«Ժողովրդական Վեթինգ» նախաձեռնության  շրջանակներում անդրադառնալու ենք Հակակոռուպցիոն մասնագիտացման դատարանի դատավորներին, հրապարակելու ենք հավակնորդների և արդեն իսկ դատավորների ցուցակները։ Ովքեր ե՞ն Հակակոռուպցիոն մասնագիտացման դատարանի դատավորների թեկնածուների ցուցակում ընդգրկվելու համար դիմած 6 դատավորները՝

• Արամ Մկրտչյան` Լոռու մարզի առաջին ատյանի ընդհանուր իրավասության դատարանի դատավոր:
• Կարապետ Բադալյան` Սյունիքի մարզի առաջին ատյանի ընդհանուր իրավասության դատարանի դատավոր:
• Տաթևիկ Գրիգորյան` Երևան քաղաքի առաջին ատյանի  ընդհանուր իրավասության դատարանի դատավոր:
• Վահե Ջիվանյան`Արմավիրի մարզի առաջին ատյանի ընդհանուր իրավասության դատարանի դատավոր։
• Նաիրա Ավետիսյան`Երևան քաղաքի առաջին ատյանի  ընդհանուր իրավասության դատարանի դատավոր:
• Գնել Գասպարյան`Սյունիքի մարզի առաջին ատյանի ընդհանուր իրավասության դատարանի դատավոր:

6 դատավորներից անհրաժեշտ  ձայներ ստացած 2 դատավորները

“Մի խարդախության պատմություն”

Մանրամասները շուտով մեր եթերում

ՀՀ Լոռու մարզի ընդհանուր իրավասության դատարանի դատավոր Սուսաննա Գզոգյանը 2020թ սեպտեմբերին ՀՀ գլխավոր դատախազին հաղորդում է հասցեագրել առ այն, որ 2020թ․ օգոստոսին “Նոյան Տապան” զանգվածային լրատվության միջոցով հեռարձակված հաղորդման ժամանակ իրավապաշտպան Մ․Պողոսյանը իրեն զրպարտել է՝ կասկածի տակ առնելով իր գիտելիքները։

Դատավորի տրված հաղորդման հիման վրա 2020թ․ սեպտեմբերի 3-ին ՀՀ ՔԿ Լոռու մարզային քննչական վարչությունում հարուցվել է քրեական գործ ՀՀ քր․օր․344-րդ հոդվածի 3-րդ մասի հատկանիշներով։

Շուրջ երկու տարի տևած լուրջ հետաքննության արդյունքում 28․02․2022թ․ քրեական գործի վարույթը կարճվել է հանցակազմի բացակայության հիմքով։

Քաղաքացիական հասարակության ներկայացուցիչները ֆեյսբուքում «Միացի՛ր, ասա՛ ՈՉ «Ընդերքի մասին» հակասահմանադրական օրինագծին» կոչով ֆլեշմոբ են սկսել։ Բնապահպանները դա իրենց առաջին քայլն են համարում  «Ընդերքի մասին օրենսգրքում փոփոխություններ և լրացումներ կատարելու մասին» օրինագծի դեմ, որի վերաբերյալ քաղաքացիական հասարակությունը բազմաթիվ հանդիպումների ժամանակ, ինչպես նաև հայտարարությունների միջոցով արտահայտեց իր մտահոգությունները, օրինագիծը որակելով հակասահմանադրական և հակաժողովրդավարական։ Ֆլեշմոբի մեկնարկը տվել են «Համայնքային համախմբման և աջակցության կենտրոն» ՀԿ նախագահ Օլեգ Դուլգարյանը, «ԷկոԼուր» ՀԿ նախագահ Ինգա Զարաֆյանը, «ԷկոԼուր»-ի լրագրող Քրիստինա Տեր-Մաթևոսյանը։ Ֆլեշմոբը ակտիվ ընթացքի մեջ է․ մարդիկ լուսանկարվում են կոչով և տեղադրում իրենց սոցիալական էջերում։
2022թ․ ապրիլի 12-ին ՀՀ Ազգային Ժողովի կողմից  «Ընդերքի մասին օրենսգրքում փոփոխություններ և լրացումներ կատարելու մասին» օրինագծի առաջին ընթերցմամբ ընդունումից հետո «Համայնքային համախմբման և աջակցության կենտրոն» ՀԿ նախագահ Օլեգ Դուլգարյանը հայտարարեց, որ քաղաքացիական անհնազանդություն (տերմինն ընդգրկված է վերը նշված օրինագծում, որպես անհաղթահարելի ուժի դրսևորում, որոնց առկայության դեպքում հանքարդյունահանողը կարող է դիմել լիազոր մարմնին գործունեության ժամկետները երկարացնելու համար) է դրսևորելու այս օրինագծի դեմ, իսկ այն պնդումները, թե օրինագիծը երկար ժամանակ եղել է իրավական ակտերի նախագծերի հրապարակման միասնական՝ e-draft.am կայքում, և այդ ժամանակ պետք էր հանդես գալ առաջարկություններով, ըստ նրա՝ անհիմն են, որովհետև վերոնշյալ հարթակում օրինագծի լրիվ այլ տարբերակ էր ներկայացված։
Հիշեցնենք, որ 2022թ․ փետրվարի 10-ին չզեկուցվող հարցերի շարքում ՀՀ կառավարությունը հավանություն տվեց «Ընդերքի մասին օրենսգրքում փոփոխություններ և լրացումներ կատարելու մասին» օրինագծին։ Քաղհասարակության մասնակցությամբ բազմաթիվ քննարկումներից հետո այնուամենայնիվ օրինագիծը առանց որևէ փոփոխության ներառվեց ԱԺ-ի 2022թ․ ապրիլի 12-ի հերթական նիստի օրակարգ, որին օրեսդիրը առաջին ընթերցմամբ կողմ քվեարկեց։

Երբ օլիգարխները ինչ հնարավոր էր սեփականաշնորհեցին, ու փող աշխատեցին, հիմա, երբ պետք է արդարադատություն իրականացվի` վաճառում են եղածն ու չեղածը` շառից-փորձանքից հեռու, փողերն առնում ու տեղավորում ապահով վայրեր։ Երբ կալանքի տակ գտնվող առանձնատունը մեկ օրվա կյանք է ունենում, հետագայում կրկին կանգ առնելու ու իրականում իրենց համար հաջող գործարք կնքելու փաստով։ Գուցե զարմացել էիք Հովիկ Աբրահամյանի առանձնատան վաճառքից ու դրա կալանքից հանելու փաստից։ Հիմա, պարզվում է՝ մինչ այդ երկու հողամասեր հենց քննիչի որոշմամբ թույլատրվել են վաճառել գեներալ Սեդրակ Սարոյանին։ Մոնումենտում ունեցած իր հողը վաճառել է նաև նախկին գլխավոր դատախազ Աղվան Հովսեփյանի որդին։ Հողը վաճառել է աներոջը, շուկայականից շատ ավելի էժան գնով։ Իսկ դատախազությունն ասում է, որ այս գործարքների վերաբերյալ քրեական գործում տեղեկություններ չկան։ Ստացվում է, որ մի ձեռքը ծափ տվող չի, երկու ձեռքով, այն է քննչական ու դատախազություն հովանավոր են կանգնում օլիգարխների ապօրինի սեփականության առուծախին։ Ստացվում է, որ ապօրինի գույքի բռնագանձում տեղի չի ունենալու, այլ տեղի է ունենում իրարով` դատախազ, քննիչ, օլիգարխ եռանկյունու մեջ-մեջ անելու արդարադատություն։ Ու գլխավորը` «կոպեկ առ կոպեկ» վերադարձնել ժողովրդին, բայց ցավոք չգիտեինք, որ ժողովուրդը դատախազությունն է իր կից գործող անձերով` իշխանության հովանու ներքո։