[:am]Ռոբերտ Քոչարյանի եւ մյուսների գործով այսօրվա նիստին իրավապաշտպան Մարինա Պողոսյանը ներգրավվեց որպես տուժող Սուրեն Հովհաննիսյանի ներկայացուցիչ:

Պողոսյանը դատարան ներկայացրեց գործով տուժող Սուրեն Հովհաննիսյան լիազորագիրը՝ Պողոսյանին որպես իր ներկայացուցիչ ներգրավվելու համար: Տուժող եւ մեղադրող կողմերը չառարկեցին դրա դեմ: Առարկությամբ հանդես եկավ Ռոբերտ Քոչարյանի պաշտպաններից Հայկ Ալումյանը. «Քրեական դատավարության օրենսգիրքը սահմանում է, որ անձի շահերը դատարանում կարող են ներկայացնել փաստաբանները եւ լիազորագիր ունեցող այլ անձինք, այլ անձ կոչվածը, իհարկե, ցանկացած անձը չէ: Թե այլ անձանցից ով չի կարող մասնակցել, այդ մասին գրված է «Փաստաբանության մասին» օրենքում, ըստ որի՝ դատական ներկայացուցչությունը պարբերաբար կամ վճարովի հիմունքներով կարող են իրականացնել միայն փաստաբանները: Կան բացառություններ, իհարկե, որոնց մեջ տիկին Պողոսյանը չի մտնում»,- ասաց Ալումյանը:

Վերջինիս խոսքով՝ եթե Մարինա Պողոսյանը նման գործունեություն իրականացներ մեկ անգամ, ոչ պարբերաբար, Քրեական դատավարության համաձայն՝ կլիներ այդ այլ անձը, ով կկարողանար մասնակցել. «Սակայն քիչ առաջ տիկին Պողոսյանն էլ նշեց, որ ինքը պարբերաբար որպես ներկայացուցիչ մասնակցում է»: Մարինա Պողոսյանը առարկեց Հայկ Ալումյանի այս հայտարարությանը. «Ես այս նիստին առաջին անգամ եմ եկել, մասնակցելու եմ, այո՛, պարբերաբար, եւ որեւէ բան չի բացառում իմ մասնակցությունը: Քաղաքացին դիմել է մեր կազմակերպությանը, որ այն՝ ի դեմս իր նախագահի՝ ինձ, ներկայացնի իր շահերը»,- արձագանքեց Մարնա Պողոսյանը:

Առարկեց նաեւ Ռոբերտ Քոչարյանի պաշտպաններից Արամ Օրբելյանը՝ նշելով, որ ինչպես սույն գործով, այնպես էլ առհասարակ որեւէ գործով հասարակական կազմակերպության նախագահը չի կարող լինել շահերի ներկայացուցիչ. «Իրավապաշտպան կազմակերպությունը պաշտպանական, ներկայացուցչական լիազորություններ չի կարող իրականացնել»,- նշեց նա:

Արձագանքելով այս հայտարարությանը՝ Մարինա Պողոսյանն ասաց. «Չկա նման օրենք, որը արգելի կամ խոչընդոտի կազմակերպության ղեկավարի ներկայացուցչությունը դատարանում: Պաշտպանական կողմում իրենց անձնական մոտիվացիաներից չեն ուզում, որ ես մասնակցեմ այս դատական գործին»: Լսելով կողմերին՝ դատավոր Աննա Դանիբեկյանը նշեց, որ պաշտպանական կողմը չի վկայակոչել որեւէ փաստարկ, որը կխոչընդոտի Մարինա Պողոսյանի մասնակցությունը, եւ հաշվի առնելով Քրեական դատավարության համապատասխան հոդվածը՝ դատարանը որոշեց Մարինա Պողոսյանին ներգրավել որպես տուժողի ներկայացուցիչ՝ միաժամանակ ընդգծելով, որ որեւէ հասարակական կազմակերպություն չի կարող լինել տուժողի ներկայացուցիչ:

Միլենա Խաչիկյան 

https://armtimes.com/hy/article/173161[:]

[:am]

[:]

[:am]

Երկրաբանական գիտությունների թեկնածու 83-ամյա Հենրիկ Միրզոյանը երրորդ Հանրապետության ստեղծման օրվանից մինչ օրս փորձում է վերականգնել իր խախտված իրավունքները, սակայն դեռևս հաջողության չի հաս

Նա հույս ունի, որ ներկայիս իշխանությունը կտարբերվի բոլոր նախորդներից ու ոչ միայն կլսի իրեն, այլև կօգնի հաստատել արդարություն։

Դեռևս 1970 թվականին Հենրիկ Միրզոյանը հայտնաբերել է, որ Լալվարում քարի հանք կա․ մի բացահայտում, որը պիտի ոչ թե հաջողություն և մրցանակներ բերեր նրան, այլ դառնար երկարամյա պայքարի ու կորուստների շղթայի սկիզբը։

Ինչպես բացահայտեց հանքը

Ուղիղ 59 տարի առաջ Հենրիկ Միրզոյանն ընկերների հետ բարձրացել է Լոռու մարզի Լալվար լեռը։ Լինելով երկրաբան՝ նա նկատել է, որ տարածքում յուրօրինակ ապարներ կան․ դրանք առանձնացել են իրենց գույնով և հոծությամբ։ Ապարի մի կտորը Միրզոյանը իր հետ բերել է և ուսումնասիրել, իր համար պարզ է դարձել, որ այն կարող է լավ շինանյութ լինել։ Դեռևս 1970 թվականին Հենրիկ Միրզոյանը դիմել է Երկրաբանության վարչության հատուկ խմբին, որպեսզի վերջիններս ևս այցելեն տարածք, նմուշներ վերցնեն և համոզվեն, որ ինքն իսկապես նոր հանքավայր է հայտնաբերել։ Այդպես էլ եղել է, վարչությունը հաստատել է և փաստաթուղթ է տրամարդել Միրզոյանին՝ որպես հանքավայր հայտնաբերողի։ Լալվարում հայտնաբերված քարն իր երկրաբանական կառուցվածքով տուֆի տեսակ է, սակայն այն ավելի հոծ է, որի պատճառով հեշտ է հղկվում։ Նոր հայտնաբերած քարի տեսակը Միրզոյանն անվանել է Լալվարիտ։

Ո՞վ պետք է շահագործեր հանքը

ՀՀ Գիտությունների ազգային ակադեմիայի ավագ գիտաշխատող Հենրիկ Միրզոյանը «Հակակոռուպցիոն բլոգի» խմբագրություն էր եկել մի խումբ փաստաթղթերով և լուսանկարներով։ Լուսանկարներում պատկերված է Լալվարիտի հանքավայրի ներկայիս անմխիթար վիճակը, իսկ փաստաթղթերի տրցակում բազմաթիվ նամակներ են՝ ուղղված ՀՀ գրեթե բոլոր նախկին ղեկավարներին ու տարատեսակ պատշոնյաներին։ Իր հայտնաբերած հանքի համար Հենրիկ Միրզոյանը պետական մրցանակի չի արժանացել, փոխարենը փորձել է ստանալ դրա շահագործման իրավունքը, քանի որ թե Սովետական Հայաստանի, թե ՀՀ օրենսդրությամբ՝ հանքի շահագործման առաջնային իրավունքը պատկանել է հայտնաբերողին։ Արդեն անկախ Հայաստանի պաշտոնյաները, տեղեկանալով, որ երկրաբանը հանք է հայտնաբերել, ոչ թե նրան են տալիս այն շահագործելու իրավունքը, այլ Ալավերդիի բնակիչ Իվան Աբգարյանին։ Հենրիկ Միրզոյանը վստահ է, որ իրեն հանքի շահագործման արտոնագիր չտալու գլխավոր դերակատարներից մեկը Հրանուշ Հակոբյանի եղբայրն է եղել՝ ՀՀ բնապահպանության նախկին փոխնախարար Կորյուր Հակոբյանը։

Օրենսգիրքը փոփոխել են՝ գիտնականների կարծիքը հաշվի չառնելով

Հենրիկ Միրզոյանն այսօր այլևս չի կարող ստանալ հանքի շահագործման առաջնային իրավունք, քանի որ տարիներ անց ՀՀ Ազգային ժողովը փոփոխություններ է կատարել Ընդերքի մասին օրենսգրքում՝ վերացնելով հայտնաբերողին հանքի շահագործման առաջնային իրավունք տալու մասին դրույթը։ ՀՀ Գիտությունների ազգային ակադեմիայի Երկրաբանական գիտությունների ինստիտուտի թվով 28 գիտաշխատողներն օրենսգրքում փոփոխություններ անելու վերաբերյալ իրենց առաջարկներն են ուղարկել ՀՀ բնապահպանության նախարարությանը և ԱԺ պատգամավորներին, սակայն դրանք հաշվի չեն առնվել նախկին իշխանությունների կողմից։

«Կնոջս սպանեցին»

Լալվարիտի հանքի արտոնագիրը վերստանալուց հետո հանքի շահագործմանը միակ խոչընդոտող անձը եղել է հանքը հայտնաբերած գիտնականը, ով չի դադարել պատկան մարմիններին դիմել՝ բարձրաձայնելով անօրինականությունների մասին։ Ավագ գիտաշխատողի խոսքով՝ որոշել էին իրեն «վերացնել», որպեսզի հանգիստ շարունակեն հանքի՝ ոչ ճիշտ եղանակով շահագործումը։ «Ալավերդիի դատախազությունից գրություն ստացա, որ պիտի ներկայանամ, ուրախացա, ինձ թվաց, թե վերջապես գործը բացահայտվում է»,- պատմում է Միրզոյանը։ Ավելի ուշ նա հասկացել է, որ գործ է հարուցվել ոչ թե հանքի անօրինական շահագործման ու գողության փաստի առթիվ, այլ իր դեմ։ «Կինս, երբ իմացավ, որ իմ դեմ գործ են հարուցել, մտահոգությունից հիվանդացավ, վատացավ, վատացավ, հետո կաթվածից մահացավ։ Առողջ կին էր․․․ սպանեցին կնոջս»,- ասում է 83-ամյա տղամարդը։ Հետագայում քրեական գործը կարճվել է, սակայն Միրզոյանն արդեն անդառնալի կորուստ էր կրել։

«Ծնողներիս գերեզմանին լալավարիտ չեմ կարողացել դնել»

Հենրիկ Միրզոյանի փաստաթղթերի տրցակում առկա է նաև իր ծնողների գերեզմանի լուսանկարը։ Գերեզմանն առանց տապանաքարի է։ Լալվարիտ քարատեսակը հայտնաբերած ու այն անվանակոչած գիտնականն անգամ հնարավորություն չի ունեցել գերեզմանաքարերի պատրաստման մեջ լայնորեն գործածվող լալվարիտով տապանաքար տեղադրել ծնողների գերեզմանին։ «Նամակ էի գրել Սերժ Սարգսյանին, խնդրել էի, որ գոնե այդ քարից տրամադրեն, որ ծնողներիս գերեզմանին շիրմաքարեր դնեմ։ Մերժեցին, ասացին՝ մենք չենք կարող ստիպել, որ Ձեզ քար տան»,- ասում է գիտնականը։

Փաշինյանին մոտեցել է, բայց դիմում դեռ չի հանձնել

Հենրիկ Միրզոյանի ձեռքին ՀՀ ներկայիս վարչապետ Նիկոլ Փաշինյանին հասցեագրած դիմումն է, որն այդպես էլ մուտք չի արել ՀՀ կառավարություն։ ՀՀ կառավարության աշխատակազմի քարտուղարության ընդհանուր բաժնի վարիչը 2001 թվականից չի փոխվել․ գիտնականի կարծիքով՝ իր նամակները տարիներ շարունակ չեն հասել նախկին վարչապետերին, Փաշինյանին էլ չեն հասնի։ «Մի անգամ Երրորդ մասի խանութում էի, մարդիկ ասացին՝ Փաշինյանը եկավ։ Իսկապես վարչապետն էր, ես էլ մոտեցա, ասացի, որ դիմում ունեմ իրեն, բայց մտավախություն ունեմ, որ չի հասնի։ Մի երիտասարդ տղա կար վարչապետի հետ (հավանաբար վարչապետի օգնական Նաիրի Սարգսյանն է եղել՝ խմբ․), ասաց՝ դիմումդ տուր ինձ, ես կփոխանցեմ վարչապետին։ Դիմումը մոտս չէր, նա հեռախոսահամարս վերցրեց, որ ինձ զանգի, դիմումը տանեմ, բայց չզանգեց»,- պատմում է Միրզոյանը։ Նա լիահույս է, որ այս հոդվածի հրապարակումից հետո վարչապետի աշխատակազմից կկապվեն իր հետ և իր դիմումը ի վերջո կհասնի նոր Հայաստանի վարչապետին։

«Ներկայումս ամենահրատապ խնդիրը հանքի շահագործման դադարեցումն է, քանի որ պայթեցման եղանակով են շահագործում, իսկ դա պարզապես ավերում է հանքը։ Հանքավայրն այս օրին հասցրած մարդիկ պետք է պատժվեն»,- ասում է երկրաբանը։   Միրզոյանը վստահ է, որ ինքն ի վիճակի է հանքը շահագործել բոլոր նորմերին համապատասխան։ Չնայած պատկառելի տարիքին՝ իրեն շատ առողջ և ամուր է զգում, ժամանակին եղել է գիմնաստիկայի ազգային հավաքականի անդամ, որի ընթացքում հավաքականը դարձել է ԽՍՀՄ-ի չեմպիոն։ «Բացի այդ, կան նաև այլ տղաներ, որոնք պատրաստ են միավորվել ինձ հետ և շահագործել հանքն այնպես, որ բնությունը չտուժի, մենք կարող ենք դա անել»,- վստահ է ավագ գիտաշխատողը։ Հենրիկ Միրզոյանի խոսքով՝ իրեն հայտնի են այլ հանքավայրեր, որոնք դեռևս բացահայտված չեն որևէ մեկի կողմից, սակայն այդ տեղեկատվությունը նա չի բացահայտի, քանի որ իր կարծիքով՝ Ընդերքի մասին օրենսգիրքը ինչ-որ մարդկանց պատվերով փոփոխել են, որպեսզի հանքը հայտնաբերողին որևէ առավելություն չտրվի։ Քանի դեռ օրենսգիրքն  այսպիսի տեսք ունի, գիտնականն իր հայտնաբերած հանքերի մասին կլռի։

Արման Ղարիբյան

Continue reading at https://acblog.am/?p=4152 | AntiCorruption[:]

[:am]

[:am]https://www.youtube.com/watch?v=263H9R4gQR8[:]

[:am]Այս տարի լրանում է Հոկտեմբերի 27-ի ահաբեկչության 20-րդ տարելիցը։ Ահաբեկչական գործողության արդյունքում զոհվեցին ԱԺ նախագահ Կարեն Դեմիրճյանը, վարչապետ Վազգեն Սարգսյանը և 6 այլ պետական գործիչներ ու պատգամավորներ։

Կարծում եմ՝ Հոկտեմբերի 27-ի գործն ամբողջությամբ պետք է հետաքննվի։ Ամեն ինչ ունի իր պատճառահետևանքային կապը։ Երբ պետությունն իր տեղում չի, և մի հանցագործությունը չի բացահայտվում, այն բերում է իր պատճառահետևանքային կապին, և տեղի են ունենում այլ հանցագործություններ։ Եթե չլիներ Հոկտեմբերի 27-ը, ապա վստահ եմ, որ չէր լինի Մարտի 1-ը։ Հանցագործությունը մեծ է, թե փոքր՝ կարևոր չէ, կարևորը դրա մոտիվներն են։ Ո՞ւմ էր պետք Հոկտեմբերի 27-ը․ չեմ կարծում, որ ինձ կամ ձեզ էր պետք։ Հոկտեմբերի 27-ը պետք էր այն մարդկանց, որոնք հետագայում իշխանությունը զավթեցին։ Ամեն դեպքում պետք է հասկանալ Հոկտեմբերի 27-ի մոտիվն ու շարժառիթը․ Նաիրի Հունանյանը պետք է խոսի»։

[:]

[:am]https://www.youtube.com/watch?v=ReVV1OJATsM

https://iravaban.net/241956.html[:]

[:am]

http://bactv.am/%d5%b6%d5%a1%d5%ad%d5%af%d5%ab%d5%b6%d5%b6%d5%a5%d6%80%d5%b6-%d5%b8%d6%82-%d5%af%d6%80%d5%ab%d5%b4%d5%ab%d5%b6%d5%a1%d5%ac%d5%a8-%d5%a3%d5%ac%d5%b8%d6%82%d5%ad-%d5%a5%d5%b6-%d5%a2%d5%a1%d6%80/?fbclid=IwAR2_7XkBN3m6gN6ACRP9b07SPPOjpjRQ_-t44YR8rqcQeopb8rjslsbWUY4[:]

[:am]https://www.youtube.com/watch?v=eUN2AjfJWSg[:]

[:am]

Հոկտեմբերի 11-ին Վանաձորի դատարանը վերջապես սկսեց հարցաքննել Կամո Փիրուզյանի սպանության աղմկահարույց գործով առանցքայիn  վկային՝ Արթուր Մնացականանին: Արթուր Մնացականյանը Ալավերդու հեղինակություն Վահագն  Աբգարյանի դեմ ցուցմունքներ էր գրել, պատմելով քննչական մարմնին, որ Աբգարյանն է նախապատրաստել Կամո Փիրուզյանի սպանությունը:

Վերջին դատական նիստի ժամանակ սպանության գործով գլխավոր վկա Մնացականյանը, փաստորեն, հրաժարվեց իր նախաքննական ցուցմունքներից, պնդելով, որ դրանք տվել է Քննչական կոմիտեի նախագահի նախկին տեղակալ, հատկապես կարևոր գործերի քննության գլխավոր վարչության պետ Վահագն Հարությունյանի ճնշումների ներքո: Վերջինս Մարտի 1-ի գործով մեղադրյալ է և գտնվում է հետախուզման մեջ:

Կամո Փիրուզյանը Ալավերդի քաղաքի  բնակիչ է եղել,  գործազուրկ, կրկնակի դատված թմրամիջոցների պատրաստման համար: Նրա սպանությունը 2017 թվականի հունիսի 13-ին՝ Ալավերդու «Կատա» սուպերմարկետի մոտ և ամիսներ առաջ սկսված դատավարությունը  մեծ հետաքրքրություն են առաջացնում Լոռիում և Հայաստանով մեկ, քանի որ առնչվում են Ալավերդու հայտնի հեղինակություն Վահագն Աբգարյանին և ընկալվում է այդ քաղաքը վերջին մի քանի տարիներին ցնցող արյան վրեժի շղթայի մի օղակը:

Կամո Փիրուզյանի եղբայրը՝ Վարդան Փիրուզյանը, որը մինչ օրս հետախուզման մեջ է, մեղադրվում է 2016թ.-ի մայիսի 19-ին Աբգարյանի թիկնապահներին՝ Վարդան Ավագյանին  և Երևան քաղաքի բնակիչ  Էդուարդ Պողոսյանին սպանելու համար: Աբգարյանը այժմ ամբաստանյալի աթոռին  է և մեղադրվում է Կամո Փիրուզյանի սպանությունը  իր սանիկին՝ Վլադ Դավթյանին պատվիրելու և քննչական կոմիտեի աշխատակիցներին գործ կոծկելոը համար կաշառք տալու համար:

Արթուր Մնացականյանի հարցաքննությունը Վանաձորի դատարանում անցավ լարված մթնոլորտում: Լոռու ընդհանուր իրավասության դատարանի դատավոր Սուսաննա Գզոգյանին ոչ մի կերպ չէր հաջողվում փոխել իր իսկ հաստատած ապացույցների հետազոտման կարգը և սկսել վկայի հարցաքննությունը:

Հիշեցնենք, Մնացականյանը նախորդ նիստին

հայտարարել էր, որ կարճ  ժաանակով է Հայաստանում և խնդրել էր իրեն լսել արտահերթ, իսկ նրա ներկայացուցիչ Մարինա Պողոսյանը հայտարարել էր, որ նրա կյանքին վտանգ է սպառնում:

Հոկտեմբերի 11-ի նիստը անցնում էր ձգձգումներով, կրքերը շիկանում էին, իրավիճակը դառնում էր անկառավարելի: Տուժողի իրավահաջորդի ներկայացուցիչներն առարկում էին վկայի հարցաքննությանն անցնելու որոշման դեմ, քանի որ հարցեր կարող էին տրվել դեռևս չհետազոտված ապացույցների վերաբերյալ։

Սակայն դատարանը չէր ընդունում առարկությունները:

Տուժողի փաստաբանները երկու անգամ դատավորից ինքանաբացարկ պահանջեցին: Կամո Փիրուզյանի այրին՝ Հռիփսիմե Քոչինյանը, հայտարարություններ արեց, որոնք վերածվում էին անըմբռնելի գոռոցների: Նա դատարանի ու մյուս կողմի հասցեին վիրավորական արտահայտություններ էր անում «ոչխար», «անասուններ» ասելով, իսկ երբ դատավորը որոշում ընդունեց նրան հեռացնել դահլիճից, չէր ենթարկվում կարգադրիչներին:

Վերջապես կարգադրիչներին հաջողվեց դուրս բելեր կնոջը և  դատարանը լսեց Արթուր Մնացականյանի ցուցմունքները: Նիստը տևեց մինչև 21.30:

Արթուր Մնացականյանը՝ Արկոն, Վահագն Աբգարյանի մանկության ընկերն է եղել, իսկ «հասուն կյանքում» ալավերդցի հեղինակության աջ ձեռքը, նրան պատկանող հյուրանոցի ու  դեղատան տնօրենը, որին Աբգարյանը անվերապահորեն վստահել է:

Մնացականյանը դատարանում հայտնեց, որ Աբգարյանի դեմ ցուցմունքներ է տվել, քանի որ քննիչներն իրեն ահակեբել են, խոստանալով, որ հակառակ դեպքում ինքը կդատապարտվի ցմահ ազատազրկման:

«Նա հայտարարեց, որ ամեն ինչ սուտ է ասել: Ասաց, որ զրպարտել է իր ընկերոջը իր ազատության մեջ մնալու համար: Նրա վրա նույն հոդվածները կարող էին դնել, ինչ դրված են եղել Վահագն Աբգարյանի վրա», — հայտնեց Forrights.am-ին Վահագն Աբգարյանի փաստաբան Ինեսսա Պետրոսյանը:

Արթուր  Մնացականյանը դատարանին հայտնել է, որ քննիչները բերել են հարցաքննության իր հորը, որը սրտի հիվանդ է:

«Հորը տարել են հարցաքննության և Արթուրին հոգեբանական   ճնշման տակ են պահել, ու իրոք, հայրը դուրս է եկել այնտեղից ու մահացել է», — ասում է Պետրոսյանը:

Նա նաև անդրադարձավ վերջին դատական նիստի արտառոց ընթացքին: «Մյուս կողմը ամեն ինչ անում էր, որ վկան ցուցմունք չտա: 3,5 ժամ տևեց նրա հարցաքննությունը: Այնուհետև որոշվեց հրապարակել իր նախաքննական ցուցմունքները, և քանի որ դրանք ծավալուն էին, դատարանը հետաձգեց նիստը մինչև հոկտեմբերի 23»:

«Ես քուն ու հանգիտս չունեմ, մարդկանց զրպարտել եմ, գիշերները քնել չեմ կարողանում», — ասել է Արկոն դատարանում:

Հիշեցնենք, նա քննիչներին պատմել էր, ինքը Վահագն Աբգարյանի հանձնարարությամբ Վլադիմիր Դավթյանին սովորեցրել կրակել, կազմակերպել է նրան զենքի փոխանցումն ու բուն սպանությունը:

Վլադ Դավթյանը և նախաքննության մարմնին, և դատարանին բազմիցս հայտարարել է, որ գործել է ինքնուրույն, քանի որ Փիրուզյանի հետ լարված հարաբերություններ է ունեցել և վերջինս սպառնացել է, որ կսպանի իրեն:

http://forrights.am/2019/10/14/%d6%84%d5%b8%d6%82%d5%b6-%d5%b9%d5%b8%d6%82%d5%b6%d5%a5%d5%b4-%d5%b4%d5%a1%d6%80%d5%a4%d5%af%d5%a1%d5%b6%d6%81-%d5%a6%d6%80%d5%ba%d5%a1%d6%80%d5%bf%d5%a5%d5%ac-%d5%a5%d5%b4-%d5%a1%d6%80/[:]

[:am]https://www.youtube.com/watch?v=I2Kyk-Iy-hM&fbclid=IwAR0InKCIiXj-HJyaNaOCEqBHjf04M72klwrttqLRS-JB2xxbGOWBAY5yTag[:]

[:am]Լոռու մարզի ընդհանուր իրավասության դատարանում այսօր ընթանում էր Ալավերդի քաղաքի բնակիչ Կամո Փիրուզյանի սպանության համար մեղադրվող Վահագն Աբգարյանի (Ալավերդցի Վահագ) և Վլադիմիր Դավթյանի գործով դատական նիստը։

Իրավապաշտպանը նաև հավելեց․ «Այս քրեական գործում մեր կազմակերպությունը ներգրավվել է որպես մարդու խախտված իրավունքների պաշտպանության գծով։ Հարգարժան փաստաբան Երվանդ Վարոսյանը սկսել է անձնավորել ու պիտակավորել ինձ, ասելով՝ «իբրև իրավապաշտպան», ասեմ, որ այդ «իբրև իրավապաշտպանի» շնորհիվ Վահագն Հարությունյանից արդեն իսկ հինգ տուժող կա։ Այս ամենը Լուսինե Սահակյանին և Երվանդ Վարոսյանին հոգեխանգարմունքի մեջ է գցել, որովհետև, եթե մարդիկ Կամո Փիրուզյանի ներկայացուցիչներն են, ապա նրանք պետք է շահագրգռված լինեն, որ արդար դատաքննություն գնար»։

https://www.1in.am/2640084.html[:]

[:am]https://www.youtube.com/watch?v=BcnKtZjCNgw

https://www.1in.am/2639977.html[:]

[:am]

Ռոբերտ Քոչարյանի աջակիցները հայտարարություն էին տարածել, որի տակ ստորագրել էին 36 հասարակական, քաղաքական գործիչներ։ Այդ հայտարարության մեջ խոսվում էր դատարանների վրա ճնշումների, հակասահմանադրական գործողությունների մասին։

Նրանք նաև իրական օրակարգի շուրջ համախմբման կոչեր էին անում և նշում, որ հայկական երկու պետությունները վտանգի տակ են, եթե չսթափվենք։ Ինչո՞ւ են այս քաղաքական ուժերը Քոչարյանի գործը կապում հենց անվտանգության խնդրի հետ․ «Առաջին լրատվական»-ի հարցին Մարինա Պողոսյանը պատասխանեց․ «Ես իրենց լուրջ չեմ էլ վերաբերվում։ Էնպես որ, դա իրենցից պետք է հարցնել։ Ես նման քաղաքական գործիչներին ու կազմակերպություններին ոչ լսում եմ, ոչ կարդում եմ նրանց հայտարարությունները և ոչ էլ ուզում եմ իմ ժամանակը ծախսել։ Նրանք իրավունք չունեն երկու պետությունների անունից խոսել․ մարդիկ, որոնք ստորագրել են էն փաստաթղթի տակ, որով սատարում են իշխանությունը բռնազավթած մարդուն»։

Մանրամասները՝ տեսանյութում։

https://www.1in.am/2638829.html[:]