[:am]

«Հակակոռուպցիոն բլոգը» տեղեկատվություն է ստացել այն մասին, որ ՀՀ վճռաբեկ դատարանը վարույթ է ընդունել Ախթալայի կամրջի մոտ տեղի ունեցած կրակոցների գործով դատախազության բողոքը։

Հիշեցնենք, որ այդ գործով նախ 13 տարվա ազատազրկման էր դատապարտվել ալավերդցի Վահագն Աբգարյանի ավտոմեքենայի վրա կրակոցներ արձակած Վարդան Անտոնյանը, որը սակայն Վերաքննիչ քրեական դատարանի որոշմամբ ազատվել էր կալանքից։ Վերաքննիչ դատարանի որոշման դեմ բողոք է ներկայացրել ՀՀ գլխավոր դատախազի տեղակալ Հայկ Ասլանյանը։

Հիշեցնենք, որ Ախթալայի կամրջի վրա տեղի ունեցած կրակոցները գործը անկյունաքարային նշանակություն ունի դրանից հետո Ալավերդի քաղաքում, ապա նաև Երևանի կենտրոնում տեղի ունեցած հանցագործությունների համար։ «Հակակոռուպցիոն բլոգը» գրել էր, որ  ամեն ինչ սկսվել է 2015 թվականի Ալավերդիի քաղաքապետի  ընտրություններից․ առաջին հայացքից սովորական տեղական ընտրությունները  իրականում արտառոց հանցագործությունների շղթայի սկիզբը դարձան։ Ընտրություններին պայքար է ընթացել երկու ազդեցիկ թեկնածուների միջև, մեկը «Լալվար» քարի արտադրամասի տնօրեն Տարոն Աբգարյանի եղբայրն էր՝ Արթուր Աբգարյանը, մյուսը Լոռու մարզպետ Արթուր Նալբանդյանի կողմից աջակցություն վայելող թեկնածուն՝ Կարեն Փարեմուզյանը։ Վերջինիս թեկնածությունը մեծապես աջակցել էր Ալավերդիում որոշակի հեղինակություն վայելող Վահագն Աբգարյանը (ազգանունների նույնությունը պատահական է, Վահագն և Տարոն Աբգարյանների միջև ազգակցական կապ չկա)։ Արդյունքում Տարոն Աբգարյանի եղբայրը պարտվել էր, դրան հետևել էին մի շարք հանցագործություններ։

2015 թվականի հունիսին տեղի ունեցած ընտրություններից հետո՝ նույն թվականի հոկտեմբերի 11-ին, Ախթալայի կամրջի վրա Վարդան Անտոնյանը կրակահերթ է բացել Վահագն Աբգարյանին պատկանող ավտոմեքենայի վրա։ Դեպքի ականատես Արմեն Հարությունյանը որոշ ժամանակ անց ստիպված է եղել հեռանալ Հայաստանից։ «Հակակոռուպցիոն բլոգին» սակայն հաջողվել է կապ հաստատել նրա հետ և տեսազանգի միջոցով հարցազրույց վերցնել։ Հարությունյանը պատմել է, որ Անտոնյանն իր զենքը վերցրել է հանքը շահագործող ընկերության գրասենյակից, իսկ հետագայում արտադրամասի տնօրեն Տարոն Աբգարյանն իր հետ հեռախոսազրույցում ասել էր, որ ինքը ամեն դեպքում Վարդան Անտոնյանին հանելու է բանտից, քանի որ վերջինս իր «խաթր է մտել այս ամենի մեջ»։

Ի դեպ, կարելի է արձանագրել, որ Տարոն Աբգարյանն իր խոսքի տեր մարդ է, քանի որ նշված հեռախոսազրույցից որոշ ժամանակ անց 13 տարվա ազատարազրկման դատապարտված Վարդան Անտոնյանը ազատ է արձակվել ՀՀ վերաքննիչ քրեական դատարանի կողմից։ Թե ինչպես է դա հաջողվել Աբգարյանին, հավանաբար տեղյակ է Վերաքննիչ քրեական դատարանի դատավոր Ռուզան Բարսեղյանը, ում որոշմամբ էլ Անտոնյանն այժմ ազատության մեջ է։

Այս գործով Վճռաբեկ դատարանի որոշումը կարող է շրջադարձային լինել հանցագործությունների շղթան բացահայտելու համար։ Արման Ղարիբյան

Continue reading at https://acblog.am/?p=3933&fbclid=IwAR2jOrT_hHSfIHyv0Ab2Y2370doL3uyHPUCQFya2Ncx1N4b8kN7J5gZVSbE | AntiCorruption[:]

[:am]«Շատ տարօրինակ է, որ ՀՔԾ հաղորդագրությունից հետո մի շարք պաշտոնյաներ, այդ թվում և Գևորգ Կոստանյանը, դեռ ազատության մեջ են և նրանց մեղադրանք առաջադրված չէ»,- «Առաջին լրատվական»-ի հետ զրույցում ասաց իրավապաշտպան Ժաննա Ալեքսանյանը՝ անդրադառնալով նախկին ոստիկանապետ Ալիկ Սարգսյանի՝ Մարտի 1-ի գործով որպես մեղադրյալ ներգրավվելու վերաբերյալ Հատուկ քննչական ծառայության հաղորդագրությանը։

Նշենք, որ հաղորդագրության մեջ Ալիկ Սարգսյանի անվանը զուգահեռ նշվում էին նաև Գևորգ Կոստանյանի ու նախկին փոխոստիկանապետ, սպանված Գևորգ Մհերյանի անունները։ Նկարագրվում էր, թե ինչպես են նրանք եկել ոստիկանություն, ապա ինչպես է Ալիկ Սարգսյանը խորհրդակցություն հրավիրել, և հանձնարարվել է հետին ամսաթվով կեղծ փաստաթղթեր կազմել։

Ըստ ՀՔԾ հաղորդագրության՝ «2008 թվականի մարտի 1-ին և 2-ին Երևան քաղաքում տեղի ունեցած իրադարձություններից հետո Մարդու իրավունքների եվրոպական դատարանում ՀՀ կառավարության լիազոր ներկայացուցիչ, համատեղությամբ նաև 2006 թվականի մարտի 14-ից ՀՀ արդարադատության նախարարի տեղակալ, իսկ 2008 թվականի հուլիսի 2-ից՝ ՀՀ նախագահի օգնական Գևորգ Կոստանյանը և ՀՀ նախագահի օգնական, իսկ 2008 թվականի հուլիսի 2-ից՝ ՀՀ ոստիկանության պետի տեղակալ Գևորգ Մհերյանը ՀՀ նախագահ Ռոբերտ Քոչարյանի կողմից այլ անձանց հետ նախնական համաձայնությամբ կատարված առանձնապես ծանր հանցագործության՝ սահմանադրական կարգի տապալման գործիքներն ու միջոցները, ինչպես նաև հանցագործության հետքերը, այն է՝ 2008 թվականի մարտի 1-ին և 2-ին Երևան քաղաքում տեղի ունեցած իրադարձությունների իրական հանգամանքները թաքցնելու և Մարդու իրավունքների եվրոպական դատարանում ու միջազգային այլ կառույցներում տեղի ունեցածն իրավաչափ քողի ներքո ներկայացնելու խմբային շահերից ելնելով, ինչպես անձամբ, այնպես էլ այլ անձանց հետ հանցակցությամբ, չարաշահել են իրենց պաշտոնեական լիազորությունները, ՀՀ ոստիկանության մի խումբ բարձրաստիճան պաշտոնատար անձանց, այդ թվում՝ 2008 թվականի մայիսի 29-ից ՀՀ ոստիկանության պետ Ալիկ Սարգսյանի և սույն քրեական գործով նշված ժամանակահատվածում վարույթն իրականացնող մարմնի միջոցով կազմակերպել են նշված՝ առանձնապես ծանր հանցագործությունը նախապես չխոստացված պարտակելը՝ իրենց հանձնարարություններով ու ցուցումներով պաշտոնատար անձանց դրդելով պաշտոնեական լիազորությունները չարաշահելուն, պաշտոնեական կեղծիքների կատարման և ապացույցները կեղծելուն: Իրենց հանցավոր մտադրությունն իրականացնելու նպատակով 2008 թվականի մայիսի 29-ից ՀՀ ոստիկանության պետ Ալիկ Սարգսյանը Գևորգ Կոստանյանի և Գևորգ Մհերյանի հանձնարարությամբ իր աշխատասենյակին կից խորհրդակցությունների սենյակում հրավիրել է խորհրդակցություն:

Խորհրդակցության ընթացքում Գևորգ Կոստանյանն ու Գևորգ Մհերյանը մասնակիցներին են ներկայացրել «Աշխատանքային պլան, պարզաբանման ենթակա հարցեր» վերնագրմամբ, 25 կետից բաղկացած հարցաշար, որում տեղ գտած հարցերը վերաբերել են մարտի 1-ին և 2-ին Երևան քաղաքում տեղի ունեցած իրադարձություններին ոստիկանության բոլոր ծառայությունների կողմից իրականացված գործողություններին: Գևորգ Կոստանյանն ու Գևորգ Մհերյանը, խորհրդակցության մասնակիցներին ներկայացնելով հիշյալ հարցաշարը, պահանջել են հետին ամսաթվերով կազմել և պաշտոնական շրջանառության մեջ դնել մարտի 1-ին և 2-ին ոստիկանության կողմից կատարված գործողությունների իրավաչափությունը հիմնավորող փաստաթղթեր: Խորհրդակցությունից հետո ՀՀ ոստիկանության պետ Ալիկ Սարգսյանը և ՀՀ ոստիկանության մի խումբ բարձրաստիճան պաշտոնատար անձինք ձեռնամուխ են եղել հանձնարարությունները կատարելուն»։

Ժաննա Ալեքսանյանի խոսքով՝ պատահական չէ, որ այս հանցագործությունները նախկինում չեն բացահայտվել, քանի որ նախկին իշխանությունը որդեգրած քաղաքականություն ուներ՝ պաշտոն տալ այն անձանց, որոնք ստրկաբար ծառայել են իրենց: «Իսկ Գևորգ Կոստանյանը աշխատել է նաև Սերժ Սարգսյանի աշխատակազմում։ Ես դա շատ լավ հիշում եմ, նաև հիշում եմ նրա զինդատախազ աշխատած տարիները, հիշում եմ Բուդաղյանների գործը։ Այսինքն՝ շատ բան կար, որ Կոստանյանի նկատմամբ պետք էր քրեական գործ հարուցել, քրեական հետապնդում սկսել, բայց չէր արվում։ Փաստաբանները մեզ այն ժամանակ տեղեկացնում էին, որ Գևորգ Կոստանյանը, լինելով ՄԻԵԴ-ում ՀՀ կառավարության ներկայացուցիչը, կեղծ փաստաթղթեր էր ներկայացնում, բայց քանի որ այն ժամանակ անպատժելիություն էր, նա կարողանում էր այդ ամենը անել»,- ասաց Ալեքսանյանը՝ հույս հայտնելով, որ անպայման նրա դեմ էլ քրեական գործ պետք է հարուցվի, ընդ որում՝ ոչ միայն Մարտի 1-ով, այլև նույն Բուդաղյաններով և մի շարք այլ գործերով, դրվագներով:

«Քրեական գործեր պետք է հարուցվեն նաև Սերժ Սարգսյանի, Աղվան Հովսեփյանի և մի շարք այլ անձանց նկատմամբ»,- ասաց իրավապաշտպանը՝ ավելացնելով, որ այս ֆոնին իրավապահ մարմինները շատ են դանդաղում՝ դրանով հնարավորություն տալով նախորդ իշխանության ներկայացուցիչներին լքել երկիրը. «Մենք տեսանք, թե ինչպես երկրից հեռացան Վահագն Հարությունյանը, Միքայել Հարությունյանը, Միհրան Պողոսյանը։ Մոսկվայում է նաև Գևորգ Կոստանյանը, և հայտնի չէ՝ հետ կգա, թե ոչ։ Սա մեր իրավապահ մարմինների ոչ պրոֆեսիոնալ աշխատանքի արդյունքն է։ Նույնիսկ Հայկ Հարությունյանի մահն է մեր իրավապահների թերացումը։ Հայկ Հարությունյանը, որպես Մարտի 1-ի գործով առանցքային վկա, պետք է լիներ ԱԱԾ-ի ուշադրության կենտրոնում։ Սա բացթողում էր, որով կարող է թուլանալ Մարտի 1-ի գործով ապացուցողական բազան։ Մենք շարունակաբար տեսնում ենք, որ սա չի դառնում առաջնային հարց իրավապահ մարմինների համար, որ թույլ չտան վկաները հեռանան երկրից, կամ նրանց հետ ինչ-որ բան պատահի։ Չեմ կարող հուսալ, որ այս դեպքից հետո դա առաջնային կդառնա իրավապահների համար»։

Հիշեցնենք, որ հեղափոխությունից հետո Գևորգ Կոստանյանը իր մոտեցումներով տարբերվեց ՀՀԿ խմբակցության մի շարք այլ պատգամավորներից։ Նա իր հրապարակային ելույթներում, հարցազրույցներում ըստ էության աջակցեց Նիկոլ Փաշինյանին՝ հայտարարելով, որ վերջինս ազնիվ է իր մտադրություններում։ Ազգային ժողովի Հանրապետական խմբակցության պատգամավոր Գևորգ Կոստանյանը հայտարարել էր, թե ամբողջությամբ աջակցում է վարչապետ Նիկոլ Փաշինյանին և արտահերթ խորհրդարանական ընտրություններ անցկացնելը քաղաքական անհրաժեշտություն էր համարել։ Կոստանյանը նաև հայտնել էր, որ այդ ճանապարհին պատրաստ է կանգնել Նիկոլ Փաշինյանի կողքին։

Դրանից հետո մամուլը Գևորգ Կոստանյանին բազմաթիվ պաշտոնների նշանակեց, ազատեց, բայց Կոստանյանը այդպես էլ որևէ պաշտոն չստացավ, և, ըստ կրկին մամուլի հրապարակումների, նա ներկայումս աշխատում է Մոսկվայում։ Դեռ հունիսին թերթերից մեկը գրեց, որ Կոստանյանն աշխատանքի է անցել Ռուսաստանի Դաշնության գլխավոր դատախազության համալսարանում։

Իրավապաշտպան, «Վելես» հասարակական կազմակերպության նախագահ Մարինա Պողոսյանն էլ «Առաջին լրատվական»-ի հետ զրույցում նշեց, որ իր համար այլևս զարմանալի չէ Հայաստանում տեղի ունեցողը: «Այնպես չէ, որ Գևորգ Կոստանյանը կամ Ալիկ Սարգսյանը նոր հայտնվեցին։ Արթուր Դավթյանը 2016-ից գլխավոր դատախազ է, նրա ձեռքերը ով էր բռնել։ Նա կարող էր դեռ 2016-ից բացահայտել այդ ամենը ու բարձրացնել Կոստանյանի պատասխանատվության հարցը։ Այս շոպլիկ քաղաքականությունը ես չեմ հասկանում։ Մեկին պաշտոնանկ են անում, սկսում են մի քանիսին ձերբակալել, բա մինչև այդ ո՞ւր էին։ Արթուր Դավթյանն է այս ամենի պատասխանատուն։ Ինչո՞ւ նա ավելի վաղ այդ հարցերը չէր բարձրացնում։ Նա հիմա է այդ հարցերը բարձրացնում, որ իր օդապարիկը վեր բարձրանա։ Նա Վիշինսկին է դարձել ու սկսել է իր համախոհներին, իր ընկերներին դավաճանել։ Ես այս մոտեցումը չեմ հասկանում, չեմ կարողանում մեկնաբանել այս ամենը»,- ասաց տիկին Պողոսյանը՝ հավելելով, որ Արթուր Դավթյանը շատ լավ հասկանում է՝ որ օրը ինքը պաշտոնանկ լինի, հաջորդ օրը բարձրացվելու է նաև իր պատասխանատվության հարցը։

Անկախ ամեն ինչից, իրավապաշտպանի խոսքով, և՛ Գևորգ Կոստանյանը, և՛ մյուսները վաղուց պետք է պատասխանատվության ենթարկվեին, և բացառված էլ չէ, որ միտումնավոր այդ պրոցեսը ձգձգվել է, որ Կոստանյանը և մյուսները կարողանան լքել երկիրը։

ՀԳ. Նյութը պատրաստ էր, երբ հայտնի դարձավ, որ Գևորգ Կոստանյանը կանչվել է Հատուկ Քննչական ծառայություն։ Ըստ ՀՔԾ-ի նա երկրում չէ և խոստացել է վերադառնալ առաջիկա օրերին։

https://www.1in.am/2630798.html?fbclid=IwAR2fcWdrAP3DxpQm4uEUGzoMQnx3PDCDTxpABPI0P5HuH9EgUz8lNcf8Y-0[:]

[:am]

http://nt.am/am/news/273316/[:]

[:am]

https://www.1in.am/2630164.html[:]

[:am]

https://www.youtube.com/watch?v=WTY2JUTw7UM[:]

[:am]Լոռու մարզի ընդհանուր իրավասության դատարանում Սուսաննա Գզոգյանի նախագահությամբ շարունակվեց Վահագն Աբգարյանի՝ «Ալավերդցի Վահագի» ու Վլադիմիր Դավթյանի գործի դատական քննությունը:

Հիշեցնենք, որ 2017 թվականի հունիսի 13-ին, ժամը 12-ն անց 10 րոպեին Վլադիմիր Դավթյանը Ալավերդու Թումանյան 20 հասցեում գտնվող ծաղկի խանութից «Մակարով» ատրճանակով կրակել ու սպանել է փողոցում գտնվող Կամո Փիրուզյանին: Վլադիմիր Դավթյանին մեղադրանք է առաջադրվել դիտավորյալ սպանության ու ապօրինի զենք ձեռք բերելու, պահելու համար՝ ՀՀ քրեական օրենսգրքի 104 հոդվածի 1-ին և 235 հոդվածի 1-ին մասերով:

Գործի քննության ընթացքում վարույթն իրականացնող մարմինը մարզային ոստիկանությունից  գրավոր տեղեկացվել է, որ ձեռք բերված օպերատիվ տվյալների համաձայն՝ Կամո Փիրուզյանի սպանությունը ոչ թե սպանողի ու սպանվածի անձնական թշնամության արդյունք է, այլ՝ կազմակերպված է եղել «Ալավերդցի Վահագի» կողմից՝ մի շարք այլ անձանց օժանդակությամբ, այսինքն՝ պատվերով սպանություն է:

Վահագն Աբգարյանը ներգրավվել է որպես մեղադրյալ: Նրան մեղադրանք է առաջադրվել Կամո Փիրուզյանի սպանությունը կազմակերպելու, Լոռու քննչական վարչության նախկին պետ Թաթուլ Շուշանյանին առանձնապես խոշոր չափերի կաշառք տալու, ինչպես նաև ապօրինի կերպով զենք՝ երկու ատրճանակ, ու ռազմամթերք՝ փամփուշտներ ձեռք բերելու համար: Ատրճանակներից մեկը, ըստ մեղադրանքի, Վահագն Աբգարյանը տվել է Արթուր Մ.-ին, իսկ մյուսը փամփուշտների հետ միասին տվել է Կամո Փիրուզյանի սպանությունն իրագործող Վլադիմիր Դավթյանին:

Վահագն Աբգարյանը մեղադրվում է ՀՀ քրեական օրենսգրքի 38-104 հոդվածի 2-րդ մասի 8-րդ կետով, 235 հոդվածի 1-ին մասով, 312 հոդվածի 2-րդ մասով և 312 հոդվածի 3-րդ մասի 1-ին կետով:

Վլադիմիր Դավթյանին մեղադրանք է առաջադրված ծանրացուցիչ հանգամանքներում դիտավորյալ սպանության և ապօրինի կերպով հրազեն, ռազմամթերք ու սառը զենք ձեռք բերելու համար՝ ՀՀ քրեական օրենսգրքի 104 հոդվածի 2-րդ մասի 6-րդ, 8-րդ կետերով, 235 հոդվածի 1-ին, 4-րդ մասերով:

Վահագն Աբգարյանի ու Վլադիմիր Դավթյանի խափանման միջոցը կալանավորումն է:

Դատարանը ապացույցների հետազոտման փուլում է:

Դատական այս նիստը, որ նշանակված էր 16-ն անց 30-ին, սկսվեց ուշացումով՝ ժամը 17-ին, այսինքն՝ այս ծավալուն գործի քննության համար մինչև աշխատանքային օրվա վերջը մնացել էր ընդամենը 1 ժամ: Դատարանը նիստի ընթացքում մի քանի անգամ հիշատակեց, որ այլ գործերով ծանրաբեռնվածության պատճառով է այս գործի քննության համար տվյալ դեպքում նախատեսել ընդամենը մեկ- մեկուկես ժամ:

Նիստի սկզբում նախագահող դատավորը տեղեկացրեց, որ այս նիստին տեխնիկական միջոցներ չեն տրամադրվել, մինչդեռ դատարանը պատրաստվում էր ունկնդրել հեռախոսային խոսակցությունների գաղտնալսումների ձայնագրությունները:

Նախագահողը տեղեկացրեց, որ հաջորդ նիստին տեխնիկական հարցը լուծված կլինի, իսկ այս նիստին դատարանը շարունակում է քրեական գործում առկա մյուս գրավոր ապացույցների հրապարակումն ու հետազոտումը, մասնավորապես՝ հեռախոսային խոսակցությունների գաղտնալսումների ձայնագրությունների վերծանումների արձանագրությունների հրապարակումը:

Մինչ մեղադրող դատախազ Տիգրան Ենոքյանի կողմից հիշյալ արձանագրությունների հրապարակումը ամբաստանյալ Վահագն Աբգարյանի շահերի պաշտպան, փաստաբան Դավիթ Գյուրջյանը հանդես եկավ միջնորդությամբ:

Պաշտպանը միջնորդեց փոխել դատարանի կողմից սահմանված՝ ապացույցների հետազոտման կարգը, ընդհատել գրավոր և այլ  ապացույցների հրապարակումն ու անցնել վկա Արթուր Մ.-ի հարցաքննությանը:

Պաշտպանն ասաց, որ այս վկան երկար ժամանակ բացակայել է ՀՀ-ից, նա ժամանել է Հայաստան ու տվյալ պահին գտնվում է  դատարանի դահլիճում:

Ըստ պաշտպանի՝ վկա Արթուր Մ.-ն, որ բնակվում է ՌԴ-ում, կապ է հաստատել իր հետ, պատրաստակամություն է հայտնել  արտահերթ ներկայանալու դատարան ու հարցաքննվելու: Պաշտպանը տեղեկացրեց, որ վկան կարճ ժամանակով է ժամանել, նա դարձյալ պետք է հեռանա Հայաստանից, ինչից հետո դատարանն այլևս չի կարող տվյալ գործով առանցքային վկա համարվող Արթուր Մ.-ին հարցաքննել: Այս վկան դատակոչի ցուցակում առաջին համարն է՝ նրա նախաքննական ցուցմունքները դրված են Վահագն Աբգարյանի մեղադրանքի հիմքում: Պաշտպանի կարծիքով այս վկայի հարցաքննությունը  կարևոր է դատավարության բոլոր կողմերի ու հենց դատարանի համար:

Դատարանը քննարկման դրեց պաշտպանի միջնորդությունը:

Մեղադրող դատախազ Տ. Ենոքյանն ասաց, թե աշխատանքային օրը մոտենում է ավարտին, ժամանակը պարզապես չի բավականացնի այս կարևոր վկային հարցաքննելու համար, քանի որ նա իրոք առանցքային վկա է: Մեղադրողն առաջարկեց վկային հարցաքննել հաջորդ նիստում:

Վկա Արթուր Մ.-ն, որ դահլիճում էր, հայտարարեց. «Ես կարճ կկապեմ»:

Միջնորդության հեղինակ, պաշտպան Դ. Գյուրջյանն առաջարկեց այս նիստին սկսել վկայի հարցաքննությունը, եթե այն չավարտվի, շարունակել հաջորդ նիստին:

Տուժողի իրավահաջորդի ներկայացուցիչ, փաստաբան Լուսինե Սահակյանը նշեց, որ դեռ պիտի իրավական գնահատական տրվի այն հանգամանքին, թե ինչպես է պաշտպանական կողմն առնչվել գործով վկայի հետ: Բայց տվյալ պահին, ըստ Լ. Սահակյանի, առաջին հերթին վկան պետք է հեռացվի դատարանի դահլիճից: Լ. Սահակյանը պահանջեց, որ վկան դատարանի կողմից դուրս հրավիրվի դահլիճից:

Նախագահողը տեղի չտվեց ու պնդեց, թե տվյալ պահին դատարանն  այնպիսի գործողություն չի անում, որ անհրաժեշտ լինի վկային անհապաղ դուրս հրավիրել: Հակառակը՝ դատարանը քննարկում է տվյալ վկային հարցաքննելու, նրա՝ Հայաստանում գտնվելու ժամկետների հարցը:

Տուժողի իրավահաջորդի ներկայացուցիչ, փաստաբան Լուսինե Սահակյանն առարկեց պաշտպան Գյուրջյանի միջնորդության դեմ՝ նշելով, թե դատարանը չպետք է փոխի ապացույցների հետազոտման՝ արդեն սահմանված կարգը, քանի որ վկայի լիարժեք հարցաքննությունը հնարավոր է միայն քրեական գործում առկա ապացույցների ամբողջական հրապարակումից ու հետազոտումից հետո: Հակառակ դեպքում, ըստ Լ. Սահակյանի, կողմերը, մասնավորապես՝ տուժող կողմը, չեն կարող հարցեր ուղղել վկային:

Լուսինե Սահակյանն ասաց՝ շատ լավ է, որ վկան ներկայացել է, այստեղ է, ամեն ինչ պետք է անել, որ նա հարցաքննվի, քանի դեռ Հայաստանում է, բայց այս պահին նրա հարցաքննությունը ձևական բնույթ կկրի:

Տուժողի իրավահաջորդի ներկայացուցիչ, փաստաբան Երվանդ Վարոսյանը նույնպես առարկեց պաշտպան Գյուրջյանի միջնորդության դեմ՝ նշելով, որ միայն գործում առկա գրավոր և այլ ապացույցների հրապարակումից ու հետազոտումից հետո է հնարավոր վկայի արդյունավետ հարցաքննություն իրականացնել: Բացի այդ, դատարանը թող գոնե ձևական առումով վկային օրենքով սահմանված կարգով ծանուցի, հաջորդ նիստին անդրադառնա վկային հարցաքննելու հարցին:

Լսելով կողմերին՝ դատարանը որոշեց, որ այս նիստում ապացույցների հետազոտման հաջորդականությունը չի փոփոխի, քանի որ աշխատանքային օրվա ավարտին մնացել է… 50 րոպե: Դատարանը հաջորդ նիստի համար կծանուցի վկային, իսկ հաջորդ նիստը, պարզվեց, նշանակված է նույնպես աշխատանքային օրվա ավարտին՝ սեպտեմբերի 25-ին, ժամը 16-ն անց 15 րոպեին: Կողմերի առաջարկությունները՝ նիստը նույն օրն ավելի վաղ ժամի նշանակելու վերաբերյալ, դատարանը չընդունեց՝ նշելով, որ տվյալ օրը դատարանն արդեն նշանակված վեց նիստ ունի…

Դատարանը ճշտեց՝ վկան սեպտեմբերի 25-ին դեռ լինելո՞ւ է Հայաստանում: Վկան ասաց, որ մի քանի օր է մնալու, բայց հաջորդ նիստին դեռ Հայաստանում կլինի: Վկան նաև ասաց, թե որևէ հասցե չի կարող նշել, ուր դատարանը կարող է ծանուցագիր ուղարկել: Դատարանը վկային նիստի ժամանակ բանավոր ծանուցեց  ու հորդորեց ներկայանալ հաջորդ նիստին:

Հայտարարությամբ հանդես եկավ ամբաստանյալ Վահագն Աբգարյանը: Նա նշեց, թե նախորդ նիստերից մեկում ինքը հայտարարություններ է արել Վահագն Հարությունյանի կողմից գործի նախաքննության ժամանակ կատարված կեղծիքների վերաբերյալ, իսկ դատախազն իրեն նախազգուշացրել է սուտ մատնության համար նախատեսված քրեական պատասխանատվության մասին: Ինքը պնդում է իր հայտարարությունները. «Ես պատասխանատու հայտարարություն եմ արել, թող քրեական գործ հարուցվի, եթե իմ ասածները չեն համապատասխանի իրականությանը, պատրաստ եմ պատասխան տալու»:

Ամբաստանյալը նշեց, որ իր հայտարարությունից հետո «երկու նիստ ա՝ դատախազից ձենձուն չկա իր հայտարարությունների վերաբերյալ: Ինքը ենթադրում է՝ կամ դատախազը «կոմպետենտ չի, կամ դատախազն էլ է ինքն իր մեջ հասկանում, որ այս գործում շատ բան սարքված է…»:

Դատախազ Տ. Ենոքյանն ընդունեց, որ ինքը նախազգուշացրել է ամբաստանյալին՝ սուտ մատնության համար նախատեսված  քրեական պատասխանատվության մասին: Սակայն ամբաստանյալի հայտարարությունները, ըստ դատախազի, «վերացական էին», ինքը պատրաստ է օրենքով նախատեսված քայլերը կատարել, եթե այդ հայտարարություններն ավելի «առարկայական» լինեն: Երբ գործում առկա բոլոր ապացույցները հրապարակվեն ու հետազոտվեն, ամբաստանյալը միգուցե հիշի , թե, օրինակ, կոնկրետ որ ապացույցներն են կեղծված…

Տուժողի իրավահաջորդի ներկայացուցիչ, փաստաբան Լուսինե Սահակյանն առարկեց դատարանի գործողությունների դեմ՝ նշելով, թե որերորդ նիստն է՝ մեղադրանքի շրջանակներից դուրս են եկել ու խոսում են Վահագն Հարությունյանի կատարած ենթադրյալ արարքների մասին: Ըստ Լ. Սահակյանի՝ ամեն բան արվում է, որ գործում առկա ապացույցները չհետազոտվեն: Դատարանն  էլ ուզում է կողմերին պարտադրել, որ վկային հարցաքննեն՝ առանց ապացույցների լրիվ հետազոտման, դեռ ավելին՝ վկայի հարցաքննություն էլ տեղավորել 1 ժամ 45 րոպեի մեջ:

Դատարանի գործողությունների դեմ առարկեց նաև Վահագն Աբգարյանի շահերի պաշտպան, փաստաբան Դ. Գյուրջյանը՝ ինչ-որ իմաստով համաձայնելով տուժող կողմի ներկայացուցիչ Լ. Սահակյանի հետ, որ իրատեսական չէ հաջորդ նիստի ընթացքում սկսել ու ավարտել վկայի հարցաքննությունը, առավել ևս, որ մյուս նիստին դատարանը դեռ պիտի հետազոտի նաև հեռախոսային խոսակցությունների գաղտնալսումների ձայնագրությունները: Պաշտպանը խնդրեց, որ դատարանն ապահովի հաջորդ նիստի ավելի երկար տևողություն կամ վկայի հարցաքննությունը սկսի  հենց այս նիստում:

Դատարանն իր ընդունած որոշումը չվերանայեց, շարունակեց գրավոր ապացույցների հրապարակումը:

Վկա Արթուր Մ.-ն, ինչպես նաև «Վելես» իրավապաշտպան կազմակերպության ղեկավար Մարինա Պողոսյանը դատարանի բակում խոսեցին այս գործի վերաբերյալ իրենց նկատառումների մասին:

Մասնավորապես՝ վկա Արթուր Մ.-ն հայտարարեց, թե Վահագն Աբգարյանին մեղադրող նախաքննական ցուցմունքներն իրենից  կորզվել են Վահագն Հարությունյանի ցուցումով ու նրա անմիջական մասնակցությամբ: Ըստ վկայի՝ Վահագն Հարությունյանն իրեն «հաթաթա է տվել», սպառնացել է, որ 6-7 տարով կնստեցնի, ասել է, թե ինքը Սերժ Սարգսյանի մարդն է, իրեն անգամ Աղվան Հովսեփյանը չի կարող ասել, թե ինչ անի, ինքն է որոշում ամեն բան:

Ըստ վկայի՝ Վահագն Հարությունյանի նպատակը Վահագն Աբգարյանի դեմ մեղադրական ցուցմունքներ կորզելն ու նրան «փակելն էր», ինչը և արել է: Վկան նշեց, թե իր նկատմամբ ֆիզիկական բռնություն չեն գործադրել, իրեն «հոգեկան ճնշման» են ենթարկել, «հոգեկան ճնշման» են ենթարկել նաև իր հայրիկին, ապա իրեն «կոմպրոմիս» են առաջարկել՝ ցուցմունք տալ Վահագն Աբգարյանի դեմ ու նստել ընդամենը… 2-3 ամիս: Ինքը երկար է մտածել, հետո որոշել է ընդունել առաջարկը, և ցուցմունք է տվել ինչպես Վահագն Աբգարյանի, այնպես էլ Թաթուլ Շուշանյանի դեմ:

Ներկա պահին Հայաստան գալով՝ ցանկանում է ուղղել իր սխալը, հայտնել ճշմարտությունը, բայց վախենում է իր կյանքի ու անվտանգության համար, քանի որ այս գործով իրենից ցուցմունքներ կորզածները, բացի Վահագն Հարությունյանից,  ներկայումս էլ բարձր պաշտոններ են զբաղեցնում իրավապահ համակարգում…

https://www.1in.am/2626711.html?fbclid=IwAR0TKhTSs2jTFnUu4r4bs07KoonEw279bKscb5b8JfdyEZUx2kPT9Bt65-o[:]

[:am]https://www.youtube.com/watch?v=0OzWTARElO8

[:am]Լոռու մարզի ընդհանուր իրավասության դատարանում Սուսաննա Գզոգյանի նախագահությամբ շարունակվեց Վահագն Աբգարյանի՝ «Ալավերդցի Վահագի» ու Վլադիմիր Դավթյանի գործի դատական քննությունը:

Հիշեցնենք, որ 2017 թվականի հունիսի 13-ին, ժամը 12-ն անց 10 րոպեին Վլադիմիր Դավթյանը Ալավերդու Թումանյան 20 հասցեում գտնվող ծաղկի խանութից «Մակարով» ատրճանակով կրակել ու սպանել է փողոցում գտնվող Կամո Փիրուզյանին: Վլադիմիր Դավթյանին մեղադրանք է առաջադրվել դիտավորյալ սպանության ու ապօրինի զենք ձեռք բերելու, պահելու համար՝ ՀՀ քրեական օրենսգրքի 104 հոդվածի 1-ին և 235 հոդվածի 1-ին մասերով:

Գործի քննության ընթացքում վարույթն իրականացնող մարմինը մարզային ոստիկանությունից  գրավոր տեղեկացվել է, որ ձեռք բերված օպերատիվ տվյալների համաձայն՝ Կամո Փիրուզյանի սպանությունը ոչ թե սպանողի ու սպանվածի անձնական թշնամության արդյունք է, այլ՝ կազմակերպված է եղել «Ալավերդցի Վահագի» կողմից՝ մի շարք այլ անձանց օժանդակությամբ, այսինքն՝ պատվերով սպանություն է:

Վահագն Աբգարյանը ներգրավվել է որպես մեղադրյալ: Նրան մեղադրանք է առաջադրվել Կամո Փիրուզյանի սպանությունը կազմակերպելու, Լոռու քննչական վարչության նախկին պետ Թաթուլ Շուշանյանին առանձնապես խոշոր չափերի կաշառք տալու, ինչպես նաև ապօրինի կերպով զենք՝ երկու ատրճանակ, ու ռազմամթերք՝ փամփուշտներ ձեռք բերելու համար: Ատրճանակներից մեկը, ըստ մեղադրանքի, Վահագն Աբգարյանը տվել է Արթուր Մ.-ին, իսկ մյուսը փամփուշտների հետ միասին տվել է Կամո Փիրուզյանի սպանությունն իրագործող Վլադիմիր Դավթյանին:

Վահագն Աբգարյանը մեղադրվում է ՀՀ քրեական օրենսգրքի 38-104 հոդվածի 2-րդ մասի 8-րդ կետով, 235 հոդվածի 1-ին մասով, 312 հոդվածի 2-րդ մասով և 312 հոդվածի 3-րդ մասի 1-ին կետով:

Վլադիմիր Դավթյանին մեղադրանք է առաջադրված ծանրացուցիչ հանգամանքներում դիտավորյալ սպանության և ապօրինի կերպով հրազեն, ռազմամթերք ու սառը զենք ձեռք բերելու համար՝ ՀՀ քրեական օրենսգրքի 104 հոդվածի 2-րդ մասի 6-րդ, 8-րդ կետերով, 235 հոդվածի 1-ին, 4-րդ մասերով:

Վահագն Աբգարյանի ու Վլադիմիր Դավթյանի խափանման միջոցը կալանավորումն է:

Դատարանը ապացույցների հետազոտման փուլում է:

https://www.1in.am/2626705.html[:]

[:am]

Երեկ Լոռու մարզի ընդհանուր իրավասության դատարանում քննվող Կամո Փիրուզյանի սպանության գործով տեղի ունեցող դատական նիստին անսպասելիորեն հայտնվեց գործով առանցքային կարևորություն ունեցող վկան՝ Արթուր Մնացականյանը։ Նա գրեթե 2 տարի բացակայել է Հայաստանից և օրերս վերադարձել է հայրենիք՝ դատարանում ցուցմունք տալու նպատակով, թեև վկաների դատակոչը դեռ չի սկսվել։

Արթուր Մնացականյանը հայտարարեց, որ կարճ ժամանակով է եկել Հայաստան և նորից հետ է վերադառնալու Ռուսաստանի Դաշնություն, ուր տեղափոխվել է այս գործով վկայություն տալուց հետո։

Նշենք, որ Արթուր Մնացականյանը սպանության գործով միակ վկան է, ով մեղադրական եզրակացությունը հաստատող ցուցմունք է տվել՝ հաստատելով, թե Վահագն Աբգարյանն է կազմակերպել Կամո Փիրուզյանի սպանությունը։ Մնացականյանը ոչ միայն Աբգարյանի, այլև մի խումբ անձանց դեմ էլ է ցուցմունքներ գրել։ Այսօր նա պնդում է, որ իրեն ստիպել են այդպես անել։ Մնացականյանին երեկ չհաջողվեց վկայություն տալ դատարանում, քանի որ դատավոր Սուսաննա Գզոգյանը նպատակահարմար չգտավ հարցաքննել նրան այդ նիստին (նիստն ընդամենը 1 ժամ էր տևելու), փոխարենը տեղում ծանուցեց հաջորդ նիստի վերաբերյալ, որը տեղի կունենա սեպտեմբերի 25-ին՝ ժամը 16։15-ին։

Արթուր Մնացականյանը դատարանի դահլիճից դուրս գալուց հետո «Հակակոռուպցիոն բլոգ»-ին ուղիղ եթերում հարցազրույց տվեց և ներկայացրեց մանրամասները, թե ովքեր և ինչպես են ստիպել իրեն կեղծ ցուցմունքներ տալ իր ընկերոջ՝ Վահագն Աբգարյանի և այլոց դեմ։ Մնացականյանը նաև նշեց, որ իր հանդեպ կարող են մահափորձ իրականացնել, ինքը մտահոգված է իր անվտանգության համար։

Մանրամասները՝ տեսանյութում։

https://www.facebook.com/2072088772825684/videos/494844981295168/

Լուսանկարը՝ azatutyun.am-ի

Continue reading at https://acblog.am/?p=3882 | AntiCorruption[:]

[:am]https://www.youtube.com/watch?v=D7tjvc4vpAw[:]

[:am]https://www.youtube.com/watch?v=gu3uyOdkdfs[:]

[:am]

Մեկնարկել է «Մարտի 1-ի» գործով Սահմանադրական կարգը տապալելու համար մեղադրվող երկրորդ նախագահ Ռոբերտ Քոչարյանի եւ մյուսների վերաբերյալ գործի քննությունը։ Վաղը Դատարանը որոշում կկայացնի Քոչարյանի խափանման միջոցի վերաբերյալ:
Արդյո՞ք Սահմանադրական դատարանի որոշման մեջ առկա են բավարար հիմքեր, որպեսզի Ռոբերտ Քոչարյանի խափանման միջոցը վերացվի: Թեման վերլուծում են իրավապաշտպան Մարինա Պողոսյանը և Ռոբերտ Քոչարյանի աջակից, փաստաբան Վահե Եփրիկյանը:

https://lratvakan.am/?p=115669&l=am/qocharyany+petq+e+azat+ardzakvi+tevoch+banavichum+en+marina+poxosyany+ev+vahe+eprikyany+qaxaqakan+gorcakic[:]

[:am]

Վարչապետ Նիկոլ Փաշինյանը ԱԱԾ տնօրեն Արթուր Վանեցյանին աշխատանքից ազատելու միջնորդագիր է ստորագրել։

Ինձ համար նորմալ չի, որ իրավունքի և օրենքի գերակայության երկրում դատարանի վրա ճնշում է գործադրվում․ խնդրում եմ Քոչարյանի պաշտպաններին այս բառերիցս հետո չակտիվանալ։ Բայց իրականում սա ինձ համար անընդունելի էր։ Ճիշտն ասած՝ ես Վանեցյանի դեմ անձամբ ոչինչ չունեմ․ շատ հաճելի, համակրելի արտաքինով երիտասարդ է։ Վանեցյանն արեց բավականին գործընթացներ, որը վերաբերվում էր ոչ ազգային անվտանգության ծառայությանը, այլ 6-րդ վարչության՝ տնտեսական հանցագործությունների դեմ պայքարի վարչության գործընթացին։ Այսինքն՝ այդ աղմկահարույց շոուները, որ եղան, մեծ մասը չհասան իրենց տրամաբանական ավարտին։

Դավիթ Սանասարյանի գործին էլ կուզենայի անդրադառնալ։ Ամեն մարդ ունի իր ենթադրությունները։ Դավիթին ես ճանաչում եմ որպես պայքարող տեսակ, և երբեք չեմ հավատացել, որ նա կարող է նման գործառույթների մեջ խառնված լիներ։ Ես սա հակամարտություն եմ միշտ դիտարկել, և ասել եմ, որ կամ Դավիթը կմնա, կամ Վանեցյանը։ Ես հավատում եմ, որ Դավիթն արդարացվելու է»։

Մանրամասները՝ տեսանյութում։

https://www.1in.am/2625467.html[:]

[:am]

«Հակակոռուպցիոն բլոգը» ամիսներ շարունակ սեփական հետաքննություն է անցկացրել Ալավերդի քաղաքում և դրանից դուրս տեղի ունեցած հանցագործություններում շահագրգիռ անձանց բացահայտելու ուղղությամբ։ 2015 թվականին տեղի ունեցած քաղաքապետի ընտրություններից հետո Ալավերդիում, Ախթալայում և Երևանում կրակոցներ են հնչել, որոնց արդյունքում սպանվել է չորս մարդ, Ալավերդին, իսկ հետագայում Հայաստանը լքել է առնվազն երկու անձ, խոշտանգվել են չորս քաղաքացիներ, իսկ Ալավերդի քաղաքում շարունակել են տիրել հանցավոր մթնոլորտն ու գողական բարքերը։ Ստորև ներկայացնում ենք իրադարձությունների ժամանակագրությունն ու փաստերը, որոնք ապացուցում են Ալավերդիի «Լալվար» քարի արտադրամասի տնօրեն Տարոն Աբգարյանի առնչությունը դրանց հետ։

Ամեն ինչ սկսվել է 2015 թվականի Ալավերդիի քաղաքապետի  ընտրություններից․ առաջին հայացքից սովորական տեղական ընտրությունները  իրականում արտառոց հանցագործությունների շղթայի սկիզբը դարձան։ Ընտրություններին պայքար է ընթացել երկու ազդեցիկ թեկնածուների միջև, մեկը «Լալվար» քարի արտադրամասի տնօրեն Տարոն Աբգարյանի եղբայրն էր՝ Արթուր Աբգարյանը, մյուսը Լոռու մարզպետ Արթուր Նալբանդյանի կողմից աջակցություն վայելող թեկնածուն՝ Կարեն Փարեմուզյանը։ Վերջինիս թեկնածությունը մեծապես աջակցել էր Ալավերդիում որոշակի հեղինակություն վայելող Վահագն Աբգարյանը (ազգանունների նույնությունը պատահական է, Վահագն և Տարոն Աբգարյանների միջև ազգակցական կապ չկա)։

Արդյունքում Տարոն Աբգարյանի եղբայրը պարտվել էր, դրան հետևել էին մի շարք հանցագործություններ։ Արյունալի իրադարձությունները՝ նախ համառոտ․ ընտրություններից ամիսներ անց Տարոն Աբգարյանի մտերիմ աշխատակից Վարդան Անտոնյանը կրակահերթ էր բացել Վահագն Աբգարյանին և նրա ընկերոջը պատկանող ավտոմեքենաների վրա։ Վահագն Աբգարյանը մեքենայի մեջ չի եղել, մեքենայի մեջ են եղել նրա ընկերները, սակայն որևէ մեկը չի տուժել մեքենայի զրահապատ լինելու շնորհիվ։ Այդ օրը մեքենայում գտնված Էդուարդ Պողոսյանին հետագայում սպանել են ընկերոջ՝ Վարդան Ավագյանի հետ միասին։ Ըստ ոստիկանության տվյալները՝ նրանց սպանել է Վարդան Փիրուզյանը, ով հետախուզման մեջ է։ Վարդանի եղբայրը՝ Կամո Փիրուզյանը, դեպքից որոշ ժամանակ անց վերադարձել է Ալավերդի և սպանվել է Վլադիմիր Դավթյանի կողմից։ Դրան հաջորդել է Երևանի կենտրոնում՝ «Թուֆենկյան» հյուրանոցի մոտ Վահագն Աբգարյանի վրա բացած կրակահերթը, որին զոհ է գնացել Վահագնի ընկերը՝ Գագիկ Մոսինյանը։  Վահագն Աբգարյանը ծանր վիրավորվել է, բժիշկներին հաջողվել է փրկել նրա կյանքը։ Դեպքից կարճ ժամանակ անց մեղադրանք է առաջադրվել Վահագն Աբգարյանին՝ Կամո Փիրուզյանի սպանությունը կազմակերպելու համար։ Ստորև ներկայացնում ենք տեղի ունեցած դեպքերն առավել հանգամանալից։

«ԿԱՄ ԵՍ ԻՐԱՆ ՍՊԱՆԻԼ ՏԵԻ ԿԱՄ ՂՐԳԻԼ ՏԵԻ, ՀԵՆԱ՝ ՂՐԳԵՑԻ»

2015 թվականի հունիսին տեղի ունեցած ընտրություններից հետո՝ նույն թվականի հոկտեմբերի 11-ին, Ախթալայի կամրջի վրա Վարդան Անտոնյանը կրակահերթ է բացել Վահագն Աբգարյանին պատկանող ավտոմեքենայի վրա։ Դեպքի ականատես Արմեն Հարությունյանը որոշ ժամանակ անց ստիպված է եղել հեռանալ Հայաստանից։ «Հակակոռուպցիոն բլոգին» սակայն հաջողվել է կապ հաստատել նրա հետ և տեսազանգի միջոցով հարցազրույց վերցնել։ Ականատես վկան պատմել է, թե ինչպես է տեղի ունեցել դեպքը։ «Վարդան Անտոնյանը ոնց որ Տարոնի ախրանիկը լիներ, ռաստ եկանք, Վարդանը ասեց՝ ուզո՞ւմ ես քաղաքով ֆռանք, ասի՝ ֆռանք։ Գնացինք, քաղաք ֆռում ենք, բա՝ կարա՞նք մի հատ քարի ցեխը մտնենք, ասի՝ հա։ Գնաց ցեխը, դուրս եկավ, ձեռին շոր էր, ավտոյի հետևի դուռը բացեց, շորը գցեց։ Ու ֆռում էինք քաղաք, մեր Վահագի (Վահագն Աբգարյանի) «Խամերն» ու Արկոյի «Տիանան» ռաստ եկան, բա՝ քշի սրանց հետևից տենանք սրանք ո՞ւր են գնում։ Ասի՝ ինչի՞դ ա պետք, այ ախպեր։ Ասեց՝ թե բա վախո՞ւմ ես։ Ասի՝ ինչի՞ համար եմ վախում, ուզում ես, կքշեմ։ Բա թե քշի, գնանք Ախթալու մոստի վրա, տենանք Ճոճկան են գնում, թե ուր են գնում։ Քշեցի, գնացի Ախթալու մոստի վրա կանգնեցի, մի երկու րոպեից Վահագի ավտոն ու «Տիանան» եկան։ Սա գնաց ավտոյի դուռը բացեց, շորի մեջ զենք էր, հանեց ու գռցրուց։ Ես փախա ճոպանի վրա, ասի՝ հանկարծ գլուխս չուտեն։ Կրակոցը որ պրծավ, «Խամերն» ու «Տիանան» հետ քշեցին Ալավերդու կողմը։ Ես հետ գնացի, նստեցի ավտոս»։

Արմեն Հարությունյանը դեպքի հաջորդ օրը չի կարողացել հանդիպել Վարդան Անտոնյանին և որոշել է փախչել հարևան Վրաստան։ Երկու օր անց որոշել է վերադառնալ ու իրավապահ մարմիններին պատմել իրականությունը։ Արմենի խոսքով՝ իր հայրը Ոստիկանության Լոռու մարզային վարչության Թումանյանի բաժնի պետի տեղակալ Աշոտ Տիտանյանի հետ եկել են Վրաստան, որպեսզի իրեն ուղեկցեն Հայաստան։ «Ճամփումը Տիտանյան Աշոտը՝ բա գիտես չէ՞, Արմեն ջան, ոնց պիտի գրվի, ինչ կա, սաղ Վարդանը, ուրիշ անուն-մանուն չկա, չէ՞։ Ասի՝ հա։ Դե ինքը Տարոնանց հետ մոտիկ ա, բարեկամ-բան են, ջոգեցի էլի՝ ինչ ա նամիկատ անում, որ քարի ցեխի անուն չտրվի»։

Ստորև ներկայացնում ենք Արմեն Հարությունյանի հարցազրույցը։

Արմեն Հարությունյանը պատմում է, որ իր ցուցմունքից հետո Տարոնի ընկերախմբի ու իր հարաբերությունները լարվել են․ «Տարոնի գռուպան՝ մի հատ բենզին անողների գռուպա կա, օբշի լարվեցին իմ դեմ»։ Վարդան Անտոնյանին Լոռու մարզի ընդհանուր իրավասության դատարանը դատապարտում է 13 տարվա ազատազրկման։ Արմեն Հարությունյանը հեռախոսազրույց է ունենում Տարոն Աբգարյանի հետ, որի ընթացքում վերջինս ասում է, որ Վարդանը իր պատճառով է մտել այս պատմության մեջ և որ ինքն ամեն գնով նրան հանելու է։ Արմեն Հարությունյանը «Հակակոռուպցիոն բլոգին» է տրամադրել իր կողմից նկարահանված և ձայնագրված հեռախոսազրույցը։ «Հմի տես, Վարդանն էս ամեն ինչի մեջ իմ խաթր ա մտել, ընտրությունը չլներ, Վարդանը նրանց հետ ի՞նչ պրոբլեմ կունենար։ Դրա համար եմ ուզում օգնեմ, իմ խղճին դարդ ա, ընտրության խաթր նրանք թարսվեցին իրար հետ։ Ես նրան պա լյուբոմու օգնելու եմ, հանելու եմ։ Ու դուք էլ անիմաստ դառնալ տեք թշնամի»,- հեռախոսազրույցի ժամանակ ասել է Տարոն Աբգարյանը։ Տարոն Աբգարյանը նաև ասում է, որ ինչ-որ տեղեր է խոսել, իրեն ասել են, թե ինչ է պետք անել։

Մանրամասները՝  տեսանյութում։

Ի դեպ, կարելի է արձանագրել, որ Տարոն Աբգարյանն իր խոսքի տեր մարդ է, քանի որ նշված հեռախոսազրույցից որոշ ժամանակ անց 13 տարվա ազատարազրկման դատապարտված Վարդան Անտոնյանը ազատ է արձակվել ՀՀ վերաքննիչ քրեական դատարանի կողմից։ Թե ինչպես է դա հաջողվել Աբգարյանին, հավանաբար տեղյակ է Վերաքննիչ քրեական դատարանի դատավոր Ռուզան Բարսեղյանը, ում որոշմամբ էլ Անտոնյանն այժմ ազատության մեջ է։

Արմեն Հարությունյանը բախումներից խուսափելու համար ժամանակավոր տեղափոխվել է Վանաձոր։ Հարությունյանին կարճ ժամանակով ձերբակալել են. այդ ընթացքում Հատուկ քննչական կոմիտեի պետի նախկին տեղակալ Վահագն Հարությունյանը փորձել է մեկ այլ քրեական գործով նրանից ցուցմունքներ կորզել ընդդեմ Վահագն Աբգարյանի։ Հարությունյանը «Հակակոռուպցիոն բլոգին» պատմել է այդ ճնշումների մասին ևս։

Արմեն Հարությունյանը նաև դեմ առ դեմ է զրուցել Տարոն Աբգարյանի հետ․  «Ախպերս զանգեց, կանչեց քարի ցեղը։ Գնացի, տեսա՝ Վարդանը, Տարոնը, մյուս ախրանիկը՝ Արենը, ըտի են։ Գնացի, ընկան ջեբերս, հեռախոսներս են հանում՝ թե բա՝ տենանք, հո՞ զապիս չես անում։ Տարոնը՝ բա կառոչի, լսի, մի հատ սենց հարց կա, եթե ուզում ես քեզ համար սաղ լավ ըլնի, գալիս ես մեր կողքը։ Ասեց՝ արի, կուզես կաշխատես, մեր կողքի մարդը կլնես։ Հետո ասեց՝ բա գիտես, ես զապիսներ ունեմ, Վահագը քեզ ինչ քֆուր ասես արել ա։ Նա քու լավը չի ուզում»,- պատմում է Արմեն Հարությունյանը։ Նա նաև ուշագրավ տեղեկություններ է հայտնել Վահագն Աբգարյանի ձերբակալության մեջ Տարոն Աբգարյանի շահագրգռվածության վերաբերյալ։ Արմենի խոսքով, Տարոն Աբգարյանն ասել է, թե կամ Վահագը պիտի իրեն սպաներ կամ ինքը՝ Վահագին։ Կամ էլ պիտի Վահագին «ղրգեր»՝ նստեցնել տար․ «Կամ ես իրան սպանիլ տեի կամ ղրգիլ տեի, հենա՝ ղրգեցի, մթամ նստեցրի էլի,- հիշում է Արմեն Հարությունյանը,- խոսակցության վախտը Տարոնը ասում ա՝ եթե ջոգեմ իմ վրով մի հատ մի բան ըլնի, Վահագի մի էրեխուն մատաղ եմ անելու»։

Արմեն Հարությունյանը, անհանգստանալով սեփական անվտանգության համար, լքել է ոչ միայն Ալավերդի քաղաքը, այլև Հանրապետությունը։ Նա մտահոգված է, որ Ալավերդիում ապրող իր կնոջն ու երեխաներին կարող են վնասել, ուստի փորձում է նրանց ևս տեղափոխել երկրից։

Հարությունյանը նաև պատմել է, որ Տարոն Աբգարյանն իրեն ասել է, թե Արկոն՝ Արթուր Մնացականյանը, «իրենց մարդն է»։ Նշենք, որ Արթուր Մնացականյանը միակ վկան է, ով ցուցմունք է տվել Վահագն Աբգարյանի դեմ։ Ներկայումս նա ևս գտնվում է արտերկրում, նրա գտնվելու ստույգ վայրը հայտնի չէ։

ԲՈԼՈՐ ԿՐԱԿՈՂՆԵՐԸ ՄՏԵՐԻՄ ԵՆ ԱԲԳԱՐՅԱՆ ԵՂԲԱՅՐՆԵՐԻ ՀԵՏ

Աբգարյան եղբայրների մտերմությունը Ալավերդիում և հետագայում Երևանում իրագործած սպանությունների մեջ մեղադրվող անձանց հետ ապացուցվում է ինչպես վկաներից մեկի ցուցմունքով, այդպես էլ այդ անձանց սոցիալական ցանցերում առկա լուսանկարներով։ Էդուարդ Պողոսյանի և Վարդան Ավագյանի սպանության մեջ մեղադրվող Վարդան Փիրուզյանը ընդհանուր, մտերմիկ լուսանկարներ ունի Տարոն և Արթուր Աբգարյանների հետ, ինչպես նաև «Թուֆենկյանի» մոտ կրակոցներ արձակած Արմեն Կարադավիդովի հետ։

Լուսանկարները վերցված են Վարդան Փիրուզյանի Օդնոկլասսնիկի սոցիալական մեդիայի էջից։

Արմեն Կարադավիդովի կինը՝ Արմինե Թամազյանը (իր պնդմամբ՝ զուտ փաստաթղթով են ամուսիններ եղել, իրականում համատեղ կյանք չեն վարել) իր ցուցմունքով հաստատել է, որ Կարադավիդովը մտերիմ հարաբերությունների մեջ է եղել Տարոն և Արթուր Աբգարյանների հետ։ Արմինե Թամազյանը նաև նշել է, որ Աբգարյան եղբայրների հետ մտերիմ են Արմենի քեռիները։

Տարոն Աբգարյանը հրաժարվեց հարցազրույց տալ «Հակակոռուպցիոն բլոգին»

Իրավիճակը բազմակողմանի ներկայացնելու և օբյեկտիվությունը պահպանելու համար «Հակակոռուպցիոն բլոգը» փորձեց հարցազրույց անցկացնել նաև Տարոն Աբգարյանի հետ։ Նա երկու օր չէր պատասխանում մեր հեռախոսազանգերին, իսկ երբ հաղորդագրություն ուղարկեցինք՝ նշելով, որ ցանկանում ենք հարցազրույց անցկացնել իր հետ, պատասխանեց, որ արտերկրում է և խնդրեց հարցերն ուղարկել գրավոր։ Աբգարյանին մի շարք հարցեր ուղարկեցինք, մասնավորապես, որ ցանկանում ենք իր կարծիքը լսել սպանության գործերով անցնող և մի շարք այլ անձանց հետ իր հարաբերությունների վերաբերյալ։ Աբգարյանից ստացանք հետևյալ պատասխանը, որը նա խնդրեց հրապարակել․ «Ծանոթանալով Ձեր տարօրինակ հարցադրումներին որոշեցի ուսումնասիրել ձեր կայքը և պարզեցի, որ Դուք զանգվածային լրատվության միջոց ներկայացնող անձ չեք։ Հակակոռուպցիոն բլոգը, որը Դուք ներկայացնում եք, ստեղծվել է «Վելես» իրավապաշտպան հասարակական կազմակերպության կողմից։ Իսկ նույն բլոգի հրապարակման համաձայն Վահագն Աբգարյանի ներկայացուցիչ է ճանաչվել «Վելես» իրավապաշտպան հասարակական կազմակերպության նախագահ Մարինա Պողոսյանը։ Ինչից հետևում է, որ Դուք անկախ լրագրող չեք կարող հանդիսանալ, օբյեկտիվ տեղեկատվություն չեք տարածելու (ինչն ապացուցվում է նաև նախկին ձեր հրապարակումներով, որոնցից որոշներին ես ծանոթացա Ձեր նամակից հետո), ուստի ես նպատակահարմար չեմ գտնում Ձեր հարցերին պատասխանել։ Սա Ձեր հարցերին իմ պատասխանն է, որը խնդրում եմ զետեղել Ձեր հրապարակման մեջ»։

Տարոն Աբգարյանն իր այս պատասխանով ըստ էության հաստատում է, որ իր և Վահագն Աբգարյանի միջև կոնֆլիկտ կա, քանի որ չի ցանկանում պատասխանել նրա շահերը ներկայացնող հասարակական կազմակերպության կողմից ստեղծված բլոգի հարցերին։ Նշենք, որ «Հակակոռուպցիոն բլոգում» մինչ այս տեղ գտած հրապարակումներում երբեք չի շոշափվել Տարոն և Արթուր Աբգարյանների անունները։ Այս գործի վերաբերյալ մեր հրապարակումները սահամանփակվել են Հատուկ քննչական կոմիտեի պետի նախկին տեղակալ Վահագն Հարությունյանի կողմից վկաների վրա բանեցված ճնշումների վերաբերյալ հրապարակումներով և Կամո Փիրուզյանի սպանության գործով դատավարությունների լուրերով։

Ինչևէ, հարցազրույցից հրաժարվելը Տարոն Աբգարյանի իրավունքն է, իսկ հետևություններ անելը՝ իրավապահ մարմինների պարտականությունը։

շարունակելի

Արման Ղարիբյան

Continue reading at https://acblog.am/?p=3832&fbclid=IwAR0ZSIjzhAyjAfXe57vFTKL3xJ55k-6LnrIB3DUlKCUCPK9cVFNJ0ho6cbU | AntiCorruption

[:]