:

Մի՞թե Դուք տեղյակ  չեք, որ ՀՀ քաղաքացիական ավիացիայի նախկին պետ Հովհաննես Երիցյանը Ձեր անձնական լուսանկարը ձեռքին գնում է ոստիկանություն՝ հայտարարելով, թե դուք «զեմլյակներ եք», եւ որ ինքն ինչ կուզի կանի այս երկրում: Մի՞թե Դուք տեղյակ չեք, որ այս նախկին պաշտոնյան իբրեւ Ձեզնից եւ ՌԴ նախագահ Վլադիմիր Պուտինից ստացած զենքերով վախեցնում եւ սպառնում է ՀՀ քաղաքացիներին՝ ունեզրկելով նրանց:

Եվ եթե նախկինում Երիցյանի հայտարարությունները մենք ընդունում էինք որպես տարեց մարդու զառանցանքներ, ապա վերջին տարիների իրադարձությունները մեզ ստիպեցին համոզվել, որ նրա հայտարարությունները իր բարձր հովանավորների մասին անհիմն չեն, քանի որ վերջինիս պատվերով կայացվում են ապօրինի դատական ակտեր, անհիմն հարուցվում եւ կարճվում են քրեական գործեր, բազմաթիվ ընտանիքներ հայտնվում են փողոցում:

Պարոն Սերժ Սարգսյան, մենք հիշեցնում եւ պահանջում ենք, քանի որ այս խնդրով դիմել ենք Ձեզ դեռ անցած տարի, սակայն Ձեր անտարբեր կեցվածքը հավանաբար ավելի է ոգեշնչել հանցագործներին, որոնք էլ ավելի են համոզվել իրենց անպատժելիության մեջ: Սակայն այս երկիրը ոչ նրանցն է, ոչ էլ Ձերը, սա մեր երկիրն է եւ մենք կառուցելու ենք օրենքի պետություն: Միացեք մեզ, քանի դեռ ունեք այդ հնարավորությունը:

ՀԳ – Մայրիկիս պապիկը, ով մի կերպ է փրկվել թուրքական յաթաղանից, հաստատվել է Հայաստանում եւ եղել է Արաբկիր թաղամասի հիմնադիրներից: Նա, սակայն, չէր կարող պատկերացնել, որ մի օր իր կառուցած երկիրը վերածվելու է սպանդի դաշտի, սպանդ, որն իրականացվում է հայերի կողմից հայերի հանդեպ:

Դուք հիշում եւ պահանջում եք թուրքերից, իսկ մենք հիշեցնում եւ պահանջում ենք Ձեզնից:  

«Վելես» իրավապաշտպան հասարակական կազմակերպության

նախագահ Մարինա Պողոսյան

24.04.2015

http://www.aravot.am/2015/05/07/569034/

«Առաջին լրատվական»-ն անդրադարձել է փողոցում հայտնվելու վտանգի տակ գտնվող զինվորի ընտանիքի պատմությանը: Ներկայումս Օֆելյա Չփլախյանը փորձում է դատարանի միջոցով փրկել սեփականության՝ իրեն պատկանող հատվածը, իսկ քրոջ՝ Սիրանուշ Չփլախյանի տունը հավանաբար վերադարձնել չի լինի, քանի որ արդեն կա օրինական ուժի մեջ մտած դատավճիռ, համաձայն որի՝ այդ տունը պատկանում է Հրայր Բաբայանին, ով կառավարության նախկին աշխատակից Նունե Պլուզյանի մորեղբոր որդին է:

2013թ. ՀՀ ոստիկանության Էրեբունու բաժնում նյութեր են նախապատրաստվել, Նունե Պլուզյանն ու նրա եղբայրը կասկածվում էին վաշխառության և խարդախության մեջ, սակայն քրեական գործ չի հարուցվել: Մեր ձեռքի տակ են նախապատրաստված նյութերն ամբողջությամբ, որոնց ուսումնասիրությունից պարզ է դառնում մի բան. Հրայր Բաբայանը կամ բարեգործ է, կամ խարդախ:

Սիրանուշ Չփլախյանը հայտարարում է, որ ինքը տուն վաճառելու մտադրություն երբեք չի ունեցել, այլ տունը գրավ է դրել՝ տոկոսով գումար վերցնելու համար: «Վերցրել եմ 25.000 ԱՄՆ դոլար՝ ամսական 5 տոկոս տոկոսադրույքով, Նունեն ստիպել է, որ որպես երաշխիք տան շինծու առուվաճառք անենք, տունը ձևակերպել ենք Նունեի եղբոր՝ Հրայր Բաբայանի անունով, երբ պարտքը փակեի, պիտի տունը նորից դարձնեինք իմ անունով»:

Նունեն և Հրայրը այլ բան են պնդում. նրանք ոստիկանությունում բացատրություն են տվել և հայտնել են, թե իբր Հրայր Բաբայանը գնել է անշարժ գույքը 50.000 ԱՄՆ դոլարով: Սակայն նոտարական գրասենյակում անշարժ գույքի վաճառքի գինը նշված է 25.000 ԱՄՆ դոլար՝ այն թիվը, որը նշում է Սիրանուշը որպես պարտքով վերցված գումար: Հրայրն ու Նունեն, սակայն, պնդում են, թե Սիրանուշի ցանկությամբ է նոտարում կեղծ թիվ նշվել, որ տան իրական արժեքը 50.000 ԱՄՆ դոլար է եղել, և որ Հրայրը հենց այդքան է վճարել:

Եթե ընդունենք, որ Հրայր Բաբայանը իսկապես 50.000 ԱՄՆ դոլար է վճարել տան դիմաց, ապա առնվազն զարմանալի է, թե ինչպես է նա տունը գնելուց 2 տարի անց դատարանում պայմանագիր կնքել Սիրանուշ Չփլախյանի հետ՝ համաձայնելով տունը հետ վաճառել նրան 40.000 ԱՄՆ դոլարով:

«Դուք ճանաչո՞ւմ եք Հրայր Բաբայան անունով բարեգործի, ես չեմ ճանաչում և դժվար թե որևէ մեկը ճանաչի: Անհնար է, որ մարդ գնի տունը 50.000-ով և վաճառի 40.000-ով: Հանուն ինչի՞ նա պետք է զիջեր 10.000 ԱՄՆ դոլար»,- հարցնում է «Վելես» հասարակական կազմակերպության նախագահ Մարինա Պողոսյանը, ով ներկայացնում է Չփլախյանների շահերը:

Պողոսյանը վստահ է, որ տեղի է ունեցել խարդախություն, և որ փաստաթղթերը կեղծվել են հենց Նունե-Հրայր զույգի պահանջով:

Հրայր Բաբայանը «Առաջին լրատվական»-ի հետ զրույցում չկարողացավ բացատրել, թե ինչպես է պատահել, որ 50.000-ով գնված տունը համաձայնել է հետ վաճառել Չփլախյաններին 40.000-ով: «Ճիշտն ասած, այդ գործից արդեն երեք տարի է՝ գլուխս գնաց, ես ոչ թվերից եմ կարում բան հասկանամ, ոչ էլ կարում եմ պրծնեմ էդ գործից»:

Հրայր Բաբայանը նշեց, որ ինքը գնել է տունը և կրակն է ընկել. «Ես հասկանում եմ, որ ձեզ համար էս գործը զարմանալի ա, ինձ համար ավելի զարմանալի բաներ կան…»

Իսկ Սիրանուշ Չփլախյանը բացատրում է, թե որտեղից է գոյացել 40.000 ԱՄՆ դոլար գումարը: «Նունեն 25.000 էր տվել, այդ ամիսների տոկոսներն էլ գումարեց ու ասաց՝ կտաք 40.000, տունը հետ կտանք, թե չէ՝ դուրս կշպրտենք, ես ստիպված էի պայմանագիր կնքել: Եթե Հրայրը իսկապես գնած լիներ տունը, թույլ չէր տա, որ մենք 2 տարի ապրենք այստեղ, հետո դիմեր դատարան: Պարզ է, որ նրանք մեզնից տոկոս են ստացել, դրա համար էլ թողել են, որ ապրենք»:

Այս գործում առկա են նաև այլ հետաքրքրաշարժ ու զարմանալի փաստեր, օրինակ՝ Նունե Պլուզյանի հեռախոսահամարից ուղարկված sms հաղորդագրությունները, որոնց կանդրադառնանք առաջիկայում:
Հեղինակ՝ Արման Ղարիբյան

Սկզբնաղբյուրը`http://www.1in.am/1575551.html