Դատախազության և Ոստիկանության խայտառակությունն է. իրավապաշտպանը՝ Ֆուչիկի փողոցի կրակոցների մասին
Ինչպես հայտնել էինք ավելի վաղ, «Իրազեկ քաղաքացիների միավորում» ՀԿ համակարգող Դանիել Իոաննիսյանը ֆեյսբուքյան իր էջում գրառում է կատարել՝ անդրադառնալով մայրաքաղաքի Ֆուչիկի փողոցում օրերս տեղի ունեցած կրակոցներին։
Oragir.News-ը կապ է հաստատել «Վելես» ՀԿ-ի հիմնադիր, իրավապաշտպան Մարինա Պողոսյանի հետ՝ պարզելու՝ որքանով է Հայաստանի Հանրապետության քաղաքացիների կյանքը ապահովագրված նման իրավիճակներում, ինչին ի պատասխան՝ զրույցակիցն ասաց, որ ՀՀ որևէ քաղաքացի՝ անկախ տարիքից բացարձակ անվտանգ չէ․
«Հայաստանի Հանրապետությունում որևէ քաղաքացի՝ սկսած նորածին երեխայից՝ մինչև ամենազառամյալ մարդը, բացարձակ անվտանգ չէ, որովհետև չկա իրավապահ համակարգ։ Բոլոր հանցագործությունները կատարվում են կա՛մ իրավապահ համակարգի անմիջական մասնակցությամբ, կա՛մ գոնե թողտվության ներքո։ Որևէ մեկը չի կարող այդքան լկտիանալ, որ նման բան անի։ Սրանք երևի վատ նկահարանված սերիալի ազդեցության տակ են մնացել, որով էլ որ դաստիարակվել են 30 տարի։ Նույնիսկ ամենամեծ երևակայություն ունեցողը չի կարող պատկերացնել այն, ինչ տեղի է ունենում Հայաստանի Հանրապետությունում»։
Իրավապաշտպանը վստահեցրեց, որ այլ երկրներում թե՛ ոստիկանապետը, թե՛ դատախազը անմիջապես հրաժարական կտային․
«Բացի նրանից, որ ոստիկանությունը զբաղված է մարդկանց բռնելով, գաղտնալսելով, այն ունի իր ամենակարևոր՝ հանցագործությունների կանխարգելիչ ֆունկցիան։ Զարմանալի է նաև այն, որ չգիտես՝ ինչու, երբ մեր երկրում նման հանցագործություններ են լինում, պարեկները ներծծվում են․ երևի հատուկ քիմիական լուծույթ կա, որ շաղ են տալիս, պարեկները լուծվում են դրա մեջ։ Սա Հայաստանի Հանրապետութան Դատախազության և Ոստիկանության խայտառակությունն է։ Եթե սրանք նամուս ունենային, պիտի կախվեին, կամ գոնե հրաժարական տային»։
Մարինա Պողոսյանը վստահեցրեց, որ եթե գտնվեն տեսանյութի գործող անձինք, առավելագույն պատիժը, որ կրելու են, մեկ-երկու ամիս կալանավորվելը կլինի․
«Ինձ թվում է՝ սա հատուկ արվում է, որ երկիրը հայաթափվի, որ ղեկավարները իրենց հարազատներին հողերը հանձնեն առանց բնակչի»։
Ամբողջական նյութը սկզբնաղբյուրում՝
