[:am]

«Հակակոռուպցիոն բլոգ»-ի տեղեկություններով՝ 13 տարվա ազատազրկման դատապարտված Վարդան Անտոնյանը լքել է Հայաստանի սահմանը։ Մեր աղբյուրի փոխանցմամբ՝ վերջինս լեռներով ապօրինաբար հատել է հայ-վրացական սահմանն ու հայտնվել հարևան երկրում, որպեսզի խուսափի արդարադատությունից։

Հիշեցնենք, որ երեկ ՀՀ վճռաբեկ դատարանը վճռել էր, որ Անտոնյանը պետք է շարունակի կրել իր պատիժը և դարձյալ ազատազրկվի։ Նա դատապարտվել էր Վահագն Աբգարյանի դեմ մահափորձ անելու՝ վերջինիս մեքենայի վրա կրակահերթ բացելու համար։ Ընդհանուր իրավասության դատարանի կողմից 13 տարվա ազատազրկման դատապարտված Վարդան Անտոնյանը ՀՀ վերաքննիչ քրեական դատարանի դատավոր Ռուզան Բարսեղյանի վճռի հիման վրա ազատ էր արձակվել, սակայն Վճռաբեկ դատարանը որոշել է, որ նա պիտի ազատազրկվի։

Այս վճիռն ուժի մեջ է մտել, վերջնական է և բեկանման ենթակա չէ։ Վճռի հրապարակումից հետո, սակայն, Անտոնյանը փախել է երկրից։

Continue reading at https://acblog.am/?p=4984 | AntiCorruption[:]

[:am]Armlur.am –ի հետ զրույցում Իրավապաշտպան Մարինա Պողոսյանը հայտնեց, որ սոցիալական ցանցում իրեն վիրավորելու համար դատարանը աննախադեպ որոշում է կայացրել:

Ըստ իրավապաշտպանի՝ ոմն Աստղիկ Տեր-Սահակյանը, ով Եվրոպական կառույցի աշխատող է եղել, կեղտոտ գրառում է կատարել Մարինա Պողոսյանի ելույթներից մեկի տակ:

«Գրել էր գող, ավազակ, սրիկա, քցող այս կարգի վիրավորանքներ էր հասցրել: Ես կին եմ, ՀՀ քաղաքացի եմ , հանրային մարդ , եւ փորձում են ինչ–որ կերպ իմ մասնագիտական գործունեւթյունը խաթարել, պատիվն ու արժանապատվությունը նսեմացնել : Ճիշտն ասած, մենք իրեն դիմեցինք նամակով, որ գրառումը հեռացնի, սակայն նա ավելի վատ շարունակեց : Մենք դիմեցինք առաջին ատյանի դատարան՝ պատիվ, արժանապատվության մասով եւ, խղճալով այդ կնոջը, ֆինասական պահանջ ներկայացրեցինք եւ երկու միլիոն չուզեցինք այլ 500 հազար դրամ պահանջեցինք: Այստեղ խնդիրը գումարը չէր, այլ, որ այս դեպքը մարդկանց համար լինի զսպաշապիկ: Մարդիկ հասկանան, որ բանավեճի մեջ կարող են մտնել, բայց ոչ մարդուն վիրավորեն, անվանեն գող, ավազակ, քցող կամ նման այլ բաներ: Այս գործը մակագրվեց դատավոր Գայանե Մազմանյանին, որի հետ երբեւ չէինք հարաբերվել, քանի որ քաղհայցերով դատարանում շատ քիչ ենք լինում:

Արդյունքում, դատավոր Մազմանյանը աննախադեմպ որոշում է կայացնում»,- նշեց նա: Մանրամասները՝ տեսանյութում

https://armlur.am/1005266/?fbclid=IwAR2v3Al7d_v7EiasgpjQUNVmZ51bI2L6R9c4hrTSwM3NSu26UODe5Eslo-A[:]

[:am]Ինչպես հայտնի է, մեկուկես ամիս ազատության մեջ մնալուց հետո «Ալավերդցի Վահագն» անունով հայտնի Վահագն Աբգարյանը նորից կկալանավորվի։

Վերաքննիչ քրեական դատարանը, նախագահությամբ դատավոր Արմեն Բեկթաշյանի, մայիսի 21-ին որոշեց բեկանել Աբգարյանին 15 մլն դրամ գրավի դիմաց ազատ արձակելու վերաբերյալ Լոռու մարզի ընդհանուր իրավասության դատարանի որոշումը։

Հիշեցնենք, որ Վահագն Աբգարյանը մեղադրվում է ապօրինի կերպով ռազմամթերք հանդիսացող փամփուշտներ, ակոսափող հրազեն հանդիսացող 2 ատրճանակ ձեռք բերելու, Ալավերդու բնակիչ Կամո Փիրուզյանի սպանությունը կազմակերպելու և սպանության առթիվ հարուցված քրեական գործի շրջանակներում Քննչական կոմիտեի Լոռու մարզային քննչական վարչության պետ Թաթուլ Շուշանյանին առանձնապես խոշոր, իսկ քննիչ Արտակ Հովհաննիսյանին՝ խոշոր չափով կաշառք տալու մեջ։ Նա ազատ է արձակվել ապրիլի 1-ին։ Աբգարյանին ազատ արձակելու միջնորդության մեջ պաշտպան Ինեսսա Պետրոսյանը, ի թիվս այլ հանգամանքների, հղում է կատարել նաև Առողջապահության համաշխարհային կազմակերպության 2020 թվականի փետրվարի 24-ին հրապարակված կորոնավիրուսի վերաբերյալ զեկույցին, նշել, որ մահվան և ծանր հիվանդացման ռիսկայնության տակ են նաև շաքարային դիաբետ և հիպերտոնիա ունեցող մարդիկ, հետևաբար Վահագն Աբգարյանը ստեղծված պայմաններում գտնվում է առավել խոցելի վիճակում:

ArmLur.am-ը զրուցել է Վահագն Աբգարյանի հետ՝ հասկանալու համար, թե ի վերջո նա գնալու է կալանավայր, թե ոչ:

Մանրամասները՝ տեսանյութում

https://armlur.am/1005165/?fbclid=IwAR0H2GaIVKGcVzlpcC5WOItqMkxPfJdOiSo7XHbVfPkHCqs9laPS0PN1i_o[:]

[:am]

Այսօր ՀՀ Վճռաբեկ դատարանը բեկանել է ՀՀ վերաքննիչ քրեական դատարանի որոշումը, որով Վահագն Աբգարյանի մեքենայի վրա կրակահերթ բացած Վարդան Անտոնյանն ազատ էր արձակվել։

Դատարանն այսօր վճռեց, որ Անտոնյանը պետք է շարունակի կրել իր պատիժը՝ 13 տարվա ազատազրկումը, որի մի մասն արդեն կրել է, այսինքն ևս 9 տարի 9 ամիս պետք է գտնվի ազատազրկման մեջ։

Այսօրվա դատական ակտը կարևոր նշանակություն ունի Ալավերդիում սկսված և Երևանում շարունակված հանցագործությունների շղթան բացահայտելու գործում։ Հիշեցնենք, որ այսօրվա դատական ակտը վերաբերում է Վահագն Աբգարյանի դեմ կատարված առաջին մահափորձին, որը տեղի էր ունեցել 2015 թվականի հոկտեմբերի 11-ին, երբ Ալավերդիի «Լալվար» քարի արտադրամասի աշխատակից Վարդան Անտոնյանը կրակահերթ էր բացել Վահագն Աբգարյանի ավտոմեքենայի ուղղությամբ։

Դեպքի ականատես Արմեն Հարությունյանը որոշ ժամանակ անց ստիպված էր եղել հեռանալ Հայաստանից։ «Հակակոռուպցիոն բլոգին»-ին  սակայն հաջողվել էր կապ հաստատել նրա հետ և տեսազանգի միջոցով հարցազրույց վերցնել։ Հարությունյանը պատմել էր, որ Անտոնյանն իր զենքը վերցրել է հանքը շահագործող ընկերության գրասենյակից, իսկ հետագայում արտադրամասի տնօրեն Տարոն Աբգարյանն իր հետ հեռախոսազրույցում ասել էր, որ ինքն ամեն դեպքում Վարդան Անտոնյանին հանելու է բանտից, քանի որ վերջինս իր «խաթր է մտել այս ամենի մեջ»։

Ի դեպ, կարելի է արձանագրել, որ Տարոն Աբգարյանն իր խոսքի տեր մարդ է, քանի որ նշված հեռախոսազրույցից որոշ ժամանակ անց 13 տարվա ազատարազրկման դատապարտված Վարդան Անտոնյանը ազատ է արձակվել ՀՀ վերաքննիչ քրեական դատարանի կողմից։ Թե ինչպես է դա հաջողվել Տարոն Աբգարյանին, հավանաբար տեղյակ է Վերաքննիչ քրեական դատարանի դատավոր Ռուզան Բարսեղյանը, ում որոշմամբ էլ Անտոնյանը մինչ օրս եղել է ազատության մեջ է։
«Վճռաբեկ դատարանի այսօրվա վճռով ապացուցվեց այն, ինչ մենք ամիսներ շարունակ ասում էինք՝ Վերաքննիչ քրեական դատարանում կոռուպցիան չի վերացել, ավելին՝ Վահագն Աբգարյանին հետապնդող անձինք լավ կապեր ունեն այդ դատարանում և ցանկացած վճռի կարող են հասնել հենց այդ դատարանի միջոցով։ Այսօրվա վճռով արձանագրվեց, որ  Վահագն Աբգարյանի դեմ մահափորձ արված անձը ապօրինաբար է ազատ արձակվել»,- «Հակակոռուպցիոն բլոգ»-ի հետ զրույցում այսօրվա վճիռը մեկնաբանեց իրավապաշտպան Մարինա Պողոսյանը։[:]

[:am]Ներկա իշխանության սիրելի օլիգարխն ու դատաիրավական ոլորտի ամենաթողությունը

https://www.youtube.com/watch?v=XGlxVgce37I[:]

[:am]

Այսօր Լոռու մարզի ընդհանուր իրավասության դատարանի Սպիտակի նստավայր Տիգրան Ենոքյանը զենքով է մտել դատարանի շենք և ցանկացել է այն իր մոտ պահել դատական նիստի ընթացքում։ Վահագն Աբգարյանի գործով նիստը նախագահող դատավոր Սուսաննա Գզոգյանը տեղեկացել է, որ դատախազի մոտ զենք կա և նրան զգուշացրել է, որ նա չի կարող դատական նիստին զենքով մասնակցել, ինչին ի պատասխան դատախազն անկեղծացել է՝ ասելով, որ նա բոլոր նիստերին է գնում զենքով և դատավորից պահանջել է իրենց ցույց տալ, թե որ օրենքն է իրեն արգելում զենք կրել նիստերի դահլիճում։ Դատավորը դատախազին ծանոթացրել է Բարձրագույն դատական խորհրդի 2019 թվականին ընդունած ԲԴԽ-5-Ն-2 որոշմանը, որի 42-րդ հոդվածը սահմանում է․ «Արգելվում է վարչական շենքեր զենք և զինամթերք ներս բերելը՝ բացառությամբ օրենքով նախատեսված կարգով ծառայողական անհրաժեշտությամբ պայմանավորված զենք և զինամթերք ներս բերելու դեպքերի: Զենքը և զինամթերքը հանձնվում են կենտրոնական պահակակետ` այդ նպատակով հատուկ կահավորված համապատասխան պահարաններում պահելու համար»։ Դատական նիստն ընդմիջվել է, որպեսզի դատախազը հանձնի իր զենքը։ Դատական նիստին ներկա իրավապաշտպան Մարինա Պողոսյանը «Հակակոռուպցիոն բլոգ»-ի հետ զրույցում նշեց, որ ինքն անվտանգ իրեն չի զգում, երբ դատախազ Տիգրան Ենոքյանը զենքով է ներկայանում դատական նիստին․ «Ես բազմիցս հայտարարել եմ, որ Տիգրան Ենոքյանը հանցանք է գործել, այսօրվա իր արարքը ևս ապացուցում է, որ նա հակված է խախտելու օրենքներ և այլ իրավական ակտեր։ Ես վստահ չեմ, որ իր հետ ներս բերված զենքը մի օր չի օգտագործի օրինակ իմ դեմ՝ հաշվի առնելով իմ երկարատև պայքարը դատախազության դեմ»։ Դատական նիստը հետաձգվել է մինչև հունիսի 3-ը։

https://www.facebook.com/marinapoghosyan13/videos/2650945671678657/?_nc_cat=101&_nc_sid=b96e70&_nc_eui2=AeHVLex9iA5dsIuxVs8uUqh7cSONp2FGI91xI42nYUYj3ZUuAYowFOYyEVq3q0_izVUs5fFYeTrQpTWwsPGkrmgj&_nc_oc=AQmFc-A_u9hlcZQHtiViY353CfB7KmqNvzoPVeHu78Me6dNF4u6QDljyPVVwreNNITwsDbPyRZo4VfjbcW-Y4xjE&_nc_ht=scontent.fevn2-1.fna&oh=d157552c422d05835884ff32e16c48d1&oe=5EE8EC6B&dl=1[:]

[:am]Երևանի ընդհանուր իրավասության դատարանի դատավոր Աննա Դանիբեկյանը մերժեց ՀՀ երկրորդ նախագահ Ռոբերտ Քոչարյանի խափանման միջոցի փոփոխման վերաբերյալ փաստաբանների միջնորդությունները։ Հիշեցնենք, որ մայիսի 8-ին Երևանի ընդհանուր իրավասության դատարանի Շենգավիթի նստավայրում ավարտվել էր ՀՀ երկրորդ նախագահ Ռոբերտ Քոչարյանի  փաստաբանական խմբի կողմից ներկայացված 3 միջորդությունների քննարկումը։ 2-րդ նախագահի պաշտպանները միջնորդել էին փոխել Ռոբերտ Քոչարյանը խափանման միջոց կալանքը կա՛մ գրավով, կա՛մ ՀՀ նախկին վարչապետների անձնական երաշխավորությամբ, կա՛մ կորոնավիրուսով պայմանավորված։ Թեմայի շուրջ «Առաջին լրատվական»-ը զրուցել է իրավապաշտպան Մարինա Պողոսյանի և փաստաբան Նինա Կարապետյանցի հետ:

https://www.1in.am/2751350.html[:]

[:am]

https://www.youtube.com/watch?v=hRLoMDyClJY[:]

[:am]

Վահագն Աբգարյանը ՀՀ վերաքննիչ դատարանում կայացած այսօրվա դատական նիստից հետո դիմել է ՀՀ արդարադատության նախարարին և ՀՀ դատավորների ընդհանուր ժողովի էթիկայի և կարգապահական հարցերի հանձնաժողովին՝ խնդրելով կարգապահական վարույթ հարուցել դատավոր Արմեն Բեկթաշյանի նկատմամբ, ով մարտի 1-ի գործով հետախուզվող ՀՀ քննչական կոմիտեի պետի նախկին տեղակալ Վահագն Հարությունյանի մտերիմ ընկերն է դեռևս ուսանողական տարիներից։ Աբգարյանն իր դիմումում նշել է, որ դատավորը «շարունակաբար և միտումնավոր իրեն զրկում է արդյունավետ պաշտպանության իրավունքից՝ այսպիսով խախտելով իր սահմանադրական իրավունքները»: Աբգարյանը մանրամասն շարադրել է, թե ինչ միջոցների է դիմում դատավորը իրեն պաշտպանական իրավունքներից զրկելու համար։ Դիմումի տեքստին ամբողջությամբ կարող եք ծանոթանալ ստորև։

ՀՀ դատավորների ընդհանուր ժողովի էթիկայի և կարգապահական հարցերի հանձնաժողովին

ՀՀ քաղաքացի Վահագն Աբգարյանից Պատճենը

ՀՀ բարձրագույն դատական խորհրդի նախագահ Ռուբեն Վարդազարյանին

Դիմում

Հանձնաժողովի հարգելի անդամներ, դիմում եմ ձեզ ՀՀ վերաքննիչ դատարանի դատավոր Արմեն Բեկթաշյանի նկատմամբ կարգապահական վարույթ հարուցելու խնդրանքով, քանի որ վերջինս արդեն շարունակաբար խախտում է իմ՝ պաշտպանական իրավունքները: Մասնավորապես, ՀՀ դատախազությունը ս.թ. ապրիլի 16-ին բողոք է ներկայացրել ՀՀ վերաքննիչ դատարան՝ խնդրելով բեկանել իմ նկատմամբ հարուցված քրեական գործով ԼԴ1/0027/01/18 ս.թ. ապրիլի 1-ին կայացված որոշումը, որով փոխվել էր իմ խափանման միջոցը: Դատավոր Արմեն Բեկթաշյանը բողոքը վարույթ է ընդունել և դատական նիստ է նշանակել ս.թ. ապրիլի 20-ին, որի մասին պաշտպանական կողմից որևէ մեկը չի ծանուցվել: Բնականաբար, ծանուցվել չլինելով դատական նիստի օրվա և ժամի վերաբերյալ, ես և իմ դատապաշտպան Ինեսսա Պետրոսյանը չենք ներկայացել այդ նիստին: Դրանից հետո դատական նիստ է նշանակվել ս.թ. ապրիլի 22-ին՝ ժամը 12:00-ին, թեև դատավորը նախապես իրազեկված է եղել, որ նույն օրը՝ ժամը 14:00-ին նշանակված է իմ գործով դատաքննություն Լոռու մարզի ընդհանուր իրավասության դատարանում, որտեղ չներկայանալս հիմք կհանդիսանար խափանման միջոցս փոխելու համար: Բնականաբար, ես ներկայացել եմ Լոռու մարզի ընդհանուր իրավասության դատարան, իսկ Վերաքննիչ քրեական դատարանում բողոքի քննությունը հետաձգվել է: Իմ պաշտպան Ինեսսա Պետրոսյանը դիմում է ուղարկել դատարան գործի քննությունը հետաձգելու համար և հեռախոսազանգի միջոցով դատավորի աշխատակցին հայտնել է, որ 23.04.20 թ-ին ունի նախապես պլանավորած այլ դատական նիստեր, սակայն դատավորը դա էլ է անտեսել և նիստը նշանակել է` հենց 23.04.20 թ-ին՝ ինձ զրկելով պաշտպանիս հետ նիստին մասնակցելու իրավունքից: Նշանակված դատական նիստի վերաբերյալ ես և պաշտպանս պատշաճ չենք ծանուցվել: Փաստաբան Պետրոսյանը այլ գործին մասնակցելու նպատակով ապրիլի 23-ին գտնվել է ՀՀ վերաքննիչ դատարանում, որտեղ էլ պատահաբար հանդիպել է դատավորի աշխատակցին, ով հայտնել է, որ նույն օրը նիստ է նշանակվել և նրան sms հաղորդագրութուն են ուղարկել դրա վերաբերյալ: Պաշտպանս անմիջապես իրազեկել է ինձ նիստի ժամի վերաբերյալ և ես ստիպված եմ եղել անհապաղ ներկայանալ դատարան, թեև այդ պահին ուղևորվում է Աստղիկ բժշկական կենտրոն՝ ֆիզիոթերապիայի հերթական կուրսի: Ես ներկայացել եմ դատական նիստին և խնդրել եմ նիստը հետաձգել, քանի որ պաշտպանս այդ պահին գտնվել է ՀՀ քննչական կոմիտեում: Սակայն դատավորը նիստը չի հետաձգել և սկսել է առանց իմ պաշտպանի մասնակցության` դատախազին հնարավորություն տալով ներկայացնել բողոքը: Դատավորը այդ օրը որոշեց հաջորդ դատական նիստը նշանակել 27.04.20թ.-ին, թեև թնրա աշխատակազմին իմ պաշտպանը նախապես էր իրազեկել, որ ս.թ. ապրիլի 27-ին այդ գործերով զբաղվածություն ունի և չի կարողանա ներկայանալ դատական նիստին: Ինեսսա Պետրոսյանը առաջարկել է ցանկացած այլ օր նշանակել նիստը, բացի ապրիլի 27-ից, սակայն դատավորը հենց այդ օրը նշանակեց նիստը: Իմ պաշտպանը, այնուամենայնիվ, ապրիլի 27-ին կարողանում է գալ դատարան՝ հետաձգելով իր մյուս գործերը: Այդ օրը ճիշտ ժամին ես և պաշտպանս ներկայացել ենք ՀՀ Վերաքննիչ դատարան, որպեսզի մասնակցենք 27.04.2020թ. ժամը 10:30 նշանակված դատական նիստին: Ի զարմանս ինձ դատական նիստը նշված ժամին չկայացավ, չնայած որ ներկա էին դատավարության բոլոր կողմերը, ժամը 10:36 դատավորի օգնականը տեղեկացրեց, որ դատական նիստը չի կայանալու և հորդորեց, որպեսզի հեռանանք դատարանից: Ժամը 10:56 պաշտպան Ինեսսա Պետրոսյանը զանգահարել է դատավոր Ա.Բեկթաշյանի օգնականին և խնդրել, որ հայտնի հերթական դատական նիստի օրվա մասին, ինչպես նաև, որ որևէ կերպ փաստվի իմ՝ դատական նիստին ներկայանալու հանգամանքը: Դատավորի օգնականը հայտնեց, որ տուժողի ներկայացուցիչները դատարանում են և ժամը 11:30-ին կայանալու է դատական նիստ: Պաշտպանս անմիջապես կապ է հաստատել ինձ հետ և հորդորել, որպեսզի ներկայանամ դատական նիստին, որպեսզի չկարողանան հիմքեր չստեղծվել իմ չներկայանալու առումով: Ժամը 11:17 ես ներկայացել եմ դատարան, ներքին հեռախոսով կապ հաստատել դատավոր Ա.Բեկթաշյանի աշխատակազմի հետ հայտնել, որ վերադարձել եմ դատարան և ցանկանում եմ մասնակցել դատական նիստին, ինչին ի պատասխան դատավորի աշխատակազմից հայտնել են, որ ժամը 11:30 դատական նիստ ընդհանրապես չի կայանալու: Սակայն, կանխազգալով, որ իմ դեմ դավադրություն է պլանավորվում, ես այս անգամ չհեռացա դատարանի շենքից և ականատես եղա դատական նիստերի դահլիճից տուժողի իրավահաջորդի ներկայացուցիչներ Լուսինե Սահակյանի և Երվանդ Վարոսյանի դուրս գալուն, որից անմիջապես հետո դատավոր Ա.Բեկթաշյանի նույն աշխատակիցը, որը րոպեներ առաջ ինձ հայտնել էր, որ դատական նիստը տեղի չի ունենալու, հրավիրում է տուժողի իրավահաջորդի ներկայացուցիչներին մասնակցելու դատական նիստի: Նիստը հետաձգվեց այն հիմքով, որ մեղադրող դատախազը ներկա չէր, թեև դատախազ Հայկ Պետրոսյանը, որը բազմիցս մասնակցել է իմ գործով նիստերին, եկել էր դատարան ու շենքում էր գտնվում մինչև 11:15: Նիստը նշանակվեց ս.թ. մայիսի 8-ին: Այդ օրը ես ուղևորվում էի դատարան, երբ զանգ ստացա պաշտպանիս ընտանիքի անդամից, ով տեղեկացրեց, որ Ի.Պետրոսյանի ինքնազգացողությունը կտրուկ վատացել է և իրենք դիմել են Շտապ օգնություն ծառայությանը: Ես ներկայացա դատական նիստին և իրազեկեցի, որ պաշտպանս բժշկական օգնություն է ստանում այդ պահին և չի կարող ներկայանալ դատարան: Շտապ օգնություն դիմելու վերաբերյալ փաստաթղթերի և բժշկի նշանակումների պատճենները նախքան դատական նիստ սկսելը Ինեսսա Պետրոսյանի ամուսին, փաստաբան Կարեն Մեժլումյանը ուղարկել էր ՀՀ վերաքննիչ դատարան: Դատական նիստը հեռաձգվեց և նշանակվեց հաջորդ աշխատանքային օրը՝ քննության անգամ չարժանացնելով այն հարցը, թե արդյոք պաշտպանս ի վիճակի կլինի 3 օր անց ներկա լինելու դատական նիստին: Մայիսի 11-ին Ինեսսա Պետրոսյանը, չնայած իր ծանր առողջական վիճակին, դստեր ուղեկցությամբ և օգնությամբ ներկայացավ դատական նիստին: Նիստի մեկնարկին պաշտպանս ինքնաբացարկի միջնորդություն ներկայացրեց դատավոր Բեկթաշյանին այն հիմքով, որ նա ՀՀ քննչական կոմիտեի պետի նախկին տեղակալ Վահագն Հարությունյանի մտերիմ ընկերն է դեռ ուսանողական տարիներից և չի կարող անկողմնակալ քննել իմ գործով բերված բողոքը, քանի որ ես հաղորդում եմ ներկայացրել Հարությունյանի դեմ և մանրակրկիտ ցուցմունք եմ տվել իր դեմ՝ նրան մեղադրելով ինձ խոշտանգելու մեջ: Իմ հաղորդման հիման վրա ՀՀ հատուկ քննչական ծառայությունում հարուցվել է թիվ 62219419 քրեական գործը, որով 12.07.2019 թ. ինձ ներգրավել են որպես տուժող: Նշեմ, որ իմ գործով որպես վկա անցնող ևս երեք քաղաքացի հաղորդում է ներկայացրել Վահագն Հարությունյանի դեմ և 2018 թվականին հարուցված քրեական գործով ևս տուժող են ճանաչվել: Ըստ տուժողների՝ Հարությունյանը նրանց խոշտանգել է՝ փորձելով ստիպել, որ ցուցմունքներ տան իմ դեմ: Սա հիմք է հանդիսացել, որպեսզ պաշտպանս ինքնաբացարկի միջնորդություն ներկայացնի դատավոր Արմեն Բեկթաշյանին՝ միջնորդությունը հիմնավորել նաև դատավորի՝ իմ նկատմամբ արդեն իսկ դրսևորած վերաբերմունքով, որը շարադրեցի վերևում: Դատավոր Բեկթաշյանը կես ժամ ընդմիջում հայտարարեց, որպեսզի որոշում կայացնի միջնորդության վերաբերյալ: Ակնհայտ էր, որ այդ ժամանակը բավարար չէր պաշտպանիս ներկայացրած միջնորդությանն ու կից նյութերին ծանոթանալու համար (կցված էր դատական նիստի արձանագրության ձայնասկավառակը): Ընդմիջման ընթացքում Ինեսսա Պետրոսյանի ինքնազգացողությունն ավելի վատացավ և նա ստիպված եղավ դարձյալ դստեր օգնությամբ հեռանալ դատական նիստերի դահլիճից՝ նախապես դիմում գրելով իր հեռանալու պատճառի մասին: Դատավոր Բեկթաշյանը ընդմիջումից հետո մերժեց պաշտպանիս ներկայացրած միջնորդությունը և պատրաստվում էր շարունակել դատական նիստը նրա բացակայության պայմաններում: Ես տեղեկացրեցի, որ նրա ինքնազգացողությունը կրկին վատացել է և ստիպված է եղել հեռանալ, ինչին ի պատասխան դատավորը ցինիկաբար հայտարարեց, որ ինքը բժիշկ չէ, որպեսզի դատողություններ անի փաստաբանի ինքնազգացողության վերաբերյալ: Ես պնդեցի, որ նիստը չշարունակվի պաշտպանիս բացակայության պայմաններում, քանի որ այդպիսով ես չէի կարողանա իրացնել իմ՝ արդյունավետ պաշտպանության իրավունքը: Դատավոր Բեկթաշյանն ինձ կշտամբեց այլ պաշտպան չներգրավելու համար, թեև օբյեկտիվորեն հնարավոր չէ կարճ ժամանակահատվածում այլ պաշտպան ներգրավել և ծանոթացնել նրան գործի նյութերին ամբողջ ծավալով: Այնուամենայնիվ, դատական նիստը հետաձգվեց նշանակվեց հաջորդ իսկ օրը՝ առավոտյան: Այսպիսով դատավոր Բեկթաշյանը կրկին հաշվի չառավ պաշտպանիս առողջական վիճակն ու իմ՝ այլ պաշտպան ներգրավելու անկարողությունը և փաստորեն 24 ժամից էլ քիչ ժամանակ տվեց փաստաբան Ինեսսա Պետրոսյանին կազդուրվելու և դատական նիստին կրկին ներկայանալու համար:

Վերոգրյալը փաստում է, որ դատավոր Արմեն Բեկթաշյանը շարունակաբար և միտումնավոր ինձ զրկում է արդյունավետ պաշտպանության իրավունքից՝ այսպիսով խախտելով իմ սահմանադրական իրավունքները: Խնդրում եմ դատավոր Արմեն Բեկթաշյանի նկատմամբ հարուցել կարգապահական վարույթ:

Հարգանքով,

Վահագն Աբգարյան

11.05.2020թ.

Continue reading at https://acblog.am/?p=4905 | AntiCorruption[:]

[:am]

Այսօր ՀՀ վերաքննիչ քրեական դատարանում ընթանում է Վահագն Աբգարյանի գործով դատախազության և տուժողի ներկայացուցիչների բերած բողոքի քննությունը։ Դատախազությունը բողոքարկում է Աբգարյանին ազատ արձակելու որոշումը։ Հիշեցնենք, որ Լոռու մարզի ընդհանուր իրավասության դատարանը վերջերս փոխել էր Աբգարյանի խափանման միջոցը ազատազրկումից գրավի՝ հաշվի առնելով Աբգարյանի առողջական վիճակը, համաճարակի պայմաններում նրա խոցելիությունն ու այն հանգամանքը, որ կալանավայրում նրա կյանքին և առողջությանը վտանգ է սպառնում, քանի որ վերջինիս դեմ կազմակերպված հարձակում էր եղել կալանավայրում։ Աբգարյանի ներկայացուցիչ Մարինա Պողոսյանը վստահ է, որ դա հերթական պատվիրված մահափորձն է եղել Աբգարյանի նկատմամբ, քանի որ նախքան կալանավորվելը նրան սպանելու ևս երկու փորձեր էին եղել, որից երկրորդի ժամանակ Աբգարյանը ծանր վիրավորվել էր։ Երկարատև պայքարից հետո պաշտպանական կողմից հաջողվել էր փոխել Աբգարյանի խափանման միջոցը։ Վերջինս 15 միլիոն դրամ գրավ է վճարել և դրսևորում է պատշաճ վարքագիծ, չի խուսափում դատական նիստերին ներկայանալուց, որևէ կերպ չի խոչընդոտում արդարադատության իրականացումը։ Այնուամենայնիվ, դատախազությունը և փաստաբաններ Լուսինե Սահակյանն ու Երվանդ Վարոսյանը պնդում են, որ Աբգարյանը պետք է կալանքի մեջ գտնվի՝ պատճառաբանելով, թե գործով վկա անցնող Արթուր Մնացականյանը մեկ այլ գործով ցուցմունք է տվել, որում նշել է, թե ինքը կարծում է, որ եթե Աբգարյանը հայտնվի ազատության մեջ, կարող է իրեն հետապնդել կամ իր նկատմամբ ճնշումներ գործադրեն։ Այս պնդումը սակայն  հերքվել է փաստացի իրականությամբ, քանի որ ապրիլի 3-ից ազատության մեջ գտնվող Աբգարյանը երբևէ չի փորձել կապ հաստատել վկայի հետ ո՛չ անմիջական, ո՛չ էլ միջնորդավորված։ Ավելին, Աբգարյանի ազատության մեջ գտնվելու պայմաններում վկան մեկ այլ գործով ներկայացել է դատական նիստի և նրա դեմ ցուցմունքներ է տվել, այնինչ, երբ Աբգարյանը կալանավայրում էր նույն վկան ի օգուտ նրա էր ցուցմունքներ տալիս։ Սա ապացուցում է, որ Աբգարյանը որևէ կերպ չի փորձում խոչընդոտել արդարադատության իրականացմանը և որ նրա՝ ազատության մեջ գտնվելը որևէ կերպ չի սպառնում վկային։ Սա էլ չի խանգարում դատախազ Տիգրան Ենոքյանին և փաստաբաններին, որ շարունակեն պնդել, որ Աբգարյանը չպետք է լինի ազատության մեջ։ Սակայն առավել ուշագրավ է, որ այս գործին է միացել նաև ՀՀ վերաքննիչ դատարանի դատավոր Արմեն Բեկթաշյանը, ում մոտ էլ «պատահաբար» հայտնվել է Աբգարյանին ազատ արձակելու վերաբերյալ որոշման դեմ բողոքը։ Բեկթաշյանն այս գործով շահագրգիռ անձ է, նա ՀՀ քննչական կոմիտեի պետի նախկին տեղակալ, մարտի 1-ի գործով հետախուզվող Վահագն Հարությունյանի մտերիմ ընկերն է դեռ ուսանողական տարիներից, իսկ Վահագն Աբգարյանն ու նրա ներկայացուցիչները վաղուց են հայտարարել, որ հենց Վահագն Հարությունյանի գլխավորությամբ է սարքվել Աբգարյանի դեմ գործը։ Ավելին, Աբգարյանը ցուցմունքներ է տվել, որ հենց Վահագն Հարությունյանն է իրեն խոշտանգել, նման ցուցմունքներ են տվել ևս երեք քաղաքացիներ, ում պնդմամբ՝ Հարությունյանը ունեցել է մեկ նպատակ՝ «փակել» Վահագն Աբգարյանին, որ նա այլևս երբեք չկարողանա «ոտք դնել Ալավերդի»։ Հարուցված են թվով 4 քրեական գործ Վահագն Հարությունյանի կողմից պաշտոնեական դիրքը չարաշահելու հոդվածով։ Այսօրվա դատական նիստի ժամանակ Աբգարյանի պաշտպան Ինեսսա Պետրոսյանը ինքնաբացարկի միջնորդություն ներկայացրեց դատավոր Արմեն Բեկթաշյանին վերոնշյալի հիմնավորմամբ։ Զարմանալիորեն, դատավորը չհերքեց իր և Հարությունյանի մտերմության փաստը, սակայն մերժեց միջնորդությունը։ Ի դեպ, փաստաբան Ինեսսա Պետրոսյանը վատառողջ վիճակով էր ներկայացել դատական նիստին, նախորդ նիստը հետաձգվել էր, քանի որ նիստից առաջ կտրուկ վատացել էր փաստաբանի ինքնազգացողությունը, ստիպված էին եղել Շտապ օգնություն կանչել։ Այսօրվա նիստին փաստաբանը չկարողացավ կանգնած դիրքով խոսել դատավորի հետ, անգամ չկարողացավ կարդալ իր միջնորդությունը և խնդրեց դատավորին դա անել իր փոխարեն։ Իսկ ընդմիջման ժամանակ փաստաբանը դիմում գրեց, որ ի վիճակի չէ շարունակել մասնակցել դատական նիստին և հեռացավ։ «Ինեսսան այնքան վատ էր իրեն զգում, որ մի պահ անգամ նստած տեղից չէր կարողանում վեր կենալ։ Նա դիմումը չկարողացավ ինքը մուտք անել, ես եմ տարել իր փոխարեն»,- «Հակակոռուպցիոն բլոգ»-ին ասաց իրավապաշտպան Մարինա Պողոսյանը։ Դատավորը, ընդմիջումից հետո տեսնելով, որ պաշտպան Պետրոսյանը հեռացել է նիստերի դահլիճից, հայտարարեց, թե ինքը բժիշկ չէ, որպեսզի դատողություններ անի փաստաբանի առողջական վիճակի մասին և կշտամբեց Վահագն Աբգարյանին այն բանի համար, որ նա այլ պաշտպանի չի ներգրավել։ Աբգարյանն ի պատասխան ասաց, որ նա չի կարող այսքան կարճ ժամանակահատվածում այլ պաշտպանի ներգրավել և ծանոթացնել նրան ծավալուն գործի բոլոր նյութերին։ Դատավորը հետաձգեց դատական նիստը ընդամենը մեկ օրով՝ Ինեսսա Պետրոսյանին 24 ժամից էլ քիչ ժամանակ տալով կազդուրվելու և նիստին ներկայանալու համար։ «Վելես» իրավապաշտպան հասարակական կազմակերպության նախագահ Մարինա Պողոսյանը, ով հանդիսանում է Վահագն Աբգարյանի ներկայացուցիչը այլ դատական գործերով, եկել է այն համոզման, որ Արմեն Բեկթաշյանն ամեն գնով փորձում է հետ ուղարկել Աբգարյանին կալանավայր։ «Ինձ համար ակնհայտ է, որ դատավոր Բեկթաշյանը Բեկթաշյանը ցանկանում է կալանավորել իր ընկերոջ դեմ պայքարող քաղաքացուն, ով շուրջ երկու տարի պայքարում է, փորձում է ապացուցել, որ հենց Վահագն Հարությունյանն է իր դեմ գործ սարքել»,- կարծում է իրավապաշտպանը։ Պողոսյանի խոսքով՝ Աբգարյանի կյանքին վտանգ է սպառնալու կալանավայր վերադառնալու դեպքում։ «Արդեն մեկ մահափորձ եղել է կալանավայրում, սրանք ուզում են նորից մարդուն ուղարկել մի վայր, որտեղ նրան կարող են սպանել և հենց այդ նպատակով էլ Բեկթաշյանն է քննում այս գործը»,- ասում է Մարինա Պողոսյանը։ Իրավապաշտպանը վստահ է, որ Արմեն Բեկթաշյանն ի սկզբանե պիտի չվերցներ այս գործը, քանի որ սա մեծ հնչեղություն ունեցող գործ է, որում Վահագն Հարությունյանի ներգրավվածության մասին բազմիցս են գրել ԶԼՄ-ները։ Ի դեպ, դատավոր Բեկթաշյանն այսօր աչքի ընկավ տարօրինակ վարքագծով, նա առանց հիմնավոր պատճառաբանության կարգադրեց Մարինա Պողոսյանին լքել նիստերի դահլիճը՝ հայտարարելով, թե վերջինս խանգարում է դատավարության ընթացքը։ Պողոսյանը, ով որևէ բառ անգամ չէր արտասանել, որևէ աղմուկ չէր արել մինչ այդ պահը, զարմացավ, թե ինչո՞վ է խանգարում։ Դատավորն ասաց, թե նա հեռախոսը չի անջատել, սակայն Պողոսյանի հեռախոսից ևս որևէ ձայն չէր հնչել և օբյեկտիվորեն չէր կարող խանգարել դատավարությանը։ Իրավապաշտպանը հայտարարեց, որ իր հեռախոսն անջատած է, սակայն Բեկթաշյանը մնաց անդրդվելի և ստիպեց նրան դուրս գալ նիստերի դահլիճից։ «Այս ոչ ադեկվատ պահվածքը որևէ բացատրություն պիտի ունենա։ Ես կարծում եմ, որ նախքան վեթթինգ անելը պիտի ստուգեն, թե արդոք դատավորներն ի վիճակի են սթափ անցկացնել դատավարությունը։ Նախ փորձաքննության ենթարկեն բոլորին ու պարզեն, թե քանիսն են հարբեցող, քանիսն են թմրանյութեր օգտագործող։ Այդպիսի մարդիկ չեն կարող մարդկանց ճակատագրերի վերաբերյալ վճիռներ կայացնել»,- դատարանի դահլիճից դուրս հայտարարեց Մարինա Պողոսյանը։

Continue reading at https://acblog.am/?p=4901 | AntiCorruption[:]

[:am]

https://www.youtube.com/watch?v=Wk6h1CVjH1g[:]

[:am]«Իմ ձերբակալումից մի քանի րոպե հետո ես ծանոթացել եմ Վահագն Հարությունյանի հետ։ Ես նրան չէի ճանաչում, բայց նա ինձ ասաց, որ ես իր թշնամին եմ, ու ինքը մինչև վերջ հետամուտ է լինելու, որ ինձ համար շատ վատ լինի»,- «Առաջին լրատվական»-ի հետ զրույցում ասաց սպանության գործով մեղադրյալ Վահագն Աբգարյանը։ Նրա խոսքերով՝ Հարությունյանը պատասխան է տալու ամեն ինչի համար։ «Ես չեմ ուզում, որ տպավորություն ստեղծվի, թե Վահագն Հարությունյանը հիմա հետախուզման մեջ է ու ես դրա համար եմ այս ամենը ասում, կամ՝ ինչպես ժողովուրդն է ասում՝ եզն ընկել է՝ դանակավորները շատացել են, բայց եզ բառն անգամ Վահագն Հարությունյանի համար կոմպլիմենտ է։ Մենք խոսում ենք մի մարդու մասին, որի մասնագիտությունը հին Հայաստանում գործ սարքելն է եղել, կեղծելն է եղել։ Ես հուսով եմ, որ մի օր կպարզվի, թե ով է կանգնած այս ամենի հետևում, քանի որ Վահագն Հարությունյանն էլ պատվեր կատարող է։ Տարբեր գործեր կան հարուցված, որտեղ ես տուժող են ճանաչվել և հուսով եմ, որ ամեն ինչ կպարզվի։ Ես հուսով եմ, որ կպարզվի, թե նա ում պատվերն է կատարում և ինչ շահագրգռվածություն ունի այս գործում»,- ասաց Վահագն Աբգարյանը։ Վերջինիս խոսքերով՝ հենց Վահագն Հարությունյանի կողմից է իրեն կպցվել քրեական հեղինակություն տերմինը՝ հասարակության մեջ իր նկատմամբ բացասական, վատ տրամադրվածություն առաջացնելու համար։ «Եվ դա աշխատեց, քանի որ ոչ մեկին հետաքրքիր չէ քրեական հեղինակության ճակատագիրը, ու եթե այդ մարդը քրեական հեղինակություն է, ապա նա կարող է ընդունակ լինել այդ արարքներին ու նրան հասնում է ցանկացած պատիժ։ Իրենք այդպես էլ արեցին, ու իրենց սցենարը աշխատեց, ինձ սարքեցին քրեական հեղինակություն, սկսեցին ցեխ շպրտել ինձ վրա ու ինչ ուզեցին՝ արեցին։ Իրավիճակը փրկեց միայն հեղափոխությունը։ Հեղափոխությունը չլիներ, չէր կայանա նաև այդ հարցազրույցը»,- ասաց մեր զրուցակիցը։

Վահագն Աբգարյանը նշում է, որ ինքը քրեական հեղինակություն չէ, մեծացել է մտավորականների ընտանիքում և հիմա չի ցանկանում, որ իր երկու անչափահաս աղջիկները տեսնեն իր դեմ «սարքած» այս գործի շարունակությունը. «Հուսով եմ՝ արդարադատությունն ի վերջո կհաղթի»,- ասաց նա։

Հիշեցնենք, որ Վահագն Աբգարյանին մեղադրանք է առաջադրված 2017 թվականի հունիսի 13-ին Ալավերդի քաղաքում Կամո Փիրուզյանի սպանության համար: Գործի քննության ընթացքում վարույթն իրականացնող մարմինը մարզային ոստիկանությունից գրավոր տեղեկացվել է, որ ձեռք բերված օպերատիվ տվյալների համաձայն՝ Կամո Փիրուզյանի սպանությունը ոչ թե սպանողի ու սպանվածի անձնական թշնամության արդյունք է, այլ կազմակերպված է եղել Ալավերդիում հայտնի Վահագն Աբգարյանի կողմից մի շարք այլ անձանց օժանդակությամբ։ Վահագն Աբգարյանը ներգրավվել է որպես մեղադրյալ: Նրան մեղադրանք է առաջադրվել Կամո Փիրուզյանի սպանությունը կազմակերպելու, Լոռու քննչական վարչության նախկին պետ Թաթուլ Շուշանյանին առանձնապես խոշոր չափերի կաշառք տալու, ինչպես նաև ապօրինի կերպով զենք՝ երկու ատրճանակ ու ռազմամթերք՝ փամփուշտներ ձեռք բերելու համար:

Առավել մանրամասն՝ տեսանյութում։

https://www.1in.am/2745404.html[:]

[:am]https://www.youtube.com/watch?v=ruK7kBJDF4g[:]

[:am]

Bac tv. Ովքեր են մանկապղծի երաշխավորները․ Մարինա Պողոսյան

https://www.youtube.com/watch?v=uqb2NF_GFEI[:]