[:am]

 [:]

[:am]

Երևան քաղաքի ընդհանուր իրավասության դատարանի՝ Շենգավիթ վարչական շրջանում գտնվող նստավայրում Վաչե Մարգարյանի նախագահությամբ պետք է մեկնարկեր Ալբերտ Բլբուլյանի և Արմեն Կարադավիդովի գործի դատական քննությունը:

Խոսքը «Ալավերդցի Վահագի»՝ Վահագն Աբգարյանի և նրա ընկերների դեմ Վերնիսաժի մերձակայքում կատարված մահափորձի գործի մասին է:

Ըստ մեղադրանքի՝ 2017թ. սեպտեմբերի 14-ին «Թուֆենկյան Ավանդական Երևան» հյուրանոցի տարածքում կրակոցներ են հնչել, րոպեներ անց հայտնի է դարձել, որ կրակոցների հետևանքով մեկ անձ սպանվել է, ևս մեկը՝ վիրավորվել: Հրազենային վիրավորում ստացած անձը Ալավերդցի Վահագնն էր՝ 1978թ. ծնված Վահագն Աբգարյանը:

Դեպքից անմիջապես հետո Աբգարյանին տեղափոխել էին «Աստղիկ ԲԿ», կատարվել էր վիրահատության: Կրակոցներից սպանվածը 1974 թ. ծնված Գագիկ Մոսինյանն էր: Նրա ուղղությամբ, ըստ մեղադրանքի, կրակոց էր արձակվել Արմեն Կարադավիդովի կողմից:

Մոսինյանը փորձել էր դեպքի վայրից հեռանալ, սակայն կարճ ճանապարհ անցնելով՝ մահացել էր:

Այս գործով ևս մեկ ամբաստանյալ կար՝ Ռաֆիկ Խ.-ն, ում մասն առանձնացվել ու առանձին էր քննվել նախաքննական մարմնի կողմից: Ըստ մեղադրանքի՝ 60-ամյա Ռաֆիկ Խ.-ն 2017 թվականի ընթացքում նախնական համաձայնության էր եկել ու օժանդակել էր իր մտերիմներ Արմեն Կարադավիդովին և Ալբերտ Բլբուլյանին՝ վերջիններիս կողմից վրեժի շարժառիթով Ալավերդցի Վահագի ու նրան ուղեկցող Գագիկ Մոսինյանի, Արթուր Մ.-ի, Արամ Խ.-ի, Դավիթ Բ.-ի սպանության հանցավոր դիտավորությունն իրականացնելու համար:

Ռաֆիկ Խ.-ն, ըստ մեղադրանքի, իր վարած մեքենայով խմբի անդամներին, ինչպես նաև հանցագործության գործիք հանդիսացող հրազեններն ու ռազմամթերքը դեպքի վայր տեղափոխելու, սպանության ընթացքում առաջացող հնարավոր խոչընդոտները վերացնելու հարցերում օժանդակել էր սպանությունը կատարողներին:

Զինամթերքը, ըստ մեղադրանքի, ձեռք էր բերվել Արմեն Կարադավիդովի և Ալբերտ Բլբուլյանի կողմից, իսկ Ռաֆիկ Խ.-ն «Volkswagen Jetta» մակնիշի ավտոմեքենա էր վարձել օրավարձով: Ավտոմեքենայի համար յուրաքանչյուր օրվա դիմաց պետք է վճարեին 15 000 դրամ:

Դեպքի օրը Վահագն Աբգարյանը և նրան ուղեկցող անձինք՝ Գագիկ Մոսինյանը, Արթուր Մ.-ն, Դավիթ Բ.-ն և Արամ Խ.-ն գնացել էին «Թուֆենկյան Ավանդական Երևան» հյուրանոց, իսկ այդ ընթացքում Ռաֆիկ Խ.-ն, վարելով վարձակալած ավտոմեքենան, հյուրանոցի տարածքում շրջապտույտներ էր կատարել, ապա մեքենան կայանել էր հյուրանոցի կենտրոնական մուտքի դիմաց:

Վաղ առավոտից հյուրանոցի տարածքում ավտոմեքենայում գտնվող Արմեն Կարադավիդովը և Ալբերտ Բլբուլյանն սպասել էին Վահագն Աբգարյանին և նրա ընկերներին, ովքեր նախորդ օրվանից էին գտնվում հյուրանոցում, իսկ երբ նկատել էին, որ Աբգարյանը և ընկերները դուրս են գալիս հյուրանոցից, ըստ մեղադրանքի՝ Արմեն Կարադավիդովը և Ալբերտ Բլբուլյանը ավտոմեքենայից դուրս գալով՝ կրակ էին բացել նրանց ուղղությամբ:

Ռաֆիկ Խ.-ն, ըստ մեղադրանքի, մտերիմներին օժանդակելու նպատակով ևս դուրս էր եկել ավտոմեքենայից, սակայն նա չէր կրակել, իսկ կրակոցներից հետո ընկերների հետ հեռացել էր դեպքի վայրից:

Դեպքից հետո Ռաֆիկ Խ.-ն հետախուզման մեջ էր գտնվել և 2017 թվականի սեպտեմբերի 22-ին էր հայտնաբերվել: Նրա մասով դատական քննությունն ավելի վաղ էր մեկնարկել, սակայն ըստ էության դատաքննություն այդպես էլ տեղի չունեցավ, քանի ուր Ռաֆիկ Խ.-ի առողջական վիճակը վատացավ, և նա անցած տարի մահացավ…

Հետախուզման մեջ են եղել, ապա հայտնաբերվել են նաև այս գործով մյուս երկու մեղադրյալները՝ ծանրացուցիչ հանգամանքներում բուն դիտավորյալ սպանությունն ու սպանության փորձն իրականացնելու, ապօրինի զենք ու ռազմամթերք ձեռք բերելու, պահելու համար՝ ՀՀ քրեական օրենսգրքի 104 հոդվածի 2-րդ մասի 6, 7-րդ, 34-104 հոդվածի 2-րդ մասի 1-ին կետերով, 235 հոդվածի 1-ին մասով մեղադրվող Ալբերտ Բլբուլյանն ու Արմեն Կարադավիդովը: Գործի հենց այս մասով էլ պետք է տեղի ունենար առաջին դատական նիստը, սակայն դատարան չէին ներկայացել դատավարության կողմերը, նույնիսկ երկու ամբաստանյալները չէին ներկայացվել ՔԿՀ-ից:

Դատական այս նիստին ներկայացել էր միայն «Վելես» իրավապաշտպան կազմակերպության ղեկավար Մարինա Պողոսյանը: Նա հայտարարեց, որ այս գործով պետք է ներկայացնի տուժող Վահագն Աբգարյանի՝ Ալավերդցի Վահագի շահերը: Քանի որ դատավարության կողմերը չէին ներկայացել, դատարանը Մարինա Պողոսյանին ներգրավելու հարցը կքննարկի հաջորդ նիստին՝ սեպտեմբերի 6-ին:

Մարինա Պողոսյանը մեր զրույցի ընթացքում իր նկատառումները հայտնեց այս, ինչպես նաև Վահագն Աբգարյանի հետ առնչվող այլ գործերի վերաբերյալ՝ նշելով, որ առաջիկայում հանդես կգա «սկանդալային բացահայտումներով»՝ ներկայացնելով համապատասխան նյութեր, ձայնագրություններ ու հիմնավորումներ: Մասնավորապես, Մարինա Պողոսյանն իր խոսքում անդրադարձավ 2017 թվականի հունիսի 13-ին Վլադիմիր Դ.-ի կողմից Ալավերդիում իրականացված՝ Կամո Փիրուզյանի սպանության գործով Վահագն Աբգարյանին որպես սպանության պատվիրատու մեղադրելու, նրան անազատության մեջ պահելու հանգամանքներին:

Մարինա Պողոսյանն ասաց. «Այս՝ Թուֆենկյանում կրակոցների գործով ներգրավվելու եմ որպես տուժողի՝ Վահագն Աբգարյանի ներկայացուցիչ: Ինձ համար շատ կարևոր էր այս գործը: Պարզ ասեմ՝ ըստ իմ ընկալման՝ Վահագն Աբգարյանը ոչ միայն այս գործով պիտի տուժող ճանաչվի: Մյուս գործով նա, բնականաբար, պետք է արդարացվի: Բոլոր գործերը շաղկապված են: Խոսքը գնում է պատվերների մասին: Եթե որպես սպանության պատվիրատու այսօր Վահագն Աբգարյանն է գտնվում անազատության մեջ, ես դա դիտարկում եմ որպես երկակի ստանդարտներ ու խտրական մոտեցում, որովհետև մինչև Վահագն Աբգարյանի՝ անազատության մեջ գտնվելը՝ որպես չակերտավոր «պատվիրատու», 2015 թվից Ախթալայի գործն է քննվում, երբ որ ակնհայտորեն կրակել էին Վահագն Աբգարյանի մեքենայի վրա: Ուղղակի բախտի բերմամբ մարդիկ չէին մահացել: Ի դեպ՝ նույն հանցագործ խմբակից մյուս տարի էդ մեքենայի մեջ նստածներից մեկին ի վերջո սպանեցին: Այսինքն՝ էն ժամանակ չեն եղել գործի պատվիրատուներ, Թուֆենկյանում էլ չեն եղել գործի պատվիրատուներ, ի՞նչ՝ այլմոլորակայիննե՞ր ունենք օդից իջած, ուղղակի ինքնանպատա՞կ է Վահագ Աբգարյանի վրա կրակելը: Այս գործերը պետք է ընդհանուր մի կոնտեքստով նայել, որովհետև իրականում պատվերը, այսպես ասած՝ բացվել է Վահագն Աբգարյանի վրա դեռևս 2015 թվականից: Էդ պատվերի հետևում կանգնած է Վահագն Հարությունյանը: Որոշակի տեղեկություններ կան, չեմ ուզում անուններ բացահայտեմ, տեղի՝ Ալավերդու բնակիչներ են, որոնք քարհանքերի հետ որոշակի կապեր ունեն: Իմ ասածը մերկապարանոց չի՝ բոլոր ապացույցներն ունենք, շատ ապացույցներ չեն հրապարակվել, բայց շատ շուտով դրանք հրապարակվելու են, և դա լինելու է սկանդալային բացահայտում: Ես կհորդորեի դատախազությանը՝ գոնե այս անգամ դեմքով ցեխի մեջ չընկնի՝ ինքը քայլ անի ու հրաժարվի էդ սարքած գործից: Վահագն Հարությունյանի կողմից սարքված գործը սե՜նց խրոնիկ ինֆեկցիայի պես իրենք թողել են դատարանում: Ընդամենը մի բանով փաստեմ ասածս, որ մերկապարանոց չլինի. ժամանակին երբ որ այս գործը սարքվել է՝ սա ընդամենը եղել է միջոց՝ Վահագն Աբգարյանին մեկուսացնելու համար: Այսինքն՝ մի քանի անգամ փորձել են սպանել, բայց չեն կարողացել, որոշել են, որ ավելի լավ է՝ տանեն փակեն: Կապված՝ իրենց քաղաքական հետաքրքրությունների, տնտեսական հետաքրքրությունների հետ, կապված՝ Վաչիկ Ղազարյանի՝ մեզ բոլորիս հայտնի Սերժի Վաչոյի հետ, կապված՝ էդ քարհանքերի հետ, կապված՝ իրավաբանական կրթություն ունեցող շատ այլ մարդկանց հետ՝ չեմ ուզում անուններով նշել, իրենք որ լսեն՝ կհասկանան, կապված՝ Ախթալայի պանսիոնատների հետ և այլն, և այլն՝ էս գործը սարքվել է: Երբ որ գործը սարքվել է, Վահագն Հարությունյանը եղել է այն դիրքում, որ կարող էր ինքը արդեն վաղուց բոլորը փակած լինել: Էս գործով եղել են նաև էլի մարդիկ ներգրավված՝ որպես մեղադրյալ, նույնիսկ ունեցել ենք անազատության մեջ գտնված Արմեն Հարությունյան, որ իբրև էս պատվերի շրջանակներում ինքը մասնակցել է: Ունեցել ենք Գուրգեն, ունեցել ենք Աշոտ… Դուք պատկերացրեք՝ հեղափոխությունից հետո միանգամից էդ մարդկանց կարգավիճակ է փոխվում:

Այսինքն՝ ես հիմա ուզում եմ հասկանամ՝ մեր քրեական օրենսգիրքը գործում է հեղափոխությունից հեղափոխությո՞ւն: Ի՞նչ կապ ունի՝ եթե մարդը հանցագործ է, ինքը հանցագործ է և՛ մինչև հեղափոխությունը, և՛ հեղափոխության ընթացքում, և՛ հեղափոխությունից հետո: Դուրս է գալիս՝ եթե հեղափոխություն չլիներ, Արմեն Հարությունյան անուն-ազգանունով քաղաքացին ևս մինչև էսօր պիտի պատիժ կրեր կամ լիներ անազատության մեջ: Ինձ համար իրատեսական ու նորմալ չի սա: Վահագն Աբգարյանն ունի առողջական խնդիրներ ձեռքի և էդ ծանր վիրավորման հետ կապված, բացի դրանից՝ ունի երկու անչափահաս երեխա: Գործով նախաքննությունն արդեն ավարտվել է, և ակնհայտ է, որ Վահագն Աբգարյանին անազատության մեջ պահելը նրա նկատմամբ հին ռեժիմի ճնշման մնացորդն է: Բայց ինձ համար հասկանալի չէ դատախազության այսօրվա դիրքորոշումը, որ փոխանակ Վահագն Հարությունյանին ու նրա գործընկերներին այսօր անազատության մեջ տեսնեինք, տեսնում ենք Վահագն Աբգարյանին, որ խանգարել է Ալավերդիում որոշակի բարքեր հաստատելուն: Մի հատ տեսնենք՝ մնացա՞ծն ովքեր են՝ կրակողները, սպանվողները, տեսնենք՝ թմրանյութերի ու թմրաբիզնեսի հետ ի՞նչ կապ են ունեցել… »:

https://www.1in.am/2600889.html?fbclid=IwAR2uv_gUyTcuqszIHBxGiankFwZx2Ch5XMcVaerKVcbR6zxr26uRCN0UtWQ[:]

[:am]

[:am]

Ինչպես արդեն տեղեկացրել ենք, Բարձրագույն դատական խորհրդի նոր նախագահի՝ Ռուբեն Վարդազարյանի ընտրության վերաբերյալ քննարկման ժամանակ «Վելես» իրավապաշտպան ՀԿ նախագահ Մարինա Պողոսյանը հայտարարեց, որ ավելի անհաջող ընտրություն չէր կարող լինել: Իրավապաշտպանն ընդգծեց՝ պատրաստվում է հանցագործության մասին հաղորդում ներկայացնել Ռուբեն Վարդազարյանի կատարածների վերաբերյալ և ունի դրանք ապացուցող փաստաթղթերի մեծ տրցակ:

Երեկ ԲԴԽ նախագահ Ռուբեն Վարդազարյանը հանդես եկավ հայտարարությամբ՝ նշելով, որ ընտրվելուց ի վեր որոշ լրատվամիջոցների և հանրային գործիչների կողմից իր անձի և գործունեության վերաբերյալ տարածվում են տարաբնույթ մեկնաբանություններ, քննադատություն և բացասական գնահատականներ:

«Մշտապես ընդունել եմ առողջ քննադատությունը, ողջունել եմ թափանցիկությունը և հաշվետվողականությունը, սակայն չեմ կարող ընդունել անհիմն, երբեմն զրպարտության վերածվող մեղադրանքները»,-մասնավորապես, նշված էր Վարդազարյանի հայտարարությունում:

Politik.am-ի հետ զրույցում Մարինա Պողոսյանը նշեց, որ  Ռուբեն Վարդազարյանի որևէ հայտարարություն իրեն չի հետաքրքրում: «Եթե մարդն ինձ վստահություն չի ներշնչում, ապա նրա ասածները ևս չեն կարող վստահություն ներշնչել»,-ասաց նա:

Ըստ Մարինա Պողոսյանի՝ եթե Վարդազարյանը զրպարտություն է տեսնում, կարող է դատարան դիմել.«Ռուբեն Վարդազարյանը, բացի ապօրինի որոշումներ կայացնելուց, ունի նաև գոնե այնքան բավարար գիտելիքներ, որ եթե կարծում է՝ ինչ-որ մեկն իրեն զրպարտում է, կարողանա դիմել դատարան, դատարանում էլ, ԲԴԽ նախագահ լինելով, բավականին լծակներ ունի, որպեսզի իրեն զրպարտող անձը պատասխանատվության ենթարկվի»:

«Վելես» ՀԿ-ի ղեկավարն ընդգծեց՝ իր ասածների տերն է ու հետևողական է լինելու: «Այո, ես պնդում եմ, որ Ռուբեն Վարդազարյանը հանցագործություն է կատարել, կա որոշում. միգուցե, պարզապես նրա ստորագրությունն է փաստաթղթի տակ, բայց դա կպարզի նախաքննությունը»,-ընդգծեց Պողոսյանը:

Իրավապաշտպանն ընդգծեց՝ զրպարտելու որևէ խնդիր չկա. «Ասածներս ապացուցող փաստաթղթերն ինձ մոտ առկա են, և ես պատրաստ էի և եմ հանրային քննարկման, որպեսզի, եթե ինքը կարծում է, որ զրպարտություն է, հանրային կերպով ապացուցի դա: Պատրաստ եմ նաև այդ փաստաթղթերը հանրայնորեն իրեն տրամադրել և ստանալ հանրային պատասխան: Քրեական պատասխանատվության ենթարկելն ինքնանպատակ չէ: Ես՝ ի տարբերություն իրեն, համարձակություն ունեմ հստակորեն տալ իր անունը: Եթե կարողանում է, թող ինքն էլ նշի իմ անունը և ասի, որ իմ ունեցած փաստաթղթերն իրեն զրպարտող են»:

Մարինա Պողոսյանը մեզ տեղեկացրեց նաև, որ առջիկա օրերի ընթացքում հանցագործության մասին հաղորդում կներկայացնի՝ իր ունեցած փաստաթղթերի հիման վրա:

http://politik.am/es-pndum-em-bdkh-noryntir-nakhagahy-hancagortsutyun-e-katarel-marina-poxosyan[:]

[:am]

https://humanrightstv.am/arm/%D5%AB%D6%80%D5%A1%D5%BE%D5%B8%D6%82%D5%B6%D6%84%D5%B6%D5%A5%D6%80/%D5%BE%D5%A5%D6%80%D5%BB%D5%AB%D5%B6-%D5%BF%D5%A5%D5%BD%D5%A1%D5%B6%D5%B5%D5%B8%D6%82%D5%A9%D5%A5%D6%80%D5%A8/1960-%E3%80%8A%D5%BD%D5%A1%D5%B2%D5%AB%D5%B6-%D5%AF%D5%A1%D5%BD%D5%A5%D5%BD,-%D5%B8%D6%80-%D5%BE%D5%A1%D5%B0%D5%A1%D5%A3%D5%A8-%D5%A1%D5%AC%D5%A1%D5%BE%D5%A5%D6%80%D5%A4%D5%AB%D5%B6-%D5%A7%D5%AC-%D5%B9%D5%AB-%D5%BF%D5%A5%D5%BD%D5%B6%D5%A5%D5%AC%D5%B8%D6%82%E3%80%8B

[:]

[:am]«#Դատավորները անկախ են եղել #օրենքից։

Եթե դատավորը ակնհայտ ապօրինի #դատավճիռ է կայացնում, որով խաղում է մարդկային ճակատագրերի հետ, և այդտեղ կան ակնհայտ կոռուպցիոն ռիսկեր, ի՞նչ անկախության մասին կարելի է խոսել»,- ասում է Veles Human Rights NGO իրավապաշտպան կազմակերպության նախագահ Մարինա Պողոսյանը։

https://www.facebook.com/mediacenterarmenia/posts/1599419110189627[:]

[:am]

Ս․թ․ հուլիսի 19-ին Երևան քաղաքի ընդհանուր իրավասության դատարանը ( նախագահող դատավոր Դավիթ Բալայան) բավարարեց փաստաբան Արթուր Սուքիասյանի բողոքը ՀՀ դատախազության անգործության դեմ։

[:]

[:am]

http://nt.am/am/news/270474/[:]

[:am]«Կոշ» քրեակատարողական հիմնարկում գտնվող դատապարտյալ Արթուր Շահվերդյանի նշանածը «Հակակոռուպցիոն բլոգ»-ին տված հարցազրույցում պատմել է, թե ինչպես է ՀՀ ոստիկանապետի նախկին տեղակալ Անուբախ Համբարյանի որդին՝ քննիչ Հովհաննես Համբարյանը պարբերաբար այցելել կալանավայր՝ Արթուրից ցուցմունք կորզելու նպատակով։

Արթուր Շահվերդյանը կալանավորվել է 2017 թվականի մայիսին, նույն տարվա հունիսի 13-ին Ալավերդի քաղաքում տեղի է ունեցել Կամո Փիրուզյանի սպանությունը, որի վերաբերյալ հարուցված քրեական գործով որպես վկա ներգրավում են նաև Արթուրին։ «Արթուրն արդեն մեկ ամիս կալանավայրում էր, ո՞նց կարող էր ինքը որևէ տեղեկություն ունենալ այդ սպանության վերաբերյալ»,- ասում է Արթուրի նշանածը, ով անձնական պատճառներով չի ցանկանում հրապարակել իր անունը։

Նա բազմիցս տեսակցել է իր Արթուրին և վերջինս պատմել է, թե ինչպես է Համբարյանը փորձում ճնշել իրեն կալանավայրում։ «Քննիչ Համբարյանը նախ ծխախոտ է առաջարկել, հետո խոստացել է ժամացույց նվիրել, եթե Արթուրը Վահագն Աբգարյանի դեմ ցուցմունք տա (Վահագն Աբգարյանին մեղադրանք է առաջադրվել սպանությունը կազմակերպելու համար՝ Ա.Ղ.)։ Երբ Արթուրը հրաժարվել է, սկսել է սպառնալ, ասել է, որ իր գործը կվերաբացեն ու կավելացնեն իր դատապարտման տարիները»,- պատմում է աղջիկը

։ Արթուր Շահվերդյանը երկու անգամ հացադուլ է հայտարարել, որպեսզի ուշադրություն հրավիրի իր նկատմամբ կիրառվող պարբերական ճնշումներին, դիմել է պատկան մարմիններին, բաց նամակով նաև դիմել է վարչապետին։ «Որևէ ընթացք չի տրվել իր գրություններին, բայց երկրորդ հացադուլից հետո ճնշումները կարծես դադարել են»,- ասում է դատապարտյալի նշանածը։

Հիշեցնենք, որ Կամո Փիրուզյանի սպանության գործը քննվում է Լոռու մարզի ընդհանուր իրավասության դատարանում։ Հաջորդ դատական նիստը նշանակված է օգոստոսի 14-ին։

Մանրամասները՝ տեսանյութում։

Արման Ղարիբյան

Continue reading at https://acblog.am/?p=3545 | AntiCorruption[:]

[:am]«ԲԴԽ անդամների 11 հոգանոց ցուցակը նայելուց հետո մոտս միայն մեկ ցանկություն առաջացավ՝ տոմս գնել և վերջնականապես գնալ Հայաստանից»,- «Առաջին լրատվական»-ի հետ զրույցում ասաց «Վելես» իրավապաշտպան կազմակերպության նախագահ Մարինա Պողոսյանը։ Նրա խոսքով՝ ցանկում կան այնպիսի դատավորներ, ովքեր փոխկապակցված են նախկին իշխանության ներկայացուցիչների հետ և նրանցով հնարավոր չէ ինչ-որ բարեփոխումներ իրականացնել:

«Մեզ մոտ այնպես է լինում, որ պապաները գնում են, ձագերն են մնում, ձագերը գնում են, պապաներն են գալիս։ Ես չեմ պատկերացնում, որ հնարավոր է ինչ-որ բարեփոխում անել այս անձանցով։ Ռուբեն Վարդազարյանի անունն է շրջանառվում, բայց իր ժամանակ պետք է հիշել, թե ինչ կեղծիքներ են եղել։ Ես դրանք հատ առ հատ կարող եմ մատնացույց անել հենց Ռուբեն Վարդազարյանին։ Բայց ես ճանաչում եմ դատավորների, ովքեր երիտասարդ են, մաքուր են, կեղտի մեջ թաթախված չեն, նույն լափամանից չեն կերել»,- ասաց Պողոսյանը։

Մարինա Պողոսյանը անդրադարձավ նաև Ալավերդիում տարիներ առաջ տեղի ունեցած սպանության գործին, որով անցնում է Ալավերդիում հայտնի Վահագն Աբգարյանը՝ Ալավերդցի Վահագը։ «Այս քրեական գործը սկսվել է պետական պատվերի շրջանակներում։ Չեմ կարող ասել, որ հիմա այդ պետական պատվերը շարունակվում է, բայց կարող եմ ասել, որ այդ պատվերը տված անձինք հիմա էլ շարունակում են իրենց ազդեցությունը ունենալ այս գործով»,- ասաց իրավապաշտպանը։

Պողոսյանի խոսքով՝ գործում էական ու գործուն շահագրգռվածություն ունի Քննչական կոմիտեի նախկին նախագահի նախկին տեղակալ Վահագն Հարությունյանը, ով ներկայումս անցնում է Մարտի 1-ի գործով և այժմ Հայաստանում չէ։

Առավել մանրամասն՝ տեսանյութում:

https://www.1in.am/2592878.html[:]

[:am]

http://nt.am/am/news/270160/[:]

[:am]

Երևան քաղաքի ընդհանուր իրավասության դատարանի Շենգավիթի նստավայրում (նախագահող դատավոր Դ.Բալայան) 09/07/2019թ.  տեղի ունեցավ «Վելես» իրավապաշտպան ՀԿ –ի կողմից ՀՀ դատախազության անգործության դեմ դատարան ներկայացված բողոքի քննությունը: Հիշեցնենք, որ դեռ 2018թ. հոկտեմբերի 01-ին «Վելես» ՀԿ-ն հանցագործության մասին հաղորդում էր ներկայացրել ՀՀ գլխավոր դատախազին առ այն, որ ՀՀ ԱԳՆ դիվանագիտական անձնագրեր էր տրամադրել 254 անձի, որոնք ըստ օրենքով սահմանված կարգի չէին կարող ունենալ դիվանագիտական անձնագրեր:

Դիվանագիտական անձնագրեր էին տրամադրվել Առաքել Մովսիսյանին (Շմայս), Վաչագան Ղազարյանին (Սերժի Վաչո), Սուրիկ Խաչատրյանին (Լիսկա), Հովիկ Աբրահամյանին (Մուկ), Գագիկ Խաչատրյանին  և այլոց: ՀՀ գլխավոր դատախազությունը օրինաչափ էր համարել նման գործառույթը և անգործություն ցուցաբերելով փորձել էր կոծկել ՀՀ ԱԳՆ –ի կողմից կատարված վերոնշյալ ապօրինությունները:

Մանրամասները ներքևում

Continue reading at https://acblog.am/?p=3519 | AntiCorruption[:]

[:am]

«Վելես» հասարակական կազմակերպության Հակակոռուպցիոն բլոգը սկսում է նոր նախագիծ՝ «Հակակոռուպցիոն բարձրախոս», որի շրջանակներում քաղաքացիներին հնարավորություն է տրվելու տեսախցիկի առջև բարձրաձայնել իրենց նկատմամբ տեղի ունեցած անարդարությունների մասին, որոնք պետական մարմինների ու պաշտոնյաների կոռումպացվածության արդյունք են։ Քաղաքացիները տեսախցիկի առջև պատմելու են, թե ինչ է տեղի ունեցել և ովքեր են մեղավորները՝ դիմելով իրավապահ մարմիններին։

«Հակակոռուպցիոն բարձրախոս»ի միջոցով Ձեր խնդիրը բարձրաձայնելու համար զանգահարեք (010) 578551, (098) 615663 կամ ուղարկեք նամակ մեր էլեկտրոնային փոստին՝  info@veles.am

 [:en]

“Veles” NGO’s Anti-Corruption blog launches a new project – “Anti-Corruption Mic” which will give an opportunity to all citizens to speak up about injustice that happened to them because of corruptness of state organs and officials. Citizens will speak in front of a camera and appeal to law enforcement bodies.

To be part of “Anti-Corruption Mic” call us (+37410)578551, (+37498) 615663  or send an email to  info@veles.am[:]

[:am]https://www.youtube.com/watch?v=Nfe-VWEbA38[:]