[:am]

Մամուլում ու սոցցանցերում բուռն քննարկումների թեմա է դարձել տեղեկությունը, որ 4 երեխայի մայր ու սոցիալական ծանր պայմաններում բնակվող սիսիանցի Հասմիկ Սարգսյանը ծանոթուհու բնակարանից 10 հազար դրամ գողության համար դատապարտվել է 6 տարի 6 ամիս ազատազրկման:

Տարվում են ամենատարբեր համեմատություններ, ու կասկածի տակ է դրվում վճռի արդարացիությունը: Դատապարտված տիկնոջ շահերի պաշտպանությամբ սկսել են զբաղվել իրավապաշտպան կազմակերպություններ, դրամահավաք են սկսել: «Ռադիոլուրը» այսօր լսել է բոլոր կողմերին:

Աուդիո նվագարկիչ

http://www.armradio.am/hy/2018/04/03/snund-2/

« Մի անգամ քաղաքապետարանը շատ շուտ՝ մինչեւ դատավճիռը, օգնել է, դրանից հետո ուր դիմել եմ՝ բոլորը մերժել են: Ամեն տեղ էլ դռները փակ: Վարկ եմ վերցրել 100 հազար, չգիտեմ՝ ոնց պետք է փակեմ»:

Գողությունը չենք պաշտպանում, այլ մարդու ապրելու իրավունքը՝ «Ռադիոլուրին» ասում է Հասմիկ Սարգսյանի շահերը պաշտպանող «Վելես» իրավապաշտպան կազմակերպության ղեկավար Մարինա Պողոսյանը: Կնոջը աշխատանքով ապահովելը կարող էր կասեցնել հանցագործությունը՝ վստահ է: Երեք անչափահաս երեխա ու մեկ զինծառայող որդի ունենալն արդարացնո՞ւմ է հանցագործությունը հարցին Պողոսյանն արձագանքում է՝

« Իսկ որ ազգ-բանակ անընդհատ շահարկում են, լա՞վ է: Հասմիկ Սարգսյանը նպաստ չի ստանում, թոշակ չի ստանում, աշխատավարձ չի ստանում, տուն չունի, վարձով է բնակվում, ինքն էլ առողջական խնդիրներ ունի,  ինչո՞վ պահի իր երեխաներին: Այստեղ պետք է տարանջատենք գողությունը բառը հանապազօրյա հաց ու իր երեխաների կյանքի իրավունքն ապահովելուց»:

Ազատազրկման դատապարտված Հասմիկը երեխաների առողջական խնդիրները փաստում է ամենատարբեր տեղեկանքներով: Որդին էլ ծառայության ընթացքում վիրահատվել է ու ուղարկվել մայրական խնամքի:

«Չեմ ասում, որ ինձ խղճան, ուղղակի ինձանից հետո էդ երեխաներին ո՞վ պիտի պահի: Նրանք խնամքի կարիք ունեն ու հիվանդ են»:

Մեղմացուցիչ հանգամանքների կողքին կա նաեւ պատիժը ծանրացնող հանգամանք՝  Սարգսյանը նախկինում եւս դատապարտվել է գողության համար, այսինքն՝ առկա է առանձնապես վտանգավոր ռեցիդիվ՝ արձանագրում են ՀՀ գլխավոր դատախազությունում: Գլխավոր դատախազի խորհրդական Գոռ Աբրահամյանը նշում է՝ պատիժ նշանակելիս դատարանը մարդասիրական մոտեցում ցուցաբերել է՝ նախկին երկու դեպքում կիրառվել է պայմանական ազատազրկում, սահմանվել է փորձաշրջան: Սակայն կինն անհրաժեշտ հետեւություն չի արել ու հերթական անգամ կանգնել է հանցավոր ուղու վրա:

«3-րդ անգամ է կատարել նույնատիպ դիտավորյալ ծանր հանցագործություն, որի համար նշանակված պատժին մասնակիորեն գումարվել է նախորդ հանցանքների համար նշանակված պատիժների չկրած մասը, եւ արդեն որպես վերջնական պատիժ է նշանակվել ազատազրկումը՝ 6 տարի 6 ամիս ժամկետով»:

Իրավապաշտպան Մարինա Պողոսյանը դատախազության մոտեցմանն արձագանքում է հարցով՝ 6 տարի հետո նույն կնոջը նույն սոցիալական պայմանները չե՞ն խեղդի:

«Չորրորդն էլ է լինելու, հինգերորդն էլ է լինելու, քանի դեռ պետությունը չի ապահովել մարդու նվազագույն պայմանները»:

Ինքը՝ Հասմիկ Սարգսյանը, տարակուսած է ոչ միայն վճռից, այլեւ դատախազ Հայկ Կարապետյանի հայտարարությունից:

«Դատախազն ասում է՝ հարուստի բարձի տակից գնայիր մի կես մլն գողանայիր, քեզ չէի, դատապարտի, կասեի լավ ես արել, բայց էս մեկը համարում եմ ծանր հանցագործություն: Դատի ժամանակ ասածը ձայնագրել ենք»:

Դատախազի հայտարարությունը գլխավոր դատախազի խորհրդական Գոռ Աբրահամյանը չի մեկնաբանում: Իրազեկում է՝ գործն այժմ վերաքննիչ դատարանում է՝ ավարտական փուլում:

[:]

[:am]10 հազար դրամ գողությունը արժեցել է վեցուկես տարվա ազատազրկում: Հասմիկ Սարգսյանը մինչև վերջին՝ 2017 թվականիգողությունը 2015 –ին ու 2017-ին  երկու անգամ ևս կատարել է գողություն, սակայն պատիժը պայմանականորեն չի կիրառվել: Վերջինգողության պատժի սահմանման համար գումարվել են նաև նախորդները: Որքա՞ն են արդարադատությունն ու արդարությունըհավասարազոր ծայրահեղ ծանր պայմաններից դրդված կնոջ գողության պարագայում:

http://www.kentron.tv/news/16481.html[:]

[:am]https://www.youtube.com/watch?v=k84RgrPWKsw&feature=push-u&attr_tag=tzZFTFB35zMTbi82-6

տեսանյութը © Հելսինկյան Ասոցիացիայի HRTV-ի համար[:]

[:am]

«Ինձ կանչել են ոստիկանություն, ներկայացել եմ, առանց տուժողի ցուցմունք տալու՝ ինձ ստիպելով և սպառնալով, խաբելով, ասել են՝ գրի ցուցմունքդ, տուժողը գրել է: Գրելուց հետո իմացել եմ, որ տուժողը ոչ մի ցուցմունք չի ներկայացրել: Հետո իրեն բերել են և ասել, որ Հասմիկն արդեն գրել է: Ինձ և տուժողին խաբել են՝ ասելով, որ կարճում են գործը»,-ասում է ամբաստանյալ Հասմիկ Սարգսյանը: Ասում է, որ չի աշխատում, նպաստը կտրել են: Մի քանի անգամ դիմել է սոցապ նախարարություն, քաղաքապետարան՝ օգնություն ստանալու նպատակով, սկզբում նրան խոստացել, ապա մերժել են ՝ քրեական գործի հարուցված լինելու պատճառով: Ինքն ու իր երեխաներն առողջական խնդիրներ ունեն, բայց ֆինանսական խնդիրների պատճառով չի կարողացել բուժումները շարունակել: Միակ նպատակը եղել է աշխատանք ունենալը և երեխաներին օրվա հացով ապահովելը: «Մի՞թե մեր երկրում սա ամենամեծ խնդիրն էր, այն դեպքում, որ այսօր ես տուժողի հետ զրուցել եմ, իրենք ընկերուհիներ են եղել, միասին քաղհան են արել, ասում է ՝ որ ես ներել եմ նրան, գումարը վերադարձրել է, որովհետև տեսնում եմ ՝ ինչ վիճակում են ապրում: Անկախ մեր մասնագիտությունից, մենք ի վերջո սկզբից մարդ ենք ծնվում, մայր ենք ծնվում, և մայրը չի կարող տեսնել, որ իր երեխան սոված է: Այո’, գողը պետք է նստի, բայց սկզբից եկեք մեծ գողերից սկսենք, այդ ժամանակ կալանավայրերում տեղ չի լինի մանր գողությունների համար,»-նշում է «Վելես» իրավապաշտպան կազմակերպության նախագահ Մարինա Պողոսյանը: Սա Հասմիկ Սարգսյանի կողմից կատարված միակ դեպքը չէ: Սյունիքի մարզի ընդհանուր իրավասության առաջին ատյանի դատարանի 2015 թվականի դեկտեմբերի 1-ի դատավճռով՝ ՀՀ քրեական օրենսգրքի 177 հոդվածի 1-ին մասով և ՀՀ քրեական օրենսգրքի 177 հոդվածի 3-րդ մասի 1.1 կետով դատապարտվել է ազատազրկման՝ 4 տարի 3 ամիս ժամկետով։ Կիրառվել է ՀՀ քրեական օրենսգրքի 70 հոդվածը և սահմանվել է փորձաշրջան 2 տարի ժամկետով։ Ըստ ՀՀ գլխավոր դատախազության պարզաբանման՝ գտնվելով փորձաշրջանի ընթացքում՝ Հասմիկ Սարգսյանը կատարել է ևս մեկ ծանր հանցագործություն, որի համար դատապարտվել է ազատազրկման 4 տարի 6 ամիս ժամկետով։ Դատարանի կողմից կրկին կիրառվել է ՀՀ քրեական օրենսգրքի 70 հոդվածը և սահմանվել է փորձաշրջան 5 տարի ժամկետով։ Նշված փորձաշրջանի ընթացքում Հ. Սարգսյանը կրկին կատարել է դիտավորյալ ծանր հանցագործություն, որի համար նշանակված պատժին մասնակիորեն գումարվել է նախորդ հանցանքների համար նշանակված պատիժների չկրած մասը և արդեն որպես վերջնական պատիժ է նշանակվել ազատազրկումը՝ 6 տարի 6 ամիս ժամկետով։ «Այո’, վերջինն էլ չի լինելու այնքան ժամանակ, մինչև պետությունը իր համար զինվոր ծնած մորը աշխատանքով չի ապահովելու: ՉԷ՞, որ 10000 դրամը այսօր այն գումարն է, որ նույնիսկ չի կարող ապահովել նվազագույն սպառողական զամբյուղը, երբ որ այս մարդը ունի 4 երեխա, որից մեկը զինծառայող է, մնացածն էլ հիվանդ են»-ավելացնում է Մ.Պողոսյանը: Ըստ նրա՝ մի օրը կալանավայրում կազմում է 6318 դրամ, իսկ տարվա կտրվածքով 2 մլն 306 հազար դրամ: Մ. Պողոսյանը կարծում է, որ սա խտրական վերաբերմունք է արդարադատության կողմից : «Միայն այս երեք ամսվա մեջ մենք կարդում ենք, որ պետական կառույցները 35 մլն դրամից ավել հուշանվերներ և ծաղիկներ են առել: Ինձ հարցրե՞լ են՝ որպես հարկատու, որ մտել են իմ գրպանից գումարներ են տարել: Հիմա իրենք չպետք է դատապարտվեն, իսկ 10000 դրամի համար պիտի դատապարտվե՞ն, որ իրա երեխան սոված ա»,-ավելացնում է Մ.Պողոսյանը: Հ. Սարգսյանը դեռևս նախաքննության ընթացքում պատճառված վնասը տուժողին վերադարձրել էր: Փաստաբան Մուշեղ Շուշանյանը ևս համաձայն չէ վճռի հետ: Նա մեջբերում է բոլոր քաղաքակիրթ պետությունների՝ Իտալիա, Իսպանիա, Գերմանիա և ուրիշների դատական պրակտիկայի օրինակը, երբ նման գողությունը արդարացվում է, եթե պարզվում է, որ մարդը իր երեխաների հացը ապահովելու համար է նման քայլի դիմում: «Մարդը գտնվում է աննկարագրելի վատ սոցիալական պայմանների մեջ, այսինքն՝ նրա երեխաները սովամահության եզրին են հայտնվել, ու աշխատանք գտնել չի հաջողվում, ի՞նչ պետք է անի մարդը: Այս դեպքում գողությունը դատապարտելի լինել չի կարող»,-հավելում է Մ. Շուշանյանը: Ըստ նրա՝ քաղաքակիրթ հասարակություններում նույնիսկ ամենավատ մարդիկ սոված չպիտի լինեն: Հիշեցնենք, որ 2017 թվականի հուլիսի 8-ին Հասմիկ Սարգսյանին մեղադրանք է առաջադրել ՀՀ քրեական օրենսգրքի 177 հոդվածի 3-րդ մասի 1.1 կետով (բնակարան ապօրինի մուտք գործելու եղանակով կատարված գողություն) այն բանի համար, որ «նա, ունենալով ընկերուհու՝ Սիսիան քաղաքի բնակիչ Մարիետա Աշոտի Հովհաննիսյանի բնակարանից գաղտնի հափշտակություն կատարելու դիտավորություն, 2017 թվականի հուլիսի 4-֊ին՝ ժամը 15։00-ի սահմաններում, օգտվելով նրա բացակայությունից, հրելու միջոցով մուտքի դռան փականը վնասելու եղանակով ապօրինի մուտք է գործել Չարենցի փողոցի 8-րդ շենքի 7֊րդ բնակարան և ննջասենյակի պահարանի վրա դրված պայուսակում գտնվող դրամապանակից հափշտակել առկա 2 հատ 5000 դրամ անվանական արժեքի ՀՀ թղթադրամ: Նրա նկատմամբ վերջնական պատիժ է նշանակվել ազատազրկումը՝ 6 տարի 6 ամիս ժամկետով։ Ապրիլի 12-ին դատական նիստ է նշանակված Վերաքննիչ դատարանում: Սոնա ՇԱՀՎԵՐԴՅԱՆ 

Ամբողջական հոդվածը կարող եք կարդալ այս հասցեով՝ http://www.aravot.am/2018/04/03/946965/ 

© 1998 – 2018 Առավոտ – Լուրեր Հայաստանից

[:]

[:am]https://www.youtube.com/watch?v=eN3SwPyI5BQ

 [:]

[:am]https://www.youtube.com/watch?v=9D0FrpZIzQY

Սիսիանցի բազմազավակ անօթևան միայնակ մայր Հասմիկ Սարգսյանը վերջերս դատապարտվել է վեցուկես տարվա ազատազրկման 4000 դրամ գողանալու համար, որով կերակրել էր երեխաներին: Ոստիկանությունը ձևակերպել է գողությունը 10 000 դրամ և քրեականացրել այն: Հասմիկը պարբերաբար փնտրում է վաստակի միջոցներ, սակայն պետական մարմինները զրկել են նրան նպաստից։ Իսկ աշխատանք գտնել նա չէր կարողանում: Ընտանիքը շարունակում է ապրել առանց էլեկտրականության և որևէ գումարի:

https://www.civilnet.am/news/2018/04/03/%D4%B1%D5%A6%D5%A1%D5%BF%D5%A1%D5%B4%D5%A1%D6%80%D5%A4%E2%80%A4-%D4%B2%D5%A1%D5%A6%D5%B4%D5%A1%D5%A6%D5%A1%D5%BE%D5%A1%D5%AF-%D6%87-%D5%B4%D5%AB%D5%A1%D5%B5%D5%B6%D5%A1%D5%AF-%D5%B4%D5%A1%D5%B5%D6%80%D5%A8-%D5%A4%D5%A1%D5%BF%D5%A1%D5%BA%D5%A1%D6%80%D5%BF%D5%BE%D5%A5%D6%81-%D5%BE%D5%A5%D6%81%D5%B8%D6%82%D5%AF%D5%A5%D5%BD-%D5%BF%D5%A1%D6%80%D5%BE%D5%A1/332668

[:]

[:am]

Մուշեղ  Շուշանյան –  փաստաբան 

[:]

[:am]

Հարգելի գործընկերներ,

Երկու օր առաջ զրուցել ենք Հասմիկ Սարգսյանի հետ, ով Սյունիքի մարզի ընդհանուր իրավասության դատարանի դատավոր՝ Ն.Օհանյանի կողմից կայացված վճռով դատապարտվել է 6 տարի 6 ամիս ազատազրկման 10000 դրամի գողության համար: Հասմիկ Սարգսյանը մեր հետ հեռախոսազրույցի ժամանակ պատմեց այն ապօրինությունների մասին, որ իր հետ կատարվել են Սյունիքի մարզի ոստիկանության և դատարանի կողմից: Նշենք, որ Հասմիկ Սարգսյանը և իր չորս զավակները գտնվում են անտանելի պայմաններում: Հասմիկ Սարգսյանի որդին ծառայում է Հայոց բանակում և այժմ գտնվում է Մուրացանի հոսպիտալում ՝ վիրահատված է, երեք անչափահաս երեխաները գտնվում են անտանելի պայմաններում, որը փաստող տեսանյութը շուտով կտեղադրենք:

[:]

[:am]Վելես հասարակական կազմակերպության հիմնադրումից մինչ օրս Մարինա Պողոսյանը հետապնդվում է: Իշխանությունները ջանք չեն խնայում նրան լռեցնելու համար: Այս կարճ տեսանյութը համառոտ ներկայացնում է իրավապաշտպանին հետապնդելու դրդապատճառները:

Տեսանյութը ՎԵԼԵՍ ՀԿ-ի

http://www.newspress.am/?p=81333&l=am/+bacahaytum+incho%D6%82+en+hetapndum+marina+poxosyanin+tesanyut[:]

[:am]https://www.youtube.com/watch?v=qpC7W7iF03Q

Վելես հասարակական կազմակերպության հիմնադրումից մինչ օրս Մարինա Պողոսյանը հետապնդվում է: Իշխանությունները ջանք չեն խնայում նրան լռեցնելու համար:

Այս կարճ տեսանյութը համառոտ ներկայացնում է իրավապաշտպանին հետապնդելու դրդապատճառները:

http://www.nt.am/am/news/251808/[:]

[:am]

”Վելես” հասարակական կազմակերպության հիմնադրումից մինչ օրս Մարինա Պողոսյանը հետապնդվում է: Իշխանությունները ջանք չեն խնայում նրան լռեցնելու համար: Այս կարճ տեսանյութը համառոտ ներկայացնում է իրավապաշտպանին հետապնդելու դրդապատճառները:

https://www.youtube.com/watch?v=qpC7W7iF03Q[:en]Marina Poghosyan has been prosecuted since the foundation of the Veles NGO. The authorities do their best to silent her. This short video presents the motivation of the oppressions against the human rights defender.

[:am]

Երեկ առավոտյան Երևան քաղաքի ընդհանուր իրավասության դատարանի Կենտրոնի նստավայրում պետք է շարունակվեր իրավապաշտպան Մարինա Պողոսյանի դեմ հարուցված քրեական գործի քննությունը, որն ինչպես արդեն գրել ենք, տուժող Արփի Մերասի մահից հետո մշտապես հետաձգվում է, քանի որ  փաստաբան Հրանտ Անանյանը մինչ օրս չի կարողացել ներկայացնել այն փաստաթղթերը, որոնց հիման վրա դատավորը կքններ տուժողի իրավահաջորդ ճանաչելու հարցը:

Դեռևս հունվարի 15-ի նիստին փաստաբանը դատարանին տեղեկացրեց, որ իր վստահորդ Արփի Մերասը մահացել է, որից հետո գործի քննությունը հետաձգվեց, որպեսզի ներկայացվեն համապատասխան փաստաթղթերը: Դրանից հետո ևս երկու դատական նիստ հետաձգվեց, քանի որ փաստաբանն չէր կարողացել ներկայացնել փաստաթղթերի բնօրինակները:

Երեկվա դատական նիստին ևս Անանյանը չներկայացրեց փաստաթղթերը: Փոխարենը բերել էր տեղեկանք, որում գրված էր, որ դեռևս փետրվարի 21-ին Կանադայից ուղարկված փաստաթղթերը տեխնիկական խնդիրների պատճառով չեն հասել Հայաստան:

Դատավոր Մնացական Մարտիրոսյանը փաստաբանին հիշեցրեց, որ այս պահին նա չի կարող որպես ներկայացուցիչ մասնակցել դատական նիստին: Ի դեպ, այս մասին «Առաջին լրատվականը» գրել էր իր նախորդ հրապարակման մեջ՝ մեջբերելով փաստաբան Մուշեղ Շուշանյանի խոսքերը. «Արփի Մերասի մահվան մասին տեղեկանալուց հետո դատավորը պետք է Հրանտ Անանյանին առաջարկեր տեղ զբաղեցնել ոչ թե դատավարության կողմերի համար հատկացված հատվածում, այլ դատական նիստերի դահլիճում»:

Դատավոր Մնացական Մարտիրոսյանը միայն այսօր ստիպեց Հրանտ Անանյանին լքել դատավարության կողմերիի համար նախատեսված հատվածը: Փաստաբան Անանյանը, սակայն ցանկանում էր մնալ՝ պատճառաբանելով, որ նա հանգուցյալ Արփի Մերասի ներկայացուցիչն է եղել ոչ միայն վերջինիս տված լիազորագրի վրա, այլև քրեական վարույթն իրականացրած մարմնի որոշման հիման վրա. «Մինչև փաստաթղթերի էն փաթեթը ստանալը, որով պետք է նաև իրավահաջորդության հարցը լուծվի, ես կարծում եմ՝ իմ լիազորությունները չեն դադարում, քանի դեռ փաստաթղթերը չեն հանձնվել դատարանին, մահվան փաստը չի հաստատվել և այլն և այլն»,- փաստաբանի դիրքորոշումը զարմացրեց դատավորին և վերջինս հարց ուղղեց. «Դուք հայտարարում եք, որ Արփի Մերասը չի՞ մահացել»:

Փաստաբան Անանյանը հաստատեց, որ Արփի Մերասը մահացել է, որից հետո դատավոր Մնացական Մարտիրոսյանը հայտարարեց, որ նրա լիազորությունները դադարեցված են և որոշեց շարունակել գործի քննությունն առանց Հրանտ Անանյանի:

Որպես Մարինա Պողոսյանի երկրորդ պաշտպան ներգրավվեց Մուշեղ Շուշանյանը, ով դատարանից ժամանակ խնդրեց գործի նյութերին ամբողջությամբ ծանոթանալու և պաշտպանական ճառ պատրաստելու համար: Հաջորդ դատական նիստը նշանակվեց ապրիլի 6-ին՝ ժամը 10:00-ին:

Հիշեցնենք, որ Մարինա Պողոսյանը մեղադրվում է առանձնապես խոշոր չափերի գումարի յուրացման մեջ (ՀՀ քրեական օրենսգրքի 179-րդ հոդվածի 3-րդ մասի 1-ին կետ), մեղադրող դատախազը միջնորդել է վերջինիս մեղավոր ճանաչել և ազատազրկել 6.5 տարի ժամկետով:

Դեռևս 2015 թվականի հուլիսին Ոստիկանության Երևան քաղաքի վարչությունում ստացվել է հաղորդում հանցագործության մասին՝ ստորագրված կանադահայ Արփի Մերասի անունով, ով Տորոնտոյում գործող «Arpi Nursery School»-ի սեփականատերն էր:

Հաղորդման մեջ նշված է եղել, որ Մարինա Պողոսյանը վաճառել է դե յուրե Արփի Մերասին պատկանող անշարժ գույքը: Մերասը հայտնել է, թե ինքը Մարինա Պողոսյանին երբեք վաճառելու հանձնարարություն չի տվել, փոխարենը «ընդհանուր լիազորագրեր է ձևակերպել» նրա անունով: Այլ կերպ ասած, Մերասը իրավապաշտպանին մեղադրել է ծանր հանցագործության մեջ:

Ի՞նչ է պարզվել նախաքննության և դատաքննության ընթացքում: Մարինա Պողոսյանը առաջին իսկ հնարավորության դեպքում նախաքննական մարմնին է ներկայացրել նոտարի կողմից վավերացված թվով երեք լիազորագրեր, որոնք ոչ թե ընդհանուր բնույթի են, ինչպես Մերասն է նշել իր հաղորդման մեջ, այլ կոնկրետ վերաբերել են տան վաճառքին, գրավադրմանը և այլ գործարքներ կատարելուն: 2008, 2010 և 2012 թվականներին տրված լիազորագրերում մասնավորապես նշված է, որ Մերասը սեփականության իրավունքով իրեն պատկանող բնակարանի վերաբերյալ լիազորել է Մարինա Պողոսյանին «իր հայեցողությամբ տնօրինել (օգտագործել, վաճառել, փոխանակել, վարձով տալ, գրավ դնել, անհատույց օգտագործման հանձնել)», ինչպես նաև ստանալ վաճառքի գումարը:

Վաճառքին վերաբերող լիազորագրերն առանձնանում են նրանով, որ լիազորող անձը բացի նրանից, որ ստորագրում է լիազորագիրը, այլև իր ձեռքով գրում է «վաճառել» բառը թե լիազորագրում, թե նոտարական մատյանում: Սա սովորաբար արվում է նրա համար, որպեսզի լիազորող անձը հետագայում չհայտարարի, թե ինքը առանց հասկանալու է ստորագրել այդ փաստաթուղթը:

Լիազորարերը ներկայացնելու որոշ ժամանակ անց Մարինա Պողոսյանի դեմ հարուցված քրեական գործը կարճվել է, որի դեմ բողոք է ներկայացրել փաստաբան Հրանտ Անանյանը: Բողոքը քննել է դատավոր Լևոն Ավետիսյանը, ում Մարինա Պողոսյանը մինչ այդ բազմիցս քննադատել էր մամուլի հրապարակումներում: Լևոն Ավետիսյանի որոշմամբ՝ գործի կարճման որոշումը վերացվել է և կրկին նախաքննություն է ընթացել, որից հետո գործը մեղադրական եզրակացությունով ուղարկվել է դատարան:

Նշենք, որ տեղական և միջազգային իրավապաշտպան կազմակերպությունները Մարինա Պողոսյանի դեմ հարուցված քրեական գործը կապում են նրա ակտիվ գործունեության հետ, ընդգծելով, որ Պողոսյանը բարձրաձայնել է Կառավարության նախկին աշխատակիցների մասնակցությամբ կոռուպցիոն գործարքների մասին:

[:]

[:am]https://www.youtube.com/watch?v=a7IMKSjQU9M

http://www.newspress.am/?p=80747&l=am/marina+poxosyani+dem+harucvac+qrgorcov+datakan+nisty+hetadzgvec+tesanyut+[:]