[:am]

«Հեղափոխությունից հետո եղան նշանակումներ, որոնք ընդունվեցին մեծ վերապահումներով, ոչ միանշանակ»,- «Մեդիա կենտրոնում» «Կադրային քաղաքականությունը հետհեղափոխական Հայաստանում» թեմայով քննարկմանն ասաց «Հելսինկյան ասոցիացիա» իրավապաշտպան կազմակերպության ղեկավար Նինա Կարապետյանցը։ Նա նշեց, որ ի տարբերություն Վալերիյ Օսիպյանի, ով նշանակվել է ՀՀ ոստիկանապետ, նախկին փոխոստիկանապետ Հունան Պողոսյանը, թեև մեծ մասշտաբով որոշումներ կայացնող չէր, ի վերջո այնպիսի պաշտոներ էր զբաղեցնում, որտեղ որոշում կայացնող էր։

«Այն մարզում, որտեղ նշանակվեց մարզպետ, բացառիկ հանցագործություններ էին տեղի ունենում, նույն Հունան Պողոսյանը որևէ բան չէր ձեռնարկում բացահայտելու համար։ Ուզում եմ հասկանալ՝ ի՞նչ է փոխվել Հունան Պողոսյանի մեջ հեղափոխությունից հետո, որ առիթ է տալիս ենթադրելու, որ նա կարող է աշխատել ազնիվ,  նվիրյալ և նույն հեղափոխության ոգով շարունակի»,- ասաց Ն. Կարապետյանցը։

Նա ընդգծեց, որ Հայաստանում առհասարակ քաղաքական ռասիզմ չկա,  մարդիկ խնդրում են պատասխանատվության ենթարկել այն  բոլոր պաշտոնատար անձանց, որոնց գործողություններում առնվազն  հանցագործության տարրեր են եղել։

«Ես խոստանում եմ վարչապետին, որ ամեն օր իմ ամեն հարցազրույցներից առաջ  ասելու եմ, որ Հունան Պողոսյանը պետք է հեռացվի աշխատանքից, պատասխանատվության ենթարկվի։
Քրեակատարողական հիմնարկներում պահվող անձանց համար համաներում ստանալու համար բավականին երկար պրոցես է, բայց մեկ էլ պարզվում է, որ Նիկոլ Փաշինյանը միանձնյա որոշել է մի ամբողջ հանցավոր համակարգի գոնե առանձին անձանց ներում շնորհել։ Շատ ներողություն, էդ հանցագործությունները, որ իրականացրել են այդ անձիք, իրենք իմ նկատմամբ, ժողովրդի նկատմամբ են նաև իրականացրել, իրավունք չունի վարչապետը միանձնյա որոշի, որ սրանից հետո Հունան Պողոսյանը պատասխանատվության չի ենթարկվելու։

Այսպիսի կարևորություն ունեցող որոշումներն իրավունք չունի միանձնյան կայացնի անգամ հասարակության համար կիսաաստվածային վիճակում գտնվող Նիկոլ Փաշինյանը  և որևէ մեկը»,- նշեց Ն. Կարապետյանցը։

Քննարկմանը ներկա Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասաց, որ հանրային դաշտում միատեսակ էր եզրակացությունը, որ այս նշանակումը չպետք է լիներ։

«Այս նշանակումն այն ցայտուն օրինակն է, որ ինչ չի կարելի անել»,- նշեց նա՝ հավելելով, որ այսպես էլ չիմացան, թե շարժառիթը որն է։

«Հիմնավորումն այն էր, որ քաղաքական ռասիզմ թույլ չտրվի։ Շատ անհաջող, ոչ տեղին մոտեցում է, որովհետև Հունան Պողոսյանը քաղաքական գործիչ չի եղել, եղել է քաղաքական իշխանության գործիքը»,- հավելեց իրավապաշտպանը։

Ա. Սաքունցի խոսքով, պահանջ է, որ Հունան Պողոսյանը պաշտոնանկ արվի, իշխանությունն եզրակացություն անի։ Նա նշեց, որ պետք է շարունակել պահանջելը, բողոքի ձայնը, մինչև խնդրի լուծումը։

«Կարծում եմ՝ Հունան Պողոսյանը, նոր Հայաստանի տրամաբանությունից ելնելով, առնվազն ինքը պետք է հրաժարական տա, եթե ինքը հավակնում է  հանդես գալ որպես նոր Հայաստանի աջակիցը»,- ասաց Ա.Սաքունցը։

«Վելես» իրավապաշտպան կազմակերպության նախագահ Մարինա Պողոսյանն ասաց, որ Հ. Պողոսյանի նշանակման դեպքում տրամաբանության մասին խոսք չի կարող լինել։

«Իհարկե, գնահատում եմ կոլեգաներիս իրավագիտակացությունը, որ չեն ուզում անմեղության կանխավարկած խախտել, բայց Հունան Պողոսյանը հանցագործ է, ունեմ փաստեր, որոնք ոչ միայն ինձ են վերաբերվում։

Ուզում եմ, որ բոլոր հանցագործները… ինչի՞ մենք մոռացել ենք ջրցաններն ու ամեն ինչը։ Այո, մենք մեղավոր ենք, որովհետև Օսիպյանի նշանակումից հետ երևի ավելի խիստ պետք է քննադատեինք։ Բայց մտածեցինք, որ կատարող է, միտինգ ցրող է, լավ կատարող է եղել, համակարգի աշխատող է, վարչապետը հնարավորություն է տվել, որպեսզի իրեն դրսևորի որպես ոստիկանապետ, մենք էլ նստենք, նայենք։ Բայց մենք այսօր նայելու ժամանակ չունենք, թե Սյունիքի մարզը մի հատ էլ ոնց կկործանվի։

Չի կարելի միշտ հասարակության վրա թողնել այս բեռը և ծանրությունը։ Մենք և երիտասարդները ծնվել ենք ապրելու համար, ոչ թե անընդհատ փողոց դուրս գալու, փողոց փակելու։ Մենք մեր վստահության քվեն տվել էինք վարչապետին, որ նա կառավարի այն երկիրը, որի տերը մենք ենք։ Ինքը մեր վստահության քվեն ունենալով՝ չհարցրեց ժողովրդին։ Բայց տեսնելով, թե ինչ աղմուկ է բարձրացել նույն համացանցում, որի շնորհիվ կատարվեց հեղափոխությունը, նա պետք է մի պահ կանգներ, հասկանար՝ արդյոք այս նշանակումը ճիշտ է, թե՝ ոչ»,- նշեց նա։

Հիշեցնենք, որ հոկտեմբերի 16-ին կառավարության որոշմամբ Հունան Պողոսյանը նշանակվել է Սյունիքի մարզպետ։

Աղբյուր` Panorama.am

https://www.panorama.am/am/news/2018/10/18/%D5%AB%D6%80%D5%A1%D5%BE%D5%A1%D5%BA%D5%A1%D5%B7%D5%BF%D5%BA%D5%A1%D5%B6%D5%B6%D5%A5%D6%80-%D5%80%D5%B8%D6%82%D5%B6%D5%A1%D5%B6-%D5%8A%D5%B8%D5%B2%D5%B8%D5%BD%D5%B5%D5%A1%D5%B6/2020122

[:]

[:am]Հունան Պողոսյանին Սյունիքի մարզպետի պաշտոնում նշանակելը ընդհանրապես անտրամաբանական է: Այս մասին «Մեդիա» կենտրոնում կազմակերպված՝ հետհեղափոխական Հայաստանում կադրային քաղաքականությանը նվիրված քննարկմանը նշեց «Վելես» իրավապաշտպան կազմակերպության նախագահ Մարինա Պողոսյանը:

Նա հայտարարեց, որ Հունան Պողոսյանը հանցագործ է. «Ես ունեմ փաստեր, և այդ փաստերը ոչ միայն ինձ են վերաբերում… Պարոն Նիկոլ Փաշինյանը, որ ինքն էր հաղորդում տվել Հունան Պողոսյանի վերաբերյալ Շանթ Հարությունյանին խոշտանգելու, հիմա՝ որպես վարչապետ, կոմֆո՞րտ է ապրում, թե՞ դիսկոմֆորտ»:

Հիշեցնելով նաև Գրիշա Վիրաբյանի դեպքը՝ Մարինա Պողոսյանը հարց բարձրացրեց. «Ինչքա՞ն պետք է գնանք Եվրադատարան հունանների, վովաների պատճառով, և մենք՝ հարկատուներով, այդ փողերը մուծենք»:

Մանրամասները՝ տեսանյութում:

https://www.1in.am/2445034.html[:]

[:am]https://www.youtube.com/watch?v=tu5pgOyMvB0&feature=youtu.be

Տեսանյութը ամբողջությամբ՝

https://www.facebook.com/mediacenterarmenia/videos/190740851818511/[:]

[:am]

Հունան Պողոսյանի՝ Սյունիքի մարզպետի պաշտոնում նշանակվելու մասին Politik.am-ը զրուցել է իրավապաշտպան Մարինա Պողոսյանի հետ:

«Հանցագործի տեղը բանտում է: Սա ինձ համար անընդունելի նշանակում է: Նույնիսկ Սերժ Սարգսյանին այդ պաշտոնում նշանակելն ավելի տրամաբանական է, քան՝ Հունան Պողոսյանին»,-ասաց իրավապաշտպանը:

Մարինա Պողոսյանը շեշտեց նաև, որ վարչապետն ինքն էլ լրագրող է, ու մարզպետի պաշտոնում նշանակել մեկին, ով հայտնի է լրագրողների հանդեպ բռնություններով, անհասկանալի է:

Խոսելով նշանակաման պատճառների մասին՝ իրավապաշտպանն ասաց.

«Ես նույնիսկ մտավախություն չունեմ, որ անմեղության կանխավարկած կխախտեմ: Ես կարծում եմ՝ այս նշանակումը տնտեսական հիմք ունի: Հունան Պողոսյանի եղբայրը տարիներ շարունակ հենց հարավային սահմանին՝ Սյունիքում, զբաղվել է ցիտրուսային մրգերի ներկրմամբ: Ես գիտեմ նաև մարդու, ում Մալաթիա շուկայից նույն Հունան Պողոսյանի կլանի մարդիկ բռնությամբ ու ծեծով դուրս են հանել, որ միայն նրա եղբայրը այդեղ առևտրով զբաղվի:

Չպետք է մոռանանք նաև ռուսական հետքի մասին. Հունան Պողոսյանը սերտ կապեր ունի Սամվել Կարապետյանի կլանի հետ. խնամիական կապեր ունեն»:

Մարինա Պողոսյանը նշանակման մեկ այլ պատճառ էլ ներկայացրեց.

«Սա քաղաքական առևտրի է նման: Հնարավոր է՝ պայմանավորվածություն է եղել ներկայիս իշխանության և ՀՀԿ-ի միջև, ըստ որի՝ Հունան Պողոսյանը նշանակվում է Սյունիքի մարզպետ, դրա փոխարեն՝ ՀՀԿ-ն վարչապետի թեկնածու չի առաջադրում»:

Ըստ Մարինա Պողոսյանի՝ Հունան Պողոսյանը Սյունիքի մարզպետ նշանակվեց նույն ձեռագրով, որով Սերժ Սարգսյանը ժամանակին ընտրություններ էր իրականացնում՝ առանց ժողովրդի խոսքը լսելու.

«Վարչապետը կորցրեց ժողովրդի մեծ մասի հարգանքը, և սա նշանակում է, որ մեզ մոտ չի եղել հեղափոխություն: Պարզապես շախմատային պարտիա է եղել, որի ընթացքում անուններն են փոխվել: Ես որևէ լավ բան չեմ ակնկալում»:

http://politik.am/%D5%B0%D5%B8%D6%82%D5%B6%D5%A1%D5%B6-%D5%BA%D5%B8%D5%B2%D5%B8%D5%BD%D5%B5%D5%A1%D5%B6%D5%A8-%D5%B6%D5%B7%D5%A1%D5%B6%D5%A1%D5%AF%D5%BE%D5%A5%D6%81-%D5%B4%D5%A1%D6%80%D5%A6%D5%BA%D5%A5%D5%BF-%D5%B8/?fbclid=IwAR0taWWW8zJsL8-mTfrtYYZVZYMfOCTj_3jK51zDSkwvHUgmuNi3JVXHjR0

[:]

[:am]Գեներալ-լեյտենանտ Հունան Պողոսյանին Սյունիքի մարզպետ նշանակելու որոշումը բուռն քննարկումների առարկա դարձավ սոցցանցերում:

Այս նշանակման առնչությամբ «Վելես» իրավապաշտպան կազմակերպության նախագահ Մարինա Պողոսյանը «Առաջին լրատվական»-ի հետ զրույցում պատասխանելով հարցին՝ ունե՞ր վարչապետ Փաշինյանը ավելի լավ տարբերակ, ասաց. «Ավելի վատ տարբերակ չուներ. ցանկացած տարբերակ թերևս կլիներ ավելի լավը»:

Նրա խոսքով՝ ժողովուրդը կարճ հիշողություն չունի, և գոյություն չունի էմոցիոնալ ֆոն, այլ մարդիկ առաջնորդվում են փաստերով. «Ինձ ավելի շատ հուզում են այն բոլոր գործոնները, որոնք հիմք են հանդիսացել, որ Հունան Պողոսյանը դառնա Սյունիքի մարզպետ: Իմ խորին համոզմամբ՝ սա ՀՀԿ-ի հետ առևտրի և փոխզիջման գործարք է եղել: Հետ նայելով՝ հասկանում ենք, որ չի եղել հեղափոխություն, այլ եղել է ընդամենը անվանափոխություն»:

«Իրավունքի ուժը» ՀԿ համահիմնադիր Արման Ղարիբյանի կարծիքով էլ՝ այնպես է ստացվել, որ Սյունիքի մարզը ծախել են ՀՀԿ-ին:

«Հունան Պողոսյանը 28 տարի եղել է մի համակարգի կարկառուն ներկայացուցիչը, որն ամենացածր վարկանիշն է ունեցել: Նրա ո՞ր փորձն է գնահատվում՝ մարդկանց ծեծելո՞ւ, խոշտանգելո՞ւ, մարդկանց տուն մտնելու և գաղտնալսելո՞ւ: Եթե այդ փորձն է գնահատվում, ուրեմն՝ այո, Հունան Պողոսյանը գուցե անփոխարինելի է այդ ոլորտում»,- «Առաջին լրատվական»-ի հետ զրույցում ասաց Արման Ղարիբյանը:

Նրա խոսքով՝ այս իշխանափոխությունը տեղի է ունեցել տարիներ շարունակ փողոցում պայքարող մարդկանց շնորհիվ, ովքեր առաջինն են իրենց մաշկի վրա զգացել ոստիկանության բռնությունը:

Մարինա Պողոսյանն էլ կարծում է, որ Հունան Պողոսյանի միակ տեղը, որտեղ նա պետք է հայտնվեր, բանտն էր:

Հարցազրույցն ամբողջությամբ՝ տեսանյութում:

https://www.1in.am/2444398.html?fbclid=IwAR2rQnSyWQWLYdkyoCdnYZcvWR92546rXhngEC-bLLb9TOFLhxAmtNFk3po[:]

[:am]https://www.youtube.com/watch?v=lKxnPjFFtwM&t=11s

http://newsline.am/am/news/view/48445.html?fbclid=IwAR1Vprat4hJ_EyTwD5i_BljT0pbsLi7Nwl9Cmrf7Ar_OlulgBrTQTHQsIXI[:]

[:am]

“Դուք չեք գիտակցում պատասխանատվության աստիճանը։ Դուք դասեր չեք քաղել մարտի 1-ից”։ Այս խոսքերով Սերժ Սարգսյանը կշտամբեց Նիկոլ Փաշինյանին ապրիլի 22-ին “Մարիոտ” հյուրանոցում կայացած հանրային հանդիպման ժամանակ։ Իրավապաշտպան Մարինա Պողոսյանը հանցագործության մասին հաղորդումով դիմեց ՀՀ դատախազին՝ գտնելով, որ Սարգսյանի վերոնշյալ խոսքում կան ինքնախոստովանության և սեփական ժողովրդի դեմ սպառնալիքի հատկանիշներ։

  Սերժ Սարգսյանի դեմ քրեական գործը

Սերժ Սարգսյանի դեմ քրեական գործի հարուցումը մերժվեց, Մարինա Պողոսյանը բողոքարկեց մերժումը դատարանում։ ՀՀ վերաքննիչ դատարանի դատավոր Անդրանիկ Մնացականյանը նախ մերժեց իր ինքնաբացարկի միջնորդությունը, իսկ հետո հենց բողոքը։

Պողոսյանի ներկայացուցիչ փաստաբան Մուշեղ Շուշանյանը դատավորին ինքնաբացարկի միջնորդություն էր ներկայացրել, քանի որ վերջինս ՀՀԿ խորհրդի անդամ Մնացական Մնացականյանի որդին է։ Ստացվում է,որ դատավորի հայրը այն կուսակցության խորհրդի անդամ է, որի ղեկավարի վերաբերյալ էլ բողոք պետք է քննվի։ Դատախազը ինքնաբացարկի միջնորությունը հիմնավոր չհամարեց, դատավորը համաձայնեց նրա հետ՝ մերժելով ինքնաբացարկը և շարունակելով դատավարել Սերժ Սարգսյանի գործը։ Ի վերջո դատավոր Մնացականյանը մերժեց դատախազության անգործության դեմ բողոքը։  

Փաստարկ – հակափաստարկ

Դատախազ Վահե Դոլմազյանը համակարծիք էր Երևանի ընդհանուր իրավասության դատարանի հետ, որը “վերացական էր” համարել Մարինա Պողոսյանի բողոքը՝ ասելով, որ Սերժ Սարգսյանի խոսքերում սպառնալիք ու ինքնախոստովանություն տեսնելը Մարինա Պողոսյանի կարծիքն է։ Բողոքաբեր Մարինա Պողոսյանը հակադարձեց․ “Սերժ Սարգսյանը պե՞տք ա գար, դուռս զանգեր, դիմացս ասեր, որ փողոց դուրս չգաս, քեզ սպանելու եմ, որ դա համարվեր սպառնալի՞ք։ Խնդրեմ, իրականացրեք նախաքննություն, ինձ՝ ՀՀ քաղաքացուս ցույց տվեք ու ապացուցեք, որ ես Սերժ Սարգսյանից վախենալու հիմք չունեմ ու նա կապ չունի մարտի 1-ի իրադարձությունների հետ, ինձ էլ դատեք սուտ տեղեկություն տալու համար”։

Փաստաբան Շուշանյանը քրեական գործի հարուցման մերժումն անվանեց դատախազության՝ իր սեփական գործառույթներից հրաժարում։ Նա նշեց, որ բողոքող կողմի խնդրանքն է բեկանել Երևանի դատարանի որոշումը, ոչ իրավաչափ ճանաչել գլխավոր դատախազության անգործությունը, դատախազությանը պարտավորեցնել հարուցել քրեական գործ, նախաքննություն իրականացնել, որի արդյունքում կպարզվի՝ արդյոք Սերժ Սարգսյանի խոսքերի մեջ կան սպառնալիքի կամ/և ինքնախոստովանության տարրեր․ “2008-ի մարտի 1-ին զոհվել է առնվազն տասը ՀՀ քաղաքացի, վնասվածքներ են ստացել հարյուրավորը, խախտվել է հազարավոր անձանց՝ խաղաղ հավաքներին մասնակցելու իրավունքը։ Բայց անկախ նրանից՝ Սերժ Սարգսյանը կապ ունի մարտի 1-ի իրադարձությունների հետ, թե չէ, նրա արտահայտություններում կան սպառնալիքի հատկանիշներ”։

Մարինա Պողոսյանն էլ շարունակեց, որ ինչ ասել է, թե “դասեր քաղել մարտի 1-ից”, եթե խոսքը գնում է խաղաղ ցուցարարներին կրակելու մասին․ “Փողոց դուրս չգաս՝ կկրակեմ, դա՞ չէր Սարգսյանի ասածը”։  

Ինչ է լինելու վերջը

Դատավոր Անդրանիկ Մնացականյանը մերժեց Սերժ Սարգսյանի դեմ քրեական գործ հարուցելու բողոքը։ Մարինա Պողոսյանը բողոքարկելու է այս որոշումը։

Ներքևում կարող եք դիտել դատական նիստի տեսագրությունը․

Continue reading at https://acblog.am/?p=1330 | AntiCorruption

[:]

[:am]Նախկին նախագահների՝ Ռոբերտ Քոչարյանի և Սերժ Սարգսյանի ընկերները, գործընկերները, համակուսակիցները շարունակում են որպես դատավորներ աշխատել, բայց դա դեռ խնդրի կեսն է։ Գլխավոր խնդիրն այն է, որ նախկին նախագահների դեմ հարուցվող գործերի ժամանակ անգամ վերոհիշյալ դատավորները մերժում են ինքնաբացարկների միջնորդությունները՝ համարելով դրանք անհիմն։

ՔՈՉԱՐՅԱՆԻ ԵՒ ՍԱՐԳՍՅԱՆԻ ԸՆԿԵՐՆԵՐԸ

Ռոբերտ Քոչարյանի հետ երկար տարիներ աշխատած կադրը՝ այժմ Վերաքննիչ քրեական դատարանի դատավոր Ալեքսանդր Ազարյանը պետք է վճռեր Քոչարյանի կալանավորման երկարացման հարցը։ Վճիռը կայացվեց հօգուտ Քոչարյանի՝ նախկին նախագահը ազատ արձակվեց։ Դատավոր Ալեքսանդր Ազարյանի մտքով ինքնաբացարկի հայտնելը չէր անցել։ Դատախազի մտքին էլ կամ չկար, կամ մոռացել էր ինքնաբացարկի միջնորդություն ներկայացնել։ Սերժ Սարգսյանի գլխավորած կուսակցության՝ ՀՀԿ-ի խորհրդի անդամ Մնացական Մնացականյանի որդին՝ այժմ Վերաքննիչ քրեական դատարանի դատավոր Անդրանիկ Մնացականյանն էլ պետք է քննի Սերժ Սարգսյանի նկատմամբ քրեական գործ հարուցելու մերժման բողոքը։ Իրեն ներկայացված ինքնաբացարկի միջնորդությունը այս դատավորը մերժեց։

ՍԵՐԺ ՍԱՐԳՍՅԱՆԻ ԴԵՄ ՔՐԵԱԿԱՆ ԳՈՐԾԸ

Այս տարվա ապրիլի 22-ին “Մարիոտ” հյուրանոցում կայացավ այդ ժամանակ գործող վարչապետ Սերժ Սարգսյանի և հեղափոխական շարժման առաջնորդ Նիկոլ Փաշինյանի հանդիպումը։ Սարգսյանը հանդիպման ժամանակ Փաշինյանին կշտամբեց՝ ասելով. “Դուք դասեր չեք քաղել մարտի 1-ից”։ “Վելես” իրավապաշտպան ՀԿ-ի ղեկավար Մարինա Պողոսյանը հաղորդումով դիմեց ՀՀ դատախազին՝ Սարգսյանի վերոնշյալ խոսքը ինքնախոստովանական ցուցմունքի և սեփական ժողովրդի դեմ սպառնալիքի վերագրելով։ Քրեական գործի հարուցումը մերժվեց, ՀԿ-ն բողոքարկում է մերժումը դատարանում։

ԱՆԴՐԱՆԻԿ ՄՆԱՑԱԿԱՆՅԱՆՆ ՈՒ ԻՆՔՆԱԲԱՑԱՐԿԸ

Հոկտեմբերի 5-ին քննվեց Մարինա Պողոսյանի բողոքը՝ ընդդեմ Սերժ Սարգսյանի դեմ քրեական գործ հարուցելու մերժման որոշման։ Պողոսյանի ներկայացուցիչ փաստաբան Մուշեղ Շուշանյանը ինքնաբացարկի միջնորդություն ներկայացրեց նախագահող դատավորին՝ նշելով, որ Մնացականյանի հայրը այն կուսակցության խորհրդի անդամ է, որի ղեկավարի վերաբերյալ էլ բողոք պետք է քննվի։ Դատախազը ինքնաբացարկի միջնորությունը հիմնավոր չհամարեց, դատավորը համաձայնեց նրա հետ՝ մերժելով այն և շարունակելով դատավարել Սերժ Սարգսյանի գործը։ Ինքնաբացարկի վերաբերյալ իրավական կարգավորումը տրված է ՀՀ քրեական դատավարության օրենսգրքի 90-րդ հոդվածով։ Հոդվածում գրված է, որ դատավորը պարտավոր է ինքնաբացարկ հայտնել, եթե կանխակալ վերաբերմունք ունի դատավարության որևէ կողմի նկատմամբ։ Հաշվի առնելով, որ խոսքը գնում է դատավորի հոր ղեկավարի մասին, բարդ է պատկերացնել անկանխակալ, անկողմնակալ և չկաշկանդված վերաբերմունք։ Ամեն դեպքում՝ տեսնենք․ հաջորդ դատական նիստը, որը բաց է և ազատ ներկայության համար, կկայանա հոկտեմբերի 8-ին։ Հոկտեմբերի 5-ին բողոքի քննությունը կարճ տևեց, տեսագրությունը ներկայացնում ենք ստորև․

Continue reading at https://acblog.am/?p=1303 | AntiCorruption[:]

[:am]

Խորհրդարանի արտահերթ ընտրությունը մեկ տարի անց կազմակերպելու մասին հայտարարող խորհրդարանական ուժերը՝ ՀՀԿ-ն, ԲՀԿ-ն, ՀՅԴ-ն, փորձում են այդ հանգամանքը հիմնավորել նրանով, որ մայիսը նպաստավոր է ժամանակային առումով, ընտրության գործընթացին պատրաստվելու առումով:

Այդ տեսանկյունից հաճախ է խոսվում, որ դեմ չեն արտահերթին, դեմ են հապճեպ արտահերթին: Թվում է, որ բավական ռացիոնալ դիտարկում է: Սակայն դա միայն թվում է, որովհետև դեկտեմբերին անպատրաստ ուժը պատրաստ չի լինելու նաև մայիսին, և մի քանի ամիսը, ըստ էության, չի փոխելու ոչինչ թե՛ այսպես ասած՝ քաղաքական ուժերի պատրաստ լինելու, թե՛ նաև մրցակցության կամ քաղաքական դաշտի կայացվածության և այլնի առումով:

Իրականում անտրամաբանական են անգամ Ընտրական օրենսգրքի վերաբերյալ շահարկումները՝ նկատի ունենալով այն, որ ներկայիս օրենսգիրքը այդ ուժերն, ըստ էության, հենց իրենց համար էլ պատրաստել են, հետևաբար իրենք կոմֆորտ պետք է զգան դրա մեջ, ոչ թե փոխելով:

Այդ դեպքում որն ընտրությունների հանրային պահանջը ձգձգելու իրական պատճառը:

«Առաջին լրատվական»- ի հետ թեմայի շուրջ քննարկմանը մասնակցեցին իրավապաշտպան Մարինա Պողոսյանը, քաղաքագետ Ստեփան Գրիգորյանը, տեղեկատվական անվտանգության փորձագետ Սամվել Մարտիրոսյանը:

Ստեփան Գրիգորյանի դիտարկմամբ՝ ՀՀԿ-ն չի համաձայնի, որ արտահերթ ընտրություններ լինեն: Նրա խոսքով՝ ՀՀԿ-ն անվստահելի գործընկեր է, և ինչպես չենք հավատում Ալիևին կամ Մամեդյարովին, այնպես էլ պետք չէ հավատալ ՀՀԿ-ին՝ մի օր մի բան են ասում, մյուս օրն՝ այլ:

Սամվել Մարտիրոսյանի դիտարկմամբ՝ ՀՀԿ, ԲՀԿ, ՀՅԴ եռյակը նոր չի ձևավորվել. «Այս եռյակն ուզում է արտահերթ ընտրությունները ձգձգել մինչև մայիս, որովհետև, ըստ Սահմանադրության, վարչապետի գործունեության մեկ տարին լրանալուց հետո ԱԺ-ն կարող է անվստահություն հայտնել վարչապետին:

Բայց ամեն նմանատիպ քայլ ավելի է բարձրացնում Ն. Փաշինյանի վարկանիշը. Նիկոլի վարկանիշը կարող է խփի-անցնի 100 տոկոսը»:

Մարինա Պողոսյանը հավելեց, որ ամեն այդպիսի քայլից հետո ժողովրդի ցասումն է ավելանում. «ժողովրդի համբերությունը ռեզինից չէ:

Ես կողմ եմ սիրո և հանդուրժողականության մթնոլորտին, բայց ո՞ւմ սիրենք, ԱԺ-ին, որ մեր նկատմամբ անընդհատ բռնությո՞ւն է կիրառում: Շարմազանովն ասում է՝ Սահամանդրությունը կբռնաբարվի. ավելի լավ է թուղթը բռնաբարվի, քան թե ժողովուրդը:

Սահմանադրական փոփոխություններն ընդունեցին մանդատի գողերը, մենք ի՞նչ գործ ուենքն իրենց ընդունած սահամանդրության հետ… Սրանք մեր ժողովրդի թշնամին են»:

Ս. Գրիգորյանի խոսքով. «ԱԺ-ն դուրս եկավ ժողովրդի դեմ, ԱԺ-ն ձեռք է առնում ժողվրդին»: Նրա գնահատմամբ՝ նոր օրինագծի ընդունումը հակաժողովրդավարական քայլ է:

«Վարչապետը չպետք է հրաժարական տա: Նա միակն է, ով լեգիտիմ է և վայելում է ժողովրդի վստահությունը,- ընդգծեց Ստեփան Գրիգորյանը՝ հավելելով, որ մեր երկրին կայունությունը շատ պետք է և կայությունության միակ գործոնը վարչապետը և նոր կառավարությունն են:

Մանրամասն՝ տեսանյութում:

https://hay-life.ru/2018/10/04/%D5%B7%D5%A1%D6%80%D5%B4%D5%A1%D5%A6%D5%A1%D5%B6%D5%B8%D5%BE%D5%B6-%D5%A1%D5%BD%D5%B8%D6%82%D5%B4-%D5%A7%D5%9D-%D5%BD%D5%A1%D5%B0%D5%A1%D5%B4%D5%A1%D5%B6%D5%A4%D6%80%D5%B8%D6%82%D5%A9%D5%B5%D5%B8/

 [:]

[:am]Խորհրդարանի արտահերթ ընտրությունը մեկ տարի անց կազմակերպելու մասին հայտարարող խորհրդարանական ուժերը՝ ՀՀԿ-ն, ԲՀԿ-ն, ՀՅԴ-ն, փորձում են այդ հանգամանքը հիմնավորել նրանով, որ մայիսը նպաստավոր է ժամանակային առումով, ընտրության գործընթացին պատրաստվելու առումով: Այդ տեսանկյունից հաճախ է խոսվում, որ դեմ չեն արտահերթին, դեմ են հապճեպ արտահերթին: Թվում է, որ բավական ռացիոնալ դիտարկում է: Սակայն դա միայն թվում է, որովհետև դեկտեմբերին անպատրաստ ուժը պատրաստ չի լինելու նաև մայիսին, և մի քանի ամիսը, ըստ էության, չի փոխելու ոչինչ թե՛ այսպես ասած՝ քաղաքական ուժերի պատրաստ լինելու, թե՛ նաև մրցակցության կամ քաղաքական դաշտի կայացվածության և այլնի առումով: Իրականում անտրամաբանական են անգամ Ընտրական օրենսգրքի վերաբերյալ շահարկումները՝ նկատի ունենալով այն, որ ներկայիս օրենսգիրքը այդ ուժերն, ըստ էության, հենց իրենց համար էլ պատրաստել են, հետևաբար իրենք կոմֆորտ պետք է զգան դրա մեջ, ոչ թե փոխելով:Այդ դեպքում որն ընտրությունների հանրային պահանջը ձգձգելու իրական պատճառը:

«Առաջին լրատվական»– ի հետ թեմայի շուրջ քննարկմանը մասնակցեցին իրավապաշտպան Մարինա Պողոսյանը, քաղաքագետ Ստեփան Գրիգորյանը, տեղեկատվական անվտանգության փորձագետ Սամվել Մարտիրոսյանը:

Ստեփան Գրիգորյանի դիտարկմամբ՝ ՀՀԿ-ն չի համաձայնի, որ արտահերթ ընտրություններ լինեն: Նրա խոսքով՝ ՀՀԿ-ն անվստահելի գործընկեր է, և ինչպես չենք հավատում Ալիևին կամ Մամեդյարովին, այնպես էլ պետք չէ հավատալ ՀՀԿ-ին՝ մի օր մի բան են ասում, մյուս օրն՝ այլ:

Սամվել Մարտիրոսյանի դիտարկմամբ՝ ՀՀԿ, ԲՀԿ, ՀՅԴ եռյակը նոր չի ձևավորվել. «Այս եռյակն ուզում է արտահերթ ընտրությունները ձգձգել մինչև մայիս, որովհետև, ըստ Սահմանադրության, վարչապետի գործունեության մեկ տարին լրանալուց հետո ԱԺ-ն կարող է անվստահություն հայտնել վարչապետին: Բայց ամեն նմանատիպ քայլ ավելի է բարձրացնում Ն. Փաշինյանի վարկանիշը. Նիկոլի վարկանիշը կարող է խփի-անցնի 100 տոկոսը»:

Մարինա Պողոսյանը հավելեց, որ ամեն այդպիսի քայլից հետո ժողովրդի ցասումն է ավելանում. «ժողովրդի համբերությունը ռեզինից չէ: Ես կողմ եմ սիրո և հանդուրժողականության մթնոլորտին, բայց ո՞ւմ սիրենք, ԱԺ-ին, որ մեր նկատմամբ անընդհատ բռնությո՞ւն է կիրառում: Շարմազանովն ասում է՝ Սահամանդրությունը կբռնաբարվի. ավելի լավ է թուղթը բռնաբարվի, քան թե ժողովուրդը: Սահմանադրական փոփոխություններն ընդունեցին մանդատի գողերը, մենք ի՞նչ գործ ուենքն իրենց ընդունած սահամանդրության հետ… Սրանք մեր ժողովրդի թշնամին են»:

Ս. Գրիգորյանի խոսքով. «ԱԺ-ն դուրս եկավ ժողովրդի դեմ, ԱԺ-ն ձեռք է առնում ժողվրդին»: Նրա գնահատմամբ՝ նոր օրինագծի ընդունումը հակաժողովրդավարական քայլ է:
«Վարչապետը չպետք է հրաժարական տա: Նա միակն է, ով լեգիտիմ է և վայելում է ժողովրդի վստահությունը,- ընդգծեց Ստեփան Գրիգորյանը՝ հավելելով, որ մեր երկրին կայունությունը շատ պետք է և կայությունության միակ գործոնը վարչապետը և նոր կառավարությունն են:

Մանրամասն՝ տեսանյութում:

https://www.1in.am/2437871.html

 [:]

[:am]Վաշխառուները հասարակության ամենանողկալի և արգահատանքի արժանի խավն են, որոնց պատմականորեն նույնիսկ արգելված է եղել հուղարկավորել քաղաքացիական գերեզմաններում, իսկ ներկայումս դրանք ՛՛հարգված՛՛ բարձրաստիճան պաշտոնյաներ են:

https://www.youtube.com/watch?v=APmuZX_-2aM[:]

[:am]

2018 թվականի հոկտեմբերի 05-ին ժամը 10:00-ին ՀՀ Վերաքննիչ քրեական դատարանում ( հասցե՝ ք. Երևան, Գարեգին Նժդեհի 23 շենք), դատավոր Անդրանիկ Մնացականյանի նախագահությամբ, քննվելու է քաղաքացի Սերժ Ազատի Սարգսյանի նկատմամբ քրեական հետապնդում հարուցելու վերաբերյալ հանցագործության մասին հաղորդման կապակցությամբ Գլխավոր դատախազության անգործության դեմ «Վելես» իրավապաշտպան հասարակական կազմակերպության նախագահ Մարինա Պողոսյանի բողոքի հիման վրա Երևանի ընդհանուր իրավասության դատարանի դատավոր Աննա Մաթևոսյանի 24․05․2018թ․կայացված որոշման դեմ բողոքը։[:]

[:am]https://www.youtube.com/watch?v=wEY8XQj0nNE

Իրավապաշտպան Մարինա Պողոսյանը այսօր դատավոր Դավիթ Հարությունյանի վարած դատական նիստից հեռացավ՝ շարունակելով պնդել իր բողոքը երկու դատախազների դեմ։ Այնուամենայնիվ, իրավապաշտպանի հեռանալուց հետո դատավորը որոշեց, որ Պողոսյանը հրաժարվում է իր բողոքից և հայտարարեց վաղը որոշում հրապարակելու մասին։

Ամբողջ դատական նիստի ընթացքում դատավորը “հուշում էր” Պողոսյանին հրաժարվել բողոքից և կարծես ստանձնել էր դատախազության պաշտպանի գործը։

[:am]https://www.youtube.com/watch?v=HU0zyxJyhEI

Տեսանյութում ներառված են 1in.am, factor.am, Ամերիկայի Ձայն և Ազատություն ռադիոկայանի նկարահանած կադրերը[:ru]https://www.youtube.com/watch?v=HU0zyxJyhEI[:en]https://www.youtube.com/watch?v=HU0zyxJyhEI[:]