[:am]

[:]

[:am]

[:am]

[:]

[:am]

[:am]https://www.youtube.com/watch?v=Lvi1nAHfN-U&feature=youtu.be[:]

[:am]

Այսօր Երևան քաղաքի ընդհանուր իրավասության դատարանի Կենտրոնի նստավայրում շարունակվեց «Վելես» հասարակական կազմակերպության նախագահ Մարինա Պողոսյանի գործով դատաքննությունը, որին ներկայացել էր նաև տուժող Արփի Մերասի որդին՝ Սուրեն Մերասը, ով գործով ներգրավվեց որպես տուժողի իրավահաջորդ: Վերջինս լիազորել էր փաստաբան Հրանտ Անանյանին հանդես գալու որպես իր ներկայացուցիչ, ինչի դեմ առարկեց Մարինա Պողոսյանը:

Նա հայտարարեց, որ այս քրեական գործից անհետացել են փաստաթղթերի բնօրինակներ, կեղծվել են ստորագրություններ, որոնց իր կարծիքով, մասնակցել է նաև փաստաբան Հրանտ Անանյանը. «Այս պայմաններում ես չեմ կարող ընդունել, որպեսզի Հրանտ Անանյանը ներգրավվի որպես տուժողի իրավահաջորդի ներկայացուցիչ»,- հայտարարեց Մարինա Պողոսյանը՝ տեղեկացնելով, որ ինքը կեղծ փաստաթղթերի առկայության մասին հաղորդում է ներկայացրել ՀՀ գլխավոր դատախազություն:

Դատավոր Մնացական Մարտիրոսյանը, գտնելով, որ փաստաբան Անանյանի ներգրավումը բացառող հանգամանք առկա չէ, որոշեց նրան ներգրավվել որպես տուժողի իրավահաջորդի ներկայացուցիչ:

Մարինա Պողոսյանը իր խոսքում հիշեցրեց, որ դատավորը չէր բավարարել դատաձեռագրաբանական փորձաքննություն անցկացնելու մասին իր միջնորդությունը, ուստի իր նախաձեռնությամբ արտերկում ձեռագրաբանական փորձաքննություն է իրականացվել գործում առկա ստորագրությունների կեղծ լինելը բացահայտելու նպատակով: Նրա խոսքով, փորձաքննությունից պարզ է դարձել, որ քրեական գործում Արփի Մերասի անունից դրված են երկու խումբ ստորագրություններ, որոնք ակնհայտ տարբերվում են իրարից: Մի խումբը Մերասի ու Պողոսյանի առերես հարցաքննության ժամանակ դրված ստորագրությունն է, որը համապատասխանում է Մերասի անձնագրի ստորագրությանը: Մյուս խումբը այն ստորագրություններն են, որոնք դրվել են Մարինա Պողոսյանի բացակայությամբ և դրանք չեն համապատասխանում Մերասի անձնագրի ստորագրությանը:

Քանի որ Պողոսյանի մոտ կասկածներ են ծագել նաև Արփի Մերասի որդու՝ Սուրեն Մերասի անունից դրված ստորագրությունների վերաբերյալ, նա դատարանին միջնորդեց այսօր Սարո Մերասից վերցնել ձեռագրի նմուշներ, որպեսզի հետագայում հնարավոր լինի դատաձեռագրաբանական փորձաքննություն նշանակել:

Դատավոր Մնացական Մարտիրոսյանը Պողոսյանի միջնորդությունը մերժեց՝ նշելով, որ միջնորդություններ ներկայացնելու փուլն ավարտվել է և որ ցանկության դեպքում պաշտպանական կողմն իրենց ճառում կարող են անդրադառնել նոր երևան եկած հանգամանքներին և միջնորդել վերսկսել դատաքննությունը: Այդ ընթացքում Մարինա Պողոսյանը սկսեց հավաքել իր փաստաթղթերը դատարանի դահլիճը լքելու մտադրությամբ: «Ես չեմ պատրաստվում մասնակցել այս դատաքննությանը, ես չեմ պատրաստվում կեղծ փաստաթղթերի հիման վրա դատվել: Կարող եք սանկցիա կիրառել կամ փոխել իմ խափանման միջոցը…Ձեզ մոտ գտնվող քրեական գործերից է կորել փաստաթղթերի բնօրինակը»,- հայտարարեց Մարինա Պողոսյանը:

Դատավորի և Պողոսյանի միջև սկսվող վիճաբանությունը կանխելու նպատակով Մնացական Մարտիրոսյանը ցանկանում էր ընդմիջում հայտարարել, սակայն Պողոսյանի պաշտպան Լիպարիտ Սիմոնյանը միջնորդեց հետաձգել դատական նիստը՝ մեկ այլ դատական նիստի մասնակցելու պատճառով: Փաստաբան Հրանտ Անանյանն առարկեց նիստը հետաձգելու միջնորդության դեմ, նշելով, որ Սուրեն Մերասը հատուկ այս նիստի համար է ժամանել Հայաստան և ցանկանում է ճառով հանդես գալ դատարանում:

Դատավոր Մնացական Մարտիրոսյանը նշեց, որ տուժողին ճառով հանդես գալու հնարավորություն ընձեռնվել է, և այդ փուլն անցած է, իսկ տուժողի իրավահաջորդն իրավունք չունի ճառով հանդես գալու, ռեպլիկով էլ չի կարող հանդես գալ, քանի որ ռեպլիկով հանդես գալու իրավունք ունեն նրանք, ովքեր ճառով են հանդես եկել: «Ինչ վերաբերում է այն հանգամանքին, որ տուժողի իրավահաջորդը արտերկրից է ներկայացել և անպայման ցանկանում է այսօր հանդես գալ խոսքով, ապա դա պիտի համապատասխանի նաև դատարանի գործառույթների և աշխատանքների հետ»,- հայտարարեց դատավորը՝ հնարավորություն չտալով Սուրեն Մերասին ելույթ ունենալ դատարանում:

Նիստին ավարտին Սուրեն Մերասին տեղեկացրեցինք, որ պատրաստ ենք իրեն լսելու և հրապարակելու այն խոսքը, որը նրան հնարավորություն չտրվեց հնչեցնել դատարանում: Սուրեն Մերասը, սակայն, հրաժարվեց խոսել՝ նշելով, թե ինքը վստահ չէ, որ իր խոսքերը չեն աղավաղվի: Հիշեցնենք, որ Սուրենի մայրը՝ Արփի Մերասը ևս հրաժարվում էր պատասխանել լրագրողների հարցերին, իսկ երբ պատրաստ էր լինում խոսել, ապա փաստաբան Անանյանը արգելում էր նրան՝ հայտարարելով, որ «լրագրողների հարցերում թաքնված միտում է տեսնում»:

Սույն գործով հաջորդ դատական նիստը տեղի կունենա ապրիլի 16-ին՝ ժամը 9:30-ին:

http://www.1in.am/2329859.html

[:]

[:am]

«Վելես» ԻՀԿ  շահառու Զինա Մելիքյանի գործով դատական նիստը տեղի կունենա 07.04.2018 թ-ին՝ ժամը 10:00-ին, ՀՀ  Վերաքննիչ դատարանում: 

Մելիքյանի  գործին կարող եք ծանոթանալ այստեղ

http://veles.am/%D5%A6%D5%AB%D5%B6%D5%A1-%D5%B4%D5%A5%D5%AC%D5%AB%D6%84%D5%B5%D5%A1%D5%B6-2/[:ru]

Судебное  слушание по делу    Зины Меликян  состоится  7  апреля  2018г. в 10:00 в Апелляционном суде РА

http://veles.am/ru/%D5%A6%D5%AB%D5%B6%D5%A1-%D5%B4%D5%A5%D5%AC%D5%AB%D6%84%D5%B5%D5%A1%D5%B6-2/[:en]

The trial of the case of the beneficiary of “Veles” NGO Zina Melikyan will be heard on 07.04.2018, at 10:00 am, at the Criminal Court of Appeal. 

You can get acquainted with Melikyan’s case here.

http://veles.am/en/%D5%A6%D5%AB%D5%B6%D5%A1-%D5%B4%D5%A5%D5%AC%D5%AB%D6%84%D5%B5%D5%A1%D5%B6-2/[:]

[:am]

Սիսիանի բնակիչ Հասմիկ Սարգսյանի՝ 10 հազար դրամ գողանալու համար 6 տարի 6 ամիս ժամկետով ազատազրկման դատապարտվելը մեծ աղմուկ է առաջացրել հանրության շրջանում: Նրան մեղադրանք է առաջադրել ՀՀ քրեական օրենսգրքի 177 հոդվածի 3-րդ մասի 1.1 կետով (բնակարան ապօրինի մուտք գործելու եղանակով կատարված գողություն):

Այսպիսի «արդարադատությունը» դուրս է բանականության ու տրամաբանության բոլոր սահմաններից: Հասմիկ Սարգսյանն իր հոգածության ներքո ունի չորս երեխա, որից մեկը զինվոր է, իսկ երկուսը՝ անչափահաս: Վերջինս նման արաքի է գնացել միայն ծայրահեղությունից, կարիքից ու սովից դրդված: Կնոջ պաշտպան Մարինա Պողոսյանը Past.am-ի հետ զրույցում նշեց, որ վերջինս վերցրել է միայն այդ գումարը, ուրիշ ոչինչ, իրեն իր երեխաներին կերակրելու համար գումար էր պետք: Իրավապաշտպանի խոսքով՝ օրենքի դեմ որևէ մեկը չի գնում, բայց դրանից բացի կա տրամաբանություն ու մարդասիրություն, էլեմենտար հաշվարկ: Պողոսյանի խոսքով՝ իրենք հաշվարկել են, որ Հասմիկ Սարգսյանի ազատզարկումը 15 միլիոն դրամ կարժենա պետության վրա:

Մեր հարցին, թե եթե մոռանանք, թե հանցանքն ով է կատարել, առհասարակ 10 հազար դրամ գողության համար ինչ պատիժ է հասնում, Մարինա Պողոսյանը պատասխանեց, որ այդ դեպքում օրինաչափ է:

Սա Հասմիկ Սարգսյանի կողմից կատարված գողության երրորդ դեպքն է: Տվել էին փորձաշրջան, սակայն այդ ընթացքում նա ևս կրկին գողություն է կատարել, ինչը համարվում է ավելի ծանր հացագործություն՝ կրկնահանցագործություն:

Բայց այստեղ կա մի բայց: իրավապաշտպանի խոսքով այս կինն առաջին գողության ժամանակ տարել էր պանիր ու պահածո, սնունդ, մտել էր բնակարան, որտեղ նաև ուրիշ իրեր են եղել:

«Նա իհարկե ուրիշի սեփականությանն է տիրացել, բայց դա արել է սովից դրդված, երեխաներին պահելու համար: Երկրորդ անգամ քրոջ ամուսնուց 110 հազար դրամ է գողացել, վիրահատության ու ճառագայթման գումար է պետք եղել:

Ես ուզում եմ, որ հանրությունն ինձ ճիշտ հասկանա: Տարատեսակ մեկնաբանություններ կան, թե մենք քաջալերում ենք գողությունը: Բայց այդպես չէ: Չի արդարացվում գողությունը, բայց սա անելանելի վիճակ է»,- նշեց նա:

Պարզվում է Հասմիկ Սարգսյանին նաև նպաստից էին զրկել: Նա չունի սեփականություն, փաստացի գրանցված է եղել նախկին զբաղեցրած բնակարանում, որի վաճառքից հետո իր գրանցումը չեղյալ է համարվել: Նոր բնակարանում չի կարողացել գրանցումը հաստատել, իրեն մերժել են, քանի որ այդ ընթացքում գտնվել է փորձաշրջանում՝ դատական հսկողության տակ:

Իրավապաշտպանի հռետորական հարցին, թե սրա վերջը ի՞նչ է լինելու, մենք էլ պատասխան չունենք: Զրուցակիցս շարունակում է՝ եթե մենք հիմա չարձագանքենք, գնալու է այն կնոջ պես Դավթաշենի կամրջից իր երեխաների հետ գցվի՞:

Մեր հարցին, թե հիմա ինչ են պատրաստվում անել, պատասխանում է, որ ապրիլի 12-ին Վերաքննիչ դատարանում կքննվի այս գործը: Իրենք էլ ցանկանում են գոնե հանրության ճնշման արդյունքում ազդել այս գործի վրա, քանի որ այն, բացի օրենքի տեսակետից, ունի նաև բարոյական կողմ:

Իրավապաշտպանի խոսքով, եթե պետությունը մարդկանց գցում է աղետալի, սոված իրավիճակի մեջ՝ գնալով գողությունը շատանալու է:

«Մի երեխան էպիլեպսիա ունի, մյուսը ուռուցք, ինքը միոմա, ոտքի ոսկորն է փտում:

Ամուսինն էլ գնացել է Ռուսաստան, ամուսնալուծվել է, ալիմենտ չի վճարում: Բանակում ծառայող որդին վիրահատված է: Մուրացանի հոսպիտալում պառկած էր, ուներ երակների լայնացում, կիստա: Ես մասնագետ չեմ, չգիտեմ այդ հիվանդություններով արդյոք ինքն առհասարակ պետք է զորացրվեր: Գուցե մնար մոր կողքին, աշխատեր, սատար կանգներ: Տղային հոսպտալից ուղարկել են տուն, մայրական խնամքի տակ: Պատկերացնո՞ւմ եք, բանակից եկած տղան գնա մի տուն, որտեղ ոչ հոսանք կա երկու ամիս, ոչ՝ սնունդ»,- պատմում է նա:

Մարինա Պողոսյանի խոսքով իրենք այդ կնոջ համար օգնություն են կազմակերպում, և այսօր արդեն 2 հոգի արձագանքել են, մեկը 7 հազար դրամ է փոխանցել, մյուսը խոստացել վճարել հոսանքի պարտքը:

Իրավապաշտպանի խոսքով, կինը երկար տարիներ աշխատել է հացի փռում, սակայն իր մոտ միոմա հայտանբերելուց հետո բժիշկն ասել է, թե չի կարելի նման ջերմային պայմաններում աշխատել, ուռուցքը մեծանում է: Գնացել է քաղաքապետարան, խնդրել իրեն փողոցներն ավլելու աշխատանք տան, սակայն դա էլ են մերժել՝ պատճառաբանելով, թե նա փորձաշրջանի մեջ է գտնվում:

«Օրը 6300 դրամ կծախսեն իրեն կալանավայրում պահելու համար: Եթե ինքն օր 6000 դրամ ունենար, այդ գողությունը չէր կատարի: Ես ոչ միայն Հասմիկ Սարգսյանին եմ պաշտպանում, այլ հասմիկսարգսյաններին, որովհետև նա հավաքական կերպար է: Մենք պետք է բարձրաձայնենք, որպեսզի սրան լուծում տրվի»,- նշեց նա:

Հարցին, թե նման այլ դեպքեր հիշո՞ւմ եք, պատասխանեց, թե ոչ, որովհետև մարդիկ վախենում են քարկոծվել. «Մենք էլ ենք քարկոծվում շատ մարդկանց կողմից, ովքեր գրում են արդարադատություն և այլն: Սուրիկ Խաչատրյանն ամբողջ մարզը կերել է, թող տանեին, դատեին: Ստացվում է, որ այստեղ փոքր գողություններն են աններելի: Ես խտրական արդարադատություն չեմ ուզում: Բայց թսղ մյուսներին էլ դատեն, Հասմիկին էլ հետները: Այս օրենսգիրքը խեղճերի ու անօգնականների համար չէ»:

Վերջում մեջբերենք դատախազի խոսքը ասված Հասմիկ Սարգսյանին դատարանի դահլիճում՝ «Հարուստի բարձի տակից գնայիր մի կես միլիոն գողանայիր, քեզ չէի դատապարտի, կասեի՝ լավ ես արել, բայց էս մեկը համարում եմ ծանր հանցագործություն»:

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ

http://past.am/?p=191911&l=am

[:]

[:am]

Ապրիլի  6-ին՝ ժամը 10:00-ին Կենտրոն և Նորք-Մարաշ վարչական շրջանների ընդհանուր իրավասության դատարանում (դատավոր Մարտիրոսյան Մնացական) քննվելու է իրավապաշտպան Մարինա Պողոսյանի դեմ  ՛՛պատվերի շրջանակներում՛՛ հարուցված   քրեական գործը:  

Խնդրում ենք ներկա գտնվել դատական նիստին և լուսաբանել այն՝ այդպիսով նպաստելով գործի քննության թափանցիկությանն ու օբյեկտիվությանը:

[:en]

On April  06, at 10: 00, the Court of First Instance of Kentron and Nork-Marash Administrative Districts (Judge Mnatsakan Martirosyan) will examine the fabricated criminal case against human rights defender Marina Poghosyan.

Please attend the trial and cover it, thus contributing to the transparency and objectivity of the investigation.

[:]

[:am]Փաստորեն Կենտրոն և Նորք-Մարաշ վարչական շրջանների դատախազի մոտ ներքին համոզմունք է ձևավորված, որ լիազորագրերը կեղծել է փաստաբան Հրանտ Անանյանը, չնայած այն հանգամանքին, որ հանցագործության մասին հաղորդման մեջ ես նման պնդում չեմ արել։

[:]

[:am]

Սյունիքի մարզի բնակչուհի Հասմիկ Սարգսյանը, ով իր ծանոթից գողացել է 10 հազար դրամ ու դատապարտվել 6,5 տարվա ազատազրկման, բազմիցս փորձել է աշխատանք գտնել՝ փողոցներ մաքրել, հավաքարարությամբ զբաղվել, բայց անգամ դա է մերժվել այն հիմնավորմամբ, որ դու հանցանք ես կատարել, փորձաշրջանում ես գտնվում: Այս մասին, այսօր՝ ապրիլի 3-ին, լրագրողների հետ հանդիպման ժամանակ նշել է փաստաբան Մուշեղ Շուշանյանը:

Նրա խոսքով, քրեական օրենսգրքով նախատեսված իրավակարգավորումների տրամաբանության շրջանակում դիտարկելու դեպքում, Հասմիկ Սարգսյանը մինչ այդ նույն արարքի համար 2015 եւ 2016 թվականներին դատապարտված է եղել. «Նրա նկատմամբ սահմանված պատիժը պայմանականորեն չի կիրառվել եւ սահմանվել է փորձաշրջան, իսկ մենք գիտենք, որ եթե այդ փորձաշրջանի ժամանակ անձը հանցանք է կատարում, պայմանական պատիժ չկիրառելու  որոշումը վերացվում է եւ նոր պատժին գումարվում է նախորդ պատժաչափը:

Բայց ինձ համար զարմանալի էր, որ այդ տեսակետը պնդողներից մեկը փորձ անգամ չէր անում հասկանալու Հասմիկ Սարգսյանի նման քայլի պարբերաբար դիմելու շարժառիթները»,-նշեց փաստաբանը:

Նա նկատեց, որ Հասմիկ Սարգսյանը բազմիցս փորձել է նոր աշխատանք գտնել՝ փողոցներ մաքրել, հավաքարարությամբ զբաղվել, բայց դա էլ է մերժվել այն հիմնավորմամբ, որ դու հանցանք ես կատարել, փորձաշրջանում ես գտնվում. «Նրա երեխաները սովամահության եզրին են հայտնվել ու աշխատանք գտնել նրան չի հաջողվում: Այս դեպքում՝ գողությունը դատապարտելի լինել չի կարող, դա հանցանք դիտարկվել չի կարող:

Բոլոր քաղաքակիրթ երկրներում վաղուց այդ դատական պրակտիկան գործում է: Երբ մարդը գողություն է կատարում եւ պարզվում է, որ գողությունը կատարվել է սոված չլինելու, հացի խնդիր լուծելու նպատակով, դա հանցանք չի համարվում: Քաղաքակիրթ երկրներում մտածում են, որ ամենավատ մարդն անգամ սոված չպետք է լինի: Այստեղ Հասմիկ Սարգսյանի եւ նրա երեխաների գոյատեւման իրավունքը միարժեքորեն գերակայում է սեփականության իրավունքին»,-հայտարարեց Շուշանյանը:

Նրա խոսքով, պատժի նպատակը հստակ գրված է օրենքով, իսկ Հասմիկ Սարգսյանին 6,5 տարի ազատազրկելով պատժի նպատակին հասնելը պարզապես անհնար է, որովհտեւ հասմիկ Սարգսյանը չի կարող ուղղվել:

«Պետությունը որոշակի պարտավորություններ է կրում որոշակի սոցիալապես անապահով մարդկանց համար»,-ընդգծեց նա:

Նշենք, որ Հասմիկ պողոսյանը գողությունը կատարելիս խնամքին ունեցել է 3 անչափահաս երեխա, որդին էլ ծառայում է բանակում:

Ավելի վաղ NEWS.am-ը հայտնել էր, որ Սյունիքի մարզի բնակչուհի Հասմիկ Սարգսյանը 3-րդ անգամ է կատարել նույնատիպ դիտավորյալ ծանր հանցագործություն, որի համար նշանակված պատժին մասնակիորեն գումարվել է նախորդ հանցանքների համար նշանակված պատիժների չկրած մասը, եւ արդեն որպես վերջնական պատիժ է նշանակվել ազատազրկումը՝ 6 տարի 6 ամիս ժամկետով:

[:]

[:am]

Մամուլում ու սոցցանցերում բուռն քննարկումների թեմա է դարձել տեղեկությունը, որ 4 երեխայի մայր ու սոցիալական ծանր պայմաններում բնակվող սիսիանցի Հասմիկ Սարգսյանը ծանոթուհու բնակարանից 10 հազար դրամ գողության համար դատապարտվել է 6 տարի 6 ամիս ազատազրկման:

Տարվում են ամենատարբեր համեմատություններ, ու կասկածի տակ է դրվում վճռի արդարացիությունը: Դատապարտված տիկնոջ շահերի պաշտպանությամբ սկսել են զբաղվել իրավապաշտպան կազմակերպություններ, դրամահավաք են սկսել: «Ռադիոլուրը» այսօր լսել է բոլոր կողմերին:

Աուդիո նվագարկիչ

http://www.armradio.am/hy/2018/04/03/snund-2/

« Մի անգամ քաղաքապետարանը շատ շուտ՝ մինչեւ դատավճիռը, օգնել է, դրանից հետո ուր դիմել եմ՝ բոլորը մերժել են: Ամեն տեղ էլ դռները փակ: Վարկ եմ վերցրել 100 հազար, չգիտեմ՝ ոնց պետք է փակեմ»:

Գողությունը չենք պաշտպանում, այլ մարդու ապրելու իրավունքը՝ «Ռադիոլուրին» ասում է Հասմիկ Սարգսյանի շահերը պաշտպանող «Վելես» իրավապաշտպան կազմակերպության ղեկավար Մարինա Պողոսյանը: Կնոջը աշխատանքով ապահովելը կարող էր կասեցնել հանցագործությունը՝ վստահ է: Երեք անչափահաս երեխա ու մեկ զինծառայող որդի ունենալն արդարացնո՞ւմ է հանցագործությունը հարցին Պողոսյանն արձագանքում է՝

« Իսկ որ ազգ-բանակ անընդհատ շահարկում են, լա՞վ է: Հասմիկ Սարգսյանը նպաստ չի ստանում, թոշակ չի ստանում, աշխատավարձ չի ստանում, տուն չունի, վարձով է բնակվում, ինքն էլ առողջական խնդիրներ ունի,  ինչո՞վ պահի իր երեխաներին: Այստեղ պետք է տարանջատենք գողությունը բառը հանապազօրյա հաց ու իր երեխաների կյանքի իրավունքն ապահովելուց»:

Ազատազրկման դատապարտված Հասմիկը երեխաների առողջական խնդիրները փաստում է ամենատարբեր տեղեկանքներով: Որդին էլ ծառայության ընթացքում վիրահատվել է ու ուղարկվել մայրական խնամքի:

«Չեմ ասում, որ ինձ խղճան, ուղղակի ինձանից հետո էդ երեխաներին ո՞վ պիտի պահի: Նրանք խնամքի կարիք ունեն ու հիվանդ են»:

Մեղմացուցիչ հանգամանքների կողքին կա նաեւ պատիժը ծանրացնող հանգամանք՝  Սարգսյանը նախկինում եւս դատապարտվել է գողության համար, այսինքն՝ առկա է առանձնապես վտանգավոր ռեցիդիվ՝ արձանագրում են ՀՀ գլխավոր դատախազությունում: Գլխավոր դատախազի խորհրդական Գոռ Աբրահամյանը նշում է՝ պատիժ նշանակելիս դատարանը մարդասիրական մոտեցում ցուցաբերել է՝ նախկին երկու դեպքում կիրառվել է պայմանական ազատազրկում, սահմանվել է փորձաշրջան: Սակայն կինն անհրաժեշտ հետեւություն չի արել ու հերթական անգամ կանգնել է հանցավոր ուղու վրա:

«3-րդ անգամ է կատարել նույնատիպ դիտավորյալ ծանր հանցագործություն, որի համար նշանակված պատժին մասնակիորեն գումարվել է նախորդ հանցանքների համար նշանակված պատիժների չկրած մասը, եւ արդեն որպես վերջնական պատիժ է նշանակվել ազատազրկումը՝ 6 տարի 6 ամիս ժամկետով»:

Իրավապաշտպան Մարինա Պողոսյանը դատախազության մոտեցմանն արձագանքում է հարցով՝ 6 տարի հետո նույն կնոջը նույն սոցիալական պայմանները չե՞ն խեղդի:

«Չորրորդն էլ է լինելու, հինգերորդն էլ է լինելու, քանի դեռ պետությունը չի ապահովել մարդու նվազագույն պայմանները»:

Ինքը՝ Հասմիկ Սարգսյանը, տարակուսած է ոչ միայն վճռից, այլեւ դատախազ Հայկ Կարապետյանի հայտարարությունից:

«Դատախազն ասում է՝ հարուստի բարձի տակից գնայիր մի կես մլն գողանայիր, քեզ չէի, դատապարտի, կասեի լավ ես արել, բայց էս մեկը համարում եմ ծանր հանցագործություն: Դատի ժամանակ ասածը ձայնագրել ենք»:

Դատախազի հայտարարությունը գլխավոր դատախազի խորհրդական Գոռ Աբրահամյանը չի մեկնաբանում: Իրազեկում է՝ գործն այժմ վերաքննիչ դատարանում է՝ ավարտական փուլում:

[:]

[:am]10 հազար դրամ գողությունը արժեցել է վեցուկես տարվա ազատազրկում: Հասմիկ Սարգսյանը մինչև վերջին՝ 2017 թվականիգողությունը 2015 –ին ու 2017-ին  երկու անգամ ևս կատարել է գողություն, սակայն պատիժը պայմանականորեն չի կիրառվել: Վերջինգողության պատժի սահմանման համար գումարվել են նաև նախորդները: Որքա՞ն են արդարադատությունն ու արդարությունըհավասարազոր ծայրահեղ ծանր պայմաններից դրդված կնոջ գողության պարագայում:

http://www.kentron.tv/news/16481.html[:]