[:am]https://www.youtube.com/watch?v=RIw-GAFV8gc&fbclid=IwAR0YpASwXgDP3ow3WmsXhtsBkCNc88FSrkH9vEcgaKPI9pMjnI5jfcHa3vc

https://www.youtube.com/watch?v=RIw-GAFV8gc&fbclid=IwAR0YpASwXgDP3ow3WmsXhtsBkCNc88FSrkH9vEcgaKPI9pMjnI5jfcHa3vc

http://progressgyumri.am/news/6986[:]

[:am]Հեղափոխությունից հետո այս մեկ տարին Հայաստանում դատական համակարգն առանց կառավարության միջամտության և ազդեցության է գործել, պնդում են իշխանությւոնները։ Այս մեկ տարին այն ժամանակն էր, որի ընթացքում դատական մարմինները պետք է արձագանքեին Հայաստանում տեղի ունեցող ժողովրդավարացման գործընթացին, հրաժարվեին հին սովորություններից, ազատվեին կոռումպացված, մասնավոր շահերով կապված դատավորներից։ Բայց դա տեղի չունեցավ։ Թեմայի շուրջ «Առաջին լրատվական»-ը զրուցել է իրավապաշտպան Մարինա Պողոսյանի հետ:

[:]

[:am]https://www.youtube.com/watch?v=z1B7SxNW3iM[:]

[:am]Երեկ կայացավ «Իմ քայլը» և «Ժպիտների քաղաք» բարեգործական հիմնադրամաների ներկայացուցիչների ասուլիսը: Ներկա էր նար հիմնադրամների հոգաբարձուների խորհրդի նախագահ, ՀՀ վարչապետ Նիկոլ Փաշինյանի տիկին Աննա Հակոբյանը: Վերջինս, պատասխանելով հարցին, թե ինչպիսին կլինի իր  արձագանքը, եթե պարզվի, որ նվիրատվությունների մի մասն, օրինակ, պետբյուջեից գողացված գումարներն են, ասաց.

«Եթե պետբյուջեից գողացած միջոցներ են, ավելի լավ, եթե փոխանցում են և ծառայեցնում են պետությանն ու պետության քաղաքացիներին։ Գումարի ծագումն անձնապես ինձ համար կապ չունի, որովհետև ես մտածում եմ, որ գումարը եթե մեզ հասավ, կապ չունի՝ ինչ ձևով է հասել նրան, ով մեզ է փոխանցում, մենք, միևնույն է, ծառայեցնելու ենք ամենաբարի, ամենաօգտակար նպատակներին։ Դրա համար անձամբ ինձ համար կարևոր չէ, որովհետև այդ գումարը եթե որևէ ձևով էլ հասել է ինչ-որ մեկին, եթե մնա իր մոտ, ավելի օգտակար չի լինի, եթե գա հասնի մեզ»։

Politik.am-ը այս հարցի շուրջ զրուցել է իրավապաշտպան Մարինա Պողոսյանի հետ: Ասում է՝ բոլորն են կողմ, որ բոլոր գողացված գումարները վերադարձվեն, բայց հարցը երկակի է.«Մի կողմից շատ լավ է, որ գումարը գոնե ինչ-որ լավ նպատակի համար կարող է ծառայել, բայց այստեղ մի մեծ նրբություն կա՝ արդյո՞ք ինչ-որ անձանց կողմից այդ գումարները տալը վերջիններիս համար չի ստեղծում «զրահաբաճկոն»: Այսինքն՝ շատ հնարավոր է, որ դրանով իրենք ընկնում են բարձր հովանու ներքո: Հետո հարց է նաև՝ ինչպես ծախսել այդ գումարները»:

Իրավապաշտպանը, սակայն, ընդգծում է՝ շատ կարևոր է նվիրաբերվող գումարների ծագումը.«Եթե գողացված, ապօրինի գումարներ են, թող գնան բարեգործության, բայց տվող մարդիկ պետք է միանշանակ պատիժ կրեն: Ինչ կապ ունի՝ ո՞ր հիմնադրամին կամ ում են տվել: Օգտագործումը՝ մի կողմ, ծագումն է կարևոր»:

Իրավապաշտպանի խոսքով՝ որքան էլ լավ է բարեգործություն անելը, միևնույն է, նվիրաբերվող գումարների ծագումը պետք է ստուգեն իրավապահները՝ հիմնադրամի դիմումների հիման վրա: Նվիրատուների ցուցակները, բնականաբար, պետք է բաց ու թափանցիկ լինեն, իսկ իրավապահ մարմինները ստուգեն դրանց օրինականությունը:

«Պետբյուջե հասկացություն ամբողջ աշխարհում գոյություն չունի: Դրանք բոլորիս տված հարկերն են: Ամեն դեպքում, գողացված փողերով բարեգործություն կատարելը ինձ համար մի քիչ անընդունելի է: Կարծում եմ, որ գումարները պետք է հետ գնան պետական բյուջե, հետո միայն որոշվի, թե ինչ նպատակներով դրանք պետք է ծախսվեն: «Յուրիդետոչկինությունը» կամ «դոնկիխոտությունը» ինձ համար մի քիչ անընդունելի ու անհասկանալի են, ստացվում է՝ ինչ՝ գողերին քաջալերենք, ասենք՝ դուք գումարները գողացեք, հետո այդ գուարների մի մասով մենք բարեգործությու՞ն անենք»,-ամփոփում է իրավապաշտպանը:

http://politik.am/petbyujeic-goxacvats-gumarnery-petq-e-veradardzven-heto-miayn-voroshvi-inchpes-tsakhsel-iravapashtpany-anna-hakobyani[:]

[:am]

[:]

[:am]Վարչապետ Նիկոլ Փաշինյանը հայտարարեց, որ բոլոր դատավորները պետք է ենթարկվեն վեթինգի, հանրությունը պետք է ամբողջական տեղեկատվություն ունենա դատավորի քաղաքական կապերի, գույքային վիճակի, նախորդ շրջանում ունեցած գործունեության մասին, նաև նշեց, որ ՄԻԵԴ-ի որոշումներով հաստատված՝ քաղաքացու խախտումներ արած բոլոր դատավորները պետք է հրաժարական տան կամ հեռացվեն: Հեղափոխությունը սկսվա՞ծ է «Առաջին լրատվական»-ի այս հարցին ի պատասխան՝ իրավապաշտպան Մարինա Պողոսյանը մասնավորապես ասաց. «Դատավորները պետք է հրաժարական տան կամ հեռացվեն. այդ դեպքում՝ իսկ ո՞վ է մնալու, որովհետև համարյա թե չկա այդպիսի դատավոր, որը մարդու իրավունքների և հիմնարար ազատությունների վերաբերյալ մի այլանդակ վճիռ կայացրած չլինի վերջին տարիներին: Ինչ վերաբերում է նրան, որ հանրությունը իմանա գույքային վիճակի մասին, ես կրկնում եմ, մենք այնքան փոքր երկրում ենք ապրում, որ այսօր չէ, որ պետք է իմանանք: Բոլորս էլ գիտենք, թե որ դատավորը ինչ է շնչում, ում հետ է շնչում, ուր է գնում և ինչ գույք ունի»:

«Շատ լավ է այս ամենը, և հուսամ, որ օդում չի մնա, որովհետև անցյալ տարի էլ շատ լոզունգներ եղան, շատ բաներ ասվեցին, բայց չեղան: Ամեն ինչ կիսատ է մնացել: Պետք էր ինչ-որ վերջի հասցնել Եվ ժողովուրդը ապրելու համար է, ժողովուրդը անընդմեջ փողոց դուրս գալու համար չէ»,- նշեց իրավապաշտպանը:

Մանրամասները՝ տեսանյութում։

https://www.1in.am/2563669.html[:]

[:am]

”Վելես” իրավապաշտպան ՀԿ խստորեն դատապարտում է Վարդգես Գասպարիի նկատմամբ կիրառված բռնությունը և միևնույն ժամանակ կոչ անում ՀՀ Ոստիկանությանը ի վերջո անցնել իրենց բուն պարտականությունների կատարմանը։

Պահանջում ենք անհապաղ հարուցել քրեական գործ և պատասխանատվության ենթարկել մեղավորներին։

Statement

“Veles” human rights NGO strongly condemns violence against Vardges Gaspari, and calls on the police to performe at last their core duties.

We demand to initiate immediately a criminal case and subject the guilty to liability.[:]

[:am]ՀՀ վարչապետ Նիկոլ Փաշինյանը երեկվա իր ամփոփիչ ասուլիսի ժամանակ հայտարարեց, որ Հայաստանի Ազգային անվտանգության ծառայությունում հեղափոխությունից որոշ ժամանակ առաջ նյութեր են ոչնչացվել։ Նա տեղեկացրեց, որ ներկայումս այդ հանգամանքները պարզելու համար ԱԱԾ-ում ծառայողական քննություն է իրականացվում։ «ԱԱԾ-ում արդեն մի քանի ամիս ընթանում է ծառայողական քննություն, որովհետև նախորդ իշխանությունները, ըստ ծառայողական նյութերի, հեղափոխությունից որոշ ժամանակ առաջ ԱԱԾ-ի նյութեր են ոչնչացրել»,- հայտարարեց Փաշինյանը։

Հարցին, թե ի՞նչ կարևորության նյութերի մասին է խոսքը, վարչապետը արձագանքեց ծիծաղելով. «Որ ոչնչացրել են՝ ի՞նչ իմանանք։ Հիմա ծառայողական քննություն է ընթանում, չեմ կարող ասել՝ ինչ արդյունքներ կլինեն։ Բայց կարող եմ ասել, որ նախկին իշխանությունները հեռանալուց առաջ նյութեր են ոչնչացրել։ Ես իրավաբան չեմ, բայց իմ քաղաքական գնահատականն այն է, որ դա հանցագործություն է, որովհետև էդ նյութերն իրենց սեփականությո՞ւնն էր, որ ոչնչացրել են։ Այդտեղ կարող էին լինել նյութեր բազմաթիվ բաների մասին»։

Իրավապաշտպան Ավետիք Իշխանյանը, «Առաջին լրատվական»-ի հետ զրույցում անդրադառնալով վարչապետի հայտարարությանը, նշեց, որ այս հայտարարությունը չափազանց պատասխանատու հայտարարություն է, և այս հայտարարոթւյանը պետք է հաջորդի կոնկրետ գործողություններ: «Եթե նման կարգի բաց հայտարարություն է արվել, ապա լրագրողները, հանրությունը պետք է հետամուտ լինեն վերջնական արդյունքին։ Սա շատ լուրջ է, երբ վարչապետն է հայտարարում, որ ԱԱԾ-ում փստաթղթեր են ոչնչացվել։

Մարդ միանգամից դետեկտիվ ֆիլմ է պատկերացնում, թե ինչպես են բուխարիում փաստաթղթեր այրվում, և միանգամից ընկնում ես դավադրությունների տեսության դաշտ։ Ինձ համար ամենակարևորն այն է, որ հետագայում սա բացահայտվի, հետևանք ունենա։ Չնայած սա կապված է ԱԱԾ-ի հետ, բայց եթե ասվել է, ապա պետք է հետագայում ասվի, թե ինչ եղավ։ Չլինի այնպես, որ ընդհանուր պատասխաններ հնչեն, թե ծառայողական քննությունը տվել է իր արդյունքը, մարդիկ պատասխանատվության են ենթարկվել։ Պետք է ասվի, թե ով է արել և ում հրահանգով, և արդյոք այդ մարդիկ ենթարկվե՞լ են պատասխանատվության»,- ասաց Իշխանյանը։

Անդրադառնալով հարցին, թե ի՞նչ տիպի փաստաթղթերի մասին կարող է մոտավորապես խոսք լինել, իրավապաշտպանը նշեց, որ դա դժվար է ասել։ Դրանք կարող են լինել տարբեր պաշտոնյաների, տարբեր անձանց նկատմամբ կոմպրոմատներ, դրանք կարող են լինել տեղեկություններ գործակալների ցանցի վերաբերյալ, կարող են լինել արտասահմանյան գործակալների ցանցի մասին տեղեկություններ։ «Դժվար է հստակ պատասխանել այս հարցին, բայց հստակ է, որ դրանք, ըստ էության, ոչնչացվել են անցած տարի այս օրերին, երբ ԱԺ մեծամասնությունը որոշեց վարչապետ ընտրել Փաշինյանին»,- ասաց Իշխանյանը։

Իրավապաշտպանը նաև ընդգծեց, որ հեղափոխությունից հետո ԱԱԾ-ում փոխվել է միայն ԱԱԾ տնօրեն Գեորգի Կուտոյանը։ Մնացածը չեն փոխվել։ Եվ դժվար է ասել՝ այդ նյութերը, փաստաթղթերը ոչնչացրել է անձամբ Կուտոյա՞նը, թե՞ այսօրվա շատ այլ աշխատակիցներ, ովքեր աջակցել և աջակցում են Կուտոյանին։

«Սա նույնպես լուրջ հարց է։ Բայց թիվ մեկ պատասխանատուի հարցում մի քանի մոտեցում կարող է լինել։ Եթե այդպիսի դեպք եղել է, ապա հիշեք, որ ԱԱԾ-ն վարչապետին կից կառույց է, իսկ նախկինում՝ նախագահին կից։ Հետևաբար հստակ է, որ Կուտոյանը այդ քայլին ինքնուրույն չէր գնա։ Դա արվել է հանձնարարությամբ։ Այնպես որ՝ պատասխանատուները կարող են շատ լինել»,- եզրափակեց Իշխանյանը։

«Վելես» իրավապաշտպան կազմակերպության նախագահ Մարինա Պողոսյանի համար թեև շատ անհասկանալի է, թե ինչպես էր հնարավոր ԱԱԾ-ում նյութեր ոչնչացնել, բայց մի բան հստակ է, որ դրա թիվ 1 պատասխանատուն ԱԱԾ նախկին ղեկավար Կուտոյանն է։ «Եթե ասում են՝ որոշ նյութեր, նշանակում է, որ որոշակի պատկերացւոմ կա, թե ինչ նյութերի մաիսն է խոսքը։ Այսինքն՝ այդ նյութերը պետք է լինեին, բայց չկան։ Եվ հետո՝ դժվար թե այդ նյութերը վերաբերեն հասարակ բանվորի կամ լրագրողի։ Ակնհայտ է, որ դրանք վերաբերել են նախկին իշխանություններին, ղեկավարությանը։ Այդ նյութերը կարող էին վերաբերել Հոկտեմբերի 27-ին, գուցե նաև ինչ-որ կերպ՝ Մարտի 1-ին։ Մի բան հստակ է, որ ԱԱԾ նախկին ղեկավարը պետք է քրեական պատասխանատվության ենթարկվի՝ անկախ նրանից, թե ով է նյութերը վերացրել»,- ասաց տիկին Պողոսյանը՝ հավելելով, որ նման հայտարարություններն իր մեջ որոշակի կասկածներ են առաջացնում ԱԱԾ-ի հետ կապված: «Մե՛կ ԱԱԾ պետին են գաղտնալսում, մե՛կ ԱԱԾ-ում նյութեր են ոչնչացվում… Սա արդեն լուրջ է, և ես լուրջ մտահոգություն ունեմ, թե ԱԱԾ կոչվող կառույցը ունա՞կ է ապահովելու մեր երկրի ազգային անվտանգությունը»,- եզրափակեց իրավապաշտպանը։

https://www.1in.am/2556395.html[:]

[:am]Պետական վերահսկողության ծառայության ղեկավարի տեղակալ Արգիշտի Քյարամյանը համառորեն չի ցանկացել պատասխանել, թե 28 տարեկանում ինչպես է կարողացել կուտակել 32 միլիոն դրամ և 46 հազար դոլար։ Լրագրողների կողմից հնչեցրած այդ հարցին նա պատասխանել է, որ էթիկայի տեսանկյունից նպատակահարմար և ճիշտ չի գտնում դա քննարկել։

«Առաջին լրատվական»-ի հարցին՝ ի՞նչ կասեք, եթե այն քննարկենք ոչ թե էթիկայի, այլ օրենքի տեսանկյունից, «Վելես» իրավապաշտպան կազմակերպության նախագահ Մարինա Պողոսյանը պատասխանեց․ «Ես չեմ զարմանում։ Իսկ ո՞ր մեկն է պատասխանել։ Մեր երկրում մենք ունենք շատ լավ նախադեպ՝ Վաչագան Ղազարյանը, որն ասաց՝ այդ 1 միլիարդը ընկերս է տվել Ռուսաստանից, և նպատակահարմար չեմ գտնում ասել և այլն։ Երեկ ես կարդացի, որ նույն Վաչագան Ղազարյանը վարչական դատարան էր դիմել, որովհետև գտնում է, որ դա էթիկայի նորմերին չի համապատասխանում։ Այսինքն՝ պատկերացնում եք, սա ցինիկության գագաթնակետն է։ Մենք ունենք օրենքներ, բայց ցավում եմ, որ դրանք ի կատար ածող չունի՝ երևի գործիքակազմը չունենք, կամ՝ քաղաքական կամքը»։

Մարինա Պողոսյանը նաև հավելեց․ «Եթե մենք պայքարում ենք կոռուպցիայի, փողերի լվացման դեմ, ապա մենք բոլորս պարտավոր ենք իմանալ պետական պաշտոնյաների գումարների ծագման աղբյուրները, որովհետև շուրջ 30 տարի է մեզ մոտ բոլոր պետական պաշտոնյաները հենց պաշտոնի են անցնում, չգիտես, թե որտեղից իրենց կանայք սկսում են հարստանալ։ Ինչ վերաբերում է Քյարամյանին, ապա նա ունի հստակ աշխատավարձ, և չեմ կարծում, որ այս կարճ ժամանակահատվածում նա աշխատել է այդ գումարները։ Եթե կտակ է ստացել կամ այլ նվիրատվություններ, ապա գուցե դրանց աղբյուրները ցույց տա։ Գիտեք, ես միշտ ասել եմ՝ մեր երկրի դատախազը տեղում չի»։

Մանրամասները՝ տեսանյութում։

https://www.youtube.com/watch?v=h7-zh7ePxbs[:]

[:am]https://www.youtube.com/watch?v=A3mKSAULXp0[:]

[:am]

Վերաքննիչ  դատարանը մասնակի  բավարարել է  Սյունիքի բաժնում խոշտանգման ենթարկված  Հասմիկ Սարգսյանի  ներկայացուցչի բողոքը։  Դատավոր Ռուբիկ Մխիթարյանը ճանաչել է  Հասմիկ Սարգսյանի իրավունքների եւ ազատությունների խախտման փաստը եւ գործն ուղարկել է   Հատուկ քննչական ծառայություն՝ արդյունավետ քննության։  Այս մասին տեղեկացրեց նրա ներկայացուցիչ, փաստաբան  Արա Ղարագյոզյանը։

Հասմիկ Սարգսյանի հաղորդման հիման վրա ՀՀ հատուկ քննչական ծառայությունում 2018թ. ապրիլի 12-ին հարուցվել է քրեական գործ՝ պաշտոնեական լիազորությունները գերազանցելու հատկանիշներով, սակայն որոշ ժամանակ անց՝ 02.07. 2018 թ. Հատուկ քննչական ծառայության քննիչը որոշում էր կայացրել քրեական գործի հարուցումը կարճելու մասին։

Կարճման որոշումը ստանալով՝ Արա Ղարագյոզյանը խոշտանգման փաստով ոչ պատշաճ քննության վերաբերյալ  բողոք էր ներկայացրել։ Երեւան քաղաքի ընդհանուր իրավասության դատարանի դատավոր Դավիթ Բալայանը մերժել էր  Հասմիկ Սարգսյանի ներկայացուցչի կողմից ներկայացված բողոքը:

Ըստ  Հասմիկ Սարգսյանի՝  ոստիկանության բաժնում ինքը  խոշտանգման էր ենթարկվել, որպեսզի ցուցմունք տար, թե տաս հազար դրամի գողություն է կատարել, այլ ոչ թե չորս հազարի։

Եթե գողոնի չափը կազմեր 4000 դրամ, ապա Հասմիկ Սարգսյանը քրեական պատասխանատվության չէր ենթարկվի, քանի որ նրան վերագրվող հոդվածով  անձը ենթակա է քրեական պատասխանատվության, եթե գողոնի արժեքը 5000 դրամ եւ ավելի է:

https://hahr.am/ARM/%D5%B4%D5%A1%D6%80%D5%A4%D5%B8%D6%82-%D5%AB%D6%80%D5%A1%D5%BE%D5%B8%D6%82%D5%B6%D6%84%D5%B6%D5%A5%D6%80/2012-11-02-09-26-17/2412-%D5%BE%D5%A5%D6%80%D5%A1%D6%84%D5%B6%D5%B6%D5%AB%D5%B9-%D5%A4%D5%A1%D5%BF%D5%A1%D6%80%D5%A1%D5%B6%D5%A8-%D5%B3%D5%A1%D5%B6%D5%A1%D5%B9%D5%A5%D5%AC-%D5%A7-%D5%B0%D5%A1%D5%BD%D5%B4%D5%AB%D5%AF-%D5%BD%D5%A1%D6%80%D5%A3%D5%BD%D5%B5%D5%A1%D5%B6%D5%AB-%D5%AB%D6%80%D5%A1%D5%BE%D5%B8%D6%82%D5%B6%D6%84%D5%B6%D5%A5%D6%80%D5%AB-%D5%A5%D6%82-%D5%A1%D5%A6%D5%A1%D5%BF%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80%D5%AB-%D5%AD%D5%A1%D5%AD%D5%BF%D5%B4%D5%A1%D5%B6-%D6%83%D5%A1%D5%BD%D5%BF%D5%A8?fbclid=IwAR2nfXDxNruxZdrzIMiRNPC8knWUjQN6fxtTfdW1e0lkCp1aEAZ8t1Lseio

[:]

[:am]«Ես ընդունում եմ վարչապետի ասածը, հավատում եմ, որ հնարավոր է, որ նոր Հայաստանում ոստիկանությունը կարող է չծառայել որևէ քաղաքական ուժի կամ անձի։ Ինձ համար արժանահավատ են վարչապետի հայտարարությունները, բայց դրա լավագույն ապացույցը կլիներ այն, որ Փաշինյանը ոստիկանությանը դուրս բերեր իր ենթակայությունից»,-«Առաջին լրատվական»-ի հետ զրույցում ասաց իրավապաշտպան Ժաննա Ալեքսանյանը՝ անդրադառնալով Ոստիկանության 101-ամյակի հանդիսավոր նիստի ժամանակ վարչապետ Նիկոլ Փաշինյանի ելույթին։

Իսկ վարչապետը իր ելույթում հույս էր հայտնել, որ «նոր Հայաստանում ոստիկանությունը նոր բովանդակություն, կերպար կստանա, և դա չի լինի որևէ քաղաքական ուժի, որևէ անձի ծառայելը»։ Վարչապետը նաև հիշեցրել էր, որ ճիշտ 1 տարի առաջ իրենք միասին էին, սակայն փշալարերի տարբեր կողմերում, և այդ փաստն այսօր խիստ խորհրդանշական է։ «Այդ օրվանից մեր հետևությունն այն էր, որ այդ բուն գործընթացը, երբ տեղի ունեցավ հակասության արտահայտիչ ակցիա, այդ ամենի մեջ չկար ոչ մի հատիկ ատելություն: Հենց այս առումով եմ նշանային համարում այդ օրը և կարծում եմ, որ դա սկիզբն է մի նոր բովանդակության ՀՀ ոստիկանության և քաղաքացիների հարաբերությունների միջև՝ այն առումով, որ ՀՀ ոստիկանության գործողությունները ատելություն չպետք է արտահայտեն և առաջացնեն»,- ընդգծել էր վարչապետը։

Իրավապաշտպանը ուշագրավ է համարում Փաշինյանի այս դիտարկումը քաղաքացիների հետ հարաբերությունների մասով ատելության դրսևորումների բացառումը։ «Սա շատ կարևոր է, և ես գործնականում էլ, հեղափոխության օրերին էլ հիշում եմ, որ Փաշինյանը այդ թեզն էր առաջ տանում, որ ատելությունը պետք է բացառել, որ ոստիկանը մերն է։ Ներկայումս էլ ես տեսնում եմ, որ բողոքի ակցիաների, ցույցերի ժամանակ ոստիկանությունը շատ պատշաճ ծառայություն է իրականացնում, բախումների մեջ չի մտնում ցուցարարների հետ ինչպես նախկինում»,-ասաց տիկին Ալեքսանյանը՝ կրկին կարևորելով, որ ոստիկանության հանդեպ լիարժեք վստահություն կառաջանա, երբ այն գործի որպես անկախ կառույց և չենթարկվի վարչապետին։

Նշենք, որ ժամանակ առաջ խոսք էր գնում հենց այս փոփոխությունների մասին, որ ոստիկանությունը կրկին դառնա ներքին գործերի նախարարությունը և ԱԱԾ-ի հետ համատեղ դուրս գա վարչապետի ենթակայությունից։ ԱԺ ներկայացված կառավարության կառուցվածքի վերաբերյալ նախագծում, սակայն, այս փոփոխությունները ներառված չեն։

Ժաննա Ալեքսանյանի խոսքերով, թերևս, ժամանակ է պետք այս փոփոխության համար, ինչպես նշեց վարչապետը՝ երկու տարի։ «Չեմ կարծում, որ վարչապետը ինչ-որ ռիսկեր է տեսնում այս փուլում այդ փոփոխություններին գնալու համար, պարզապես ժամանակ է պետք»,-ասաց նա։

Իրավապաշտպան, «Վելես» ՀԿ նախագահ Մարինա Պողոսյանը, հակառակը, կարծում է, որ հետհեղափոխական Հայաստանում ոստիկանություն չկա, բարձիթողի վիճակ է, և դա զգում և ամեն օր իրենց օրինակով համոզվում են ՀՀ քաղաքացիները։ «Ամենաթողություն է, ոստիկանության աշխատանք բացարձակ չկա։ Ճիշտ է, կաշառքի դրսևորումները գրեթե չկան, բայց աշխատանք էլ չկա։ Միջին օղակի ոստիկանները բացարձակ չեն ուզում աշխատել։ Երեկ զրուցում էի դատախազության մի պաշտոնյայի հետ, նույնն էլ նա էր պնդում, որ շարքային հետաքննիչը չի ուզում աշխատանք անել, պարզապես թղթեր է լրացնում, որ սա է արել, նա է արել և վերջ։ Սա լրջագույն խնդիր է։ Քանի որ այն կառույցը, որի հետ ժողովուրդն առաջինն է շփվում, որից ժողովրդի ակնկալիքներն առավելագույնն են, այդ կառույցում խայտառակ իրավիճակ է, ամենաթողություն, բարձիթողի վիճակ։ Ոստիկանությունն անգործության է մատնված։ Քաղաքացին հաղորդում է ներկայացնում, որից հետո ոչ մի գործողություն չի կատարվում»,- ասաց իրավապաշտպանը՝ հավելելով. «Ներկայումս մեկ այլ ծայրահեղություն է։ Եթե նախկինում ցույցերի ժամանակ մարդ էին ծեծում, հիմա բացարձակ անգործության են մատնված։ Մենք չենք զգում ոստիկանության ներկայությունը, և ոստիկանության հանդեպ բացարձակ վստահություն չկա»։

Մարինա Պողոսյանը ոստիկանության իր նշած անգործությունը բացատրում է մոտիվացիայի պակասով, իսկ նախկինում առկա մոտիվացիան էլ պայմանավորված էր կաշառքով, բացի դրանից՝ պրոֆեսիոնալ կադրերի պակաս կա։ «Բացի դրանից՝ շատ կարևոր է նաև ոստիկանապետի գործոնը։

Մենք պետք է հասկանանք, թե ով է նշանակվել ոստիկանապետ։ Նա օպերատիվ հետախուզական աշխատանքի ոչ մի փորձ չունի, այլ ընդամենը եղել է ցույց ցրող։ Հիմա էլ ցույց չկա, և նա կորցրել է իր վերահսկողությունը։ Ոստիկանապետի ֆակտորը շատ կարևոր է։

Ոստիկանությունն այն կարգի վատ է աշխատում, որ շատացել են գողությունները՝ մեքենաներից, տներից, քաղաքում օրը ցերեկով կրակոցներ են հնչում, պետավտոտեսչություն գրեթե չկա, օրը ցերեկով մարդիկ երթևեկությունը կանգնեցնում և պտույտներ են գործում։»,- ընդգծեց իրավապաշտպանը։

https://www.1in.am/2543846.html?fbclid=IwAR1ni01DQF3bEpQpnV2v12J-qti23KIX0b5RVYKI3JCrmO9R0mEQVKCRtt0[:]

[:am]Երևանի ընդհանուր իրավասության դատարանը որոշել է բավարերել ՀՔԾ քննիչի միջնորդությունը՝ ՀՀ դատական ակտերի նախկին գլխավոր հարկադիր կատարող, ՀՀԿ-ական նախկին պատգամավոր Միհրան Պոսոսյանին կալանավորելու մասին։

«ժողովուրդ»-ի  փոխանցմամաբ` Պողոսյանը հասցրել է ՀՀ-ից ճողոպրել ճիշտ այնպես, ինչպես ԱԺ ՀՀԿ խմբակցության մեկ այլ նախկին պատգամավոր Արամ Հարությունյանը, որ մեղադրվում է բնապահպանության նախարար ժամանակ խոշոր չափերի կաշառք վերցնելու համար. «Այս գործերը մեկ ընդհանրություն էլ ունեն. քրեական գործերը հարուցվել էին, երբ ՀՀ գլխավոր դատախազը Գեւորգ Կոստանյանն էր, բայց Արթուր Դավթյանի օրոք` ՀՀԿ իշխանության ժամանակ, գործերը կարճվել էին: Հիմա վերաբացվում են, բայց հիմնական մեղավորները արդեն հասցրել են հեռանալ ՀՀ-ից»-գրում է թերթը:

Politik.am-ի հարցին, թե ինչպե՞ս կգնահատեք այն, որ կալանավորման որոշումը կայացվում է ենթադրյալ հանցագործի երկրից հեռանալուց հետո, «Վելես» իրավապաշտպան հասարակական կազմակերպության ղեկավար Մարինա Պողոսյանը ասաց, որ Միհարն Պողոսյանի երկրից հեռանալը նոր բան չէ: Ստացվում է այնպես, որ այդ հանցագործների հետ նախնական համագործակցություն կա.

«Այս թատրոնին շատ վատ եմ վերաբերվում: Թե՛ Արթուր Դավթյանը, թե՛ Միհրան Պողոսյանը տարիներ շարունակ իրենց տեղում են, այդ դեպքում ինչո՞ւ անցյալ տարի գործը կարճվեց և չկալանավորեցին Պողսյանին: Եթե այսօր Միհրան Պողոսյանը կալանավորվեր, նա միանշանակ ասելու էր, թե դատախազը իր վերաբերյալ հարուցված դատական գործը ինչից ելնելով  է կարճել: Այս թատրոնը ավարտել է պետք: Նման նախադեպերից կարելի է եզրակացնել, թե բոլորի ասում են դու երկրից գնա, մենք հետախուզում կհայտարարենք կամ այլ կերպ ասած` դու փախի, հետևիցդ վազեմ: Եթե Միհրան Պողոսյանն ու Արամ Հարությունյանը Արթուր Դավթյանի օրոք հանցագործություններ են կատարել, ապա պատասխանատվությունը դատախազինն է: Սա իրավական աճպարարարություն է ժողովրդին խաբելու համար»:

http://politik.am/du-erkric-gna-menq-hetakhuzum-khaytararenq-marina-poxosyany-mihran-poxosyani-gortsi-masin[:]

[:am]https://www.youtube.com/watch?v=AklE9NMxHZg

Ապրիլի 16-ին ժամը՝ 13.00-ին «Նոյյան Տապան» լրատվական գործակալության մամուլի սրահում տեղի ունեցավ ասուլիս՝ իրավապաշտպանների մասնակցությամբ։

[:]