Author: Veles Human Rights NGO
Բռնության ցանկացած դրսեւորում ոչ այլ ինչ է, քան բռնատիրական, ավտորիտար կառավարման ռեժիմի դրսևորում
Խստորեն դատապարտում ենք այսօր ԱԺ ամբիոնից ելույթ ունեցող ԱԺ մարդու իրավունքների մշտական հանձնաժողովի նախագահ Թագուհի Թովմասյանի նկատմամբ ԱԺ նախագահի անմիջական հրահանգով անվտանգության աշխատակիցների խուլիգանական արարքը` կին պատգամավորին ամբիոնից ուժ գործադրելով հեռացնելու, և ԱԺ դահլիճից մյուս կին պատգամավորներին քաշքշելու համար։
Մենք հետեւողական ենք հետագա զարգացումներին, եւ անպատժելիության դեպքում այս հարցը բարձրաձայնելու միջազգային կառույցներին կին պատգամավորների նկատմամբ խտրականության եւ դաժան վերաբերմունքի կապակցությամբ։
Բռնության ցանկացած դրսեւորում ոչ այլ ինչ է, քան բռնատիրական, ավտորիտար կառավարման ռեժիմի դրսևորում։
«Վելես» ՀԿ նախագահ Մ․Պողոսյան
«Հակակոռուպցոն բլոգ»-ի խմբագիր Ա․Հայրապետյան
ՔՊ-ն «մխրճվել է» Հովիկ Աբրահամյանի զուգարանակոնքի թեմայի մեջ. ապօրինի գույքը բռնագանձելով՝ թաքցնում է իրական հանցագործությունը
«Ինձ ավելի շատ հետաքրքրում է զուգարանակոնքի ծագման աղբյուրը, որովհետև բռնագանձելը նշանակում է թաքցնել հանցագործությունը։ Ես չեմ տեսել այդ զուգարանակոնքը, ուրիշների զուգարանակոնքի մեջ չեմ մխրճվում, ՔՊ-ն է սիրում նման բաներ», – Oragir․News-ի հետ զրույցում ասաց իրավապաշտպան Մարինա Պողոսյանը՝ անդրադառնալով ՔՊ-ական պատգամավոր Վահագն Ալեքսանյանի՝ Հովիկ Աբրահամյանի տան վերաբերյալ արված հայտարարությանը։
«Փակ հայտարարագիրը ինձ համար անհասկանալի է, և եթե իրենք մեր հարկերով են ստանում աշխատավարձ, իրենք բան չունեն թաքցնելու, ես չգիտեմ այդ զուգարանակոնքի գինը, այն կարող է արտացոլվել քրեական գործի նյութերում, և ինձ համար անհասկանալի է, որ այսօր մենք հանցագործության հետևանքներն ենք քննարկում, տիկին դատախազը լավ կլիներ այն հարցին պատասխաներ, թե ինչ հանցագործությունների արդյունքում է Հովիկ Աբրահամյանը կուտակել այդ գումարը։ Հանցագործությունները, մտածում են, ջրեն․ հետաքրքիր չի՞, բա կարող է հանցագործություն է արել, կաշառք վերցրել կամ մարդ սպանել, ու բնական է, որ արդար աշխատանքի արդյունքում չի դա ձեռք բերել»,-ասաց Պողոսյանը՝ անդրադառնալով հարցին, որ եթե Աբրահամյանի հայտարագիրը փակ է, ապա որտեղից գիտի Ալեքսանյանը տան զուգարանակոնքի գնի մասին։
Պողոսյանի խոսքով՝ իշխանությունը միայն մտածում է առգրավելու մասին. «Հանցագործությունները թողել են մի կողմ, ու թե ինչի արդյունքում է ձեռք բերել, այս մարդիկ հանցագործ են փաստացի, բա չիմանա՞նք՝ ինչ է արել, կոռուպցիոն ռիսկեր են, որն ինձ համար անընդունելի է, ու այս հանցագործության արդյունքում է, որ մեր բանակն ու մնացած բաները այս վիճակում են։ Եթե հայտարարգիրը փակ է, պատգամավորը նախ որտեղի՞ց գիտի գինը։ Հովիկ Աբրահամյանի տանն է եղել, աչքով գնահատել է՞, ես դա չեմ էլ տեսել, բայց ուզում եմ տեսնել ու հաղորդում տալ հանցագործության մասին»։
Հիշեցնենք, որ այսօր ԱԺ-ում լրագրողների հետ զրույցում ՀՀ ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը, անդրադառնալով պաշտպանության նախարար Սուրեն Պապիկյանի բնակարանի ձեռքբերման հանգամանքներին, ասել էր. «Ինձ թվում է, օրինակ, պարոն Հովիկ Աբրահամյանի տան ոսկեզօծ զուգարանակոնքը շատ ավելի թանկ արժե, քան որոշ պաշտոնյաների՝ 20 տարի մարելիք հիփոթեքով բնակարանները»։
