[:am]
Առողջ է թե՞ անառողջ ինձ չի հետաքրքրում… ով այդքան տուշոնկա լափեր, որ առողջ մնար։ Մանվել Գրիգորյանը վերջինը պետք է լիներ, որ առողջական խնդիրների պատճառով ազատվեր կալանքից։
Բա մեր զինվորների մայրերը ինչ ՞ ասեն, որոնց հացը մանվելներն են գողացել։
[:am]https://www.youtube.com/watch?v=0k-P88TUdlU&t=66s[:]
[:am]
https://www.youtube.com/watch?v=s3bltHsHh2M[:]
[:am]
ՀՀ քննչական կոմիտեում «Վելես» իրավապաշտպան ՀԿ հաղորդման հիման վրա քրեական գործ է հարուցվել «Էլիտ Գրուպ»-ի կողմից հարկեր վճարելուց չարամտորեն խուսափելու փաստի առթիվ, մի գործ, որը կարող է դառնալ խոշոր կոռուպցիոն կծիկի քանդման սկիզբը։ «Էլիտ Գրուպ» փակ բաժնետիրական ընկերությունը (ՓԲԸ) իրականացնում է բնակելի և հասարակական էլիտար համալիրների շինարարություն և վաճառք։ ՀՀ քննչական կոմիտեում հարուցված գործը որոշակիորեն բացահայտում է, թե ինչպես է տեղի ունենում վաճառքի գործընթացը։
Քրեական գործի հարուցման հիմքում դրված է մեկ ընտանիքի հետ «Էլիտ Գրուպ» ՓԲԸ-ի կնքած պայմանագիրը։ Մեր տեղեկություններով՝ այդպիսի պայմանագրեր շատ կան և հնարավոր է, որ առաջիկայում «Էլիտ Գրուպ»-ից բնակարան ձեռք բերած այլ անձինք ևս բացահայտեն իրենց պայմանագրերում առկա խնդիրները։
Եվ այսպես, ըստ հարուցված քրեական գործի՝ 2007 թվականին «Էլիտ Գրուպ» ՓԲԸ-ի և ամուսիններ Կարլեն Հովսեփյանի և Արուսյակ Սանասարյանի միջև պայմանավորվածություն է ձեռք բերվել 52 միլիոն 180 հազար դրամի դիմաց Երևան քաղաքի Ռոստոմի 29 հասցեում գտնվող բազմաբնակարան շենքում 162 քմ բնակելի տարածք և 2 ավտոկայանատեղի գնելու վերաբերյալ։ Կողմերի միջև ձեռք բերված պայմանավորվածությունը արձանագրվել է նախնական պայմանագրում, որը, սակայն, «Էլիտ Գրուպ» ՓԲԸ-ի կողմից որևէ մեկը չի ստորագրել։ Մեզ մոտ առկա են դրամարկղային մուտքի օրդերների պատճենները, որոնցով ապացուցվում է, որ ընտանիքը 2007-2008 թվականներին «Էլիտ Գրուպ» ՓԲԸ-ին վճարել է նախնական պայմանագրում արձանագրված 52 միլիոն 180 հազար դրամը։
2009 թվականին, երբ կողմերի միջև կնքվել է նոտարական վավերացմամբ պայմանագիր, «Էլիտ Գրուպ» ՓԲԸ-ն պայմանագրում նշել է ոչ թե փաստացի ստացած գումարը, այլ ընդամենը 31 միլիոն դրամ՝ 21 միլիոն 180 հազար դրամով պակաս, քան բնակարանի ու ավտոկայանատեղերի իրական արժեքն է եղել։
Հարուցված քրեական գործի համաձայն՝ «Էլիտ Գրուպ» ՓԲԸ-ն ընդամենը մեկ ընտանիքի հետ կնքված պայմանագրով, թաքցնելով ստացված իրական գումարը, պետությանը չի վճարել 3 միլիոն 530 հազար ՀՀ դրամ՝ որպես ավելացված արժեքի հարկ և ևս 3 միլիոն 529 հազար դրամ՝ որպես շահութահարկ։ Քննչական կոմիտեն պարզել է, որ «Էլիտ Գրուպը» նույն շենքի այլ բնակիչների հետ կնքած պայմանագրերում ևս թաքցրել է բնակարանների իրական արժեքը և այդպիսով, ընդհանուր առմամբ, խուսափել է գրեթե 66,5 միլիոն դրամի հարկ վճարելուց։
Հարուցվել է քրեական գործ առանձնապես խոշոր չափերի հարկերը վճարելուց չարամտորեն խուսափելու փաստի առթիվ (ՀՀ Քրեական օրենսգիրք 205 հոդվածի 2-րդ մաս)։
Դեկտեմբերի 18-ին մենք փորձեցինք կապվել «Էլիտ Գրուպ» ՓԲԸ-ի նախագահ Արմեն Մկոյանի հետ, որի բջջային հեռախոսն անհասանելի էր, իսկ ՓԲԸ-ի աշխատակիցը հայտնեց, թե նա երկրում չէ։ Ղեկավար կազմից այդ օրը ոչ ոք չկար գրասենյակում։ Թողեցինք հեռախոսահամար և խնդրեցինք կապվել մեզ հետ հարուցված քրեական գործի վերաբերյալ իրենց տեսակետը լսելու և ներկայացնելու նպատակով։ Մինչ օրս «Էլիտ Գրուպ» ՓԲԸ-ից որևէ զանգ չենք ստացել։
Հեղինակ՝ Արման Ղարիբյան
https://www.1in.am/2481073.html[:en]The Investigative Committee of Armenia has initiated a criminal case on the fact that Elite Group avoided maliciously paying taxes. This was based on the report submitted by “Veles” human rights NGO. The case may become a start of demolition of some major corruption “balls”. “Elite Group” closed joint-stock company (CJSC) constructs and sells residential and public elite complexes. The case initiated in the Investigative Committee of Armenia discloses definitely how the sale process takes place.
The basis of the initiation of the criminal case is the contract signed between “Elite Group” CJSC and one family. According to our information, there are a lot of such contracts, and other people who obtained apartments from Elite Group may also discover certain problems in their contracts in future.
Thus, according to the criminal case, in 2007, “Elite Group” CJSC and spouses Karlen Hovsepyan and Arusyak Sanasaryan agreed that the latter could obtain 162 square meters of living space in a block of flats at 29 Rostom street in Yerevan and two parking spaces, against 52 million 180 thousand drams. The consent reached between the parties was recorded in the preliminary contract, which, however, was not signed by “Elite Group” CJSC. We have copies of cashback orders confirming that in 2007-2008 the family paid “Elite Group” CJSC the sum of 52 million 180 thousand drams mentioned in the preliminary contract.
In 2009, when a contract between the parties was signed and certified by in notary, “Elit Group” CJSC did not mention the amount actually received, but 31 million drams which was less than 21 million 180 thousand drams of the real value of the apartment and parking lots.
According to the initiated criminal case, only in the frames of a contract with one family, “Elite Group” CJSC did not pay the state 3 million 530 thousand drams as VAT and more 3 million 529 thousand drams as profit tax, with this hiding the real amount received. The Investigative Committee has found out that Elite Group also concealed the real value of the apartments in the contracts with other residents of the same building, thus avoiding paying taxes of almost 66.5 million drams.
A criminal case has been instituted on the fact that the taxpayer illegally evaded to pay large-scale taxes (Part 2 of Article 205 of the Criminal Code of Armenia).
On December 18, we wanted to contact Armen Mkoyan, the president of “Elite Group” CJSC. His mobile phone was out of reach, and an employee of CJSC informed that he was not in the country. There was no one of the managers in the office that day. We left a phone number and asked to contact us so that we could know and present their point of view on the criminal case. So far we have not received any telephone calls from “Elite Group” CJSC.
Continue reading at https://acblog.am/?p=2113&lang=en | AntiCorruption[:]
[:am]
Երեւան քաղաքի ընդհանուր իրավասության դատարան էին դիմել իրավապաշտպաններ Արա Ղարագյոզյանն ու Մարինա Պողոսյանը: Նրանք բողոք էին բերել հատուկ քննչական ծառայության որոշման դեմ, որը կապված էր 4000 դրամ գողության համար դատապարտված Սյունիքի մարզի բնակիչ Հասմիկ Սարգսյանի հետ: Նրանք պահանջում էին «Քրեական հետապնդումը չիրականացնելու եւ քրեական գործի վարույթը կարճելու մասին» ՀՀ հատուկ քննչական ծառայության քննիչ Զ. Թադեւոսյանի կողմից կայացրած 2018 թ. հուլիսի 2-ի որոշման դեմ ներկայացրած բողոքը եւ ՀՀ գլխավոր դատախազի տեղակալի կողմից 17.07.2018 թ. բողոքը մերժելու մասին որոշումը եւ ճանաչելով Հ. Սարգսյանի իրավունքների եւ ազատությունների խախտման փաստը, կամ քրեական գործը ուղարկել նոր արդյունավետ քննության: Դատավոր Դ. Բալայանը դիմելով կողմին, հստակեցրեց պահանջը, ասելով, թե դատախազի տեղակալի որոշումը չի կարող վիճարկվել: Հասմիկ Սարգսյանը ՀՀ հատուկ քննչական ծառայություն հաղորդում էր ներկայացրել այն մասին, որ 2017թ. հուլիսի 6-ին ընկերուհի Մարիետա Հովհաննիսյանի դրամապանակից գաղտնի հափշտակել է 4000 ՀՀ դրամ գումար: Նույն օրը ՀՀ ոստիկանության Միսիանի բաժնի աշխատակիցներն իրեն հրավիրել են բաժին, որտեղ քրեական հետախուզության բաժանմունքի պետ Մանասեր Ստեփանյանը, սպառնալով, որ իրեն ծեծի կենթարկի, պահանջել է բացատրություն տալ, որ գողացել է ոչ թե 4000 ՀՀ դրամ գումար, այլ 10.000 ՀՀ դրամ գումար: Ապա նույն բաժնի օպերլիազոր Պետիկ Ալեքսանյանը սպառնացել է, որ այդ բովանդակությամբ բացատրություն չտալու դեպքում քանոնի կիրառմամբ իր նկատմամբ բռնություն կգործադրի: Հիշյալ ոստիկանների սպառնալիքների ազդեցության տակ նա տվել է իրականությանը չհամապատասխանող բացատրություն եւ հետագայում որպես ինքնամեղադրող ցուցմունք`10.000 ՀՀ դրամ գողանալու վերաբերյալ: Դեպքի առիթով 2018թ. ապրիլի 12-ին ՀՀ հատուկ քննչական ծառայությունում ՀՀ քրեական օրենսգրքի 309-րդ հոդվածի 1-ին մասի հատկանիշերով հարուցվել է թիվ 62211518 քրեական գործը, որից հետո Հասմիկ Սարգսյանը ճանաչվել է տուժող: Հուլիսի 2-ին ՀՀ հատուկ քննչական ծառայության ընդհանուր բնույթի հանցագործությունների քննության վարչության պետի տեղակալ Զ. Թադեւոսյանը որոշում է կայացրել քրեական հետապնդումը չիրականացնելու եւ քրեական գործի վարույթը կարճելու մասին: Հուլիսի 9-ին քրեական հետապնդումը չիրականացնելու եւ քրեական գործի վարույթը կարճելու մասին ՀՀ հատուկ քննչական ծառայության որոշման դեմ ներկայացվել է բողոք ՀՀ գլխավոր դատախազին: Հուլիսի 17-ին ՀՀ գլխավոր դատախազության ՀԿԳ գործերով քննության նկատմամբ հսկողության վարչության պետ Վ. Մուրադյանը որոշում է կայացրել բողոքը մերժելու մասին: «Ընդդեմ իրավական կամայականության» իրավապաշտպան կազմակերպության փաստաբան Արա Ղարագյոզյանն ասաց. «Վարույթն իրականացնող մարմինը եւ ՀՀ գլխավոր դատախազի ՀԿԳ գործերով քննության նկատմամբ հսկողության վարչության պետ Վ. Մուրադյանը քրեական հետապնդում չիրականացնելու, քրեական գործի վարույթը կարճելու մասին եւ իմ կողմից ներկայացված բողոքը մերժելու մասին որոշումը կայացնելով, ցուցաբերել են անգործություն: Մի շարք կարեւոր հանգամանքների շուրջ քննություն չիրականացնելով եւ դրանք փաստող կամ հերքող ապացույցներ ձեռք չբերելով, իսկ ձեռք բերված ապացույցների մեծ մասին տրվել է միակողմանի գնահատական՝ քողարկելով ՀՀ ոստիկանության աշխատակիցների կողմից թույլ տրված խախտումները եւ անօրինական գործողությունները»: «Վելես» իրավապաշտպան կազմակերպության հիմնադիր, իրավապաշտպան Մարինա Պողոսյանն էլ նկատեց. «Ակնհայտ է, որ ՀՀ հատուկ քննչական ծառայության քննիչ Զ. Թադեւոսյանը վատ վերաբերմունքի եւ բռնության վերաբերյալ չի իրականացրել արդյունավետ քննություն, այլ կատարել է ձեւական քննություն՝ կոծկելով ՀՀ ոստիկանության ծառայողների ապօրինի գործողությունները: Նույն խախտումը թույլ է տրվել գործը վերահսկող դատախազի կողմից: Քրեական գործը հարուցվելու առաջին իսկ պահից, Հատուկ քննչական ծառայությունը թույլ է տվել ակնհայտ կոպիտ խախտում: Քրեական գործ է հարուցել ՀՀ քրեական օրենսգրքի 309-րդ հոդվածի 1-ին մասով՝ պաշտոնեական լիազորություններն անցնելու հիմքով: Մինչդեռ քրեական գործը պետք է հարուցվեր ՀՀ քրեական օրենսգրքի 309.1 հոդվածով՝ խոշտանգման հատկանիշներով»: Դատարանում նշվեց, թե Հասմիկը բազմիցս է հայտնել, որ իրենից սպառնալիքի ազդեցության տակ են ցուցմունք կորզել, ինչի արդունքում էլ ապօրինի ենթարկվել է քրեական պատասխանատվության: Ըստ տուժողի ներկայացուցիչների, ՀՔԾ-ն հանդես չի եկել որպես անկախ մարմին, որի հետեւանքով էլ կարճվել է ոստիկանների վերաբերյալ քրեական գործի վարույթը: Որպես տուժող հարցաքննության ժամանակ Հ. Սարգսյանը հայտնել է, որ իրենից սպառնալիքի ազդեցության տակ պահաջել են ցուցմունք գրել, որը իրականության հետ կապ չունի: Այսինքն, վերը նշված փաստական տվյալները բավարար էին, որպեսզի ՀՔԾ-ն քրեական գործ հարուցեր խոշտանգման հատկանիշներով: «Նախաքննության ժամանակ Հասմիկ Սարգսյանը ցուցմունք է տվել այն մասին, որ հուլիսի 6-ին, նախապես տեղեկացված լինելով, որ իր ընկերուհի Մարիետա Հովհաննիսյանը տանը չէ, մուտքի դուռը կոտրելու եղանակով ապօրինի մուտք է գործել վերջինիս բնակարան եւ դրամապանակից գաղտնի հափշտակել է 4000 ՀՀ դրամ գումար: Նույն օրն իր բնակության վայր են այցելել ոստիկանության Սիսիանի բաժնի աշխատակիցները եւ իրեն բերման ենթարկել հիշյալ բաժին: Ներս մտնելուց հետո, իրեն ուղեկցել են ոստիկանության Սիսիանի բաժնի ՔՀԲ պետ Սանասար Ստեփանյանի մետ, ով սկսել է հարցեր տալ Մ.Հովհաննիսյանի բնակարանից կատարված գործողության վերաբերյալ: Զրույցի ընթացքում խոստովանել է, որ դռան փականը կոտրելու միջոցով մտել է Մարիետայի բնակարան եւ դրամապանակից հափշտակել է 4000 ՀՀ դրամ գումար, ինչը լսելով Մանասեր Ստեփանյանը զայրացել է եւ սպառնացել է, որ ծեծի կենթարկի, եթե հետաքննիչի մոտ բացատրություն չտա, որ 10.000 ՀՀ դրամ գումար է գողացել: Վախենալով ծեծի ենթարկվելուց, համաձայնել է, որից հետո իրեն ուղեկցել են հետաքննիչ Ռազմիկ Հակոբյանի մոտ, ում նախ բանավոր հայտնել է, որ 10.000 ՀՀ դրամ է գողացել, տվել այդ բովանդանությամբ բացատրություն ու հեռացել: Հաջորդ օրը կրկին ներկայացել է բաժին, իրեն ուղեկցել է օպերլիազոր Պետիկ Ալեքսանյանի մոտ, վերջինիս հայտնել է, որ նախորդ օրը հետաքննիչի մոտ տված բացատրությունը պետք է շարունակի եւ պնդի, որ 10.000 ՀՀ դրամ է գողացել: Դա լսելով ինքը զայրացել է, ասել է, որ այդպես չի գրելու, այլ գրելու է իրականությունը, որ գողացել է 4000 ՀՀ դրամ, ինչը լսելով՝ Պետիկ Ալեքսանյանը, սեղանից վերցնելով մի քանոն, պահել է իր ուղղությամբ եւ սպառնացել, որ եթե շարունակի հակաճառել, քանոնը կմտցնի բերանը եւ կվնասի: Վախենալով իր սպառնալիքներից` գնացել է հետաքննիչի մոտ եւ կրկին պնդել է, որ 10.000 ՀՀ դրամ գումար է գողացել: Մի քանի օր անց, ներակայացել է ՀՀ քննչական կոմիտեի Սիսիանի բաժին՝ քննիչ Նարեկ Ստեփանյանի մոտ, ում պատմել է նախորդ օրերին տեղի ունեցածը, սակայն քննիչը ուշադրություն չի դարձրել եւ պահանջել է տալ բացատրությանը նման ցուցմունք: Վախենալով, որ այլ բովանդակությամբ ցուցմունք տալու դեպքում կարող է խնդիրներ ունենալ, քննիչի մոտ ցուցմունք է տվել, որ Մարիետա Հովհաննիսյանի դրամապանակից գողացել է 10.000 ՀՀ դրամ գումար»,-ներկայացնելով քրգործի նախապատմությունը, Արա Ղարագյոզյանը նաեւ ասաց, որ այս գործի դեպքում ՀՔԾ-ն պարտավոր էր ճանաչման ներկայացնել բռնություն գործադրող ոստիկաններին տուժողի հետ, տեղում քննչական գործողություն կատարել, որի կատարման դեպքում անմիջապես կարող էր քննիչն առգրավել Սիսիանի ոստիկանության բաժնի տեսախցիկների տեսանյութերը, եթե այդպիսիք կային, կատարել դատահոգեբանական փորձաքննություն՝ պարզելու համար տուժողի հոգեբանական վիճակի մասին, եւ վերջապես, հարցաքննել տուժողի տասնամյա աղջկան, ով ականատես վկա է եղել, թե ինչպես են իր մորը փորձում սպառնալիքի տակ ծեծի ենթարկել: Մարինա Պողոսյանն ասաց, եթե Հասմիկը 4000 դրամ է գողացել, ապա կողպեքի արժեքը 6000 է, մինչդեռ, կողպեքի մասին ոչինչ չկա: Հասմիկն ասաց, ինչ գողություն Սիսիանում լինում էր, ոստիկանները գալիս իրեն էին դիմում՝ «ասա, դու ես արել», նրանք առաջարկել էին իրեն համագործակցել իրենց հետ, ինչին չէր համաձայնել: Իրավապաշտպանները հղում կատարեցին «Ստամբուլյան արձանագրություններին», համաձայն որի՝ պետք է պարզվեր Հասմիկ Սարգսյանի հոգեբանական վիճակը, կպարզվեր, թե տուժողը ենթարկվե՞լ է բռնության, ստացե՞լ է հոգեբանական տրավմա. «Ապացույցների ապահովման համար պետք է կատարվի բոլոր ողջամիտ քայլերը: Հնարավոր չէ տալ «ողջամիտ քայլերի» սպառիչ ցանկը, սակայն դատարանն իր դատավճիռներում թվարկել է որոշ օրինակներ, որոնք ակնկալում է քննությունն իրականացնող մարմիններից, որպիսի վերջիններս ապացուցեն, որ իրենք իսկապես ջանք գործադրել են ճշմարտությունը բացահայտելու եւ մեղավորներին արդարության առաջ կանգնեցնելու համար: Քննիչը պետք է ի թիվս այլ քայլերի, ձեռնարկեր հետեւյալը. տուժողին մանրակրկիտ հարցաքններ, իրավախախտին կամ իրավախախտներին ներկայացներ ճանաչման, ուղարկեր զոհին դատաբժշկի, դատահոգեբանի եւ դատահոգեբույժի մոտ»: Դատարանում հետազոտվեցին դատարան ուղարկված քրեական գործի նյութերը, քննիչի ձեռագիրն անընթեռնելի է, ինչի մասին ակնարկեց դատավորը: Նիստը նշանակվեց գալիք տարվա հունվարի 22-ին: ՌՈՒԶԱՆ ՄԻՆԱՍՅԱՆ «Առավոտ» օրաթերթ 20.12.2018
Ամբողջական հոդվածը կարող եք կարդալ այս հասցեով՝ https://www.aravot.am/2018/12/20/1003005/?fbclid=IwAR2mDbuWVHtH7PU9kdDEOLXnUGUTUo8J0FYMugSi4WqLGOuaH0nnLt08SdM
© 1998 – 2018 Առավոտ – Լուրեր Հայաստանից
[:]
[:am]
Երևան քաղաքի ընդհանուր իրավասության դատարանի Կենտրոնի նստավայրում՝ դատավոր Արթուր Մկրտչյանի նախագահությամբ, բավարարվել է իրավապաշտպան Մարինա Պողոսյանի բողոքն ընդդեմ ՀՀ ոստիկանության Երևան քաղաքի վարչության Կենտրոնականի բաժնի կայացրած որոշման։ Ավագ հետաքննիչ Ա. Տիգրանյանն այս տարվա ապրիլին հանցակազմի բացակայության հիմքով մերժել էր քրեական գործի հարուցումը, իսկ դատավոր Արթուր Մկրտչյանն այսօր որոշեց, որ պետք է պարտավորեցնել քրեական գործ հարուցել և օբյեկտիվ քննություն իրականացնել։
Փաստորեն, «Վելես» իրավապաշտպան հասարակական կազմակերպության նախագահ Մարինա Պողոսյանի դեմ հարուցված քրեական գործումառկա ստորագրությունների կեղծ լինելու հանգամանքը ևս մեկ անգամ պետք է քննության առնվի։ Դեռ քրեական գործի հարուցման օրերին Մարինա Պողոսյանի մեջ կասկած էր առաջացել, որ քրեական գործում առկա Արփի Մերասի ստորագրությունը կեղծված է։
«Ես ի սկզբանե գիտեի, որ այս գործը կեղծ, սարքած գործ է, իսկ երբ տեսա ստորագրությունը, առավել ևս համոզվեցի, որ դա ինքը չի գրել»,- «Առաջին լրատվական»-ի հետ զրույցում ասել էր իրավապաշտպանը: Դատաքննության ժամանակ Պողոսյանն ու իր պաշտպանը միջնորդել էին անցկացնել ձեռագրաբանական փորձաքննություն, միջնորդությունը մերժվել էր դատավորի կողմից։
Դատարանում Արփի Մերասն ու նրա ներկայացուցիչ Հրանտ Անանյանը պնդել են, որ ստորագրությունը Արփի Մերասինն է։ Փաստաբան Անանյանը հայտարարել էր, որ ինքը Մերասի փոխարեն ոչինչ չի ստորագրել, իսկ եթե պաշտպանական կողմը կասկածում է, որ ստորագրություն է կեղծվել, կարող է հանցագործության մասին հաղորդում ներկայացնել: Պողոսյանն այդպես էլ արել է, քրեական գործի հարուցումը, սակայն, մերժվել էր։ Այսօրվա դատական ակտով, սակայն, որոշվեց, որ քրեական գործ, այնուամենայնիվ, հարուցվելու է։
Անդրադառնալով քրեական գործում առկա ստորագրություններին՝ Մարինա Պողոսյանը «Առաջին լրատվական»-ի հետ զրույցում ասաց. «Քրեական գործում կան երկու խումբ ստորագրություններ։ Մի խումբը համապատասխանում է Արփի Մերասի անձնագրային ստորագրությանը։ Նա այդպես է ստորագրել բոլոր այն փաստաթղթերը, որոնց ստորագրմանը ես անձամբ եմ ներկա եղել՝ ինձ տրված լիազորագրերը, ինձ հետ առերես հարցաքննության արձանագրությունները։ Իսկ երկրորդ խմբի ստորագրությունները Արփի Մերասինը չեն, դրանք դրված են հանցագործության մասին հաղորդման, փաստաբան Անանյանին տրված լիազորագրի տակ և բոլոր այն արձանագրությունների տակ, որոնց ստորագրմանը ես չեմ մասնակցել։ Այսինքն՝ ստացվում է, որ իմ ներկայությամբ Արփի Մերասը ստորագրել է իր իսկական ստորագրությամբ, իսկ իմ բացակայության պայմաններում՝ մեկ այլ ստորագրությամբ»։
Փաստաբան Հրանտ Անանյանն իր բացատրությունում փաստացի ընդունել է, որ գոյություն ունի Արփի Մերասի «երկրորդ ստորագրություն, ինչը հաճախակի հանդիպում է Ա. Մերասի կողմից ստորագրված այլ փաստաթղթերում»։
Հիշեցնենք, որ Արփի Մերասի հաղորդման հիման վրա քրեական գործ էր հարուցվել և մեղադրանք էր առաջադրվել Մարինա Պողոսյանին, որը նա և նրա դատապաշտպաններն առաջին օրվանից որակում էին որպես իրավապաշտպանի նկատմամբ ապօրինի հետապնդում։ Երկարատև դատաքննությունից հետո մեղադրանքն ամբողջովին հերքվեց, և Պողոսյանն անմեղ ճանաչվեց։ Այժմ փաստաբան Հրանտ Անանյանը դատաքննության ընթացքում հանկարծամահ եղած Արփի Մերասի որդիների անունից բողոքարկում է Պողոսյանի արդարացման դատավճիռը ՀՀ վերաքննիչ քրեական դատարանում։ Հետաքրքրական է, որ ի սկզբանե արդարացման վճռի դեմ բողոք էր ներկայացրել նաև մեղադրող դատախազը, սակայն օրեր անց բողոքը հետ էր վերցրել։
Ի դեպ, Մարինա Պողոսյանը կասկածի տակ է առել նաև Մերասի որդիների կողմից Անանյանին տրված լիազորագրի իսկությունը։ «Ի սկզբանե այս քրեական գործում չկան բնօրինակ փաստաթղթեր, բոլորը պատճեններ են։ Ես կարծում եմ, որ դա դիտավորյալ է արվել, որպեսզի հետագայում հնարավոր չլինի բացահայտել փաստաթղթերի կեղծիքը։ Առհասարակ անհասկանալի է, թե պատճենների հիման վրա ինչպես էին գործ հարուցել իմ դեմ»,- ընդգծում է իրավապաշտպանը։
Կեղծվել են փաստաթղթերը, թե ոչ՝ կպարզի օբյեկտիվ նախաքննությունը, որը, ինչպես հաստատվեց այսօրվա դատական ակտով, մինչ օրս չի իրականացվել։
Նշենք, որ Մարինա Պողոսյանը մշտապես հայտարարել է, որ իր դեմ քրեական հետապնդում իրականացնելը պայմանավորված է բացառապես իր իրավապաշտպան գործունեությամբ, և որ Արփի Մերասը մտերիմ կապի մեջ է եղել ՀՀ երկրորդ նախագահ Ռոբերտ Քոչարյանի ընտանիքի ու Դրամատիկական թատրոնի անձնակազմի հետ, որոնք էլ շահագրգռված էին իր դեմ քրեական գործի հարուցմամբ, քանի որ իր ղեկավար կազմակերպությունը հետաքննել և բացահայտել էր փողերի լվացման մի սխեմա, որը տեղի էր ունեցել Քոչարյանի պաշտոնավարման ընթացքում։
Հեղինակ՝ Արման Ղարիբյան
[:]
[:am]«Վելես» Իրավապաշտպան ՀԿ-ն տեղական նախաձեռնությունների կանադական հիմնադրամի աջակցությամբ պատրաստել է տեսանյութերի մի շարք վերաբերվող ներառական կառավարման:
Կապանի համայնքապետ Գևորգ Փարսյանը ներառականության վերաբերյալ
https://www.youtube.com/watch?v=IEIGCyt0DhY&feature=youtu.be[:en]“Veles” human rights NGO, in support with the Canada Fund for Local Initiatives, developed a series of videos on inclusive governance.
Mayor of Kapan Gevorg Parsyan comments on the topic of inclusiveness
[:]
[:am]
«Առաջին լրատվական»-ը «Վելես» իրավապաշտպան հասարակական կազմակերպության ղեկավար Մարինա Պողոսյանին խնդրեց անդրադառնալ թրենդային մի երևույթի, երբ Նիկոլ Փաշինյանը հայտարարեց, որ Ալեքսանդր Սարգսյանը պատրաստ է 30 միլիոն վերադարձնել պետությանը, այնուհետև Վաչագան Ղազարյանը պատրաստակամություն հայտնեց 6 միլիոն վերադարձնել, իսկ նախկին պաշտոնյաներից մեկն էլ հայտարարեց, որ պատրաստ է պետությանը տալ Ծաղկաձորի իր հյուրանոցը: «Ինձ համար սա մարդկային տրամաբանությունից դուրս է, իսկ օրենքի առումով՝ ընդհանրապես աղերս չունի արդարադատության հետ»,- նշեց Մարինա Պողոսյանը՝ այս ամենը նմանեցնելով հարսանիքների ժամանակ հայտարարվող նվերներին:
Նա տարակուսում է՝ «ի՞նչ է նշանակում պատրաստակամություն հայտնել. հանցավոր ռեժիմի որոշ անդամներ պատրաստակամություն են հայտնում իրենց գողացածի, իրենց յուրացրածի, իրենց լափածի մի մասը բերել հետ տալ, ու դրա մասին հայտարարվում է: Մնում է այդ մարդկանց սրբերի շարքին դասենք»:
Մարինա Պողոսյանի խոսքով՝ այս բոլոր պաշտոնատար անձանց աշխատավարձերը չեն անցել 700 հազար դրամից, բայց նրանց կուտակածը նվազագույնը 700 հազար դոլարից է սկսվում:
Մեր զրուցակիցն այս երևույթը աբսուրդ է համարում. «Իսկ որևէ մեկը ժողովրդին հարցրե՞լ է, չէ՞ որ տուժողը ժողովուրդն է. այդ 30 միլիոնի մեջ 14 ցենտն էլ կարող է իմն է, իսկ ինձ հարցրե՞լ եք»:
Հարցազրույցն ամբողջությամբ՝ տեսանյութում:
https://www.1in.am/2478712.html?fbclid=IwAR0wyacoI5yDRI5uNegajgI7wT2hkdtA9P4DZhtrJ3WXoKfCHJg8FpfJl7w[:]
[:am]
Քննչական վարչությունում քրեական գործ է հարուցված Երեւանի կենտրոնի կառուցապատման նորմերի խախտումների վերաբերյալ։ Գործն այս վերաբերում է խոշոր կառուցապատողներին եւ քննվում է խիստ գաղտնիության ռեժիմով։ Մեզ հաջողվեց պարզել, որ հիմնականում երկու կառուցապատողներ են հայտնվել քննչականի թիրախում։ Դրանցից մեկն «Էլիտ գրուպ» ընկերությունն է, որը բազմաթիվ շենքեր է կառուցել Երեւանի կենտրոնում, մասնավորապես՝ Արամի փողոցում, Բաղրամյան պողոտայում, Դեմիրճյան փողոցում, «Անի» հյուրանոցի հարեւանությամբ՝ Սայաթ-Նովա փողոցում եւ այլն։
Մեր տեղեկություններով, «Էլիտ գրուպի» դեմ քրեական գործը հարուցվել է քաղաքացիներից մեկի հաղորդման հիման վրա։ Քաղաքացին հայտնել է իրավապահներին, որ «Էլիտ գրուպ» ընկերությունը մեկ այլ քաղաքացու տվել է կեղծ տեղեկանք, որի հիման վրա կեղծ տեղեկանք ստացող քաղաքացին Ձորափի փողոցի տներից մեկի սեփականատերն է դարձել։
«Էլիտ գրուպի» նախագահ Արմեն Մկոյանը հայտնեց, որ Ձորափի փողոցում տարիներ առաջ մեծ շինարարություն է իրականացրել, բայց դեպքը մտաբերեց դժվարությամբ։ «Որքան գիտեմ, երկու եղբայրների է վերաբերում, որոնցից մեկը մահացել է, նրա տունը հայրն է գնել, մենք գրել ենք այն, ինչ որ իրականությունն է, տվել ենք նրան, ով տվել է տան փողը»,- ասաց նա։
Ի՞նչ է փոխվել հեղափոխությունից հետո Երեւանի կառուցապատման հետ կապված, կա՞ն նոր պայմաններ։ Արմեն Մկոյանը, պատասխանելով մեր հարցին, հայտնեց, որ կառուցապատողների նկատմամբ վերահսկողությունն է ավելի խստացել։ «Կա կառուցապատման խտության գործակիցների հետ կապված խնդիր։ Առաջ էլ կային այդ «կոեֆիցիենտները», ուղղակի հիմա դրան ուշադիր են նայում, այդքան բան։ Հիմա՝ այս ընթացքում, բնականաբար, ինչ-որ անօրինական շինարարություններ են արվել, որոնք անդրադառնում են քաղաքի վրա։ Առաջ էլ կար, բայց հիմա ավելի խիստ է»,- ասաց նա։
Թե ում է վերաբերում երկրորդ քրեական գործը, պարզել չհաջողվեց։ Կառուցապատողների վերաբերյալ նյութերը քննվում են ՀՀ քննչական կոմիտեի Երևան քաղաքի Կենտրոն և Նորք-Մարաշ վարչական շրջանների քննչական բաժնում։ Առհասարակ, վերջին շրջանում կառուցապատողների դեմ բազմաթիվ բողոքներ կան «մարմիններում»՝ ԱԱԾ-ում, Գլխավոր դատախազությունում, նաեւ՝ վարչապետի վերահսկողական ծառայությունում։ Բողոքում են հիմնականում կենտրոնի կառուցապատման հետեւանքով ունեզրկված գործարարները, հասարակ քաղաքացիները, ում իրավունքները խախտվել են։ Նրանք ակտիվացել են, հույս ունեն, որ նոր Հայաստանում արդարությունը կվերականգնվի, իսկ իրավապահ մարմինները խոշոր կառուցապատողների վերաբերյալ վարույթներ հարուցելով՝ փորձում են դրանք օգտագործել պետբյուջեն լցնելու նպատակով։ Խախտողները հիմնականում փոխհատուցում են պետությանը հասցված վնասը եւ շարունակում են իրենց գործունեությունը։ Ըստ ԱԱԾ տվյալների, որոնք օրերս հրապարակել է «Մեդիամաքս» գործակալությունը, միայն ԱԱԾ քննչական դեպարտամենտում 2018թ. մայիսից մինչեւ հոկտեմբեր տնտեսական բնույթի հանցագործությունների հետեւանքով ՀՀ պետական բյուջեին, նախնական տվյալներով, պատճառվել է ընդհանուր առմամբ մոտ 20,7 մլրդ դրամի վնաս, որից վերականգնվել է 12,8 մլրդ դրամը։
[:am]Երևանի ընդհանուր իրավասության դատարանը մերժեց Հատուկ քննչական ծառայության միջնորդությունը, և 2008-ի մարտի 1-ի իրադարձությունների ժամանակ Ազգային անվտանգության խորհրդի քարտուղարի պաշտոնը զբաղեցրած, նախկին փոխվարչապետ Արմեն Գևորգյանը չկալանավորվեց։
Շատերի կողմից արդեն կարծիքներ են հնչում, որ դատարանի որոշումը օբյեկտիվ չէ, քանի որ հնարավոր չէ մույն մեղադրանքով Ռոբերտ Քոչարյանին կալանավորել, իսկ նույն և ավելի ծանր մեղադրանքի դեպքում դատարանը մերժում է նախաքննական մարմնի կողմից ներկայացված կալանքի միջնորդությունը։
Իրավապաշտպան Ավետիք Իշխանյանի խոսքերով՝ իր համար զարմանալի չէ դատարանի այսօրվա որոշումը, քանի որ դատարանները ինչպես անկախ չեն եղել, այնպես էլ անկախ չեն։ «Առաջին ատյանը մերժել է, վերաքննիչն էլ կկալանավորի։ Եթե որոշում կա ամեն դեպքում կալանավորել Գևորգյանին, ապա դատարանների անկախությունը, ինքնուրույնությունը ցույց տալու համար հնարավոր է, որ մի ատյանը մերժի, մյուսը՝ կալանավորի։ Ես սա չեմ բացառում»,- «Առաջին լրատվական»-ի հետ զրույցում ասաց իրավապաշտպանը։
Դիտարկմանը՝ կարծիքներ են հնչում, որ ամեն ինչ արվել է Գևորգյանին ազատության մեջ թողնելու համար, որպեսզի նա դրսից օգնի կալանավորված Քոչարյանին, Իշխանյանը պատասխանեց. «Ամեն ինչ էլ հնարավոր է։ Ես չեմ հավատում, որ դատարանները ինքնուրույն են գործում։ Եվ որպեսզի նման կասկածներ, կարծիքներ, վարկածներ չլինեն, մի բան է պետք, որ դատարանները լինեն անկախ, լինեն անկախ գործադիր մարմնի ճնշումներից, հանրային ճնշումից։ Ճնշումը մեկն է՝ լինի դա իշխանության կողմից, թե հանրային։ Որևէ տեսակի ճնշում պետք է բացառել։ Նախկինում դատարանների վրա ճնշումը իրականացվում էր գործադիր մարմնի կողմից, իսկ ներկայումս հասարակական ու քաղաքական ճնշումները համընկել են, համատեղվել են։ Ես չեմ կարծում, որ հանկարծ դատավորները համարձակ դարձան ու սկսեցին ինքնուրույն որոշումներ կայացնել։ Դրա համար էլ ասում եմ՝ որպեսզի նման երկակի ստանդարտներ չլինեն, դատարաններին անկախություն է պետք, որը չկա ու ես մեծ հույսեր էլ չունեմ, որ կլինի»։
Մեկ այլ իրավապաշտպան, «Վելես» իրավապաշտպան հասարակական կազմակերպության նախագահ Մարինա Պողոսյանի կարծիքով էլ՝ դատարանի որոշումը տրամաբանված չէ։ Նրա խոսքերով, ըստ էության, դատարանն առաջնորդվել է «անձնական սիմպատիայով», քանի որ իրավունքով առաջնորդվելով՝ դժվար թե մերժվեր Գևորգյանի կալանքի որոշումը։ «Չեմ ուզում անմեղության կանխավարկածը խախտել, բայց Արմեն Գևորգյանը, որին բոլորը ճանաչում են որպես Արմենչիկ, չէր կարող մնալ ազատության մեջ։ Նրա ազատության մեջ գտնվելը խնդրահարույց է։ Մենք տեսանք, որ Քոչարյանը, ազատության մեջ լինելով, ինչպես կոնսոլիդացրեց որոշ ուժեր։ Հիմա Արմենչիկի դուրսը մնալը ևս կարող է վտանգներ պարունակել»,- ասաց տիկին Պողոսյանը՝ հավելելով, որ անկախ ամեն ինչից՝ այդ անձինք մերժված են, և Գևորգյանը, ազատության մեջ մնալով էլ, չի կարող ոչնչով օգնել Քոչարյանին։ «Ասել թե դատարանը հատուկ է Գևորգյանին ազատության մեջ թողել, որ օգնի դրսից Քոչարյանին, ընդամենը նրան ավելի մեծ դերակատարում վերագրել է։ Նա շարքային հանցագործ է, որի տեղը բանտում է»,- եզրափակեց Մարինա Պողոսյանը։
Դատարանի այսօրվա որոշմանն անդրադարձել է նաև Գևորգյանը։ Նա նշել է, որ հայաստանյան այսօրվա իրողությունների պայմաններում ակնկալվում էր, որ դատարանը այլ որոշում կկայացնի, բայց դատարանի վրա ճնշում չի եղել, և դատարանը օբյեկտիվ որոշում է կայացրել. «Իմ համար սպասելի էր հետևյալը, որ երեկ դատական քննության ժամանակ բոլոր կողմերը հնարավորություն են ունեցել իրենց բոլոր փաստարկները ներկայացնելու, այդ իմաստով ես որևէ կողմնակալություն չեմ տեսել: Քանի որ նիստը անցել է բավական անկաշկանդ, իրավական փաստարկները ներկայացնելու տեսակետից բոլոր հնարավորությունները կար, որ դատարանը պաշտպանական կողմի արգումենտները ընդուներ հիմք: Հիմա ինչով է կոնկրետ առաջնորդվել դատարանը՝ այս պահին չեմ կարող ասել: Մյուս կողմից, ես կարծում եմ, որ երկրում ստեղծված իրավիճակը շատերին հուշում էր, որ կարող էր պոտենցիալ մեկ այլ որոշում լիներ, հավատացեք, որ այս երկու-երեք օրվա ընթացքում բավական լարված քննարկումներ ու օրեր են անցել»,- եզրափակեց Գևորգյանը:
Հիշեցնենք, որ ՀՀ նախկին փոխվարչապետ Արմեն Գևորգյանին մեղադրանք է առաջադրվել ՀՀ ՔՕ մի քանի հոդվածներով: Մասնավորապես՝ նա մեղադրվում է ՀՀ Քրեական օրենսգրքի 311 հոդվածի 4-րդ մասի 2-րդ կետով (պաշտոնատար անձի կողմից առանձնապես խոշոր չափերի կաշառք ստանալը), ՀՀ ՔՕ 190 հոդվածի 3-րդ մասի 1-ին կետով (փողերի լվացում, որը կատարվել է առանձնապես խոշոր չափերով) ՀՀ ՔՕ 38-300.1 հոդվածի 1-ին մասով (սահմանադրական կարգի տապալմանը օժանդակելը) և արդարադատության կայացմանը խոչընդոտելու համար:
[:am]
Ներառականությունը լայն հասկացություն է, որը դիտարկվում է տարբեր տեսանկյուններից, այն մարդու հարմարվածությունն է միջավայրին, ներգրավվածությունն է, մասնակցությունը այս կամ այն սոցիալական խմբերի ամենատարբեր գործունեությունների մեջ:
Հայաստանում նոր է խոսվում ներառականության մասին, և այսօր, մեծ իմաստով մենք չունենք ներառական հասարակություն: Սա պայմանավորված է պետության քաղաքականությամբ: Հայաստանի Հանրապետությունը չի վարում ներառական քաղաքականություն:
Որքան էլ որ Հայաստանը փորձ է անում ներկայանալ որպես մոնոէթնիկ պետություն, այնուամենայնիվ, մեր երկրում ապրում են ամենատարբեր խմբեր: Հայաստանում ապրում են 11 ազգային համայնքներ, որոնք թվաքանակով այդքան էլ մեծ չեն: Հայաստանում ապրում են եզդիներ, ասորիներ, քրդեր, հույներ, ռուսներ, բելառուսներ, հրեաներ, գերմանացիներ, լեհեր, վրացիներ, ուկրաինացիներ և կան փոքր այլ խմբեր, որոնց մասին մենք շատ քիչ բան գիտենք. օրինակ՝ բահայի համայնքը:
Մեր պետությունը չի փորձում այս համայքներին ներառել պետական ղեկավարման օղակներ: 2017 թվականին «Սինջար եզդիների ազգային միավորում» հասարակական կազմակերպության կողմից իրականացվել է ուսումնասիրություն, որի արդյունքում պարզ է դարձել, որ պետական ամենատարբեր օղակներում այս համայքնները գրեթե ներկայացված չեն: Իսկ եթե ներկայացված են, ապա դա ֆորմալ բնույթ է կրում: Վարչապետին առընթեր կա ազգային փոքրամասնությունների համակարգող խորհուրդ, որը, գրեթե, որևէ խնդիր չի լուծում: Այդ խորհուրդը կա, որպեսզի Եվրոպայից եկող ամենատարբեր ներկայացուցիչներին ցույց տան, որ ազգային փոքրամասնությունները ևս մասնակցում են որոշումների կայացման գործընթացին:
Ազգային փոքրամասնությունների ներկայացուցիչներ չկան անգամ այն մարզերում, որտեղ նրանք նշանակալի թիվ են կազմում` օրինակ Արմավիրի, Լոռու, Արարատի, Կոտռայքի մարզերում:
Կարծում ենք՝ կարիք կա, որպեսզի նոր իշխանությունները փոխեն պետության մոտեցումը և իրապես ներառեն պետական կառավարմանը ազգային փոքրամանսությունների ներկայացուցիչներին: Եվ այդ ներառումը չպետք է լինի ձևական, պետք է հնարավորություն տրվի այդ խմբերին իրապես մասնակցել և իրենց չափով ազդեցություն գործել որոշումների կայցման վրա:
Բորիս Մուրազի
© Politik.am[:]
[:am]«Վելես» Իրավապաշտպան ՀԿ-ն տեղական նախաձեռնությունների կանադական հիմնադրամի աջակցությամբ պատրաստել է տեսանյութերի մի շարք վերաբերվող ներառական կառավարման:
Ներառականությունը պետք է դիտարկել հավասար իրավունքների տեսակետից․ Արտակ Կիրակոսյան
Տեսանյութում օգտագործվել են կադրեր tert.am և Yerevan EveryDay յութուբյան ալիքներից։
[:en]“Veles” human rights NGO, in support with the Canada Fund for Local Initiatives, developed a series of videos on inclusive governance.
The inclusiveness should be viewed from the point of view of equal rights: Artak Kirakosyan.
The footage contains some shots taken from YouTube channel of tert.am and Yerevan EveryDay.[:]
[:am]
Յուրաքանչյուր տարի դեկտեմբերի 10-ը միջազգային հանրությունը նշում է որպես Մարդու իրավունքների միջազգային օր։
Դրա հիմքում 1948թ. ՄԱԿ-ի ընդունած Մարդու իրավունքների համընդհանուր հռչակագիրն է:
7or.am[:en]
Human Rights Day is celebrated annually across the world on 10 December every year.
The date was chosen to honour the United Nations General Assembly‘s adoption and proclamation, on 10 December 1948, of the Universal Declaration of Human Rights (UDHR), the first global enunciation of human rights and one of the first major achievements of the new United Nations. The formal establishment of Human Rights Day occurred at the 317th Plenary Meeting of the General Assembly on 4 December 1950, when the General Assembly declared resolution 423(V), inviting all member states and any other interested organizations to celebrate the day as they saw fit.
The day is normally marked both by high-level political conferences and meetings and by cultural events and exhibitions dealing with human rights issues. In addition it is traditionally on 10 December that the five-yearly United Nations Prize in the Field of Human Rightsand Nobel Peace Prize are awarded. Many governmental and non-governmental organizations active in the human rights field also schedule special events to commemorate the day, as do many civil and social-cause organizations.[:]
[:am]
2003 թվականի հոկտեմբերի 31-ի 58/4 բանաձևով Միացյալ ազգերի կազմակերպությունը դեկտեմբերի 9-ը հռչակեց Կոռուպցիայի դեմ պայքարի միջազգային օր:
Գլխավոր ասամբլեան կոչ արեց բոլոր պետություններին ստորագրել և վավերացնել կոռուպցիայի դեմ պայքարին ուղղված ՄԱԿ հռչակագիրը:
Հայաստանը ստորագրեց այս փաստաթուղթը 2003 թվականին, իսկ ավելի վաղ` 1999-ին, մեր երկիրը նաև վավերացրել է Եվրոպայի խորհրդի հռչակագիրը կոռուպցիայի համար քրեական պատասխանատվություն սահմանելու մասին:
© 7or.am[:en]Since 2003 the United Nations Convention Against Corruption has recognized December 9th as International Anti-Corruption day.
Corruption comes in many forms. Bribery, price fixing, embezzlement are just a few of the crimes associated with corruption.
Corruption comes in many forms and happens in both developed and undeveloped countries. It affects the social, politcal and economic development of entire nations. It’s a crime that can bring down a government or destroy a business, but it is usually the poorest who are most commonly the victim. International Anti-Corruption Day brings awareness to these issues and brings the citizens of the world together to fight this crime on a global basis.
[:]
