[:am]https://www.youtube.com/watch?v=BeRFxt3hS34

https://www.youtube.com/watch?v=BeRFxt3hS34[:]

[:am]

Վերջերս համացանցում տարածվեց տեսանյութ, որում օրենքով գող Արմեն Ղազարյանը (Պզո) և նրա թիկնապահները վիրավորում և հայհոյում էին ոստիկաններին, սակայն վերջիններս որևէ կերպ չէին արձագանքում այդ ամենին: Ոստիկանության Կենտրոնի բաժնի պետ Արման Պապյանը նշել էր, որ տեսանյութը իրենք են նկարահանել, և որ ոստիկանության բաժանմունքից դրա արտահոսքի վերաբերյալ պարզաբանումներ են կատարվում:

Այս առնչությամբ «Վելես» իրավապաշտպան հասարակական կազմակերպության ղեկավար Մարինա Պողոսյանը «Առաջին լրատվական»-ի հետ զրույցում ասաց. «Ողբալի ու ցավալի է, որ Արման Պապյանը մտածում է, թե արտահոսքը որտեղից է եղել: Այսինքն՝ իրեն հետաքրքրում է արտահոսքը, ոչ թե այն, ինչ եղել է: Դրանից հետո Արման Պապյանը մինիմում կարող էր գնալ Պզոյի թիկնապահ աշխատեր կամ կողքը կանգներ»:

Նրա խոսքով՝ ոստիկաններն են այդ անձնավորությանը թույլ տվել նման կերպ իրեն պահել. «Պարզ չէ, թե ինչ գումարի դիմաց: Սա ևս մեկ անգամ ցույց է տալիս, որ այնտեղ ոստիկանություն գոյություն չունի. նրանք ընդամենը մանր-մունր մարդիկ են՝ գողերի դեմ չոքող ու կռացող: Մնում է Պզոն վրաներից հավալա խաղար. լավ ա անում՝ բան չասեցի: Փողը տվել է՝ ինչ ուզի կանի: Բա լավ՝ չկաք-չկաք, էսքան էլ չկա՞ք»:

Մարինա Պողոսյանը նշեց, որ ճիշտ կանի՝ ոստիկանապետն էլ հրաժարական տա. «Որովհետև ոստիկանությունը ծառայում է «գող» ասված հասկացությանը: Եթե լիներ մի խեղճուկրակ մարդ, կերել էին, գործ էին սարքել, գործը չէին սարքել՝ փող էին վերցրել»:

Ինչ վերաբերում է կառավարության որոշմանը՝ հաստատել Քրեական օրենսգրքում փոփոխությունները և լրացումները, մեր զրուցակիցն ասաց. «Իհարկե, ողջունում եմ այդ որոշումը, բայց մենք ի՞նչ է՝ օրենք չունեինք: Ունենք, բայց օրենքը չկիրառվեց: Եվ եթե հիմա 14 հատ նոր օրենք ընդունեն, բայց այդ նոր օրենքը կիրառողները լինեն Կենտրոնի ոստիկանապետ Պապյանն ու հանրապետության ոստիկանապետ Օսիպյանը, որևէ բան չի փոխվի»:

© 1in.am[:]

[:am]Կառավարության վերջին նիստում հավանության արժանացան «Քրեական օրենսգրքում փոփոխություններ և լրացումներ կատարելու մաuին» և «Քրեական դատավարության օրենսգրքում լրացում կատարելու մասին» օրենքների նախագծերը: Դրանց ընդունմամբ, ըստ արդարադատության նախարարի, հնարավորություն է ստեղծվելու առավել արդյունավետ, լիարժեք և վճռական պայքար մղել քրեական ենթամշակույթ երևույթի գոյությունը բացառելու ուղղությամբ՝ այդպիսով ապահովելով հասարակական անվտանգությունն ու պետության կողմից սահմանված վարքագծի համապարտադիր կանոնների պահպանումը: «Վստահեցնում եմ, որ քրեական ենթամշակույթի դեմ պայքարը չի սահմանափակվելու միայն օրենսդրական փոփոխություններով, ձեռնարկվելու են գործնական այլ քայլեր, որոնք կօգնեն քրեական ենթամշակույթի դեմ մղել համալիր պայքար»,- ընդգծել է Ռուստամ Բադասյանը։

Վարչապետ Նիկոլ Փաշինյանն էլ կառավարության նիստում հիշեցրեց, որ Քրեական օրենսգրքի այս փոփոխությունների նախագծի բովանդակությունը կարճ կարելի է բնորոշել այսպես՝ «Вор должен сидеть в тюрьме»։ «Խոսքն օրենքով գողերի, սխոդկաների, օբշյագների մասին է։ Այս օրենքի ընդունման նպատակն այն է, որ այս ամենի հետ առնչություն ունեցող մարդիկ ենթարկվեն քրեական պատասխանատվության: Սա շատ տրամաբանական օրենքի նախագիծ է: Այս ենթամշակույթի մարդիկ բանտը համարում են իրենց տունը, հետևաբար նրանց պետք է ուղարկել իրենց տուն՝ ապրելու»:

Նախագծով առաջարկվում է քրեական պատասխանատվություն նախատեսել օրենքով գողի կարգավիճակ տալու, ստանալու կամ պահպանելու համար, քրեական ենթամշակույթ կրող խմբավորում ստեղծելու կամ ղեկավարելու համար: Նախագծով խրախուսական նորմ է սահմանված այն անձանց համար, ովքեր կօգնեն բացահայտել նման խմբավորումներ:

Քրեական պատասխանատվություն է նախատեսվում նաև օրենքով գողերին դիմելու համար, եթե վերջիններիս դիմում են անօրինական քայլեր կատարելու համար: Եթե վերոնշյալ հանցագործությունները կատարվել են ՔԿՀ-ներում, ԶՈւ-երում, անչափահասների ներգրավմամբ, պատիժը կլինի ավելի խիստ:

Իրավապաշտպան, «Վելես» հասարակական կազմակերպության նախագահ Մարինա Պաղոսյանը այս օրենքի նախագծի ընդունումը դրական քայլ է համարում քրեական ենթամշակույթի դեմ պայքարում, բայց ոչ բավարար։ Նա համակարծիք է վարչապետի հետ, որ գողերի տեղը բանտում է։ «Փաստ է, որ մեր հասարակության մեջ հակում կա դեպի քրեական ենթամշակույթը, գող կոչվող անձնավորությունների նկատմամբ։ Հիմա մեր երկրում, մեր հասարակության մեջ ոչ թե քրեական ենթամշակույթը պետք է փոխել, այլ պետք է փոխել մեր երեխաների դաստիարակությունը, եթերից արգելել այդ քրեական ենթամշակույթ քարոզող ֆիլմերը, սերիալները, որոնց տակ հիմա դաստիարակվում են մեր երեխաները։ Եթերից ամեն օր դա է քարոզվում։ Այդտեղից պետք է սկսել քրեական ենթամշակույթի դեմ պայքարը»,- «Առաջին լրատվական»-ի հետ զրույցում ընդգծեց իրավապաշտպանը։

Հաջորդ հարթակը, որտեղից պետք է սկսել այդ երևույթի դեմ պայքարը՝ քրեակատարողական հիմնարկներն են։ «ՔԿՀ-ներից պետք է մաքրել զոն նայող հասկացությունը։ ՔԿՀ-ներում չպետք է լինեն զոն նայողներ։ Ես գործի բերումով ամեն օր լինում եմ ՔԿՀ-ներում և ականատես եմ լինում, որ զոն նայողը բանտում ավելի մեծ ազդեցություն ունի, քան հենց բանտապետը։ Այստեղից պետք է սկսել խնդրի լուծումը»,- ասաց Պողոսյանը՝ հավելելով. «Այս օրենքի նախագիծը ես համարում եմ որոշակի առաջխաղացում, բայց այն բավարար չէ։ Մենք այսօր շատ օրենքներ ունենք, որոնք չեն գործում, մնացել են թղթի վրա։ Բայց կարծում եմ՝ առանձին օրենք պետք չէր, որ հասկանալի լինի, որ երկրի առաջին դեմքը կամ, ասենք, ոստիկանապետ Գասպարյան Վովան չպետք է գնար օդանավակայան օրենքի գողին դիմավորելու համար։ Օրենք պետք չէր, որ ինքը հասկանար, որ ինքն ի պաշտոնե գող դիմավորող չէ, «Մարիոթում» գողի համարի փող տվող չի և այլն։ Այնպես որ, այնքան օրենքի խնդիր չէ, որքան գիտակցության։ Ինչևէ, օրենքը համարում եմ դրական և հուսով եմ, որ հնարավոր կլինի այն կիրառել, և օրենքով գողերի գերակայությունից անցնենք օրենքի գերակայության երկրի»,- ընդգծեց Մարինա Պողոսյանը։

Մեր զրուցակցի խոսքերով՝ ներկայումս էլ, եթե օրենք է ընդունվում, ապա այդ օրենքի կիրառությունը՝ քրեական ենթամշակույթի դեմ պայքարը, պետք է տանի ոստիկանությունը, որը նախկինում էլ, ներկայումս էլ այս կամ այն կերպ սերտաճած է այդ կատեգորիայի հետ։

Հետևաբար, լուրջ արդյունքներ այս ճանապարհին դժվար է պատկերացնել։

Փաստաբան Ալեքսանդր Սիրունյանը իրավական բազմաթիվ անորոշություններ է տեսնում այս օրենքի նախագծում և կարծում, որ վաղ է ուրախանալ, թե այսպիսով հնարավոր կլինի պայքարել քրեական ենթամշակույթի, օրենքով գողերի դեմ։ «Իրավական անորոշություններով լի մի հերթական հոդված է ավելանում Քրեական օրենսգրքում։ Պատահական չէր կառավարության նիստում գլխավոր դատախազի ուրախությունը»,- մեզ հետ զրույցում ասաց Սիրունյանը։

«Սոցիալական արդարություն» ՀԿ նախագահ Արշակ Գասպարյանը ավելի վաղ «Առաջին լրատվական»-ի հետ զրույցում ասել էր, որ այս օրինագիծն ունի դրական և բացասական կողմեր։ Դրականն այն է, որ անձինք, ովքեր հասարակությունում և ՔԿՀ-ներում քրեական ենթամշակույթի, քրեական վարքի ջատագով են, նրանց նկատմամբ պետք է լինի կոնկրետ քրեաիրավական վերաբերմունք։ Մի դեպքում ազատազրկման ձևով, մյուս դեպքում, եթե անձը ՔԿՀ-ում է, հետաձգել նրա՝ պատժից պայմանական ազատ արձակման հարցը։
«Սա լավ է այն տեսանկյունից, որ եթե քրեական ենթամշակույթի կրողները փորձեն այն տարածել հասարակության մեջ կամ բանտերում, ապա նրանց նկատմամբ կլինի քրեաիրավական վերաբերմունք»,- ասաց Գասպարյանը։

Նախագծի խնդրահարույց մասը, ըստ մեր զրուցակցի, այն է, որ, օրինակ, շատ դժվար է լինելու բացահայտել քրեական հեղինակություն ասվածին։ Ցուցիչները, չափորոշիչները, որով դատարանը պետք է որոշում կայացնի՝ տվյալ անձը քրեական հեղինակությո՞ւն է, թե՞ ոչ, որոշակի դժվարություններ է առաջ բերելու։

Ամեն դեպքում, Գասպարյանի խոսքերով, հանցավորության նվազեցմանը միտված նախագծի անհրաժեշտությունը կա։ «Հանցավորությունը տասնյակ տարիներ մեզանում եղել է հինգերորդ իշխանություն։ Այդ մարդիկ արմատացած են եղել թե՛ բիզնեսում, թե՛ պետական իշխանության տարբեր ճյուղերում, և այսօր դրանց արմատախիլ անելը կարող է շատ բարդ լինել։ Իրենք այնքան շատ են, որ եթե հիմա ինչ-որ մեկին անվանենք քրեական հեղինակություն և պատժենք նրան, չենք կարող մտավախություն չունենալ, որ մոտեցումը կարող է խիստ սուբյեկտիվ գնահատականների արժանանալ։ Բացի դրանից՝ ուզում եմ ընդգծել, որ միայն պատժելով հնարավոր չէ հանցավորության դեմ պայքարել և արդյունք ունենալ։ Պետք է կարողանալ ընդհանուր կանխարգելում իրականացնել, բայց կառավարության ծրագրում որևէ բառ չկար հանցավորության նվազեցման մասին։ Իսկ եթե դու չես կանխարգելում հանցավորությունը, զուտ նվազեցումը, պատիժը դառնալու է մահակային գործողություն»,- ընդգծել էր Գասպարյանը՝ ավելացնելով, որ այս օրենքը ուժի մեջ մտնելուց հետո, ամեն դեպքում, մեր բանտերում կլինեն օրենքով գողեր, քրեական ու թաղային հեղինակություններ, նախկին զոն նայողներ։

https://www.1in.am/2616496.html[:]

[:am]https://www.youtube.com/watch?v=9ew20plWIG4

https://www.youtube.com/watch?v=9ew20plWIG4&list=PLBQ-OB3QrXZKTUrZUVr4nSvpY8S6xxZ4r[:]

[:am]

Ֆեյսբուք սոցիալական ցանցի միջոցով իրավապաշտպանին տրված սպառնալիքների առթիվ ՀՀ ոստիկանությունը հարուցել է քրեական գործ

։ «Վելես» իրավապաշտպան հասարակական կազմակերպության նախագահ Մարինա Պողոսյանը սպառնալիքներ հաճախակի է ստանում իր մասնագիտական գործունեության պատճառով։ Վերջին անգամ նրա դեմ առցանց հարձակում էին գործել Ոստիկանության ծառայող Սևան Նազարյանի ընտանիքի անդամներն ու հարազատները (Անի Նազարյան, Արմին Նազարյան-Վարդանյան, Մարինա Վարդանյան)՝ հնչեցնելով սպառնալիքներ և սեռական բնույթի հայհոյանքներ։ Ոստիկանի մտերիմներին զայրացրել էր այն փաստը, որ Մարինա Պողոսյանը հրապարակայըն քննադատել էր Սևան Նազարյանի մասնագիտական անգործությունը։ Դրան նախորդել էր իրավապաշտպանի մեքենայի պարբերաբար դիտավորյալ վնասումը, որի վերաբերյալ 26.04.2019թ. հաղորդումը կոծկվել էր Ոստիկանության Արաբկիրի բաժնի կողմից։

Մարինա Պողոսյանը նոր հաղորդում էր ներկայացրել կատարվածի վերաբերյալ։ «Հակակոռուպցիոն բլոգը» ստացել է ՀՀ ոստիկանության կազմակերպված հանցավորության դեմ պայքարի գլխավոր վարչության 3-րդ վարչության պետ Ա․ Պետրոսյանի գրությունը, որով տեղեկացվում է, որ սպանության, առողջությանը ծանր վնաս պատճառելու սպառնալիքի առևերույթ հանցագործության դեպքի առթիվ հարուցվել է քրեական գործ:

https://acblog.am/wp-content/uploads/%D5%80%D5%80-%D5%88%D5%BD%D5%BF%D5%AB%D5%AF%D5%A1%D5%B6%D5%B8%D6%82%D5%A9%D5%B5%D5%A1%D5%B6-%D4%BF%D5%80%D4%B4%D5%8A%D4%B3%D5%8E-%D5%B8%D6%80%D5%B8%D5%B7%D5%B8%D6%82%D5%B4%D5%A8.pdf

Continue reading at https://acblog.am/?p=3730 | AntiCorruption[:]

[:am]«Ավելի վատ նշանակումներ չէին կարող լինել. վատագույններին են նշանակում ավելի բարձր պաշտոնների»,- այս մասին «Առաջին լրատվական»-ի հետ զրույցում ասաց իրավապաշտպան Մարինա Պողոսյանը՝ անդրադառնալով դիտարկմանը, որ կարծես թե ԱԺ-ի կողմից արդեն վերջնականորեն ձևավորվել է ԲԴԽ-ն: «Այսօր ԲԴԽ ղեկավար է դարձել մի անձ, որը տարիներ շարունակ զբաղված է եղել գաղտնասլումների, արտաքին, ներքին դիտումների վերաբերյալ ապօրինի՝ հետին թվով որոշումներ կայացնելով»,- նշեց իրավապաշտպանը:

Մարինա Պողոսյանը տեղեկացրեց, որ վերջերս հաղորդում է ներկայացրել հանցագործության վերաբերյալ, որը վերաբերում է ԲԴԽ ղեկավար Ռուբեն Վարդազարյանին, որպես քաղաքացի, ոչ թե որպես կազմակերպության ղեկավար: «Հարց է առաջանում՝ ինչո՞ւ է Ռ. Վարդազարյանը հայտնվել ԲԴԽ-ում. շատ ու շատ ծառայություններ մատուցելու համա՞ր: Ես վստահ եմ, որ նա ունի կոմպրոմատներ շատերի վրա»,- նշեց «Առաջին լրատվական»-ի զրուցակիցը՝ հավելելով, որ նա ընտրվել է իր «սեկտայի» կողմից, որի անդամների հետ տալ-առել է ունեցել, կեղտոտ գործառույթներ է իրականացրել»:

«Որևէ բանի առաջ կանգ չենք առնելու, որպեսզի նման մարդիկ չընտրվեն այդպիսի պաշտոններում»,- ընդգծեց իրավապաշտպանը:

[:]

[:am]

ՀՀ Վերաքննիչ քրեական դատարանը (նախագահող դատավոր Կ. Մարդանյան) բավարարել է փաստաբան Դավիթ Գյուրջյանի վերաքննիչ բողոքը:

Հիշեցնենք, որ «Վելես» ՀԿ-ի նախաձեռնությամբ 2018թ. օգոստոսի 29-ին չորս քաղաքացիներ դիմել են Հատուկ քննչական ծառայության պետին՝ խնդրելով իրենց ճանաչել տուժող մարտի 1-ի գործով, քանի որ Ռ․Քոչարյանի և մի շարք այլ անձանց կողմից Հայաստանի Հանրապետության սահմանադրական կարգի տապալման (ըստ առաջադրված մեղադրանքի) արդյունքում սահմանափակվել է ՀՀ քաղաքացիների՝ խաղաղ հավաքներին մասնակցելու իրավունքը՝ նրանց հասցնելով բարոյական վնաս։

[:]

[:am]

http://nt.am/am/news/271143/[:]

[:am]

Հայաստանից հեռացած Ալավերդիի բնակիչ Արմեն Հարությունյանը «Հակակոռուպցիոն բլոգ»-ին տված բացառիկ հարցազրույցում պատմել է, թե ինչպես է Հատուկ քննչական կոմիտեի պետի նախկին տեղակալ Վահագն Հարությունյանը փորձել ստիպել իրեն կեղծ ցուցմունքներ տալ ալավերդցի Վահագն Աբգարյանի դեմ։ «Ասաց՝ հենց հմի գրի, որ Վահագ Աբգարյանն ա քեզ ասել, որ դու սպանություն անես, հենց հիմա քեզ բաց եմ թողնում, ու քեզ ոչ մեկ չի կարա բան ասի։ Ես էլ ասի՝ ո՞նց կարամ տենց բան ասեմ, եթե նման բան չի եղել, մարդու վրա ո՞նց շառ անեմ»,- պատմել է Արմեն Հարությունյանը։ Նշենք, որ Վահագն Հարությունյանը գտնվում է հետախուզման մեջ, քանի որ նա «Մարտի 1»-ի գործով ներգրավված է որպես մեղադրյալ։ Հիշեցնենք, որ Վահագն Հարությունյանի կատարած խոշտանգումների և տված հայհոյանքների մասին «Հակակոռուպցիոն բլոգ»-ին պատմել էին նաև Գուրգեն Խաչիկյանն ու Արմեն Խաչատրյանը, իսկ կալանավայրում գտնվող Արթուր Շահվերդյանին դարձյալ Վահագն Աբգարյանի դեմ կեղծ ցուցմունքներ կորզելու նպատակով փորձել էր կաշառել, ապա սպառնացել էր ՀՀ ոստիկանապետի նախկին տեղակալ Անուբախ Համբարյանի որդին՝ քննիչ Հովհաննես Համբարյանը։ Քննչական մարմինները դեռ չեն պարզել, թե պաշտոնական անձին ինչու են նման շահագրգռվածությամբ փորձել ցուցմունքներ կորզել Վահագն Աբգարյանի դեմ, և ով է այս ամենի պատվիրատուն։

Մանրամասները՝ տեսանյութում։

ՀԳ – «Հակակոռուպցիոն բլոգ»-ը շարունակում է սեփական հետաքննությունը Ալավերդիի քրեական կծիկը քանդելու նպատակով։ Արման Ղարիբյան

Continue reading at https://acblog.am/?p=3699 | AntiCorruption[:]

[:am]

Սասնա Ծռեր համահայկական կուսակցության Քարտուղարության հայտարարությունը
Դատապարտում ենք իրավապաշտպանի նկատմամբ հալածանքը

1 օգոստոսի 2019 թ. Երևան

Իրավապաշտպան Մարինա Պողոսյանը տարիներ շարունակ հանդես է գալիս հատկապես ոստիկանության պաշտոնյաների ապօրինությունների դեմ և պայքարում է նրանց բռնություններից տուժած քաղաքացիների իրավունքների համար։ Չնայած իր նկատմամբ համակարգված կերպով իրականացված սպառնալիքներին, հալածանքին և նույնիսկ շինծու քրեական հետապնդումներին, նա մնացել է իր բարձունքում և շարունակել իրավապաշտպան գործունեությունը։ Խիստ մտահոգությամբ արձանագրում ենք, որ նախկին հանցավոր ռեժիմի տապալումից հետո՝ արդեն հեղափոխական կոչվող իշխանությունների օրոք, շարունակվում են իրավապաշտպանի նկատմամբ համակարգային հալածանքն ու սպառնալիքները։ Այդ գործում հիմնական դերակատարը ոստիկանությունն է, որ ինչպես և մյուս իրավապահպան մարմինները, չենթարկվեց անհրաժեշտ արմատական բարեփոխման և շարունակում է գործել իր օդիոզ ղեկավարներով ու քրեական բարքերով։ Պարբերական հետևողականությամբ իրավապաշտպանի գույքը վնասելու, նրա հասցեին սպառնալիքներ ուղարկելու դեպքերը, ինչպես նաև այդ գործողությունները կատարող անձանց, որոնց մի մասը հայտնի են, պատասխանատվության ենթարկելու վերաբերյալ նրա հաղորդումներն ըստ էության անտեսելը վկայում են այն մասին, որ հալածանքը կազմակերպված է և հովանավորվում է։ Դատապարտում ենք իրավապաշտպան Մարինա Պողոսյանի նկատմամբ կազմակերպված հալածանքը և մեր զորակցությունն ենք հայտնում նրան։ Գործող իշխանություններից պահանջում ենք երաշխավորել իրավապաշտպանի իրավունքներն ու գործունեությունը և քայլեր ձեռնարկել իրավապահպան մարմինների, այդ թվում՝ քրեաօլիգարխիկ կառավարման համակարգի մահակի դեր կատարած ոստիկանության, արմատական բարեփոխման ուղղությամբ՝ առաջին հերթին այն մաքրելով օդիոզ ղեկավարներից ու քրեական վարքագիծ ունեցող տարրերից։

http://sasnatzrer.am/newspaper/%d5%a4%d5%a1%d5%bf%d5%a1%d5%ba%d5%a1%d6%80%d5%bf%d5%b8%d6%82%d5%b4-%d5%a5%d5%b6%d6%84-%d5%ab%d6%80%d5%a1%d5%be%d5%a1%d5%ba%d5%a1%d5%b7%d5%bf%d5%ba%d5%a1%d5%b6%d5%ab-%d5%b6%d5%af%d5%a1%d5%bf%d5%b4/?fbclid=IwAR2TBs0RdOzZ_CXdOh3SFqrv4–TuHmLCC1zJ2zzW9IN1eAk8_t1Vu6YmBc[:]

[:am]

«Իմ անձնական ազատությունն եմ դրել հեղափոխության համար». Մարինա Պողոսյան

https://www.youtube.com/watch?v=5o7EFh7XEBA&t=19s

 [:]

[:am]

https://www.youtube.com/watch?v=QiCFK6LkXmQ[:]

[:am]

 [:]

[:am]

Երևան քաղաքի ընդհանուր իրավասության դատարանի՝ Շենգավիթ վարչական շրջանում գտնվող նստավայրում Վաչե Մարգարյանի նախագահությամբ պետք է մեկնարկեր Ալբերտ Բլբուլյանի և Արմեն Կարադավիդովի գործի դատական քննությունը:

Խոսքը «Ալավերդցի Վահագի»՝ Վահագն Աբգարյանի և նրա ընկերների դեմ Վերնիսաժի մերձակայքում կատարված մահափորձի գործի մասին է:

Ըստ մեղադրանքի՝ 2017թ. սեպտեմբերի 14-ին «Թուֆենկյան Ավանդական Երևան» հյուրանոցի տարածքում կրակոցներ են հնչել, րոպեներ անց հայտնի է դարձել, որ կրակոցների հետևանքով մեկ անձ սպանվել է, ևս մեկը՝ վիրավորվել: Հրազենային վիրավորում ստացած անձը Ալավերդցի Վահագնն էր՝ 1978թ. ծնված Վահագն Աբգարյանը:

Դեպքից անմիջապես հետո Աբգարյանին տեղափոխել էին «Աստղիկ ԲԿ», կատարվել էր վիրահատության: Կրակոցներից սպանվածը 1974 թ. ծնված Գագիկ Մոսինյանն էր: Նրա ուղղությամբ, ըստ մեղադրանքի, կրակոց էր արձակվել Արմեն Կարադավիդովի կողմից:

Մոսինյանը փորձել էր դեպքի վայրից հեռանալ, սակայն կարճ ճանապարհ անցնելով՝ մահացել էր:

Այս գործով ևս մեկ ամբաստանյալ կար՝ Ռաֆիկ Խ.-ն, ում մասն առանձնացվել ու առանձին էր քննվել նախաքննական մարմնի կողմից: Ըստ մեղադրանքի՝ 60-ամյա Ռաֆիկ Խ.-ն 2017 թվականի ընթացքում նախնական համաձայնության էր եկել ու օժանդակել էր իր մտերիմներ Արմեն Կարադավիդովին և Ալբերտ Բլբուլյանին՝ վերջիններիս կողմից վրեժի շարժառիթով Ալավերդցի Վահագի ու նրան ուղեկցող Գագիկ Մոսինյանի, Արթուր Մ.-ի, Արամ Խ.-ի, Դավիթ Բ.-ի սպանության հանցավոր դիտավորությունն իրականացնելու համար:

Ռաֆիկ Խ.-ն, ըստ մեղադրանքի, իր վարած մեքենայով խմբի անդամներին, ինչպես նաև հանցագործության գործիք հանդիսացող հրազեններն ու ռազմամթերքը դեպքի վայր տեղափոխելու, սպանության ընթացքում առաջացող հնարավոր խոչընդոտները վերացնելու հարցերում օժանդակել էր սպանությունը կատարողներին:

Զինամթերքը, ըստ մեղադրանքի, ձեռք էր բերվել Արմեն Կարադավիդովի և Ալբերտ Բլբուլյանի կողմից, իսկ Ռաֆիկ Խ.-ն «Volkswagen Jetta» մակնիշի ավտոմեքենա էր վարձել օրավարձով: Ավտոմեքենայի համար յուրաքանչյուր օրվա դիմաց պետք է վճարեին 15 000 դրամ:

Դեպքի օրը Վահագն Աբգարյանը և նրան ուղեկցող անձինք՝ Գագիկ Մոսինյանը, Արթուր Մ.-ն, Դավիթ Բ.-ն և Արամ Խ.-ն գնացել էին «Թուֆենկյան Ավանդական Երևան» հյուրանոց, իսկ այդ ընթացքում Ռաֆիկ Խ.-ն, վարելով վարձակալած ավտոմեքենան, հյուրանոցի տարածքում շրջապտույտներ էր կատարել, ապա մեքենան կայանել էր հյուրանոցի կենտրոնական մուտքի դիմաց:

Վաղ առավոտից հյուրանոցի տարածքում ավտոմեքենայում գտնվող Արմեն Կարադավիդովը և Ալբերտ Բլբուլյանն սպասել էին Վահագն Աբգարյանին և նրա ընկերներին, ովքեր նախորդ օրվանից էին գտնվում հյուրանոցում, իսկ երբ նկատել էին, որ Աբգարյանը և ընկերները դուրս են գալիս հյուրանոցից, ըստ մեղադրանքի՝ Արմեն Կարադավիդովը և Ալբերտ Բլբուլյանը ավտոմեքենայից դուրս գալով՝ կրակ էին բացել նրանց ուղղությամբ:

Ռաֆիկ Խ.-ն, ըստ մեղադրանքի, մտերիմներին օժանդակելու նպատակով ևս դուրս էր եկել ավտոմեքենայից, սակայն նա չէր կրակել, իսկ կրակոցներից հետո ընկերների հետ հեռացել էր դեպքի վայրից:

Դեպքից հետո Ռաֆիկ Խ.-ն հետախուզման մեջ էր գտնվել և 2017 թվականի սեպտեմբերի 22-ին էր հայտնաբերվել: Նրա մասով դատական քննությունն ավելի վաղ էր մեկնարկել, սակայն ըստ էության դատաքննություն այդպես էլ տեղի չունեցավ, քանի ուր Ռաֆիկ Խ.-ի առողջական վիճակը վատացավ, և նա անցած տարի մահացավ…

Հետախուզման մեջ են եղել, ապա հայտնաբերվել են նաև այս գործով մյուս երկու մեղադրյալները՝ ծանրացուցիչ հանգամանքներում բուն դիտավորյալ սպանությունն ու սպանության փորձն իրականացնելու, ապօրինի զենք ու ռազմամթերք ձեռք բերելու, պահելու համար՝ ՀՀ քրեական օրենսգրքի 104 հոդվածի 2-րդ մասի 6, 7-րդ, 34-104 հոդվածի 2-րդ մասի 1-ին կետերով, 235 հոդվածի 1-ին մասով մեղադրվող Ալբերտ Բլբուլյանն ու Արմեն Կարադավիդովը: Գործի հենց այս մասով էլ պետք է տեղի ունենար առաջին դատական նիստը, սակայն դատարան չէին ներկայացել դատավարության կողմերը, նույնիսկ երկու ամբաստանյալները չէին ներկայացվել ՔԿՀ-ից:

Դատական այս նիստին ներկայացել էր միայն «Վելես» իրավապաշտպան կազմակերպության ղեկավար Մարինա Պողոսյանը: Նա հայտարարեց, որ այս գործով պետք է ներկայացնի տուժող Վահագն Աբգարյանի՝ Ալավերդցի Վահագի շահերը: Քանի որ դատավարության կողմերը չէին ներկայացել, դատարանը Մարինա Պողոսյանին ներգրավելու հարցը կքննարկի հաջորդ նիստին՝ սեպտեմբերի 6-ին:

Մարինա Պողոսյանը մեր զրույցի ընթացքում իր նկատառումները հայտնեց այս, ինչպես նաև Վահագն Աբգարյանի հետ առնչվող այլ գործերի վերաբերյալ՝ նշելով, որ առաջիկայում հանդես կգա «սկանդալային բացահայտումներով»՝ ներկայացնելով համապատասխան նյութեր, ձայնագրություններ ու հիմնավորումներ: Մասնավորապես, Մարինա Պողոսյանն իր խոսքում անդրադարձավ 2017 թվականի հունիսի 13-ին Վլադիմիր Դ.-ի կողմից Ալավերդիում իրականացված՝ Կամո Փիրուզյանի սպանության գործով Վահագն Աբգարյանին որպես սպանության պատվիրատու մեղադրելու, նրան անազատության մեջ պահելու հանգամանքներին:

Մարինա Պողոսյանն ասաց. «Այս՝ Թուֆենկյանում կրակոցների գործով ներգրավվելու եմ որպես տուժողի՝ Վահագն Աբգարյանի ներկայացուցիչ: Ինձ համար շատ կարևոր էր այս գործը: Պարզ ասեմ՝ ըստ իմ ընկալման՝ Վահագն Աբգարյանը ոչ միայն այս գործով պիտի տուժող ճանաչվի: Մյուս գործով նա, բնականաբար, պետք է արդարացվի: Բոլոր գործերը շաղկապված են: Խոսքը գնում է պատվերների մասին: Եթե որպես սպանության պատվիրատու այսօր Վահագն Աբգարյանն է գտնվում անազատության մեջ, ես դա դիտարկում եմ որպես երկակի ստանդարտներ ու խտրական մոտեցում, որովհետև մինչև Վահագն Աբգարյանի՝ անազատության մեջ գտնվելը՝ որպես չակերտավոր «պատվիրատու», 2015 թվից Ախթալայի գործն է քննվում, երբ որ ակնհայտորեն կրակել էին Վահագն Աբգարյանի մեքենայի վրա: Ուղղակի բախտի բերմամբ մարդիկ չէին մահացել: Ի դեպ՝ նույն հանցագործ խմբակից մյուս տարի էդ մեքենայի մեջ նստածներից մեկին ի վերջո սպանեցին: Այսինքն՝ էն ժամանակ չեն եղել գործի պատվիրատուներ, Թուֆենկյանում էլ չեն եղել գործի պատվիրատուներ, ի՞նչ՝ այլմոլորակայիննե՞ր ունենք օդից իջած, ուղղակի ինքնանպատա՞կ է Վահագ Աբգարյանի վրա կրակելը: Այս գործերը պետք է ընդհանուր մի կոնտեքստով նայել, որովհետև իրականում պատվերը, այսպես ասած՝ բացվել է Վահագն Աբգարյանի վրա դեռևս 2015 թվականից: Էդ պատվերի հետևում կանգնած է Վահագն Հարությունյանը: Որոշակի տեղեկություններ կան, չեմ ուզում անուններ բացահայտեմ, տեղի՝ Ալավերդու բնակիչներ են, որոնք քարհանքերի հետ որոշակի կապեր ունեն: Իմ ասածը մերկապարանոց չի՝ բոլոր ապացույցներն ունենք, շատ ապացույցներ չեն հրապարակվել, բայց շատ շուտով դրանք հրապարակվելու են, և դա լինելու է սկանդալային բացահայտում: Ես կհորդորեի դատախազությանը՝ գոնե այս անգամ դեմքով ցեխի մեջ չընկնի՝ ինքը քայլ անի ու հրաժարվի էդ սարքած գործից: Վահագն Հարությունյանի կողմից սարքված գործը սե՜նց խրոնիկ ինֆեկցիայի պես իրենք թողել են դատարանում: Ընդամենը մի բանով փաստեմ ասածս, որ մերկապարանոց չլինի. ժամանակին երբ որ այս գործը սարքվել է՝ սա ընդամենը եղել է միջոց՝ Վահագն Աբգարյանին մեկուսացնելու համար: Այսինքն՝ մի քանի անգամ փորձել են սպանել, բայց չեն կարողացել, որոշել են, որ ավելի լավ է՝ տանեն փակեն: Կապված՝ իրենց քաղաքական հետաքրքրությունների, տնտեսական հետաքրքրությունների հետ, կապված՝ Վաչիկ Ղազարյանի՝ մեզ բոլորիս հայտնի Սերժի Վաչոյի հետ, կապված՝ էդ քարհանքերի հետ, կապված՝ իրավաբանական կրթություն ունեցող շատ այլ մարդկանց հետ՝ չեմ ուզում անուններով նշել, իրենք որ լսեն՝ կհասկանան, կապված՝ Ախթալայի պանսիոնատների հետ և այլն, և այլն՝ էս գործը սարքվել է: Երբ որ գործը սարքվել է, Վահագն Հարությունյանը եղել է այն դիրքում, որ կարող էր ինքը արդեն վաղուց բոլորը փակած լինել: Էս գործով եղել են նաև էլի մարդիկ ներգրավված՝ որպես մեղադրյալ, նույնիսկ ունեցել ենք անազատության մեջ գտնված Արմեն Հարությունյան, որ իբրև էս պատվերի շրջանակներում ինքը մասնակցել է: Ունեցել ենք Գուրգեն, ունեցել ենք Աշոտ… Դուք պատկերացրեք՝ հեղափոխությունից հետո միանգամից էդ մարդկանց կարգավիճակ է փոխվում:

Այսինքն՝ ես հիմա ուզում եմ հասկանամ՝ մեր քրեական օրենսգիրքը գործում է հեղափոխությունից հեղափոխությո՞ւն: Ի՞նչ կապ ունի՝ եթե մարդը հանցագործ է, ինքը հանցագործ է և՛ մինչև հեղափոխությունը, և՛ հեղափոխության ընթացքում, և՛ հեղափոխությունից հետո: Դուրս է գալիս՝ եթե հեղափոխություն չլիներ, Արմեն Հարությունյան անուն-ազգանունով քաղաքացին ևս մինչև էսօր պիտի պատիժ կրեր կամ լիներ անազատության մեջ: Ինձ համար իրատեսական ու նորմալ չի սա: Վահագն Աբգարյանն ունի առողջական խնդիրներ ձեռքի և էդ ծանր վիրավորման հետ կապված, բացի դրանից՝ ունի երկու անչափահաս երեխա: Գործով նախաքննությունն արդեն ավարտվել է, և ակնհայտ է, որ Վահագն Աբգարյանին անազատության մեջ պահելը նրա նկատմամբ հին ռեժիմի ճնշման մնացորդն է: Բայց ինձ համար հասկանալի չէ դատախազության այսօրվա դիրքորոշումը, որ փոխանակ Վահագն Հարությունյանին ու նրա գործընկերներին այսօր անազատության մեջ տեսնեինք, տեսնում ենք Վահագն Աբգարյանին, որ խանգարել է Ալավերդիում որոշակի բարքեր հաստատելուն: Մի հատ տեսնենք՝ մնացա՞ծն ովքեր են՝ կրակողները, սպանվողները, տեսնենք՝ թմրանյութերի ու թմրաբիզնեսի հետ ի՞նչ կապ են ունեցել… »:

https://www.1in.am/2600889.html?fbclid=IwAR2uv_gUyTcuqszIHBxGiankFwZx2Ch5XMcVaerKVcbR6zxr26uRCN0UtWQ[:]