[:am]

[:am]

Փաստաբան Արթուր Սուքիասյանը հաջողությամբ բողոքարկել է Վանաձորի ռեստորանային համալիրներից մեկի նկատմամբ Ոստիկանության կողմից կիրառված տուգանքները, որոնք վերաբերել են արտակարգ դրության պայմաններում Պարետի որոշումը խախտելուն։ Տուգանքի որոշումները, սակայն, վերացվել են, քանի որ դրանք կայացնելու օրը ՀՀ պարետի տվյալ որոշումն այլևս չի գործել, այսինքն՝ ոստիկաններն ի սկզբանե տուգանել են արդեն ուժը կորցրած որոշման հիմքով։ Ստացվում է, որ ոստիկանները տեղյակ չեն եղել պարետատան որոշումներին և առանց իրավական հիմքի նույն ռեստորանային համալիրին փորձել են տուգանել երկու անգամ՝ յուրաքանչյուրը 150,000 ՀՀ դրամի չափով։ Փաստաբան Արթուր Սուքիասյանը «Հակակոռուպցիոն բլոգ»-ին տված հարցազրույցում ներկայացնում է մանրամասները։

[:am]Ս․թ․ հուլիսից բազմաթիվ դատապարտյալներից  և նրանց ազգականներից  «Վելես» ՀԿ-ն  ստացել էր  բազմաթիվ բողոքներ, որ դատապարտյալների դատարան  ուղեկցումները չեն իրականացվում, որի կապակցությամբ ս․թ․ օգոստոսի 20-ին դիմել ենք ՀՀ ԱՆ նախարար Ռ․Բադայանին, ՀՀ ԲԴԽ նախագահ Ռ․Վարդազարյանին, ՀՀ դատական դեպարտամենտ Կ․Փոլադյանին և ՀՀ ոստիկանապետ Վ․Ղազարյանին։ 24․08․2020թ․ պատասխան ենք ստացել ՀՀ ԲԴԽ նախագահ Ռ․Վարդազարյանի կողմից, որը համամիտ լինելով  մեր բարձրացրած խնդրին նշել էր, որ դեռևս 20․07․2020թ․ ՀՀ ԲԴԽ նախագահի կողմից գրություն է ուղարկվել ՀՀ ԱՆ նախարարին և ՀՀ ոստիկանության պետին, սակայն առ 24․08․2020թ․  պատասխան  չեն ստացել։ Հետագայում սույն խնդիրը քննարկել ենք  Մարդու իրավունքների պաշտպան  Ա․Թաթոյանի հետ, որը ևս  համակարծիք էր  խնդրի  լուծման հրատապության առումով (ստորև տես ՄԻՊ-ի 01․09․2020թ․գրությունը  ) և  միայն ի շնորհիվ  ՄԻՊ -ի գրասենյակի,  մեր գրությունից  17 օր անց,  ՀՀ ոստիկանությունից ստանում ենք ամսաթվերը կեղծված,  անհասկանալի  պատասխան։ Ինչպես վերը նշեցի  մեր բարձրացած խնդիրը վերաբերվում էր զուտ դատապարտյալների իրավունքների խախտմանը  և  ճշգրտորեն  ընկալվել էր  ԲԴԽ-ի  և ՄԻՊ -ի  կողմից, սակայն ՀՀ  ոստիկանության   Երևան քաղաքի վարչության պետ Ա․Գասպարյանը չի ընկալել  մեր հարցումը  և պատասխանել է  կալանավորված/ ձերբակալված  անձանց  վերաբերյալ, ավելին  նշելով, որ մեր տեղեկությոնները չեն համապատասխանում իրականությանը այն պարագայում, երբ դա հաստատվել էր  ՄԻՊ -ի և ԲԴԽ-ի կողմից։ Համադրելով մեր  20․08․2020թ․ ՀՀ ոստիկանությանը ուղղված  մեր կազմակերպության հարցումը և ՀՀ ոստիկանության  07․09․2020թ․ պատասխանը լուրջ կասկածների ենք հանգում, որ  ոչ թե  մեր տեղեկությունները չի համապատասխանում իրականությանը, այլ  ՀՀ  ոստիկանության   Երևան քաղաքի վարչության պետ Ա․Գասպարյանի մեր գրության ընկալումը  չի համապատասխանում վերջինիս զբաղեցված պաշտոնին։ Ակնհայտ է, որ այս պաշտոնյան  կամ ընկալման լուրջ խնդիրներ  ունի,  կամ դիտավորյալ  խեղաթյուրում է մեր հարցման բովանդակությունը, որպեսզի խուսափի  դրան ըստ էության պատասխանելուն։

”Վելես” ՀԿ-ի 20․08․2020թ․ հարցումը_ՀՀ ոստիկանության Երևան քաղաքի վարչության պետ Ա․Գասպարյանի 07.09.2020թ․ պատասխանը

ՄԻՊ _01․09․2020թ․ պատասխանը

Continue reading at https://acblog.am/?p=5459 | AntiCorruption[:]

[:am]Նորմալ է, որ որևէ դատավոր չի ցանկանում քննել Վահագն Աբգարյանի շինծու գործը, որը սարքելու համար կատարվել են բազում հանցագործություններ: Այս մասին ԼՈՒՐԵՐ.com-ի հետ զրույցում ասաց իրավապաշտպան Մարինա Պողոսյանը։  Նշենք, որ Վահագն Աբգարյանի դեմ հարուցված քրեական գործից արդեն երկրորդ դատավորն է հրաժարվում՝ հայտնելով ինքնաբացարկ: Նա անդրադարձավ առաջին դատավորի ինքնաբացարկին, և նշեց, որ Սուսաննա Գզոգյանը դիտավորյալ է քնեցրել այս գործը. «Մոտ օրերս մենք պետք է դիմենք, որ Սուսաննա Գզոգյանի լիազորությունները որպես դատավոր դադարեցվեն: 821 օր վերջինս չարչարեց այս գործը, քնեցրեց, ոչինչ չարեց՝ մարդուն պահելով կալանքի տակ: Այստեղ երևում է Գզոգյանի անկարողությունը, իրավական անձեռնհասությունը, գործը դիտավորյալ քնեցրել է, որովհետև չունի նման գործ քննելու հմտություններ, միայն քրեական օրենսգիրքը անգիր անելն ու սերտելը դեռ բավարար չէ  դատավոր դառնալու և մարդկային ճակատագրեր կանխորոշելու համար: Ես կարծում եմ, որ ինքը և իր դատախազությունը  հետապնդել էր մի նպատակ. որքան հնարավոր է այս գործը ձգձգել և որքան հնարավոր է երկար Աբգարյանին պահել հասարակությունից մեկուսացած»,- նշեց Մարինա Պողոսյանը: Իրավապաշտպանը, հաստատելով Վահագն Աբգարյանի դեմ հարուցված քրեական գործի 2-րդ դատավորի հայտարարությունը, այն է, որ Վահագն Աբգարյանի հետ ունի ոչ բարիադրացիական, պրոբլեմատիկ հարաբերություններ, նշեց մի հանգամանք, որը հետաքրքրել էր իրենց. «Այստեղ շատ ավելի լուրջ խնդիր կա. Սուրեն Բաղդասարյանի որդին ՀՀ Գլխավոր դատախազի տեղակալ է նշանակվել մեկ օրվա տարբերությամբ: Գործը տրվել է դատավորին և տղան նշանակվել է դատախազի տեղակալ: Իմանալով ՀՀ դատաԽազ Արթուր Դավթյանի ունեցած թշնամական մոլուցքի մասին ուղղված դեպի Վահագն Աբգարյանը՝ բացատրված է Ալավերդիում իր տնտեսական շահերով և Վահագ Հարությունյանի վերջինիս ընկերը լինելով: Ըստ էության՝ այս կեղծ գործը նրա կողմից է սարքված եղել՝ Վահագն Ավդալյանին իզոլացնելու համար: Հիմա պետք է հասկանալ՝ ինչ կապ կար, որ որդին նշանակվում է ՀՀ Գլխավոր դատախազի տեղակալ և հայրը նիստերի գործը վարույթ է ընդունում»,– պարզաբանեց նա։ Վահագն Աբգարյանի ներկայացուցիչն այն կարծիքին է, որ Սուրեն Բաղդասարյանը ինքնաբացարկ դեռ շատ ավելի վաղ պետք է ներկայացներ. «Այստեղ մեկ կարևոր խնդիր էլ կա. գլխավոր դատախազի վերաբերմունքը Վահագն Աբգարյանի վերաբերյալ մենք շատ լավ գիտենք, բայց հիմա պարզվում է, որ վերջինիս տեղակալ Գևորգ Բաղդասարյանը ևս թշնամական վերաբերմունք ունի, ինչպես որ նշում է իր հայրը: Իսկ մյուս տեղակալ Արսեն Մարտիրոսյանը, որը եղել է Լոռու դատախազ, ակնհայտ, ժողովրդի լեզվով ասած, ընկած է եղել Վահագնի հետևից, ընդհուպ նույնիսկ Վահագնին կալանավորելու վերաբերյալ հիմա ինքն է սկսել որոշումներ կայացնել»,- ընդգծեց Մարինա Պողոսյանը: Ըստ իրավապաշտպանի՝ սա նորանշանակ դատավոր Անդրանիկ  Սիմոնյանի քրեական առաջին գործերից է լինելու, որի հաջողելու դեպքում նա կկայանա որպես դատավոր․ «Անդրանիկ Սիմոնյանը մնացած դատավորների պես ևս կարող է չդիմանալ դատախազության համակարգի ճնշմանը։ Շատ հնարավոր է, որ երիտասարդ դատավորը մյուս կողմից էլ որևէ կախվածություն չունենա դատախազությունից, որովհետև դժվար թե Արթուր Դավթյանի հետ հասցրած լինի  նույն լափամանից օգտվել: Այստեղ ևս մեկ կարևոր հանգամանք կա, նորանշանակ դատավորը աշխատել է դատախազության համակարգում դեռ 2 տարի առաջ, աշխատել է Երևան քաղաքի Կենտրոն և Նորք-Մարաշ վարչական շրջանների դատախազությունում, իսկ այդ ժամանակ Երևան քաղաքի դատախազ է եղել Սուրեն Բաղդասարյանի՝ ինքնաբացարկ հայտնած և Վահագն Աբգարյանի նկատմամբ թշնամական վերաբերմունք ունեցող դատախազի որդի Գևորգ Բաղդասարյանը, որը անմիջական ղեկավարն է եղել նորանշանակ դատավորի: Հիմա պետք է հասկանանք, արդյոք այս անմիջական ղեկավարը ինչ-որ ձևով կկարողանա որոշակի ճնշում գործադրել ՝ ելնելով իրենց ընտանիքի և Վահագն Աբգարյանի վատ հարաբերություններից: Մեզ համար, իհարկե, նախընտրելի կլիներ, որ լիներ դատավոր, որը դատախազությունում չի աշխատել և չի հարաբերվել դատախազական համակարգի հետ, որպեսզի բացառեինք ցանկացած տիպի ճնշումները» ,- ասաց նա: «Վահագն Աբգարյանը փորձադաշտ չէ, որ տարբեր դատավորներ իրար փոխանցելով գործը նորից են երկարացնում նրա կալանքի տակ մնալու ժամկետի հաշվին: Հիմա մենք  անգամ որևէ միջնորդություն անելուց ենք զրկված, որովհետև  նույնիսկ դատական նիստեր չեն նշանակվում, իսկ ամեն մի ավել օր մարդու համար, որը կալանավայրում է, սպանության փորձի ենթարկելու համազոր մի բան է:  Մենք  նորանշանակ դատավորին պետք է հորդորենք, որ եթե այս գործը ինքը ի զորու չէ գլուխ բերել, ի սկզբանե հրաժարվի դրանից և Վահագն Աբգարյանի կյանքից այլևս որևէ օր չխլի։ Ես կարծում եմ՝ որևէ դատավոր նույնիսկ ինքնակամ չէր էլ ուզենա այլևս այս գործով զբաղվեր, որովհետև, ի վերջո, մեկը պե՞տք է պատասխան տա՝ ինչու է մարդը անիմաստ և անհիմն 2.5 տարի գտնվում կալանքի տակ» ,- եզրափակեց իրավապաշտպան Մարինա Պողոսյանը: Զվարթ Պետրոսյան

© Lurer.com[:]

[:am]

39-ամյա Հերմինե Սարգսյանն այս տարվա ապրիլ ամսին ֆիզիկական և վերբալ բռնության է ենթարկվել աշխատավայրում՝ Արտակարգ իրավիճակների նախարարության թիվ 10 հրշեջ փրկարարական ջոկատի շենքում։ Հերմինեն, ով 15 տարվա փրկարարի փորձ ունի, ավելի երկար, քան գործում է Արտակարգ իրավիճակների նախարարությունը, երևակայել անգամ չէր կարող, որ իր հետ կարող են այդպես վարվել գործընկերները։ «Մեր ջոկատի հրամանատար Տիգրան Նազարյանի սենյակում է դեպքը տեղի ունեցել, այդ օրվա հերթափոխի պետ Հայկ Աղայանը ինձ ապտակեց երկու անգամ ու բռունցներով մի քանի անգամ գլխիս հարվածեց, որից հետո չեմ հիշում, ես անգամ չեմ էլ տեսել, որ սուր բութ գործիքով հարված է հասցվել»,- հուզմունքով պատմում է Հերմինեն։ Նրա խոսքով՝ նախքան հարվածելը Հայկ Աղայանը իրեն հայհոյանքներ է տվել՝ ծնողից մինչև երեխա։ «Զինվորի մոր հետ նման կերպ են վարվո՞ւմ, ես ընդամենը լացելով էդ եմ խնդրել։ Այդ մի քանի վայրկյանում իմ մահն իմ աչքերի դիմացով անցավ։ Ես չեմ կարող դա նկարագրել․․․Այդ ժամանակ աղջիկս հղի էր, ես ասացի՝ ես տատիկ եմ դառնալու, մի՞թե ես այդքան հարգանք չունեմ․․․»։ Հերմինե Սարգսյանը Հայկ Աղայանի հետ ծառայել է ընդամենը մի քանի հերթափոխ, որի ընթացքում վիճաբանություն է ծագել իրենց միջև, որից հետո, Սարգսյանի խոսքով, Աղայանն իրեն ծեծել է ջոկատի հրամանատարի սենյակում, վերջինս չի կարողացել պաշտպանել իրեն բռնությունից, իսկ ավելի ուշ հերքել է, թե նման բան է կատարվել։ Սարգսյանի բժշկական փաստաթղթերը փաստում են, որ նա ստացել է գանգուղեղային վնասվածք, գլխուղեղի սալջարդ, ունի ողնաշարի դեգեներատիվ ախտահարում և առողջական այլ խնդիրներ։ Նա դեպքից հետո «Մեդլայն կլինիկ» է ընդունվել մի շարք գանգատներով, մասնավորապես՝ գլխացավ, գլխապտույտ, հաճախակի սրտխառնոցով, սրտխփոցով և քրտնարտադրությամբ։ 15 օր հիվանդանոցում մնալուց հետո ևս առողջական խնդիրները շարունակվել են։ Դեպքի օրը Հերմինեն զանգահարել է մորը ու տեղեկացրել, որ բռնության է ենթարկվել, մայրը եկել է աշխատավայր, ինչն էլ հնարավորություն է տվել Հերմինեի գործընկերներին հետագայում քննիչի մոտ ցուցմունք տալիս ասել, թե մոր գալուց հետո է աղջկա դեմքին կապտուկներ հայտնվել։ Այսպիսի ցուցմունքների շնորհիվ Հայկ Աղայանին հաջողվել է խուսափել քրեական պատասխանատվությունից, Հատուկ քննչական ծառայությունը քրեական հետապնդումը դադարեցրել է՝ առաջ քաշելով այն վարկածը, թե վատառողջ մայրն է դստերը մարմնական վնասվածքներ հասցրել։ Հերմինեն նշում է, որ քննիչն առերես հարցաքննություն չի իրականացրել իր և այն գործընկերների միջև, ովքեր, իր խոսքով, կեղծ ցուցմունքներ են տվել՝ հօգուտ Աղայանի։ Հերմինեն մանրամասներ է ներկայացնում իր և Աղայանի առերես հարցաքննությունից․ «Հայկ Աղայանը քննիչին ասում ա, որ իբր մամաս ա հեռախոսով խփել ինձ, ու դրանից հետո ես գլուխս խփել եմ հատակին, պատերին, իբր ինադու գլուխս խփել եմ, դրանից ա վնասվել»։ «Հակակոռուպցիոն բլոգը» զանգահարեց Հայկ Աղայանին՝ նրան պատասխանելու հնարավորություն տալու համար, վերջինս հրաժարվեց մեր հարցերին պատասխանել անձամբ՝ առաջարկելով խոսել իր հրամանատարի՝ Տիգրան Նազարյանի հետ։ Նազարյանը «Հակակոռուպցիոն բլոգ»-ին հայտնեց, որ նախքան մեր հարցերին պատասխանելը պետք է խոսի իր վերադասի հետ։ Դեռ երկու օր առաջ նա խոստացավ վերադասի հետ խոսելուց հետո զանգահարել մեզ, սակայն նախքան հոդվածի հրապարակումը Նազարյանից զանգ չստացանք: «Ես մինչև վերջ պայքարելու եմ։ Հանցագործին թաքցնողը ավելի վատ հանցագործ է՝ սկսած իմ հրամանատարից։ Բոլորը աստծո առաջ պետք է պատասխան տան։ Եթե իմ այս արտահայտությունից հետո պիտի ինչ-որ մեկը ինձ գործից հեռացնի, թող հեռացնի»,- ասում է հրշեջ փրկարարը։ Հերմինեն շարունակում է իր ծառայությունը նույն ջոկատում։ Միջադեպից հետո նրան ևս ուղարկում են դեպքի վայր (մինչ այդ կապի պատասխանատուն է եղել՝ հրամանատարության որոշմամբ), որտեղ նա հրդեհներ է մարում իր ծառայակիցների հետ։ Սարգսյանը սիրում է դեպքի վայրում աշխատել, սակայն նկատել է, որ իրեն  հաճախ փորձում են նվաստացնել, անգամ վտանգել կյանքն ու առողջությունը։ Իր խոսքով՝ երբեմն դիտավորյալ կարող են ուղարկել այնպիսի տեղ, որն ամենավտանգավորն է կամ կարող են հրամայել խողովակը փռել տարածքում, վայրկյաններ անց ասել՝ պետք չէ, հետ հավաքի։ «Ոնց որ ձեռ առնեն ինձ։ Հրաման են տալիս, որ պիտի կատարես, չկատարես, կասեն՝ չի ենթարկվում։ Դիտմամբ են վտանգում ինձ, հատուկ կարող է այնպիսի իրավիճակներ ստեղծեն, որ հետո մի բան լինի, ասեն՝ դե կին էր, ուժը չպատեց, դեպքը տեղի ունեցավ․․․»։ Հերմինեն շարունակում է իր ծառայությունը նույն ջոկատում՝ նույն անձի հրամանատարության ներքո․ «Ես չեմ վախենում իրենցից, բայց ես չեմ վստահում իրենց, ես ինձ ապահով չեմ զգում իրենց հետ կանչի գնալուց և նաև ջոկատում, թեկուզ մի բաժակ ջուր խմելուց։ Սա ես ասում եմ՝ բառիս բուն իմաստով, ոչ թե փոխաբերական։ Ես ամեն վայրկյան վտանգ եմ նկատում»։ Այնուամենայնիվ, Հերմինե Սարգսյանը չի ցանկանում փոխել իր աշխատանքը, ասում է՝ իր առաքելությունն է մարդկանց կյանքերը փրկելը․ «Քանի ապրում եմ, շարունակելու եմ աշխատել։ Ինձ ոչ մի անգամ չի հետաքրքրել աշխատավարձի չափը, ես սիրում եմ իմ համազգեստը, աշխատանքից դուրս ես ինձ համարում եմ հրշեջ փրկարար, աշխատանքից դուրս ևս ես ինձ պարտավորված եմ զգում մարդկանց կյանքը փրկելու, անվտանգությունն ապահովելու հարցում, լինեմ տանը, թե դրսում, ես ինձ զգում եմ հրշեջ փրկարար»,- վստահաբար ասում է Հերմինե Սարգսյանը։ Քրեական հետապնդման դադարեցման որոշումը վերացնելու վերաբերյալ Հերմինե Սարգսյանի շահերը ներկայացնող փաստաբան Ռուբեն Մելիքյանը բողոք է ներկայացրել Երևան քաղաքի ընդհանուր իրավասության դատարանին։ Բողոքի քննությունը նշանակված է սեպտեմբերի 9-ին՝ ժամը 14։00-ին, Ավանի նստավայրում նստավայրում դատավոր Շահվերդյանի նախագահությամբ։ «Հակակոռուպցիոն բլոգի» տեսանյութում Հերմինե Սարգսյանը մանրամասն ներկայացնում է, թե ինչու և ինչպես է տեղի ունեցել դեպքը և թե ինչպիսիզ զարգացումներ են եղել դրանից հետո։

Continue reading at https://acblog.am/?p=5452 | AntiCorruption[:]

[:am]

Վահագն Աբգարյանի դեմ հարուցված քրեական գործից արդեն երկրորդ դատավորն է հրաժարվում՝ հայտնելով ինքնաբացարկ: Քրեական գործը երկու տարուց ավելի քննած (իրականում 821 օր քնեցրած) դատավոր Սուսաննա Գզոգյանը օգոստոսի 19-ին հրաժարվեց այս գործից՝ իր համար հարմար պատրվակ գտնելով: Նա Հայաստանի այն բացառիկ դատավորներից է, ով այնքան խորն է վիրավորվել իրեն քննադատող Աբգարյանի փաստաբաններից ու իրավապաշտպանից, որ հանցագործության մասին հաղորդում է ներկայացրել նրանց դեմ: Հենց սրանով էլ նա հիմք է ստեղծել իր համար Աբգարյանի գործից «ազատվելու» համար: Գզոգյանից հետո գործը մակագրվել էր Լոռու մարզի ընդհանուր իրավասության մեկ այլ դատավորի՝ Սուրեն Բաղդասարյանին, ում որդին օգոստոսի 24-ին նշանակվել է ՀՀ գլխավոր դատախազի տեղակալ: Բաղդասարյանը ևս հրաժարվել է գործից և ինքնաբացարկի որոշում է կայացրել՝ հիմք ընդունելով այն հանգամանքը, որ ինքն ապրում է Ալավերդիում՝ Աբգարյանի ընտանիքի հարևանությամբ:  «Վահագն Աբգարյանի ծնողների հետ իմ հարաբերությունները գնահատում եմ նորմալ, իսկ Վահագն Աբգարյանի հետ կենցաղային պատճառներով ունենք վատ փոխհարաբերություններ, ուստի գտնում եմ, որ նրա վերաբերյալ քրեական գործը քննելիս չեմ կարող լինել անաչառ»,- ինքնաբացարկի որոշման մեջ գրել է Սուրեն Բաղդասարյանը: Վահագն Աբգարյանի ներկայացուցիչ Մարինա Պողոսյանի խոսքով՝ դատավոր Բաղդասարյանն իր որոշմամբ ևս մեկ անգամ ապացուցեց, որ ՀՀ գլխավոր դատախազությունում բացասական տրամադրվածություն կա Վահագն Աբգարյանի նկատմամբ. «Մինչ օրս մենք գիտեինք, որ ՀՀ գլխավոր դատախազն է թշնամական տրամադրված Վահագն Աբգարյանի նկատմամբ, քանի որ վերջինիս հաղորդման հիման վրա քրեական գործ են հարուցել իր մտերիմ ընկերոջ՝ Վահագն Հարությունյանի դեմ: Իսկ դատավոր Բաղդասարյանի որոշման տեքստում բացահայտվեց մեկ այլ փաստ, այն որ ՀՀ գլխավոր դատախազի տեղակալը ևս ունի բացասական տրամադրվածություն, որը գալիս է իր ընտանիքից: Այսինքն՝ Վահագն Աբգարյանի դեմ պայքարողների ցուցակը համալրվեց ևս «նոր» Հայաստանի մեկ բարձրաստիճան պաշտոնյայով՝ ի դեմս ՀՀ գլխավոր դատախազի տեղակալի»: Վահագն Աբգարյանի գործը մակագրվել է նորանշանակ դատավոր Անդրանիկ Սիմոնյանին, ով 2014-2018 թվականներին աշխատել է Երևան քաղաքի Կենտրոն և Նորք-Մարաշ վարչական շրջանների դատախազ՝ Գևորգ Բաղդասարյանի անմիջական ենթակայության ներքո: «Ես հուսով եմ, որ այս դատավորը չի ընկնի իր նախկին անմիջական ղեկավար Գևորգ Բաղդասարյանի ազդեցության տակ, ինչպես նաև չի հետևի Աբգարյանին ապօրինի անազատության մեջ պահելու Գլխավոր դատախազի անմիջական ցուցումներին, այլ կգործի որպես անկախ ու անաչառ դատավոր: Հակառակ դեպքում, նա կդառնա դատախազական ապօրինությունների հերթական կամակատարը»,- «Հակակոռուպցիոն բլոգ»-ի հետ զրույցում ասաց իրավապաշտպան Մարինա Պողոսյանը: Դատավոր Անդրանիկ Սիմոնյանին մենք առավել մանրամասն կանդրադառնանք մեր հետագա հրապարակումներում:

Continue reading at https://acblog.am/?p=5446 | AntiCorruption[:]

[:am]COVID-19 համավարակը փոխեց գրեթե ամեն ինչ, այդ թվում և դատական համակարգի աշխատանքը։ Ինչպես բազմաթիվ երկրներում, այդպես էլ Հայաստանում այս տարի առաջին անգամ որոշ դատարաններ ստիպված էին կարճ ժամանակում անցում կատարել դատավարությունների հեռավար անցկացման եղանակին, որպեսզի չխաթարվեր դատարանների բնականոն գործունեությունը արտակարգ դրության պայմաններում: Այսպիսի փոփոխություններն ի հայտ են բերել մի շարք խնդիրներ դատական համակարգի աշխատանքների անխափան և բնականոն իրականացման համար։ Ոլորտի վերաբերյալ ուսումնասիրություններ են արվել տեղական հասարակական կազմակերպությունների կողմից և ներկայացվել են մի շարք առաջարկություններ։ Մասնավորապես, Իրավունքի զարգացման և պաշտպանության հիմնադրամի կողմից իրականացված «Արդար դատաքննության իրավունքի երաշխիքները COVID-19 համաճարակի պայմաններում» ուսումնասիրությունն առաջարկում է ՀՀ դատավարական օրենսգրքերով սահմանել էլեկտրոնային հավելվածների միջոցով Հայաստանի Հանրապետության բոլոր դատարաններում դատական նիստերը հեռավար/առցանց եղանակով իրականացնելու հնարավորություն, այդ թվում դատարանի նախաձեռնությամբ` նախատեսելով օրենսդրական անհրաժեշտ երաշխիքներ, այդ թվում անձի ինքնությունը պարզելու, վկայի հարցաքննության դեպքում վերջինիս կողմից իր պարտականությունների վերաբերյալ տեղեկացնելու և պատասխանատվության մասին զգուշացված լինելու փաստաթուղթը ստորագրելու մեխանիզմներ, նիստի ընթացքում կոնֆիդենցիալության պահպանման պայմաններում փաստաբանի հետ հեռահաղորդակցվելու, անազատության մեջ գտնվող ամբաստանյալների դեպքում՝ ազատազրկման վայրերից դատական նիստերին մասնակցելու հնարավորություններ և այլն: ՀՀ քրեական դատավարության օրենսգրքում սահմանել նաև մինչդատական փուլում քննչական և այլ դատավարական գործողությունների իրականացման հնարավորություն հեռավար/առցանց եղանակով` բացառությամբ այն գործողությունների, որոնց իրականացումը հեռավար կարգով անհնար է պայմանավորված իրենց բնույթով, օրինակ` քննչական փորձարարություն և այլն: Մանրամասն կարգավորել դատավարության մասնակիցների կողմից դատական նիստի (քննչական/դատավարական գործողության) ընթացքում հնարավոր ապացույցներ/փաստաթղթեր էլեկտրոնային եղանակով ներկայացնելու, ինչպես նաև դրանց/գործի նյութերին ծանոթանալու կարգն ու պայմանները: Ապահովել հանրության մասնակցությունը դատական նիստերին` դատարանի դահլիճում համավարակի կանխմամբ պայմանավորված անհրաժեշտ միջոցների սահմանման միջոցով (նվազագույն սոցիալական հեռավորություն, դիմակների պատշաճ կրման պահանջ, ջերմաչափում և այլն) 20 կամ հեռավար կարգով անցկացվող դատական նիստերը առցանց եղանակով հեռարձակելու միջոցով: Դեռևս մայիսին հրապարակված «Հելսինկյան ասոցիացիա» և «Իրավունքի ուժ» հասարակական կազմակերպությունների համատեղ ուսումնասիրությունում ևս առաջարկվում էր իրականացնել օրենսդրական փոփոխություններ և հնարավորություն ստեղծել դատական նիստերի հեռավար անցկացումն ու փաստաթղթերն էլեկտրոնային եղանակով ներկայացումը շարունակել նաև արտակարգ դրության ավարտից հետո։

Continue reading at https://acblog.am/?p=5440 | AntiCorruption[:]

[:am]

[:am]Իրավապաշտպան Մարինա Պողոսյանի հետ ArmLur.am-ը զրուցել է հեղինակություն Վահագն Աբգարյանի՝ «Ալավերդցի Վահագի» շուրջ ստեղծված իրավիճակի մասին:

[:am] 

Իրավապաշտպան Մարինա Պողոսյանը հաղորդում է ներկայացրել հանցագործության մասին ՀՀ Գլխավոր դատախազ Արթուր Դավթյանի դեմ: Վերջինս մեզ հետ զրույցում ներկայացրեց, թե ինչ ճակատագրի է արժանացել իր ներկայացրած հաղորդումը, և ինչ է պատրաստվում անել:

Մանրամասները՝ տեսանյութում

https://armlur.am/1036374/

 [:]

[:am]Կալանավորված անձ Վահագն Աբգարյանին ՀՀ ԱՆ «Նուբարաշեն» քրեակատարողական հիմնարկում մարմնական վնասվածք պատճառելու դեպքի առթիվ նախապատրաստված նյութերի հիման վրա ՀՀ հատուկ քննչական ծառայությունում հարուցված քրեական գործի շրջանակներում ձերբակալվել է ՀՀ ԱՆ «Նուբարաշեն» քրեակատարողական հիմնարկի նախկին պետ Ս. Մ.-ն: Վերջինս կասկածվում է ՀՀ քրեական օրենսգրքի 308-րդ հոդվածի 1-ին մասով և 38-314-րդ հոդվածի 1-ին մասով նախատեսված այն արարքների կատարման մեջ, որ, 25.07.2019 թվականից մինչև 03.03.2020 թվականը զբաղեցնելով ՀՀ ԱՆ «Նուբարաշեն» քրեակատարողական հիմնարկի պետի պաշտոնը, անձնական շահագրգռվածությունից ելնելով չարաշահել է իր պաշտոնեական լիազորությունները և ՔԿՀ աշխատակիցներին դրդել պաշտոնեական կեղծիք կատարելուն:

 [:]

[:am] 

Այսօր տեղեկություն տարածվեց, որ «Նուբարաշեն» ՔԿՀ նախկին պետ Սամվել Մկրտչյանը ձերբակալվել է: Իրավապաշտպան Ժաննա Ալեքսանյանն ArmDaily.am-ի հետ զրույցում ասաց, որ հենց նախկին պետի օրոք է եղել Վահագն Աբգարյանի նկատմամբ սպանության փորձը, թեև Գլխավոր դատախազությունը որակել է դա պաշտոնական դիրքի չարաշահում, սակայն Աբգարյանին դանակահարել են։ «Նրան խցից դուրս են բերել, տարել են ռեժիմի պետի սենյակ, որտեղ մի քանի անձինք նրա գլխին դանակի հարվածներ են հասցրել, դա տեղի է ունեցել փետրվարի 24-ին, անցել է 6 ամիս և քննությունը ոչինչ չի արել՝ ոչ քննություն է տարվել, ոչ հագուստ են առգրավվել, ոչ տեղազննություն են արել։ Պետության հովանու ներքո գտնվող փակ համակարգում հնարավոր է խցի դռները բացել, մարդուն դուրս բերել և նրան դանակի հարվածներ հասցնել։ Սա արտառոց դեպք է պետության համար, մինչդեռ դատախազությունը ոչինչ չի անում պարզելու Վահագն Աբգարյանի դեպքը, երբ այդ մարդուն ակնհայտորեն ուզում են սպանել։ Ինձ համար շատ տարօրինակ է, որ արդարադատության նախարարը, ում ենթակայության տակ գտնվում են ՔԿՀ-ները՝ բացարձակապես լռության էր մատնել այդ ամենը, մինչև որ երկրորդ դեպքը տեղի ունեցավ և մահակներով մարդկանց սկսեցին ծեծել։ Ինչպես կարելի է անպաշտպան մարդուն մահակներով ծեծել»,-ասաց Ալեքսանյանը։ Աբգարյանի շահերի ներկայացուցիչ Մարինա Պողոսյանն ասաց, որ Նուբարաշենի ՔԿՀ-ի նախկին պետի դերակատարումն այս գործում նրանում էր, որ նա դեպքի ժամանակ տեղում է եղել, ավելին՝ Աբգարյանին տարել են ՔԿՀ ռեժիմի պետի սենյակ և մահափորձ արել այն պատրվակով, որ ՔԿՀ պետի մոտ են տանում։ Նա նույնպես ընդգծեց, որ դեպքը տեղի է ունեցեել փետրվարի 24-ի գիշերը․ իսկ այսօր օգոստոսի 31-ն է։ «Ինձ համար անհասկանալի է իրավապահների նման հանցավոր անգործությունը։ Կարծում եմ՝ բոլոր ձերբակալումները կրելու են ձևական բնույթ, քանի որ մեր երկրում սովոր են փռել ասֆալտին, հետո հավաքել՝ տուն տանել։ Եթե որևէ մեկը՝ որևէ մեկի ուզենար պատասխանատվության կանչել, ապա այդ ամենը պետք է կատարվեր փետրվարին։ Մինչդեռ, փետրվարից մինչև ապրիլ նույնիսկ տեղազննություն չեն կատարել»։ Պողոսյանն ընդգծեց, որ դատախազության տարածած հաղորդագրությունը, թե ծեծ է եղել, իրականությանը չի համապատասխանում։ «Եղել է մահափորձ, ծեծ տերմինն օգտագործելու միակ նպատակը իրադարձությունները խեղաթյուրելն է, որպեսզի նախ նվաստացուցիչ ինչ-որ բան մտցվի երևույթի մեջ, ապա նաև անթույլատրելի առարկայի առկայությունը թաքցվի, մահափորձը ձեռքով չի լինում։ Առ այսօր անգամ չի հրապարակվում, թե ինչով է եղել այդ մահափորձը»։ Նա ընդգծեց, որ եթե իրավապաշտպանները չխոսեին, ապա այս գործը ծածկադմփոց էր լինելու։ «Դեպքից մոտ 10 օր անց է քրեական գործն հարուցվել։ Դրանից հետո էլ մինչև օգոստոսի 24-ը՝ մինչև իրավապաշտպանները նորից չահազանգեցին իրավապահների լռության մասին։ Նրանց ահազանգելուց հետո միայն ինչ-որ մարդկանց են ձերբակալում։ Սակայն այստեղ պետք է ձերբակալեին այն պաշտոնատար անձանց, ովքեր պատվիրատուներ են այս հանցագործության, օրինակ Գոյունյանին, նրա ռեժիմի գծով տեղակալին, որովհետև առանց իրենց գիտենալու երեկոյան որևէ ՔԿՀ-ում որևէ խցի դուռ չի բացվում։ Այսինքն, պատվերը եղել է պետական մակարդակով և առ այսօր շարունակվում է։ Այդ գործի շրջանակում է, որ հիվանդ վիճակում Աբգարյանին պահում են ՔԿՀ-ում և, հիշեք իմ խոսքը՝ նրան կամ թունավորելու են, կամ այլ մի վնաս հասցնելու են, որովհետև պատվերը պետք է շարունակվի։ Կարծում եմ՝ այդ պատվերի հովանավորը Արթուր Դավթյանն է։ Սա Վահագն Հարությունյանի՝ Սերժ Սարգսյանի օրոք սարքած գործի շրջանակներում է իսկ Արթուր Դավթյանը երբեք չի ժխտել, որ Վահագն Հարությունյանի ընկերն է»։ Նա ընդգծեց, որ Վահագն Աբգարյանը քրեական հեղինակություն չի եղել, չունի քրեական անցյալ։ «Նա ընդամենը գործարար է, որը խանգարել է Վահագն Հարությունյանին քրեական աշխարհի ներկայացուցիչների հետ միասին Ալավերդին իրենց ձեռքը վերցնելու։ Վահանգն Աբգարյանը, մասնավորապես, նրանց խանգարում է, որպեսզի Ալավերդիում անխափան գործի նարկոտրաֆիկը, որը Մեղրիից գալիս է Ալավերդի՝ հայտնի քարի ցեխում, բենզին անող աշխատուժի միջոցով ռասֆասովկա է լինում ու գնում է Վրաստան։ Սա գաղտնիք չէ։ Ավելին, սա Վահագն Աբգարյանի նկատմամբ առաջին մահափորձը չէ, նախկինում արդեն 2 անգամ եղել էր։ Ազատության մեջ կատարված 2 մահափորձերից հետո՝ երրորդը ՔԿՀ-ում էր, որը սպասելի էր առաջին իսկ օրվանից, քանի որ Վահագն Աբգարյանը տեղափոխվել էր Նուբարաշեն, որտեղ տեղափոխվել էին նաև իր վրա մահափորձ կատարած անձինք։ Որևէ մեկին տարօրինակ չէ՞ր, որ այդ բոլոր անձինք նույն տեղն էին պահվում՝ չնայած Հայաստանմում կան բազմաթիվ այլ ՔԿՀ-ներ, որտեղ կարելի էր տեղափոխել նրան։ Ես կարծում եմ՝՝ Աբգարյանի կյանքն հիմա էլ վտանգված է»,-ասաց Պողոսյանը։

Continue reading at https://acblog.am/?p=5413 | AntiCorruption

https://armdaily.am/?p=105126&l=am&fbclid=IwAR38cvOFqVr8E_mUKefSugGXg_1j2Qq2e6AG19WRxgbihZqJLq2zCH4sAGQ[:]

[:am]

Մարինա Պողոսյանն ընդդեմ Արթուր Դավթյանի գործով դատական նիստը

https://www.youtube.com/watch?v=g5VyuMxEsfI[:]

[:am]Անցնող շաբաթ դատախազությունը անսպասելի հայտարարությամբ հանդես եկավ Ալավերդի քաղաքում հայտնի գործարար Վահագն Աբգարյանին «Նուբարաշեն» ՔԿՀ-ում ծեծի ենթարկելու գործով՝ հայտնեց, որ գործով քրեակատարողական ծառայության աշխատակիցներ են ձերբակալվել, առանց անուն և հստակ թվաքանակ հայտնելու:

Forrights.am-ին հայտնի դարձան ձերբակալվածներից երկուսի անուններն ու պաշտոնները՝ «Նուբարաշեն» ՔԿՀ հերթպահ մասին պատասխանատու, հերթապահ Հովիկ Ալեքսանյան, որը մեկ ամիս առաջ ազատվել է աշխատանքից, և անվտանգության ապահովման բաժնի երրորդ կարգի մասնագետ Զոհրաբ Պետրոսյան, որը շարունակում է ծառայությունը: Ռեժիմի պետը՝ ոմն Ավո, որը, ըստ մեր տեղեկությունների, ՔԿԾ պետ Գոյունյանի մարդն է, ազատված է պատասխանատվությունից: Կրկին կուժն ու կուլան թափվում են հասարակ աշխատողների գլխին: Այլ կերպ չէր էլ կարող լինել, քանի որ նյութերը նախապատրաստել է քրեակատարողական ծառայությունը, ինչը  ի սկզբանե կասկածի տակ է դնում քննության օբյեկտիվությունը: Փաստորեն, իրենք կատարել են հանցանքը՝ խոշտանգել են կալանավորին, նրան բռնությունների են ենթարկել:

Ուստի մեծ է հավանականությունը, որ ապացույցները ոչնչացվում են: Մեր տեղեկություններով, դա արդեն արվում է: Քննիչն անգամ չի առգրավել Վահագն Աբգարյանի արյունոտված հագուստը:

Նկատենք՝ Վահագն Աբգարյանի նկատմամբ բռնությունները կիրառվել են ս.թ. փետրվարի 24-ին, գործը հարուցվել է ուշացումով, իսկ ձերբակալությունները տեղի են ունեցել արդեն 6 ամիս անց: Այս հանգամանքների վրա Forrights.am-ի ուշադրությանը ներկայացրեց Աբգարյանի շահերի պաշտպան, փաստաբան Արթուր Գրիգորյանը: Ըստ նրա դեպքը տեղի է ունեցել «Նուբարաշեն» ՔԿՀ ռեժիմի գծով պետի սենյակում:

«Փետրվարի 24-ին, 23.00 սահմաններում, — պատմում է Արթուր Գրիգորյանը, — Աբգարյանի խցի դուռը բացվում է և նրան ուղեկցում են ՔԿՀ հիմնարկի ռեժիմի պետի սենյակ, որտեղ նրան դիմավորում են քրեական աստիճանակարգ ու բարձր կարգավիճակ ունեցող անձինք: Նրան ոչ թե ծեծում են, այլ մահափորձ են կատարում, դանակով հարված հասցնելով գլխին: Այն մասին, որ իմ պաշտպանյալը կտրող-ծակող գործիքի ներգործությամբ վնասվածք է ստացել, ընդհանրապես չի խոսվում: Սպանության փորձի մասին քրեական գործում ոչ մի բառ չկա: Ի դեպ, գործը հարուցվել է միայն մարտի 9-ին, դեպքից 8 օր անց, և՝ ոչ թե սպանության փորձի, այլ ՔԿ հիմնարկի պաշտոնատար անձի կողմից իր պաշտոնեական լիազորությունները անցնելու կապակցությամբ՝ 308-րդ հոդվածով, որ խախտելով ՔԿ օրենսգրքի, կանոնակարգերի պահանջները,  այդ անձը դուռը բացել է ու ուղեկցել է կալանավորին այլ խուց, որի իրավունքը չի ունեցել: Գրված է՝ ոչ թե ռեժիմի պետի աշխատասենյակ, այլ խուց: Աբգարյանը, իբր, վեճի է բռնվել այնտեղ գտնվող կալանավորների հետ, որոնք վեճի ընթացքում նրա մարմնի տարբեր մասերին հարվածներ են հասցնում, պատճառելով առողջությանը թեթև վնաս: Դանակահարության մասին խոսք չկա: Ստացվում է, որ կոծկում են կտրող գործիքով վնասվածքը: Եթե կալանավորի վրա կա նման վնասվածք, հետևապես բերդի ամինիստրացիան ոտքով գլխով պատասխանատու է: Որտեղի՞ց կալանավորների մոտ նման գործիք»:

«Նուբարաշեն» ՔԿՀ ռեժիմի գծով պետը Ավո Չուրջյանն է: Նա դատավարական որևէ կարգավիճակ գործով չունի: «Նուբարաշեն» ՔԿՀ պետ Սամվել Մկրտչյանին, որը անշուշտ, ունի պատասխանատվույթան իր բաժինը, այս սկանդալային դեպքից 7 օր անց տեղափոխեցին այստեղից,  նշանակելով «Գորիս» ՔԿՀ պետ: Այնտեղ նա ընդամենը մի քանի օր աշխատեց, ապա պաշտոնանկ արվեց:

Արթուր Գրիգորյանը պնդում է, որ առերեսումներ Վահագն Աբգարյանի և նրան մարմնական վնասվածքներ հասցնող անձանց, կամ այդ բռնությունների ականատեսների միջև չեն եղել: Փաստաբանին երկու հարց էլ ուղղեցինք:

-Ձեր կարծիքով, ի՞նչ կապ ունի ծեծի դրվագը Վահագն Աբգարյանի մեղադրանքի հետ, որը սպանության պատվերն է:

-Սպանության պատվեր հասկացությունը արհեստականորեն ստեղծված մեղադրանք է: Ի սկզբանե եղել է մեկ փաստ՝ որ Վլադիմիր Դավթյանը բոլորի աչքի առաջ Ալավերդի քաղաքում սպանել է Կամո Փիրութզյանին: Նա իր պատճառաբանությունները ցուցմունքներում հայտնել է, ընդ որում ասել է՝ սպանել եմ, լավ եմ արել, որովհետև հակառակ դեպքում ինքն ինձ կսպաներ: Վահագն Աբգարյանն էլ պարզապես հայտնի գործարար է, սեփականատեր, ձեռնարկություններ ուներ Ալավերդիում, որպես մարդ ուներ հարգանք, որը հետագայում աղճատված ձևով տեղափոխեցին քրեական հեղինակությունների դաշտ: Մինչդեռ նա առհասարակ կապ չունի այդ կաստայի հետ: Դեռ հակառակը՝ քրեական հեղինակությունները խնդիր ունեն Վահագն Աբգարյանի հետ, ինչը և դրսևորվեց «Նուբարաշենում» նրա գտնվելու ժամանակ:

-Այսօր իրավապահները պայքար են մղում քրեական ենթամշակույթ կրողների, գողականների դեմ: Ինչպե՞ս կբնութագրեիք այն, ինչ իրականում կատարվում է:

-Սույն թվականի հունվարի 22-ին ընդունվեց քրեական ենթամշակույթ կրելու  համար քրեական պատասխանատվություն սահմանող օրենքը: Հիմա որ միջոցառումներ են ձեռնարկում՝ օրենքով գողերի են գնում-բերման ենթարկում, մտնում են, դուբինկեքով ծեծում են և այլն, հանրության, առաջին հերթին՝ միջազգային հանրության մոտ տպավորություն է ստեղծվում, որ այո, մեր իշխանութունները պայքարում են այդ երևույթի դեմ: Բայց հենց Վահագն Աբգարյանի և մյուսների գործի ներքո նայելով իրավիճակին և լավ տեղյակ լինելով ներսում կատարվող իրադարձություններին, պետք է արձանագրենք, որ ոչինչ էլ չի փոխվել ու դվար էլ փոխվի: Սա այնքան խոր արմատներ ունեցող իրավիճակ է, սովետական ժամանակներից ներդրված, որ իշխանություններին ինչ-որ տեղ ձեռք էլ չի տալիս ազատագրվելու այդ ամենից, որովհետև քրեական ենթամշակույթը ի սկզբանե հարցրերի լուծման այլընտրանքային ճանապարհ է, որից միշտ օգտվել են ու կօգտվեն:

Սյուզան Սիմոնյան

https://forrights.am/2020/08/29/%D5%BE%D5%A1%D5%B0%D5%A1%D5%A3%D5%B6-%D5%A1%D5%A2%D5%A3%D5%A1%D6%80%D5%B5%D5%A1%D5%B6%D5%AB-%D5%A4%D5%A5%D5%B4-%D5%B4%D5%A1%D5%B0%D5%A1%D6%83%D5%B8%D6%80%D5%B1%D5%AB-%D5%A3%D5%B8%D6%80%D5%AE%D5%B8/?fbclid=IwAR3wstFag_86YKEW5vNVxb2L91UofS5Q847XDWi_GsvDSbd_w1g8Q44KVJA[:]